ەەڭ جاڭا مازمۇندار
2019- جىلى 9-ايدىڭ 20-كۇنى 218-سان
جۇڭحۋا حالىق رەسپۋبليكاسى ءتوراعاسىنىڭ بۇيرىعى
مەملەكەت ءتوراعاسى شي جينپيڭ ءتوراعا بۇيرىعىنا قول قويدى
نەگىزگى ارقاۋدى كورنەكتىلەندىرىپ، رەتتەۋ-تۇزەتۋگە كىرىسىپ، ناقتى ونىمدىلىگىنە ءمان بەردى
شىنياڭنىڭ اۋىز قۋىسى اۋرۋلارى ماماندارى شاۋەشەككە كەلدى
مادەنيەت-دەنە تاربيە ىستەرى كوركەيە ءتۇستى
تۇرمىسىمىز بارعان سايىن جاقسارا ءتۇستى
شاعانتوعاي: قارجى ۇسىنىلىمىن ارتتىرىپ، ساياحاتتىڭ نەگىزىن بەكەمدەدى
دوستىق داۋرەن رەستورانىنىڭ قاقتامالارى مەن ءدامدى تاعامدارى
2019-جىلى 9-ايدىڭ 19-كۇنى 217-سان
باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، «ۇشتە ۇلگى» بولۋدى امالياتتا ايگىلەپ، ونەگەلى ورگان قۇرۋعا قۇلشىنۋ كەرەك
حاۋىپسىز، تىزگىندەمەلى بولۋعا جانە اشىق، جاسامپاز بولۋعا بىردەي ءمان بەرۋدەن جازباي، قالىڭ حالىق بۇقاراسىنىڭ ينتەرنەت كەڭىستىگىندەگى تابىس سەزىمىن، باقىت سەزىمىن،حاۋىپسىزدىك سەزىمىن جوعارىلاتۋ كەرەك
ايماعىمىز جاراسىمدى، ەكولوگياسى كوركەم، قونىستانۋعا جايلى ورتا جاراتۋعا كۇش سالدى
تەرەڭدەي ۇيرەنىپ، ەگجەي-تەگجەيلى ۇعىنىپ، دەن قويا سالىستىرىپ، شىنايى ىستەدى
سوتسياليستىك وزگەرىس جاساۋدىڭ ورىندالۋى
جۇڭحۋا ۇلتىنىڭ ۇلى شاڭىراعى
جۇڭگونىڭ ءوز جولى جونىندەگى تولعانىس جانە ىزدەنىس
شۇعىلالى مادەنيەتتى ايگىلەپ، وتانعا دەگەن سۇيىسپەنشىلىكتى ءبىلدىردى
مەملەكەتتىك حالىق قۇرىلتايى قۇرىلعاندىعىنىڭ 60 جىلدىعىن قۇتتىقتاۋ جينالىسىندا سويلەنگەن ءسوز
شيحۋ سىراسى ءوندىرىستى قاربالاس جۇرگىزۋدە
نىسانانى ايقىنداپ، نەگىزگى تاقىرىپتىق تاربيەنى جوعارى ساپالى ورىستەتتى
مەملەكەت تۋىن ءىلىپ، مەملەكەت مەرەكەسىن قارسى الدى
شيحۋ: وقۋ-اعارتۋدى بارىنشا دامىتىپ، بۇقاراعا تيىمدىلىك جەتكىزدى
2019-جىلى 9-ايدىڭ 18-كۇنى 216-سان
ءدوربىلجىن اۋدانىنىڭ ساياحات كورىنىس تۇيىندەرى(1)
جۇڭچيۋ مەرەكەسىن قارسى الۋ ۇلتتار ىنتىماعى دوستىق قيمىلىن وتكىزدى
قىزىقتى دەنە تاربيە جارىسىمەن جۇڭچيۋ مەرەكەسىن قارسى الدى
ءدوربىلجىن: «مەيىرىم ايكۇلشەسى» جان شۋاعىنا بولەدى
ءتۇپ نۇسقانى وقىپ، ءماتىندى ۇيرەنىپ، قاعيدانى ۇعىندى
شۇعىلالى تاريحتى ساعىنىشپەن ەسكە الىپ، گۇلدەنۋ ۇلى ءىسىن بىرگە جاراتايىق

اسقار اسۋلاردان اسىپ، تاۋ قويناۋىنداعى 172 مالشىنى كورۋگە باردى

جولدانعان ۋاقىتى : 2019/9/4 16:50:44


□ ەركىنبەك (سولدان ءبىرىنشى) مالشىلاردىڭ مال باعۋ جاعدايىن ۇعىسۋدا.
     (سۋرەتتى ەركىنبەك قامداعان)
 
   □ ءتىلشىمىز يان ۋىنحۋا، ەرىكتى ءتىلشى ۋاڭ سۋيان

   جاياۋ ءجۇرۋ، اتقا ءمىنۋ، تاۋ اسۋ، وزەننەن ءوتۋ، قاتەردەن ساقتانۋ. تاۋ قويناۋىنا باراتىن جول قيىنشىلىق پەن حاۋىپ-قاتەرگە تولى بولسا دا، ەركىنبەك قوجابەك پەن مۇرات ورازبەك ەكەۋى ساتكە بولسا دا دامىلدامادى، ولار تاۋ قويناۋىنداعى 172 مالشىنىڭ وزدەرىنە مۇقتاج ەكەنىن بىلەدى.

   ولار نە ىستەۋگە بارادى؟

    ءاسىلى، ەركىنبەك پەن مۇرات قىستاقتا تۇراتىن كادر جانە قىستاق كادرى. ولار كۇندەلىكتى ىستەتىلەتىن ءدارى ـ دارمەك، ساقتاۋعا قولايلى  ازىق ـ تۇلىك جانە كوكونىستەردى  الىپ، تاۋ قويناۋىنداعى مالشىلاردان حال سۇراۋعا بارادى.

   ءار جىلى 6-ايدىڭ ورتا شەنىندە ساۋان اۋدانى بورتىنكو مال فەرماسى كوكجايداق قىستاعىنىڭ مالشىلارى مالدارىن ايداپ، ۇلۋجان ارتقى تاۋ قويناۋىنا قاراي دەندەپ، جايلاۋعا  شىعىپ، مال باعادى. بيىل دا قىستاقتاعى 172 مالشى بۇرىنعى جىلدارداعىداي 45 مىڭ باس (تۇياق) مالدى ارتقى تاۋعا اپارىپ باققان.

   جەر شالعاي، تاۋ جولى قيىن  بولعاندىقتان، مالشىلار ارتقى تاۋعا  كىرىپ العاننان كەيىن 9-ايدىڭ  سوڭىندا عانا كۇزەۋلىككە كوشەدى. وسى ءۇش ايدان استام ۋاقىتتا مالشىلار سيگنال جوق جانە توك جوق يەن تاۋدا تۇرمىس كەشىرەدى. ولار اتتاناردا ادەتتە ءۇش ايعا جەتەرلىك   ازىق-تۇلىك جانە تۇرمىستىق بۇيىمدارىن الا جۇرەدى.

   8-ايدىڭ ورتا شەنىندە، ساۋان اۋداندىق 2-ورتا مەكتەبىنىڭ  كوكجايداق قىستاعىندا تۇراتىن ءبىرىنشى شۋجيى ەركىنبەك ارتقى تاۋداعى ءتورت مالشىنىڭ 57 قويىن قاسقىر جەپ كەتكەنىن ەستيدى. كۇننىڭ بىرتىندەپ سۋىتۋىنا بايلانىستى اۋىرىپ-سىرقاپ قالاتىن مالشىلار دا كوبەيگەن، ول مالشىلاردىڭ اماندىعىنان قاتتى الاڭداپ، ۇنەمى ىستەتىلەتىن ءدارى-دارمەك، ساقتاۋعا قولايلى ازىق-تۇلىك جانە كوكونىس الىپ، ارتقى تاۋعا بارىپ مالشىلاردى كورۋ بەكىمىنە كەلەدى.

   8-ايدىڭ 15-كۇنى تۇستەن بۇرىن ساعات 10 دا ەركىنبەك تاۋ جولىنا قانىق قىستاق اماندىق قورعاۋ مەڭگەرۋشىسى مۇراتپەن بىرگە جولعا شىعادى. ولار 72 كيلومەتر جول باسىپ، قىستاقتان تيانشان تاۋىنىڭ ەتەگىندەگى ۇلۋجانعا جەتىپ، اۆتوموبيلدەرىن توقتاتىپ، الدىن الا  دايىنداپ قويعان جۇرىسكە شىدامدى اتتارىنا ءمىنىپ، بارلىق زاتتارىن   الىپ، ارتقى تاۋعا قاراي جول الادى.

   «جايشىلىقتا مالشىلار مال ايداپ ءۇش كۇن، ءۇش ءتۇن ءجۇرىپ، ارتقى تاۋداعى جايلاۋعا جەتەدى. ءبىز سالت اتتىمىز دەگەنمەن دە، تاۋدىڭ قۇبىلمالى اۋا رايى مەن  قاتەرلى جولى مەنىڭ ويلاعانىمنان دا قيىن ەكەن» دەيدى تاۋ ىشىنە  ىشكەرىلەي ەنگەندە عانا الدىڭعى جاقتىڭ تار جول، تايعاق كەشۋگە تولى ەكەندىگىن سەزىنگەن  ەركىنبەك.

   ارتقى تاۋدا جابايى شوشقا، ايۋ، قاسقىر سياقتى جابايى حايۋاناتتار ۇنەمى كەزىگىپ قالادى. سوندىقتان قىراعىلىقتى ارتتىرىپ، ساق بولىپ، سۋىت ءجۇرۋ كەرەك.

   ولار ەكىنشى ۇلكەن تاۋدان  اسقاندا قار جاۋىپ، تەمپەراتۋرا كۇرت تومەندەيدى. ۇيدەن شىققاندا ۇستىلەرىنە جەيدە مەن شاپانىن عانا كيگەن ولار دەرەۋ قانجىعاداعى قالىڭ كيىمدەرىن الىپ شىعىپ كيىپ، بويلارىن جىلىتتى.

   ەركىنبەك سول كۇنگى قورقىنىشتى ءساتتى ەسكە الىپ: «سول كەزدە قارلى-بوران سوعىپ،  جالعاستى ءجۇرۋ قيىنعا سوقتى، ءبىز دەرەۋ ىقتاسىن تاۋىپ، بوراننان تاسالاندىق، باعىمىزعا جاراي قار جارىم ساعاتتان كەيىن توقتاپ قالدى» دەدى.

   قارلى-بوران توقتاي سالىسىمەن مالشىلار قونىستانعان وڭىرگە قاراي سۋىت تارتتى، قارىندارى اشسا الىپ جۇرگەن نانىن كەمىرىپ، تۇزدالعان كوكونىسىن جەدى.

   جولدارىنداعى تاسقىن سۋى ورىپ كەتكەن بورقورا وزەنى ولاردى توسقاۋىلدادى.

   حاۋىپسىزدىككە كەپىلدىك ەتۋ ءۇشىن، ولار ارقان الىپ شىعىپ،ءبىر باسىن اتتىڭ موينىنا، ءبىر باسىن بەلدەرىنە بايلادى، سونىمەن بىرگە، ەركىنبەك پەن مۇرات ءبىر ارقاننىڭ ەكى باسىنان ۇستاپ، ءبىرىن-ءبىرى قورعادى.

ول كەزدە تاسقىن سۋ اتتىڭ ساۋىرىن جاۋىپ كەتكەن ەدى، ولار ات ۇستىندە زارە-قۇتتارى ۇشىپ، بورقورا وزەنىنەن ازەر ءوتتى.

   اقىرى 12 ساعات جول ءجۇرىپ، سول كۇنى كەشكى ساعات 10 دا، ءتۇن قاراڭعىلىعى قىسقان ساتتە جاقىن ماڭداعى ءبىر مالشى قوسىنا جەتتى.

   ۇستىلەرىنە قالىڭ مايكە، سىرتىنان مامىق شاپان كيگەن، وزدەرى قاتتى قالجىراعان ەركىنبەك پەن مۇراتتى كورگەن مالشىلار كوزدەرىنە ىستىق جاس الىپ، ولاردى قۇشاقتاپ، باۋىرىنا باستى.

   ارتقى تاۋدىڭ جايلاۋىندا تۇرمىس كەشىرەتىن مالشىلار حابارلاسۋ سيگنالى بولماعاندىقتان، سىرتقى ورتامەن بولعان بايلانىسىنىڭ ءۇزىلىپ قالعانىنا 2 ايدان اسىپ كەتكەن ەدى. جايشىلىقتا توكتەن پايدالانعاندا دا كۇن ەنەرگياسىندىق زاريادتاعىشقا سۇيەنەتىن، پروجەكتور تۇندەگى بىردەن-ءبىر جارىقتاندىرۋ قۇرالدارى. اۋىز سۋلارى وزەن،  تاماقتارى العاش تاۋعا شىققاندا الا كەلگەن كۇرىش، ۇن، ازىقتىق ماي.

   مالشى مۇرال وسپان: «سونشا  الىستان ءبىزدى كورگەلى كەلگەندەرىڭىزگە راقىمەت، ەكى ايدان بەرى سىرتتان كەلگەن اداممەن تۇڭعىش كەزىگۋىمىز. قازىر ناۋقاستانىپ  قالعان مالشىلارعا بەرەتىن ءدارى-دارمەك بولماعاندىقتان، ناۋقاسى، ءتىپتى، اۋىرلاپ كەتتى، بۇل دارىلەردى ءدال ۋاعىندا اكەلدىڭىزدەر. ءوزىمىز الا كەلگەن كوكونىسىمىز الدەقاشان تاۋسىلىپ كەتكەن ەدى، ەندى كوكونىس جەي الاتىن بولدىق» دەدى.

   بۇل جولى ەركىنبەك پەن مۇرات 5 كۇن ۋاقىت جۇمساپ، ارتقى تاۋداعى 6 مال باعۋ ورنىنداعى 172 مالشىدان حال  سۇراپ، اتپەن 900 كيلومەتردەن استام جول باسىپ، مالشىلارعا ءدارى-دارمەك جانە   ازىق-تۇلىك جەتكىزىپ بەردى، سونىمەن بىرگە، باس اماندىعىن قورعاۋ، جابايى حايۋاناتتاردى قورعاۋ سياقتى بىلىمدەردى كەڭىنەن ۇگىتتەدى ءارى مالشىلارمەن بىرلىكتە مەملەكەت تۋىن الىپ، توپتىق   سۋرەتكە ءتۇسىپ، ەستەلىك قالدىردى.

   ەركىنبەك: «وسى رەتكى ارتقى تاۋعا بارعان جول الىس ءارى جاپالى بولعانىمەن، ءبىز پارتيانىڭ قامقورلىعى مەن شاپاعاتىن دەر كەزىندە مالشىلارعا جەتكىزگەندىگىمىز ءۇشىن ەرەكشە قۋانىشتامىز» دەدى.


رەداكتورى : الماگۇل اقاتبەك قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى
 
powered by IlgharCMS 3.2 www.ilghar.cn