ءىس تىندىرماۋدىڭ ەسىگىن جاۋىپ، حالىق تۇرمىسىنا تيىمدىلىك جەتكىزۋدىڭ تەرەزەسىن اشتى

 
  تىلشىلەرىمىز احات سانياز ۇلى،  ۋاڭ گاۋشىڭ،پان يانچين،  ۋاڭ چىنلياڭ حابارلايدى. «تەلەفون قوڭىراۋى شىرىلدادى...» «ۋاي، سالەمەتسىزبە! ‹جۇمىستى دەرەۋ ءبىتىرۋ›   كەڭسەسى، قانداي ماسەلەنى اڭىس ەتپەكشىسىز؟......» بۇل 8-ايدىڭ 24-كۇنى ءتىلشىمىز قوبىقسارى موڭعۇل اۆتونوميالى اۋدانىنىڭ «جۇمىستى دەرەۋ ءبىتىرۋ» كەڭسەسىنە تىلشىلىك جاساي بارعانىندا كورگەن كورىنىسى.

  2018-جىلى 7-ايدا قوبىقسارى اۋداندىق پارتكوم «جۇمىستى دەرەۋ   ءبىتىرۋ» كەڭسەسىن قۇردى. كەڭسە مەڭگەرۋشىسى يىن دابين اۋداندىق پارتكومنىڭ بۇل شاراسى 2017-جىلى 12-ايدا باس شۋجي شي جينپيڭنىڭ   « ‹ءتورت بۇرىس ستيل› دى تۇزەتۋدى توقتاتىپ قويۋعا بولمايدى، ستيل   قۇرىلىسى ماڭگى جالعاسادى» دەگەن ماڭىزدى نۇسقاۋ رۋحى نەگىزىندە  شىعارىلعاندىعىن ايتتى.

  بيان جياڭجۇن پوچتا-تەلەگراف شاعىن رايوننىڭ تۇرعىنى، 2017-جىلى 10-ايدا شاعىن رايونعا كوشىپ  كەلگەن، شاعىن رايونعا تابيعي گاز   قۇبىرى جەتكىزىلمەگەندىكتەن، تۇرعىنداردىڭ تۇرمىسىنا كوپتەگەن  قولايسىزدىقتار تۋدىرعان ەكەن.

  بيان جياڭجۇن: «تابيعي گاز قۇبىرى بولماعان سوڭ تاماق ىستەگەندە كۇبىلى سۇيىلتىلعان گازدان پايدالانامىز، ايىنا ءبىر كۇبى گاز ىستەتەمىز، ءبىر كۇبى 100 يۋان » دەدى.

  2017-جىلى 12-ايدا تۇرعىندار بيان جياڭجۇندى تۇرعىندارعا ۋاكىل رەتىندە تابيعي گاز قۇبىرىن ورناتۋعا ءوتىنىش بەرۋ ءىسىن بىتىرۋگە كورسەتەدى، اۋداندىق تۇرعىن ءۇي جانە قالا-اۋىل قۇرىلىسى تاراۋى مەن وتىندىق گاز سەرىكتەستىگىنە تالاي رەت اڭىس ەتكەن بولسا دا، ەشقانداي ناتيجە بولمايدى.

  2018-جىلى 8-ايدىڭ 20-كۇنى بيان جياڭجۇن «جۇمىستى دەرەۋ ءبىتىرۋ» كەڭسەسىنە تەلەفون جالعاپ وسى جاعدايدى اڭىس ەتىسىمەن ەكىنشى كۇنى جاۋاپ الادى. 9-ايدىڭ باسىندا تابيعي گاز قۇبىرىن جەتكىزۋ قۇرىلىسى جۇمىسىن باستاپ، 10-ايدىڭ 6-كۇنىنەن باستاپ، 200 دەن ارتىق تۇرعىن تابيعي گازدان پايدالانا باستايدى.

  وسى ءىستى اۋىزعا العاندا، بيان جياڭجۇن كۇنى بۇگىنگە دەيىن سول كۇنگى تەبىرەنىسىن ەسىنەن شىعارا   المادى. ول: «‹جۇمىستى دەرەۋ ءبىتىرۋ› كەڭسەسى اتى-زاتىنا ساي جۇمىس   ءبىتىردى، ونىمدىلىگى دە جوعارى، بىزگە ۇكىمەتتىڭ ستيلگە بۇرىلىس   جاساعاندىعىنىڭ تەبىنى مەن ءونىمىن شىنايى سەزىندىردى» دەدى.

  تابيعي گاز قۇبىرىن جەتكىزۋ ىسىمەن سالىستىرعاندا، بايىنوبا اۋىلى شەمەنەر قىستاعىنىڭ تۇرعىنى اسەمگۇل احاتتىڭ ءىسى كىشى-گىرىم ءىس ەدى، الايدا، «جۇمىستى دەرەۋ ءبىتىرۋ» كەڭسەسى  ۇقساس تەز قارقىنمەن ماسەلەسىن   شەشىپ بەردى.

  2018-جىلى 10-ايدىڭ اياعىندا اسەمگۇلدىڭ 4 جارىم جاسقا كەلگەن قىزىن اۋىلدىق بالالار باقشاسى مىنەزى جاقسى بولماعاندىقتان بالالار باقشاسىنان شىعارىپ تاستايدى. ەرلى-زايىپتى ەكەۋى بالالار باقشاسىنىڭ باستىعى مەن قىستاق پارتيا ياچەيكاسىنىڭ شۋجيىنا بارىپ، جاعداي ايتقانىمەن، جارىم ايعا دەيىن ەش ناتيجە بولمايدى.

  11-ايدىڭ 7-كۇنى كۇيەۋى   جاڭ جيانشين «جۇمىستى دەرەۋ ءبىتىرۋ» كەڭسەسىنە وسى جاعدايدى اڭىس ەتەدى. 11-ايدىڭ 8-كۇنى اۋىلدىق ۇكىمەت، قىستاقتا تۇراتىن قىزمەت اترەتى جانە بالالار باقشاسى بولىپ ءۇش جاقتىڭ  سايكەستىرۋ جيىنىن اشىپ، قىزىن    سول كۇنى بالالار باقشاسىنا قايتادان   قابىلداتادى.

  بيىل 8-ايدىڭ 18-كۇنى شازىعايتى اۋىلى كوكمودۇن قىستاعىنىڭ  تۇرعىنى جاۋ يۇيشياڭ «جۇمىستى دەرەۋ ءبىتىرۋ» كەڭسەسىنە تەلەفون جالعاپ، بىلتىر 9-ايدا 53 مىڭ يۋانعا استىق تازارتقىش ماشيناسىن ساتىپ العاندىعىن، 10-ايدا  قاتىستى راسىمياتتارىن تاپسىرسا دا، كۇنى بۇگىنگە دەيىن قوسىمشا قاراجاتتىڭ قولىنا تيمەگەندىگىن اڭىس ەتەدى.

  كەڭسە قىزمەتكەرى گۇلنار: «تەلەفوندى قابىلداعان سوڭ، اۋداندىق  اۋىل شارۋاشىلىق ماشينالارى تاراۋىنان جاعداي ۇعىستىم، اۋىل شارۋاشىلىق ماشينالارى تاراۋى قۇرىلىم رەفورماسى سەبەبىنەن اۋدان بويىنشا 300 مىڭ يۋان اۋىل شارۋاشىلىق ماشينالارىنا بەرىلەتىن قوسىمشا قاراجاتتىڭ تاراتىلۋى كەشەۋىلدەگەنىن،قازىر ءتارتىپ بويىنشا سالىستىرىپ، ماتەريالدارىن تاپسىرعاننان كەيىن تاراتاتىندىعىن ايتتى» دەدى.

  جاۋ يۇيشياڭ: «‹جۇمىستى دەرەۋ   ءبىتىرۋ› كەڭسەسى شامامەن ءبىر  ساعاتتان اسا بەرە ماعان تەلەفون قايتارىپ، ۇكىمەتتىڭ جاۋابىن جەتكىزدى، كوڭىل كۇيىم دە ورنىعىپ قالدى» دەدى.

    ۇعىسۋعا قاراعاندا، بىلتىر 7-ايدان قازىرگە دەيىن «جۇمىستى دەرەۋ ءبىتىرۋ» كەڭسەسى جۇرتشىلىق اڭىس ەتكەن 306 ماسەلەنى قابىلداپ، 288 ىن ءبىتىرىپ، 18 ىن ءبىتىرۋ ۇستىندە ەكەن.

  يىن دابين: «اۋداندىق پارتكومنىڭ  ‹جۇمىستى دەرەۋ ءبىتىرۋ› كەڭسەسىن قۇرۋى ورگاندارداعى كادرلاردىڭ ءىس تىندىرماۋىنىڭ ەسىگىن جاۋىپ، حالىققا تيىمدىلىك جەتكىزۋدىڭ تەرەزەسىن اشىپ، بۇقارانىڭ مۇددەسىندە كىشى-گىرىم ءىس جوق دەيتىن تانىمدى ناقتىلى تياناقتاندىرىپ، ستيل قۇرىلىسى دەڭگەيىن جوعارىلاتىپ، تىڭ ساتىعا كوتەردى» دەدى.

رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى