شارلاپ تەكسەرۋ كادرلارىنىڭ « ەسەپ داپتەر»ى ماڭىزدى رول اتقاردى
ەرىكتى ءتىلشى ليۋ جيە، ياۋ نا حابارلايدى. «شارلايتىنىمىز ــ ساياسي ەكولوگيا، تەكسەرەتىنىمىز ــ قاعيدا ءتارتىپ، شارلاپ تەكسەرۋ كادرلارى وتكىر سەمسەردى سەرت ۇستاپ، قىزىل سىزىقتى ساقتاۋى كەرەك». شاۋەشەك قالالىق پارتكومنىڭ 4-شارلاپ تەكسەرۋ گرۋپپاسىنىڭ باستىعىنىڭ «شارلاپ تەكسەرۋ ەسەپ داپتەر»ىن اشىپ كورگەنىمىزدە وسىنداي بىرنەشە جول ءسوز جازىلىپتى.
ءار رەتكى شارلاپ تەكسەرۋ باستالاردان بۇرىن شاۋەشەك قالالىق پارتكوم شارلاپ تەكسەرۋ گرۋپپاسىنداعى كادرلارعا ءبىر-ءبىر ەستەلىك داپتەر تاراتىلىپ، ولار مۇنى تاستاماي الا ءجۇرىپ ءاردايىم ەستەلىك الىپ وتىرادى، شارلاپ تەكسەرۋ كادرلارىنىڭ شارلاپ تەكسەرۋ بارىسى شىنايى جازىلۋمەن بىرگە، ىنتا-پەيىلىمەن ىستەگەن قىزمەتى تولىق ايگىلەنگەن، سونداي-اق ولاردىڭ ەسەيۋ، جەتىلۋ بارىسى دا بەينەلەنگەن بۇل داپتەردى ولار «ەسەپ داپتەر»ى دەپ اتاسادى ەكەن.
«ۇيرەنۋ سۇراۋلارى جيناعى» نا اينالدى. جۇمىستى تىندىرىمدى ىستەۋ ءۇشىن، جاقسى قۇرال بولۋى كەرەك، ءار رەتكى شارلاپ تەكسەرۋ جۇرگىزگەندە جاڭا ورىندار، جاڭا مازمۇندار كەزىگەدى. شارلاپ تەكسەرۋ كادرلارى ۇزدىكسىز جاڭالانعان شارلاپ تەكسەرۋدىڭ كاسىپتىك بىلىمدەرىن، ارناۋلى تاقىرىپتاعى تاربيە ساباقتارىنىڭ مازمۇندارىن، «ساقا جاۋىنگەرلەر» دىڭ ۇيرەتكەن تاجىريبەلەرىن ارەدىك ۋاقىتتا وزدىكتەرىنەن ۇيرەنگەندەرىن ەستەلىككە الىپ، ۋاقىت وتە كەلە ۇيرەنۋ سۇراۋلارى جيناعىنا، وقىتۋ قۇرالىنا اينالىپ قىزمەت ونىمدىلىگىن جوعارىلاتىپ، جوعارى ساپالى شارلاپ تەكسەرۋ دوكلاتىن جازۋعا بەرىك نەگىز قالادى.
«ماسەلە ەسەپ داپتەر»ىنە اينالدى. شارلاپ تەكسەرۋ كادرلارى ءار كۇنگى ماتەريال كورۋ، اڭگىمەلەسۋ، ارالاپ تەكسەرۋ-زەرتتەۋ جۇرگىزۋدە بايقالعان ماسەلەنىڭ دەرەگىن دەر كەزىندە «ەسەپ داپتەر»ىنە جازىپ، تالداۋ جاساۋ، تالقىلاۋ ماجىلىسىندە «ەسەپ داپتەر»ىندە جازىلعان ماسەلەلەرگە ءبىر-بىرلەپ سالىستىرىپ، ءسوز-سويلەم بويىنشا پارىقتاندىرىپ، ءتۇرى بويىنشا تالقىعا سالىپ، كەلەسى قادامدا قولدانۋعا ءتيىستى شارالاردى اقىلداسادى. ەستەلىككە الىنعان بۇل ماسەلەلەر جينالا كەلە «ماسەلە ەسەپ داپتەرى» ىنە اينالىپ، تارتىپكە قايشى كەلگەن ماسەلەلەردى اشىققا شىعارۋدىڭ دالەلى بولدى.
«پىكىر داپتەر»ىنە اينالدى. شارلاپ تەكسەرۋ بارىسىندا بۇقارا ەڭ كوڭىل ءبولىپ وتىرعان، ەڭ تىكە، ەڭ رەال مۇددەگە زيان جەتكىزۋ ماسەلەسى دە كەزدەسەدى، شارلاپ تەكسەرۋ كادرلارى مۇنى كوزدەرىمەن كورىپ، كوڭىلدەرىنە ساقتايدى. شارلاپ تەكسەرۋ كادرلارى بۇقارانىڭ اڭىس ەتكەندەرىن قاتىستى ورىنداردان، تاراۋلاردان ۇعىسىپ تۇراقتاندىرعاننان كەيىن «ەسەپ داپتەر» ىنە مۇقيات ەستەلىككە الىپ ماتەريالدىق قۇنعا يە ۇسىنىس-پىكىرگە اينالدىرىپ، ماسەلەنىڭ ساقتالۋىنداعى سەبەپتەر مەن ماسەلەنى شەشۋ ءتاسىلى جونىندە وي قورىتىپ، بىرتىندەپ «پىكىر داپتەر»ىن قالىپتاستىرىپ، شارلاپ تەكسەرىلەتىن ورىننىڭ ءتۇرلى قىزمەتتى ءتارتىپتى ورىستەتۋىن جەبەيتىن اقىل-كەڭەسكە اينالدىردى.
ساناققا نەگىزدەلگەندە، شاۋەشەك قالالىق پارتكوم شارلاپ تەكسەرۋ قىزمەتىن ورىستەتكەننەن بەرى شارلاپ تەكسەرۋ كادرلارىنا 233 دانا «ەسەپ داپتەر»ىن تاراتىپ، قۇپيالىقتى ساقتاۋ تالابى بويىنشا 233 ىن تولىق جيناپ العان؛ «ەسەپ داپتەر»ىنەن 218 ماسەلەنىڭ دەرەگىن بايقاپ، 2180 ماسەلەنى جيناقتاپ، 240 ءتۇرلى ۇسىنىس-پىكىر بەرگەن.
رەداكتورى : الماگۇل اقاتبەك قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى