ەەڭ جاڭا مازمۇندار
2019- جىلى 9-ايدىڭ 20-كۇنى 218-سان
جۇڭحۋا حالىق رەسپۋبليكاسى ءتوراعاسىنىڭ بۇيرىعى
مەملەكەت ءتوراعاسى شي جينپيڭ ءتوراعا بۇيرىعىنا قول قويدى
نەگىزگى ارقاۋدى كورنەكتىلەندىرىپ، رەتتەۋ-تۇزەتۋگە كىرىسىپ، ناقتى ونىمدىلىگىنە ءمان بەردى
شىنياڭنىڭ اۋىز قۋىسى اۋرۋلارى ماماندارى شاۋەشەككە كەلدى
مادەنيەت-دەنە تاربيە ىستەرى كوركەيە ءتۇستى
تۇرمىسىمىز بارعان سايىن جاقسارا ءتۇستى
شاعانتوعاي: قارجى ۇسىنىلىمىن ارتتىرىپ، ساياحاتتىڭ نەگىزىن بەكەمدەدى
دوستىق داۋرەن رەستورانىنىڭ قاقتامالارى مەن ءدامدى تاعامدارى
2019-جىلى 9-ايدىڭ 19-كۇنى 217-سان
باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، «ۇشتە ۇلگى» بولۋدى امالياتتا ايگىلەپ، ونەگەلى ورگان قۇرۋعا قۇلشىنۋ كەرەك
حاۋىپسىز، تىزگىندەمەلى بولۋعا جانە اشىق، جاسامپاز بولۋعا بىردەي ءمان بەرۋدەن جازباي، قالىڭ حالىق بۇقاراسىنىڭ ينتەرنەت كەڭىستىگىندەگى تابىس سەزىمىن، باقىت سەزىمىن،حاۋىپسىزدىك سەزىمىن جوعارىلاتۋ كەرەك
ايماعىمىز جاراسىمدى، ەكولوگياسى كوركەم، قونىستانۋعا جايلى ورتا جاراتۋعا كۇش سالدى
تەرەڭدەي ۇيرەنىپ، ەگجەي-تەگجەيلى ۇعىنىپ، دەن قويا سالىستىرىپ، شىنايى ىستەدى
سوتسياليستىك وزگەرىس جاساۋدىڭ ورىندالۋى
جۇڭحۋا ۇلتىنىڭ ۇلى شاڭىراعى
جۇڭگونىڭ ءوز جولى جونىندەگى تولعانىس جانە ىزدەنىس
شۇعىلالى مادەنيەتتى ايگىلەپ، وتانعا دەگەن سۇيىسپەنشىلىكتى ءبىلدىردى
مەملەكەتتىك حالىق قۇرىلتايى قۇرىلعاندىعىنىڭ 60 جىلدىعىن قۇتتىقتاۋ جينالىسىندا سويلەنگەن ءسوز
شيحۋ سىراسى ءوندىرىستى قاربالاس جۇرگىزۋدە
نىسانانى ايقىنداپ، نەگىزگى تاقىرىپتىق تاربيەنى جوعارى ساپالى ورىستەتتى
مەملەكەت تۋىن ءىلىپ، مەملەكەت مەرەكەسىن قارسى الدى
شيحۋ: وقۋ-اعارتۋدى بارىنشا دامىتىپ، بۇقاراعا تيىمدىلىك جەتكىزدى
2019-جىلى 9-ايدىڭ 18-كۇنى 216-سان
ءدوربىلجىن اۋدانىنىڭ ساياحات كورىنىس تۇيىندەرى(1)
جۇڭچيۋ مەرەكەسىن قارسى الۋ ۇلتتار ىنتىماعى دوستىق قيمىلىن وتكىزدى
قىزىقتى دەنە تاربيە جارىسىمەن جۇڭچيۋ مەرەكەسىن قارسى الدى
ءدوربىلجىن: «مەيىرىم ايكۇلشەسى» جان شۋاعىنا بولەدى
ءتۇپ نۇسقانى وقىپ، ءماتىندى ۇيرەنىپ، قاعيدانى ۇعىندى
شۇعىلالى تاريحتى ساعىنىشپەن ەسكە الىپ، گۇلدەنۋ ۇلى ءىسىن بىرگە جاراتايىق

ارمان جولىن «مۇسىندەپ»، گۇل ءومىرىن «ايشىقتادى»

جولدانعان ۋاقىتى : 2019/9/9 16:28:03


□ قالىمبەك تامىر ويماسىن جاساۋدا.
   □ ءتىلشىمىز لي يانرۇڭ

   ول ساحارادا ەرجەتكەن ازامات، پەداگوگيكا مەكتەبىن وقىعان،اسەمونەر وقىتۋشىسى بولعان، تاعى اسپيرانت. تامىر ويماشىلىعىنا قىزىعۋشىلىعى مەن اسەمونەر جاعىنداعى تۋما تالانتى كۇشتى ول مەكتەپتەگى قىزمەتىنەن شەگىنىپ، شەتەلگە شىعىپ وقىپ  كەلگەننەن كەيىن تامىر ويماشىلىق كوركەمونەر قىزمەت ورنىن قۇرادى دا جاسامپازدىق جۇمىسىنا قۇنىعا كىرىسەدى. بۇل ازامات شيحۋ قالاسى جاڭا قالا رايونى ءمالى باسقارماسى ونەركاسىپ الەۋمەتتىك اۋماعىنىڭ تۇرعىنى قالىمبەك قۇسايىن.

  بالا كۇندەگى قىزىعۋشىلىعى ەرجەتكەندەگى ارمانىنا اينالدى

   قالىمبەك ىلە وبلىسىنىڭ نىلقى  اۋدانى كىلەڭ اۋىلى ايناباستاۋ قىستاعىندا ومىرگە كەلگەن، بۇل قىستاق تاڭبالى جايلاۋىنا وتە جاقىن قونىستانعان. كىشكەنتايىنان مالشى اكە-شەشەسىنىڭ قاسىندا بولىپ، ساحارادا  ەرجەتكەن ونىڭ ءار كۇنى تاڭعاجايىپ تابيعاتپەن وتە ەتەنە وتكەن ەدى.

   قالىمبەك: «كىشكەنە كۇنىمدە جايلاۋدا ۇنەمى اعاش تامىرىن نەمەسە قۋراعان اعاشتاردى جيناپ اكەلىپ، سوسىن ءوزىمنىڭ بىلگەنىم بويىنشا كىشكەنە پىشاعىممەن ورنەك سالىپ وينايتىنمىن» دەيدى.

   ويىنشىق مىلتىق، ساداق، ايروپلاننان تارتىپ، كۇندە كورىپ جۇرگەن سيىر، ات، قويعا دەيىن ءدال وزىندەي وياتىن قالىمبەكتىڭ كوركەمونەرلىك تابيعي تالانتى ادامدارعا تاڭداي قاقتىرىپ، وسى ءبىر كىشكەنتاي ويىنشىقتارى تۋىس-تۋعان، دوس-جاراندارىنىڭ قاتتى قىزىعۋشىلىعىن تۋدىرادى.

   1997-جىلى الدەقاشان ورتالاۋ مەكتەپتىڭ وقۋشىسىنا اينالعان قالىمبەكتىڭ تامىر ويماشىلىعى ونەرى دە بەلگىلى ورەگە جەتكەن ەدى، ونىڭ اعاشتان ويىپ جاساعان «قازاق ۇلتىنىڭ كيىز ءۇيى» دەگەن تۋىندىسى  شياڭگاڭدىق ءتىلشىنىڭ نازارىنا ىلىگەدى.

   «سول جىلى ول تۋىندىمدى  جاساپ شىعۋعا ءبىر ايعا تاياۋ ۋاقىت جۇمساعانىم انىق ەسىمدە. ءبىر جولى جايلاۋعا كوپتەگەن ساياحاتشىلار كەلدى، سولاردىڭ ىشىندەگى ءبىر ءتىلشى مەنىڭ تۋىندىما ەرەكشە قىزىعىپ، مىڭ يۋانعا ساتىپ الدى» دەيدى قالىمبەك.

   وسىدان كەيىن قالىمبەك تامىر ويماشىلىعىمەن، ءتىپتى، جان سالا  شۇعىلدانادى. قىز قۋار، كوكبار، بايگە... دەيسىز بە، ايتەۋ ميىنداعى نەمەسە ساحاراداعى كورىنىستەردىڭ بارلىعىن اعاش بەتىنە ورنەكتەي بەرەدى.

   ون بەس كۇن ۋاقىت جۇمساپ ويىپ شىققان دومبىراسىن ءبىر قويعا اۋىسادى، مۇنداي ىستەر قالىمبەك ءۇشىن جاي ءبىر ادەتتەگى شارۋا ەدى.

   قالىمبەكتىڭ وسىنداي كەشىرمەلەرى ونىڭ جان دۇنيەسىندەگى كوركەمونەرشى بولۋ ارمانىنا قانات بىتىرەدى.

  قاجىرلىلىقپەن ۇمتىلىپ، داشۋە وقۋ ارمانىنا قول جەتكىزدى

   1999-جىلى قالىمبەك ىلە  ءبىرىنشى پەداگوگيكا مەكتەبىنە قابىلدانىپ، اسەمونەر كاسىبىن وقيدى. مەكتەپتەگى ءۇش جىلدا  قالىمبەك  اسەمونەر كاسىبىن جۇيەلى، جان-جاقتىلى ۇيرەنىپ، اسەمونەرگە بولعان  تانىمى تەرەڭدەي تۇسەدى.

   مەكتەپتەگى كەزىندە كاسىپتىك  وقىتۋشىنىڭ جەتەكشىلىگىندە قالىمبەكتىڭ سىزۋشىلىق ورەسى دە نەداۋىر جوعارىلايدى. ونىڭ سىزعان سۋرەتتەرى «قيمىلسىز زات»، «ادامنىڭ باس ءمۇسىنى» جەكە-جەكە 2001-جىلى، 2002-جىلى مەملەكەتتىك ورتا-باستاۋىش مەكتەپ وقۋشىلارىنىڭ تاڭداۋلى اسەمونەر-حاتكەرلىك جارىسىندا التىن مەدال السا، تامىر ويما تۋىندىسى «قىز قۋار» دا 2002-جىلعى مەملەكەتتىك ورتا-باستاۋىش مەكتەپ وقۋشىلارىنىڭ تاڭداۋلى اسەمونەر-حاتكەرلىك جارىسىندا التىن مەدال قانجىعالايدى.

   2002-جىلى مەكتەپ بىتىرگەن قالىمبەك تۋعان جەرىندەگى ءبىر باستاۋىش مەكتەپتىڭ اسەمونەر وقىتۋشىسى بولادى.

   قالىمبەك: «ءبىر جىلدان استام  ۋاقىت وقىتۋشىلىق ىستەگەنىمدە، قالايدا سۋرەت سىزۋىما كەدەرگى كەلتىرمەيتىن بولعانىمەن، ءبىر ءومىرىمدى تاۋ  قويناۋىندا وقىتۋشىلىقپەن وتكىزۋدى  دۇرىس كورمەدىم» دەيدى.

   2003-جىلى 9-ايدا قالىمبەك اتا-اناسىنىڭ قارسىلىعىنا قاراماستان، تۇراقتى قىزمەتىنەن شەگىنىپ، تۋعان ەل، وسكەن ورتاعا قوش ايتىپ، وقۋ-ءبىلىم ىزدەۋ جولىنا قادام باسادى.

  قالىمبەك: «پەداگوگيكا مەكتەبىندە ءۇش جىل اسەمونەر وقىدىم، مەنىڭ ويىمشا بۇل تۇككە تۇرعىسىز ەدى، ءتىپتى دە جوعارى دەڭگەيدەگى ءبىلىم ورداسىنا ءتۇسىپ،ءبىلىم اسىرۋدى ويلادىم» دەيدى.

   2004-جىلى قالىمبەك قازاقستاننىڭ الماتى قالاسىنداعى ءبىر كوركەمونەر ينستيتۋتىنا ماي بوياۋلى سۋرەت كاسىبىنە وقۋعا تۇسەدى.

   قازاقستانداعى بەس جىل بارىسىندا قالىمبەك ماي بوياۋلى سۋرەتكە ءتىپتى دە تەرەڭ تانىم ورناتىپ، قىزىعۋشىلىعى ارتادى.  ۇزدىكسىز ۇيرەنۋ، ىزدەنىسىنىڭ ارقاسىندا ماي بوياۋلى سۋرەت سالاسىندا وزىنە ءتان دارا ستيلى  قالىپتاسادى.

   سىرت جەردە وقۋ-ءبىلىم سوڭىندا جۇرگەن قالىمبەك اپتا سوڭىندا جانە باسقا دا دەمالىس كۇندەرىندە سىرتقا شىعىپ سۋرەت سىزىپ،كوتەرمە  جۇمىس ىستەپ، ءوزىنىڭ قوس قولىنا سۇيەنىپ اقشا تابادى.

   قالىمبەك: «بەس جىل وقىپ، دوكتورلىعىمدى الدىم، بۇل بەس جىل بارىسىندا ۇيدەن ءبىر تيىن اقشا   المادىم» دەيدى.

   قازاقستاندا وقۋدا جۇرگەن كەزىندە شيحۋلىق بويجەتكەن جانار قادىربەكپەن تانىسادى، ەكەۋى ارالاسا كەلە،ماحاببات بايلاسىپ، 2008-جىلى 10-ايدا باس قۇرايدى.

  شەبەرلىكپەن اعاش ويىپ،زەيىن  قويا سۋرەت سىزدى

   2009-جىلى قالىمبەك مەكتەپ بىتىرگەننەن كەيىن ايەلى ەكەۋى شيحۋ قالاسىنا قايتىپ كەلىپ، ءمالىم ءبىر قاس تاسى دۇكەنىنە جۇمىسقا شىعادى.

  دۇكەننىڭ ساۋداسى ناشار بولعاندىقتان ءارى كاسىپتىك ەرەكشەلىگىن دە ساۋلەلەندىرە المايتىندىقتان،2013-جىلى قالىمبەك قاس تاسى دۇكەنىنەن كەتىپ، تامىر ويماشىلىق كوركەمونەر قىزمەت ورنىن قۇرادى. نەگىزىنەن ماي بوياۋلى سۋرەت سىزۋ، تامىر ويماشىلىعى سىندى كوركەمونەر تۋىندىلارىن جاراتۋمەن اينالىسادى.

   ءارقانداي ءىستى باستاۋ قيىن. قىزمەت ورنى قۇرىلعان العاشقى مەزگىلدە نەگىزىنەن ساۋداسى بولمادى. قالىمبەك بوس ۋاقىتىندا اۋىل-قالاشىقتارعا نەمەسە جاقىن ماڭايداعى تۋان الاڭدارىنا بارىپ، ۇقساماعان اعاش  تامىرى مەن اعاش ماتەريالدارىن ىزدەپ تاۋىپ، تاسىپ اكەلگەن سوڭ ءوزىنىڭ مول قيالداۋ قابىلەتى مەن كوركەمدىك تاسىلىنەن پايدالانىپ، قولمەن مايدالاپ، مانەرلەپ، قۇنتتاپ ويىپ، ءار ءتۇرلى ادەمى اشەكەي  بۇيىمداردى جاساپ شىعادى.

   قالىمبەك: «العاشىندا ساۋدامىز جاقسى بولمادى، ايەلىم ۇيدە بالا  قارايدى، اقشا جوق كەزدە سىرتقا شىعىپ ۇساق-تۇيەك جۇمىس  ىستەپ، اقشا تاۋىپ، وتباسىمدى  اسىرادىم» دەدى.

    تيەۋ-ءتۇسىرۋ جۇمىسشىسى بولعان،ەگىس جۇمىستارىن ىستەگەن،ماقتا تەرگەن... ايتەۋ اقشا تاباتىن جۇمىس بولسا بولعانى قالىمبەك ءبارىن دە جانىن سالا ىستەگەن.

   قالىمبەك كۇندىز اقشا تاۋىپ مۇرنىنا سۋ جەتپەي ابىگەرگە تۇسسە،كەشتە جاسامپازدىقپەن بەرىلە اينالىسىپ، كوركەمونەرگە بولعان ىزدەنىسىن ءبىر ءسات تە توقتاتپاعان.

   2015-جىلعا كەلگەندە قالىمبەكتىڭ تامىر ويماشىلىعى كوركەمونەر قىزمەت ورنىنىڭ ساۋداسى جاندانا باستايدى. كوپتەگەن الارماندار تامىر ويما تۋىندىلارىنا الدىن الا زاكاز  بەرەدى، ساتىپ الادى، ونىڭ ماي بوياۋلى سۋرەتتەرى دە كاسىپتىك   ادامداردى مويىنداتادى.

   وسى بىرنەشە جىلداعى قالىمبەكتىڭ تۋىندىلارىنىڭ ىشىندەگى ەڭ قىمباتقا ساتىلعانى التىن ايداعار اشەكەي بۇيىمى، بۇل ءارى ءوزىنىڭ دە ءبىرشاما كوڭىلى تولاتىن تۋىندىسى ەدى.

   «ول التىن ايداعاردى ەكى اي دەگەندە ارەڭ ويىپ، ورنەكتەپ بولعام، كەيىن شيحۋ قالاسىنداعى ءبىر كارحانانىڭ قوجايىنى 26 مىڭ يۋان اقشاعا ساتىپ الىپ كەتتى» دەدى قالىمبەك.

   تاياۋدا قالىمبەك 2019-جىلعى شاڭحاي حالقارالىق قولونەر-اسەمونەر سارا تۋىندىلار كورمەسىنىڭ شاقىرتۋىن تاپسىرىپ الدى، الايدا ول بۇل    ورايدان باس تارتتى.

   قالىمبەك: «شاڭحايداعى كورمەگە قاتىناسۋدى قاتتى ارمانداعانمىن،ءبىراق ءار ءتۇرلى سەبەپتەرمەن بارا المايتىن بولدىم، ءبىر جاعىنان، اقشا دا كوپ جۇمسالادى، ەندى ءبىر جاعىنان،  ءوزىمنىڭ قابىلەتىمدى ءالى دە جوعارىلاتۋىم كەرەك دەپ بىلەمىن» دەدى.

   بۇل كۇندەر قالىمبەكتىڭ تامىر ويماشىلىعى مەن ماي بوياۋلى   سۋرەتكە دەگەن قىزعىندىلىعى    ەسىل-دەرتى اۋا قۇنىققان وزگەشە دارەجەگە جەتكەن.

   جانار: «جولداسىمنىڭ كەي كەزدەرى ءبىر تۋىندى ويىپ شىعۋ   ءۇشىن، ءتۇن بويى كوز ىلمەي، توقتاۋسىز ورنەك سالۋمەن، اسەمدەۋمەن بولاتىن كەزدەرى بولادى» دەدى.    قازىر قالىمبەكتىڭ قىزمەت ورنىنىڭ قاريدارلار شوعىرى كۇيتۇن، مايتاۋ، قارامايلى سياقتى جەرلەردى قامتيدى. قالىمبەك ءار جىلى نەشە ونداعان تامىر ويما ويىپ، ماي   بوياۋلى سۋرەت تۋىندىسىن سىزادى ءارى ساتادى.

   2018-جىلى 9-ايدا قالىمبەك جەتىنشى كەزەكتى شينجياڭ جاستار كاسىپ جاراتۋ، جاڭالىق اشۋ جارىسى ءارى بەسىنشى كەزەكتى جۇڭگو جاستارى جاڭالىق اشۋ، كاسىپ جاراتۋ جارىسىنىڭ شينجياڭ جارىس رايونىنداعى سارالاۋ كەزەڭىندە بەت -بەينەسى تاڭداۋلى  بولىپ، 150 مىقتىنىڭ قاتارىنا داڭقپەن ەنەدى؛ بيىل جەتىنشى ايدا تارباعاتاي ايماقتىق بەسىنشى  كەزەكتى جاستار كاسىپ جاراتۋ، جاڭالىق اشۋ جارىسىندا ءۇشىنشى دارەجەلى سيلىقتى السا؛ ماي بوياۋلى سۋرەتى  «روزا گۇلى» مەن «بالىق ارۋ» كاسىپتىك ادامداردىڭ العىسىنا بولەنگەن.

   قالىمبەك: «كاسىپ كولەمىمدى  ءتىپتى دە ۇلعايتىپ، بىرنەشە شاكىرت قابىلداپ، تامىر ويماشىلىق ونەرىن ۇرپاقتارعا جالعاستىرۋدى ويلاستىرۋدامىن، تاعى بىرنەشە تاڭداۋلى تامىر  ويماسىن جاساپ، شينجياڭ ەرەكشەلىگىنە يە سۋرەتتەر سالىپ، ءوز تۋىندىلارىمدى شينجياڭنان سىرتقا شىعارۋدى جوسپارلاپ وتىرمىن» دەدى.


رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى


 
powered by IlgharCMS 3.2 www.ilghar.cn