ەەڭ جاڭا مازمۇندار
رايونىمىز قالا، اۋىل تۇرعىندارىنىڭ نەگىزدىك ەمدەۋ قامسىزداندىرۋ قارجىسىن توپتاۋ ولشەمىن جوعارىلاتتى
قاجىرلى ەڭبەك پەن مول ونىمگە ماداق
بۇقارانىڭ قيىنشىلىعىن شەشىمدەپ، القاۋعا بولەندى
ستيلگە بۇرىلىس جاساپ، جاۋاپكەرشىلىكتى ناقتىلاندىرىپ، تياناقتاندىرۋدى مىقتى يگەرىپ، ىندەتتەن ساقتانۋ - تىزگىندەۋدەن قامال الۋ شايقاسىن بار كۇشپەن ويداعىداي جۇرگىزىپ، جەڭىسكە جەتۋ كەرەك
رايونىمىز قيىنشىلىعى بار بۇقاراعا 8 ميلليارد 880 ميلليون يۋان قۇتقارۋ، كومەكتەسۋ قارجىسىن ءبولدى
ماسا مەن شىبىندا جاڭا تيپتى ايدارشا ۆيرۋستى تاراتۋدىڭ بيولوگيالىق نەگىزى جوق
مول ءونىم شاتتىعى
ەرىكتى قىزمەت وتەپ، تۇرعىنداردىڭ جۇرەگىن جىلىتتى
رايونىمىزدىڭ ەرەكشە اۋىل شارۋاشىلىعى ونىمدەرى جاسىل ”كۋالىك“ الدى
تونارداي جالىنداعان تۇرمىس
ەرىكتى قىزمەت وتەۋ قالانى مەيىرگە بولەدى
海报|全民都想宠着你
جوعارى دەڭگەيلى جوبالاۋدى كۇشەيتۋ مەن حالىقتىڭ قامىن ويلاۋعا تاباندى بولۋدى بىرلىككە كەلتىرىپ، ءبىر نيەتپەن سەلبەسىپ ”14 - بەسجىلدىق“ جوبانى ويداعىداي جاساۋ كەرەك
اۆتونوميالى رايون مەملەكەتتىك كەڭەستىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ بويىنشا بىرلەسىپ ساقتانۋ، بىرلەسىپ تىزگىندەۋ مەحانيزمى ماماندار گرۋپپاسىمەن اڭگىمە ءماجىلىس وتكىزدى
شەشۋشى شايقاس جۇرگىزۋ بەكىمىمەن ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە باتىل قول جەتكىزۋ كەرەك
ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە جەتۋگە پارمەندى ۇيىمدىق كەپىلدىك ازىرلەۋ كەرەك
جانعا جايلى تۇرعىن ءۇي، باقىتتى تۇرمىس
ىندەتپەن شايقاسۋ جىرىن جازدى
رەفورماعا سۇيەنىپ، جاڭا، كونە قوزعاۋشى قۋاتتاردىڭ اۋىسۋىن جەدەلدەتەيىك
شينجياڭ تەمىر جولىنىڭ بيىلعى جۇك تاسىمال مولشەرى ارتتى
ايماقتىق پارتكوم مۇشەلەر (كەڭەيتىلگەن) ٴءماجىلىسىن اشتى
لياۋنيڭنىڭ شينجياڭعاكومەكتەسۋ جەلى ساۋدا بازارى ساۋداسىن باستادى
زارارسىزداندىرعىشتى جۇيەلى، عىلمي پايدالانايىق
تىڭعىلىقتى ستيل، قاتاڭ ءتارتىپ ارقىلى ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە باتىل قول جەتكىزەيىك
الدىڭعى 7 ايدا تەمىر جولدا ماقتانىڭ تاسىمالدانۋ مولشەرى سايكەس مەزگىلدەگىدەن 80 پايىز ارتتى
ساۋان،شيحۋدىڭ پاميدورى قىزارىپ ماشينامەن جيناۋ جۇمىسى جۇرگىزىلدى
تۇرمىسىمىز بارعان سايىن جاقساردى
شۇرات ورتاسى جاقسارىپ، جىل قۇستارى كوبەيدى
ەرلىكپەن العا باسىپ، ەلىمىز ەكونوميكاسىنىڭ تولقىن جارا العا ىلگەرىلەپ، جوعارى ساپالى دامۋىن ىلگەرىلەتەيىك
جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ جانە تىزگىندەۋدە جەكەلەر ”ءبىلۋدى، سەنۋدى، ىستەۋدى“ ورىنداۋى ءتيىس

باتىر ارىنى ساۋىر ساحاراسىنىڭ داڭقىن اسىردى

جولدانعان ۋاقىتى : 2019/8/30 17:30:12

باتىر ارىنى ساۋىر ساحاراسىنىڭ داڭقىن اسىردى
□ قوبىقسارى اۋدانىنىڭ تولىق كورىنىسى.
 
□ تىلشىلەرىمىز سۇڭ جۇنفاڭ، پان يانچين
 
  العاشقى كۇزدىڭ تاڭەرتەڭى، قوبىقسارى   وزەنىندە بالىقتار شورشىپ، ساۋىر تاۋىنىڭ    قىراندارى كەڭىستىكتە قالىقتاپ، بارشا عالام تىرشىلىك تىنىسىنا شومۋدا. بالالار كەڭ دە جارىق وسىزاماندانعان كلاستا ساباق وقىسا، جاڭا داۋىردەگى كوشپەندى مالشىلار قورا-قالىتقىسى بولەك بەيقۇت ۇيگە كوشىپ كىردى، كۇرەۋ ماشيناسى اپپاق تۇزدى زاۆودقا تاسۋدا ......

  جاڭا جۇڭگو قۇرىلعان 70 جىلدان بەرى،  اسىرەسە، پارتيانىڭ 18-قۇرىلتايىنان بەرى،   باتىرلاردىڭ تۋعان جەرى، جاڭگىر مەكەنى  قوبىقسارى موڭعۇل اۆتونوميالى اۋدانى اۋەلگى ماقساتتى ۇمىتپاي، ۇدەرە العا تارتىپ، قوعامدىق ءتۇرلى ىستەرى جوعارى قارقىنمەن دامىپ، حالىق تۇرمىسىنىڭ ساپاسى بارىنشا جوعارىلاپ، جوڭعار ويپاتىنىڭ باتىس سولتۇستىگىنە ورنالاسقان شاعىن قالادان كوز سۇرىندىرەرلىك جارىق نۇر تارالدى.

  2000-جىلى ءوندىرىس جالپى قۇنى 230 ميلليون يۋان ەدى، 2018-جىلعا كەلگەندە ءوندىرىس جالپى قۇنى 2 ميلليارد 570 ميلليون يۋانعا جەتتى.

  2000-جىلى الەۋمەتتىك مەجە ەسەپ كىرىسى 39 ميلليون 770 مىڭ يۋان ەدى، 2018-جىلعا كەلگەندە الەۋمەتتىك مەجە ەسەپ كىرىسى ءبىر ميلليارد 218 ميلليون يۋانعا جەتتى.

  2000-جىلى ەگىنشى-مالشىلاردىڭ كىسى باسىندىق تازا كىرىسى 1750 يۋان ەدى، 2018-جىلعا كەلگەندە ەگىنشى-مالشىلاردىڭ كىسى باسىندىق تازا كىرىسى 14 مىڭ 998 يۋانعا جەتتى.

  2018-جىلى قالا-قالاشىق تۇرعىندارىنىڭ جۇمساۋعا بولاتىن كىرىسى 26 مىڭ 201 يۋانعا جەتتى.

  بۇل ساندى مالىمەتتەر دامۋدى بەينەلەپ قانا قالماستان، حالىق تۇرمىسىنداعى وزگەرىستەردى اڭعارتۋدا. قوبىقسارى اۋدانىنداعى ءار ۇلت  بۇقاراسى تىعىز ىنتىماقتاسىپ، قول ۇستاسا  كۇرەس جۇرگىزىپ، وسىناۋ دارقان دالادا نە كەرمەتتەردى جاراتىپ، باقىتتى تۇرمىسقا قول جەتكىزدى.

  مول كەن بايلىعى ەكونوميكانىڭ دامۋىن جەبەدى

  «ءتاڭىر قۇت سيلاعان قوبىقسارى» دەگەندەي، ۇلى تابيعات قوبىقسارى اۋدانىنا مول كەن بايلىعىن سيلاعان. تولىقسىز ساناققا نەگىزدەلگەندە،  قوبىقسارى اۋدانى شەكاراسى ىشىندە 30 تۇرگە جۋىق كەن بايلىق قاينارى بارلانىپ انىقتالعان، مۇنىڭ ىشىندە مۇناي، تابيعي گاز، كومىر،  بەنتونيت، تۇز سياقتى 10 تۇردەن ارتىق كەن  ءونىمىنىڭ ساقتالۋ مولشەرى 100 ميلليون توننادان، ءتىپتى، 10 ميلليارد، 100 ميلليارد  توننادان اسادى.

  كەزەكتە، قوبىقسارى اۋدانىنداعى بارلانىپ  انىقتالعان كومىردىڭ جالپى ساقتالۋ مولشەرى 30 ميلليارد 270 ميلليون تونناعا جەتەدى، ونەركاسىپتىڭ  مولشەرى 7 ميلليارد تونناعا جەتەدى، بولاشاقتىق ساقتاۋ مولشەرى 100 ميلليارد تونناعا جەتەدى؛ اۋدان شەكاراسى ىشىندەگى لۋران، شىشي سياقتى مۇنايلىقتاردىڭ جىلدىق مۇناي ءوندىرۋ مولشەرى 3 ميلليون تونناعا جەتەدى؛ تۇزدىڭ ساقتالۋ مولشەرى ءبىر ميلليارد 840 ميلليون توننادان ارتىق بولىپ، اۆتونوميالى  رايونىمىزداعى ءۇش ءىرى تۇز الابىنىڭ ءبىرى؛ انىقتالعان ناتري  نەگىزدى جانە كالتسي نەگىزدى بەنتونيتتىڭ  ساقتالۋ مولشەرى 2 ميلليارد 300 ميلليون توننا بولىپ، شينجياڭداعى بەنتونيت مولشەرىنىڭ  %60 ىن  يەلەيدى.

  تۇز الاڭىنا بارا قالساڭىز، اپپاق تۇز تاۋلارى  زاۆودقا جەتكىزىلىپ، قوراپتالۋدى كۇتۋدە؛ ماحۋ مۇنايلىعىن بارىنشا اشۋدىڭ ورايىن مىقتى يگەرىپ، مۇناي جابدىقتارىن جاسايتىن 3 كاسىپورىندى ەنگىزىپ، 2018-جىلى «لياۋنيڭ. تارباعاتاي» مۇناي  جابدىقتارىن جاساۋ كورگىزبەسى اۋدان قالاشىعىندا وتكىزىلدى؛ قارامايلى  قالاسىنىڭ حيميا-ونەركاسىپ باقشا رايونىمەن   بەلسەنە سەلبەستىك  جاساپ، كاربينول، ەتيل سياقتى نىسان قۇرىلىسىن ىلگەرىلەتتى؛ مۇناي، تابيعي گاز بايلىق قاينارىنا ساۋداگەر باۋراپ، قارجى ەنگىزۋ تەبىنىن ارتتىرىپ، ەلىمىزدىڭ ءىشى-سىرتىنداعى ءىرى   كاسىپورىنداردىڭ مۇنايلىق قۇم كەنىن اشۋىن بارىنشا جەبەدى؛ قوبىقسارى اۋدانى ءبىر تۇتاس جوسپارلاپ،  ورايدى مىقتى يگەرىپ، اۋدان كولەمىندەگى كەن بايلىق قاينارىن ءتارتىپتى تۇردە جالپى تۇلعالىق جاقتان اشۋدا.

  قوبىقسارى اۋداندىق جاراتىلىستىق بايلىق مەكەمەسى پارتيا باسشىلىق گرۋپپاسىنىڭ مۇشەسى،ورىنباسار مەكەمە باستىعى جين يجۇن:  «‹باسىمدىلىققا يە كەن ونىمدەرىنىڭ ءتۇرى كوپ، بايلىق قاينارىنىڭ ساقتالۋ مولشەرى مول بولۋ › اۋدانىمىزدىڭ كەن بايلىق قاينارىنىڭ   ەرەكشەلىگى،كەن كاسىبى شارۋاشىلىعىن دامىتۋ بارىسىندا ءبىز مەحانيزمدە جاڭالىق جاراتۋدى تۇتقا ەتە  وتىرىپ، كەن بايلىق قاينارىن بارلاۋ، اشۋدى عىلىمي جوسپارلاپ، بايلىق قاينارىنىڭ باسىمدىلىعىن ساۋلەلەندىرىپ، بايلىق قاينارىنىڭ  كومەسكى كۇشىن كادەگە جاراتتىق. سونىمەن بىرگە، گەولوگيالىق ورتانى قورعاۋعا باسا ءمان بەرىپ، باياندى دامۋ جولىمەن ءجۇرىپ،  باسىمدىلىققا يە بايلىق قاينارىن باسىمدىلىققا يە كاسىپكە اينالدىرىپ، ەكونوميكانى جوعارى  ساپالى دامىتۋ جولىمەن جۇردىك» دەدى.

  مادەنيەت ساياحاتى ەرەكشە تانىسقى جاراتتى

  8-ايدىڭ 21-كۇنى شاۋەشەك قالاسىنان كەلگەن ساياحاتشى ليۋ جۋان: «مەن ۇلىمدى ەرتىپ ارناۋلى ساياحاتتاعالى كەلدىم، قوبىقسارى اۋدانىنىڭ كورىنىسى كوركەم بولىپ قانا قالماستان، مول تاريحي مادەنيەتكە يە، ءبىز جاڭگىر مادەنيەتىنە مۇراگەرلىك ەتۋ ورتالىعى مەن دۇڭگۇي الاڭىنا بارىپ، كوڭىل كوتەرۋمەن بىرگە،  ءبىلىمىمىزدى مولايتتىق» دەدى.

  قوبىقسارى اۋدانىنا كەلىپ ساياحاتتاۋدى  تاڭدايتىن ساياحاتشىلار بارعان سايىن كوبەيۋدە، ولار بايىرعى جاڭگىر مادەنيەتى تۇنعان ساحارادا ءبىر رەت جىلقىشىنىڭ وبرازىن سومداپ، اتقا قامشى باسىپ قۇيعىتپاقشى؛ كوك اسپاندا قالىقتاعان اقشا بۇلتتى تاماشالاپ، كۇركىرەمە اۋەنىنە قۇلاق ءتۇرىپ، بالبال تاستارمەن  بىرلىكتە تاريحتان القىپ ءوتىپ، جەر مەن كوكتى، ۋاقىت-كەڭىستىك زاڭدىلىعىن سەزىنبەكشى.

  بۇل جەر قاھارمانداردىڭ مەكەنى، جاڭگىردىڭ بەسىگى، بۇل جەر كۇركىرەمەنىڭ اتا جۇرتى، ساۋىردىڭنىڭ ساحناسى، اتباس قوبىز، توپشىر، دومبىرا سياقتى مۋزيكا ءۇنى وسى ارادا ۇرپاقتان-ۇرپاققا جاڭعىرىپ كەلەدى. مول رۋحاني جانە مادەني بايلىعى قوبىقسارى اۋدانىنىڭ ساياحات كاسىبىن دامىتۋداعى ەرەكشە تانىسقىسىنا  اينالدى، جاڭگىر مادەنيەتىنە مۇراگەرلىك ەتۋ ورتالىعى، دۇڭگۇي مادەنيەت باقشا رايونى، ساحاراداعى تاستان ۇيىلگەن قابىر، جوڭعار  بايىرعى قالاسىنىڭ ەسكى جۇرتى سياقتى تاريحي استارى تەرەڭ ساياحات تۇيىندەرى جەر-جەردەن كەلگەن ساياحاتشىلاردى وزىنە باۋراۋدا.

  جۋىق جىلداردان بەرى، قوبىقسارى اۋدانى  ايماقتىڭ «تۇتاس وڭىرلىك ساياحات، ەرەكشەلىكتى كورنەكتىلەندىرۋ، وزەك قالىپتاستىرۋ، جاراتىلىستىق ەكولوگيا» سىندى وي جەلىسىنە ساي، «7 ءبىر ينجەنەرياسىن» ءتۇيىندى ارقاۋ ەتىپ، مادەنيەت، ساياحات بايلىعى  باسىمدىعىنان ويداعىداي پايدالانىپ، «ەپوس جاڭگىر  مەكەنى، ءتاڭىر قۇت سيلاعان قوبىقسارى»   ساياحات تاقىرىبى وبرازى جونىندەگى  ۇگىتتى كۇشەيتتى. ءونىمدى شارالار ارقىلى ساياحات  كاسىبى ورنىقتى دامىدى، قابىلداعان ساياحاتشى سانى ۇزدىكسىز ارتىپ، ساياحات ءونىم قۇنى ۇزدىكسىز جوعارىلادى، 2018 ـ جىلى اۋدان بويىنشا 441 مىڭ 800 ادام رەت ساياحاتشى قابىلداپ، ساياحات كىرىسى 362 ميلليون يۋانعا جەتتى. 

  ۇلتتار ىنتىماعى كوركەم كارتينانى بىرگە كەستەلەدى

  كەڭ دە تاماشا ساحارانىڭ باسىمدىلىعىنڭ   يگىلىگىن كورگەن موڭعۇل-قازاق مالشىلارى   ەجەلدەن بەرى، ءشوپتىڭ  شۇيگىنىن، سۋدىڭ تۇنىعىن قۋىپ، سايىن ساحارادا بىرگە ءبي بيلەپ، ءان ايتىپ، تۇرمىس كەشىرىپ كەلەدى. قىرانى مەن تۇلپارى ءبي بيلەۋگە باۋلىسا، قۇستارى مەن بوران-شاشىنى ولاردى ءان ايتۋعا ەلىتتى، بۇل ارادا  ۇلتتاردىڭ توعىسۋى ۇزاق تاريحقا يە. 

   قوبىقسارى اۋدانى موڭعۇل، حانزۋ، قازاق، ۇيعۇر، تاتار قاتارلى 19 ۇلتتان قۇرالعان. 70 جىلدان بەرى، ءار ۇلت بۇقاراسى تىعىز ۇيىسىپ، ۇدەرە العا ۇمتىلىپ، ۇلتتار ىنتىماعىنىڭ كوركەم كارتيناسىن بىرگە كەسكىندەدى. 

   بايىنشىرقى الەۋمەتتىك اۋماعىنىڭ تۇرعىنى  داۋلەتقان جامساپ اۋدان قالاشىعىنداعى بارلىق وتباسىنا   تانىمالى «قاستەرلى كىسى».  ونىڭ   وتباسى حانزۋ، حۇيزۋ، قازاق، ۇيعۇر، ورىس، تاتار، موڭعۇل سىندى 7 ۇلتتان قۇرالعان، قوبىقسارى اۋدانىنداعى ۇلتتاردىڭ توعىسۋىنىڭ ىقشام كورىنىسى. 

  ءار  جىلى كوكتەم مەرەكەسى، قۇربان ايت، جۇڭچيۋ مەرەكەسى سياقتى ماڭىزدى مەرەكەلەردە وتباسى مۇشەلەرى شينجياڭنىڭ ءىشى ـ سىرتىنان قايتا ورالىپ، ءوز ۇلتىنىڭ كيىم ـ كەشەكتەرىن كيىپ، شيرتپاق، ساڭزى، باۋىرساق سياقتى ءار ۇلت حالقىنىڭ ءدامدى تاعامدارىن داستارقانعا قويىپ، ءيىسى اڭقىعان ءسۇتتى شايدان ءىشىپ، كوپشىلىك شاتتانا بىرگە وتىرىپ، كوڭىلدى   اڭگىمە شەرتەدى، مىنە وسىنداي  ۇزاق ۋاقىتتىق ورتاق تۇرمىس بۇل ۇلكەن وتباسىنىڭ ءتىلىن، ءىشىپ - جەم، ءان -ءبيىن ءوزارا توعىستىرعان.

   سوڭعى جىلدارى، قوبىقسارى اۋدانى ۇلتتار   ىنتىماعىن ەڭ ۇلكەن بۇقارالىق قىزمەت ەتۋدەن  جازباي، پارتيانىڭ ۇلت ساياساتىن جاپپاي دايەكتىلەندىرىپ، «ءبىر ءۇيلى جان، ءبىر قالا»،«بىرگە تۇرۋ، بىرگە ۇيرەنۋ، بىرگە ىستەۋ، بىرگە كوڭىل اشۋ» سىندى ۇلتتار ىنتىماعى يدەياسىن ءار ۇلت بۇقاراسىنىڭ جۇرەگىنە تەرەڭ  ۇيالاتىپ، ۇلتتار ىنتىماعىنىڭ گۇلىن ءار ادامنىڭ جۇرەگىندە قۇلپىرتتى.

  حالىق تۇرمىسىن ارقاۋ ەتىپ، باي-باقىتتى قالا قۇردى

  حالىق تۇرمىسىن الدىمەن ورنالاستىرىپ، حالىق تۇرمىسىنان باستاپ ىسكە كىرىستى.    قوبىقسارى اۋدانى قازىنالىق شىعىستىڭ جانە شينجياڭعا باعىتتامالى  كومەكتەسۋ قارجىسىنىڭ  %70 ىن حالىق تۇرمىسى ينجەنەرياسىنا ىستەتۋگە تاباندى بولىپ، « حالىق  ءۇشىن يگىلىك جاراتىپ، حالىقتى باقىتقا كەنەلتۋ» ۇستانىمىن ورناتىپ، نازاردى حالىق تۇرمسىن قامتاماسىزداندىرۋ جانە جاقسارتۋعا شوعىرلاندىرىپ، ءار ۇلت جۇرتشىلىعى ءۇشىن تاماشا قونىستانۋ ورتاسىن   كۇش سالا جاراتتى.

  اۋدان قالاشىعىنا بارا قالساڭىز، كەڭ دە تازا جولدى، جول جاعاسىنداعى جاسىل جەلەك جامىلعان  تالداردى كورەسىز. جاستار مەن وسپىرىمدەردىڭ مەكتەپتەن  سىرتقى قيمىل ورتالىعىندا وقۋشىلاردىڭ قايشالىسىپ، دەنە تاربيە سارايىنان  سپورتتىڭ قىزىعىنا ەلىتىپ قارا تەرگە مالشىنعان سپورتشىلاردى كەزدەستىرسەڭىز، كۇن ۇياسىنا باتا مۋزيكا ءۇنى اۋەلەپ، دەنە تاربيە الاڭىنان بۇرالا بيگە باسىپ جۇرگەن ءار ۇلت جۇرتشىلىعىن كورە الاسىز.

  «ەجەلدەن تارتىپ، گۇلدەنىپ-كوركەيۋدى  تياناقتاندىرۋدى شىنايى يگەرىپ، ناقتى ىستەۋدى دارىپتەۋ ارقىلى ىسكە اسقان. الەمدەگى ءىرى ىستەردىڭ بارلىعى نازىك جەرلەردەن باستاپ  كىرىسۋ ارقىلى تابىسقا جەتكەن». جاقىنعى جىلداردان بەرى، قوبىقسارى اۋدانى جۇرتشىلىق ەڭ كوڭىل ءبولىپ وتىرعان، ەڭ تىكە، ەڭ رەال ماسەلەلەردى شەشۋگە كۇش سالىپ، حالىق تۇرمىسى ىستەرىن ناقتاپ، جىڭىشكەلىكپەن  ىستەۋ ءۇشىن، 1 ميلليارد 223 ميلليون يۋان قارجى قوستى.

   تۇتاس شينجياڭ بويىنشا 15 جىلدىق تەگىن وقۋ-اعارتۋدى الدىمەن جۇزەگە اسىرىپ، ابزال بايلىقتى ءبىرتۇتاس جوسپارلاپ، 2018-جىلى اۋدان قالاشىعىنداعى 3 ورتا مەكتەپتىڭ بىرىگۋىن ءساتتى ورىندادى؛ كەدەي قيىنشىلىعى بار جۇرتشىلىقتىڭ  اۋىل-قالاشىق  شيپاحانالارىندا جاتىپ  ەمدەلۋدەگى ەسەپتەن  كوتەرۋ سالىستىرماسى %90 كە جەتىپ، اۋدان دارەجەلى ەمدەۋ قۇرىلىمدارىندا بالنيتساعا جاتىپ ەمدەلۋدەگى  ەسەپتەن كوتەرۋ سالىستىرماسى %80 كە جەتتى؛ 2018-جىلى  بەيقۇت ءۇي سالىپ، حالىقتى اۋقاتتاندىرۋ نىسانىنان 556 ءۇي باستاپ  سالىنىپ، لاشىقتار  رايونىنا 371 ءۇيدى  وزگەرتىپ سالدى؛ تۇتاس اۋدانداعى ءار ۇلت جۇرتشىلىعى « وقۋ جاسىنا دەيىنگى تاربيەدەن، ءبىلىم الۋدان، ەڭبەكاقىدان، ەمدەلۋدەن، قارتتار كۇتىمدەلۋدەن، تۇرعىن ۇيدەن، زارۋلەردى كومەكتەن يگىلىكتەندىرۋدى» قامتاماسىز ەتۋ بارىسىندا ورنىقتى تابىستان جانە دامۋ جەتىستىگىنەن يگىلىكتەنىپ، باقىت سەزىمى بارىنشا جوعارىلادى.

  70 جىلدىق ايبىندى جورىق، 70 جىلدا شىت جاڭا تۇسكە ەندى، قوبىقسارىلىقتار باتىرلارعا ءتان ارىن جانە قايتپاس جىگەرمەن تىزە قوسا وتىرىپ، ءبىر نيەتپەن  ىنتىماقتاسىپ، ءتىپتى دە تاماشا بولاشاقتى بەتكە الىپ، ەرلىكپەن العا ىلگەرىلەۋدە.


رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى

 
powered by IlgharCMS 3.2 www.ilghar.cn