ءتىلشىمىز سۇڭ جۇنفاڭ،ەرىكتى ءتىلشى بادىڭ حابارلايدى. ءتىلشىمىزدىڭ تەمىر جول تاراۋىنان ۇعىسۋىنا قاراعاندا، شينجياڭ تەمىر جولى 9-ايدىڭ 20-كۇنىنەن باستاپ پويەزدىڭ قاتىناۋ كارتاسىنا رەتتەۋ جۇرگىزەدى ەكەن. مۇنىڭ ىشىندە ۇرىمجىدەن شاۋەشەككە كەشتە جولعا شىعىپ، تاڭەرتەڭ جەتەتىن T9520\T9519 كەزەكتى جاتىن ورىندى ەرەكشە تەز پويەزدەن ءبىر جۇبى قوسىلىپتى.
جاڭادان قوسىلعان پويەزدىڭ ينفورماتسياسى: 9-ايدىڭ 20-كۇنىنەن باستاپ، T9519 كەزەكتى پويەز ءۇرىمجى پويەز بەكەتىنەن ساعات 22 دەن 30 مينۋت وتكەندە جولعا شىعىپ، ەرتەسى تاڭەرتەڭ ساعات 8 دەن 30 مينۋت وتكەندە شاۋەشەك پويەز بەكەتىنە جەتەدى؛9-ايدىڭ 21- كۇنىنەن باستاپ، T9520 كەزەكتى پويەز ساعات 23 تەن 40 مينۋت وتكەندە شاۋەشەك پويەز بەكەتىنەن جولعا شىعىپ، ەرتەسى تاڭەرتەڭ ساعات 9 دان 20 مينۋت وتكەندە ءۇرىمجى بەكەتىنە جەتەدى. جول بويى ماناس، شىحىزى، ساۋان، كۇيتۇن، قارامايلى،تەمىرتام، ءدوربىلجىن پويەز بەكەتتەرىندە توقتايدى. جۇمساق توسەكتى پويەز بەلەتىنىڭ ورتاشا باعاسى 251 يۋان،قاتتى توسەكتى پويەز بەلەتىنىڭ ورتاشا باعاسى 163 يۋان.
جولاۋشىلارعا ءتىپتى دە جاقسى قىزمەت وتەپ،قالىڭ جولاۋشىنىڭ جولاۋشى ءجۇرۋ قاجەتتىلىگىن قاناعاتتاندىرۋ ءۇشىن، شاۋەشەك پويەز بەكەتى پويەزدەردىڭ قاتىناۋ ۋاقىتىنا دا رەتتەۋ جۇرگىزەدى.
شاۋەشەك پويەز بەكەتى پويەزدىڭ قاتىناۋ ۋاقىتىنا رەتتەۋ جۇرگىزگەن ۋاقىتى:
K9855 كەزەكتى پويەز: ءۇرىمجى پويەز بەكەتىنەن ساعات 22 دە جولعا شىعىپ، ەرتەسى تاڭەرتەڭ ساعات 7 دەن 20 مينۋت وتكەندە شاۋەشەك پويەز بەكەتىنە جەتەدى؛ K9856 كەزەكتى پويەز: شاۋەشەك پويەز بەكەتىنەن ساعات 22 دەن 40 مينۋت وتكەندە جولعا شىعىپ، ەرتەسى تاڭەرتەڭ ساعات 8 دە ءۇرىمجى پويەز بەكەتىنە جەتەدى؛ K9857 كەزەكتى پويەز: ءۇرىمجى پويەز بەكەتىنەن ساعات 11 دەن 7 مينۋت وتكەندە جولعا شىعىپ، ساعات 19 دان 50 مينۋت وتكەندە شاۋەشەك پويەز بەكەتىنە جەتەدى؛K9858 كەزەكتى پويەز: شاۋەشەك بەكەتىنەن ساعات 11 دا جولعا شىعىپ، ساعات 19 دان 37 مينۋت وتكەندە ءۇرىمجى پويەز بەكەتىنە جەتەدى؛K9859 كەزەكتى پويەز: كۇيتۇن پويەز بەكەتىنەن ساعات 16 دان 38 مينۋت وتكەندە جولعا شىعىپ، ساعات 22 دەن 11 مينۋت وتكەندە شاۋەشەك پويەز بەكەتىنە جەتەدى؛K9860 كەزەكتى پويەز: شاۋەشەك پويەز بەكەتىنەن ساعات 10 دا جولعا شىعىپ، ساعات 16 دان 16 مينۋت وتكەندە كۇيتۇن بەكەتىنە جەتەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى