ەەڭ جاڭا مازمۇندار
2019- جىلى 9-ايدىڭ 20-كۇنى 218-سان
جۇڭحۋا حالىق رەسپۋبليكاسى ءتوراعاسىنىڭ بۇيرىعى
مەملەكەت ءتوراعاسى شي جينپيڭ ءتوراعا بۇيرىعىنا قول قويدى
نەگىزگى ارقاۋدى كورنەكتىلەندىرىپ، رەتتەۋ-تۇزەتۋگە كىرىسىپ، ناقتى ونىمدىلىگىنە ءمان بەردى
شىنياڭنىڭ اۋىز قۋىسى اۋرۋلارى ماماندارى شاۋەشەككە كەلدى
مادەنيەت-دەنە تاربيە ىستەرى كوركەيە ءتۇستى
تۇرمىسىمىز بارعان سايىن جاقسارا ءتۇستى
شاعانتوعاي: قارجى ۇسىنىلىمىن ارتتىرىپ، ساياحاتتىڭ نەگىزىن بەكەمدەدى
دوستىق داۋرەن رەستورانىنىڭ قاقتامالارى مەن ءدامدى تاعامدارى
2019-جىلى 9-ايدىڭ 19-كۇنى 217-سان
باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، «ۇشتە ۇلگى» بولۋدى امالياتتا ايگىلەپ، ونەگەلى ورگان قۇرۋعا قۇلشىنۋ كەرەك
حاۋىپسىز، تىزگىندەمەلى بولۋعا جانە اشىق، جاسامپاز بولۋعا بىردەي ءمان بەرۋدەن جازباي، قالىڭ حالىق بۇقاراسىنىڭ ينتەرنەت كەڭىستىگىندەگى تابىس سەزىمىن، باقىت سەزىمىن،حاۋىپسىزدىك سەزىمىن جوعارىلاتۋ كەرەك
ايماعىمىز جاراسىمدى، ەكولوگياسى كوركەم، قونىستانۋعا جايلى ورتا جاراتۋعا كۇش سالدى
تەرەڭدەي ۇيرەنىپ، ەگجەي-تەگجەيلى ۇعىنىپ، دەن قويا سالىستىرىپ، شىنايى ىستەدى
سوتسياليستىك وزگەرىس جاساۋدىڭ ورىندالۋى
جۇڭحۋا ۇلتىنىڭ ۇلى شاڭىراعى
جۇڭگونىڭ ءوز جولى جونىندەگى تولعانىس جانە ىزدەنىس
شۇعىلالى مادەنيەتتى ايگىلەپ، وتانعا دەگەن سۇيىسپەنشىلىكتى ءبىلدىردى
مەملەكەتتىك حالىق قۇرىلتايى قۇرىلعاندىعىنىڭ 60 جىلدىعىن قۇتتىقتاۋ جينالىسىندا سويلەنگەن ءسوز
شيحۋ سىراسى ءوندىرىستى قاربالاس جۇرگىزۋدە
نىسانانى ايقىنداپ، نەگىزگى تاقىرىپتىق تاربيەنى جوعارى ساپالى ورىستەتتى
مەملەكەت تۋىن ءىلىپ، مەملەكەت مەرەكەسىن قارسى الدى
شيحۋ: وقۋ-اعارتۋدى بارىنشا دامىتىپ، بۇقاراعا تيىمدىلىك جەتكىزدى
2019-جىلى 9-ايدىڭ 18-كۇنى 216-سان
ءدوربىلجىن اۋدانىنىڭ ساياحات كورىنىس تۇيىندەرى(1)
جۇڭچيۋ مەرەكەسىن قارسى الۋ ۇلتتار ىنتىماعى دوستىق قيمىلىن وتكىزدى
قىزىقتى دەنە تاربيە جارىسىمەن جۇڭچيۋ مەرەكەسىن قارسى الدى
ءدوربىلجىن: «مەيىرىم ايكۇلشەسى» جان شۋاعىنا بولەدى
ءتۇپ نۇسقانى وقىپ، ءماتىندى ۇيرەنىپ، قاعيدانى ۇعىندى
شۇعىلالى تاريحتى ساعىنىشپەن ەسكە الىپ، گۇلدەنۋ ۇلى ءىسىن بىرگە جاراتايىق

قابىر كۇزەتۋشى جاڭ چيۋلياڭنىڭ تۋعان اتا-اناسىنىڭ الدىنداعى ەڭ زور وكىنىشى

جولدانعان ۋاقىتى : 2019/9/4 18:02:42

□ تىلشىلەرىمىز چيۋ گۋاڭشين، يان ۋىنحۋا

  جاڭ چيۋلياڭنىڭ جۇرەگىندە ۇزاقتان بەرى شەشىلمەي كەلگەن تۇيىنشەگى بار، ول اتا- اناسىنىڭ الدىنداعى زور وكىنىشى ەدى.

  ءار رەت اتا مەكەنى شانشيعا تۋىسشىلاي بارعاندا جاڭ چيۋلياڭ ەڭ الدىمەن قابىر  باسىنا توتە بارىپ، اتا-اناسىنىڭ قابىرىن سىپىرىپ، ودان كەيىن قىستاققا بارادى. ول قىستاقتاعى اۋىلداستارىنىڭ ونى وپاسىز دەپ جازعىرۋىنان الاڭداپ، ۇنەمى تاسالانىپ جۇرەتىن ەدى.

 تۋعان اتا-اناسى كوز جۇمعاندا جاڭ چيۋلياڭ ولارمەن اقتىق رەت كەزىگە المادى ءارى جەرلەۋ سالتىنا دا قاتىناسا المادى. بۇل وكىنىش جاسىنىڭ ۇلعايۋىنا بايلانىستى جانىن جەگىدەي جەپ، كوكىرەگىن قاسىرەتتىڭ قارا تاسى باسقانداي كۇي كەشۋدە.

  ناقتىلى جاعدايدى بىلمەيتىندەر جاڭ چيۋلياڭنىڭ اتا-اناسى ساۋان اۋدانى  دۇڭۋان قالاشىعى كازۋان قىستاعىنداعى   يوۋ پيكى مەن جاڭ شيۋجىن ەرلى-زايىپتىلار دەپ ويلايتىن. ءىس جۇزىندە ونىڭ ەكى اتا-اناسى بار، ءبىرى، اتا مەكەنى شانشيداعى تۋعان اتا-اناسى،ەندى ءبىرى، قانداستىق قاتىناسى جوق اتا-اناسى.

 وكىنىش وزەگىن ورتەگەن جاڭ چيۋلياڭ: «مەن شينجياڭداعى اتا-انامدى باعىپ-قاعۋعا ۋادە بەرگەنمىن، بۇعان تۋعان اتا-انامنىڭ رازىلىعىن العانمىن،ۋادەمدە تۇرماسام   بولمايدى، دەسەدە مەنى ومىرگە اكەلىپ، باعىپ-قاققان اتا-اناما ۇياتتىمىن» دەدى.

 1983-جىلى جاڭ چيۋلياڭ جاڭادان توي جاساعان جۇبايىن ەرتىپ، كازۋان قىستاعىنا كەلىپ قونىستانعاننان كەيىن يوۋ پيكى مەن جاڭ شيۋجىن قارتقا بار ىنتا- پەيىلىمەن قارايلاسادى، ال تۋعان اتا-اناسى ءىنىسى مەن اپەكەسىنىڭ كۇتىمىندە بولادى.

  كازۋان قىستاعىنا كەلگەن سول جىلدارى تۇرمىس شارت-جاعدايلارى جاقسى بولماعاندىقتان، 1986-جىلعا كەلگەندە عانا جاڭ چيۋلياڭ جۇبايى مەن ەكى بالاسىن ەرتىپ، اتا مەكەنىندەگى اتا-اناسىنا امانداسا بارادى. ول كەزدە اكەسىنىڭ دەمىكپە ناۋقاسى   اۋىرلاسىپ، دەنساۋلىق جاعدايى جاقسى بولماعاندىقتان، ەكى جىلدا ءبىر رەت اكە-شەشەسىنە امانداسىپ بارىپ تۇردى.

جاڭ چيۋلياڭ: «مەن اتا-انامنىڭ جانىندا بولا الماعان سوڭ، ءار رەت قايتقاندا  بىرنەشە پار كيىم-كەشەك اپارىپ بەرىپ، جانىندا بولىپ اڭگىمەلەسىپ، كەتەرىمدە  ازىن-اۋلاق اقشا بەرىپ كەتەمىن» دەدى.

  جاڭ چيۋلياڭ بەسىنشى رەت تۋىسشىلاي بارىپ كەلگەنىنە كوپ وتپەي، 77 جاستاعى    اكەسى كوز جۇمدى. ول كەزدە تەلەفون  بولماعاندىقتان، تەلەگرامما قابىلداعاندا بەس كۇن ءوتىپ كەتىپ، اكەسىن الدەقاشان جەرلەپ  بولعان ەدى. جۇرەگىن قاسىرەت كەرنەگەن جاڭ چيۋلياڭ قىستاقتىڭ شىعىس باسىنداعى  بيياڭشان تاۋىنا شىعىپ، اتا مەكەنىنىڭ باعىتىنا قاراپ جۇگىنىپ وتىرىپ، ەڭىرەپ جىلاپ: «اكە،وپاسىز ۇلىڭىز ءسىزدى  شىعارىپ سالا المادى، توپىراعىڭىز تورقا بولسىن!» دەپ جۇگىنىپ كوپ وتىردى، ونىڭ جانارى جاسقا شىلانىپ، جۇرەگىنە قانجار قادالعانداي كۇي كەشتى.

  اكەسى كوز جۇمعاننان كەيىن اتا مەكەنىندەگى قارت اناسى جاڭ چيۋلياڭنىڭ  ۋايىمىنا اينالدى، ەكونوميكالىق جاعدايى جار بەرگەندە جۇبايى مەن بالالارىن ەرتىپ اناسىنا امانداسا بارار ەدى.
2003-جىلدىڭ سوڭىندا اتا مەكەنىنە قايتقاندا جاڭ چيۋلياڭ شەشەسىمەن ەڭ سوڭعى رەت قوشتاسۋى بولارىن ويلاماعان ەدى. 2004-جىلى شەشەسى كوز جۇمدى،اعاسى ول كىسىنى جەرلەپ بولعاننان كەيىن حات جازىپ، شەشەسىنىڭ دۇنيەدەن وتەردە جاڭ چيۋلياڭنىڭ شينجياڭداعى قاتتى اۋىرىپ جاتقان يوۋ پيكى اكەسىنە قاراپ جاتقاندىقتان، كوز جۇمار بولسا شاقىرماۋىن تاپسىرعانىن ايتادى.

حاتتى كورىپ بولعاننان كەيىن جاڭ چيۋلياڭنىڭ كوز جاسى كول بولىپ، شەشەسىنىڭ وعان دەگەن تۇسىنىگى مەن كەڭ پەيىلىنە قاتتى اسەرلەندى ءارى اناسىنىڭ الدىندا بالالىق بورىشىن وتەي الماعانىنا قاتتى قىنجىلادى.

 تۋعان اتا-اناسى بىردەي كوز جۇمعاننان كەيىن جاڭ چيۋلياڭ ءوزىن قاتتى كىنالاپ:  «مەن 16 جاسىمدا شينجياڭعا كەلىپ اسكەرگە قاتىناستىم، 23 جاسىمدا اسكەردەن بوساپ اۋىلىما قايتتىم، ءبىر ايدان كەيىن كازۋان قىستاعىنا كەلىپ نوپوسىمدى تىركەپ قونىستانىپ، قىستاقتاعى اتا-اناما قارايلاستىم، تۋعان اتا-اناما بالالىق بورىشىمدى وتەي المادىم، مەن ولارعا ۇياتتىمىن» دەدى.

   شەشەسى قايتىس بولعاننان كەيىن 2007-جىلى جاڭ چيۋلياڭ اتا مەكەنىنە بارىپ، تۇڭعىش رەت شەشەسىنىڭ قابىرىن سىپىردى. ول اعاسىنىڭ الدىندا جۇرەلەنىپ، جىلاپ تۇرىپ تالاي جىلداردان بەرى اتا-اناسىنا قارايلاسىپ كەلگەنىنە راقىمەت ايتتى.

اعاسى ونى تۇسىنگەنىمەن، كورشى-  قولاڭدارى قانداستىق قاتىناسى جوق اتا- اناسىنا قاراپ، تۋعان اتا-اناسىنا قارامايتىن وپاسىز دەپ جازعىردى.

جاڭ چيۋلياڭنىڭ جۇرەگىندەگى قاسىرەت پەن ازاپتى ەشكىم تۇسىنە المايدى، ول  اياۋسىز قاسىرەتتىڭ اشتى وكسىگىن ءوزى عانا سەزەتىن ەدى، ونىڭ اتا-اناسىنىڭ  الدىنداعى زور وكىنىشى ونىمەن ماڭگى سەرىك بولىپ قالا بەردى.


رەداكتورى : الماگۇل اقاتبەك قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى
powered by IlgharCMS 3.2 www.ilghar.cn