ەەڭ جاڭا مازمۇندار
ەلەۋلى ىندەتتەن ساقتانۋ - تىزگىندەۋ ءتۇزىلىس - مەحانيزمىن كەمەلدەندىرىپ، مەملەكەتتىڭ الەۋمەتتىك دەنساۋلىق ساقتاۋ شۇعىل جاعدايعا توتەپ بەرۋ - باسقارۋ جۇيەسىن اقاۋسىزداندىرۋ كەرەك
ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسى جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ قىزمەتىن زەرتتەگەندە سويلەنگەن ءسوز
قالىپتى ەكونوميكالىق، قوعامدىق ءتارتىپتى شىنايى قورعايىق
ىندەتتەن ساقتانۋ - تىزگىندەۋ قىزمەتتەرىن تيتتەي دە بوساڭسىماي ويداعىداي يگەرەيىك، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە قول جەتكىزىپ، ەكونوميكالىق، قوعامدىق دامۋ نىساناسىن قۇلشىنا جۇزەگە اسىرايىق
ۇيدەگى مەديتسينالىق باقىلاۋدى قالاي ىستەۋ كەرەك
«84» زارارسىزداندىرۋ سۇيىقتىعىن ورىندى پايدالانايىق
ولار ءبىزدىڭ تۇرمىسىمىزدى قورعاۋشىلار
زارارسىزداندىرۋدا سپيرتتى دۇرىس ىستەتە ءبىلىڭىز
ىندەتتىڭ كۇماندى بەلگىسى بارلار ۇيدە قالاي اۋاشالانادى
قايتا ورالۋ ساپارىنداعى قورعانۋ باعدارلاماسى
قىزمەتكە شىققان كۇنى مىنالاردى ەستە بەرىك ساقتاڭىز
جەكەلىك اۆتوكولىكتى ساقتاۋ ۋاقىتتىق باعدارلاماسى
ۆيرۋس دەنەگە كىرگەننەن كەيىنگى 48 ساعات
ماسكىنى قالاي تاعۋ كەرەك
ىندەتتەن ساقتانۋدا بارلىق ادام ىستەۋگە ءتيىستى 8 ءىس
جاڭا تيپتى ايدارشا ۆيرۋس وكپە قابىنۋ ىندەتىنىڭ جاعدايىنا تالداۋ جاسادى، ساقتانۋ - تىزگىندەۋ قىزمەتىن كۇشەيتۋدى اقىلداستى
ىندەتتەن ساقتانۋ - تىزگىندەۋ قىزمەتىن عىلىم رۋحىمەن ويداعىداي ىستەيىك
نەگىزگى ساتى كادرلارىنىڭ زەيىن - زەردەسىن ىندەتتەن ساقتانۋ - تىزگىندەۋدىڭ ءبىرىنشى شەبىنە نەعۇرلىم كوبىرەك جۇمسايىق
باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، ىندەتتەن ساقتانۋ - تىزگىندەۋ حالىقتىق شايقاسىنىڭ، جالپى تۇلعالىق شايقاسىنىڭ، توسقاۋىل شايقاسىنىڭ جەڭىسىنە باتىل قول جەتكىزەيىك
ىندەتپەن شايقاستا ۇيىمداستىرۋ بولىمدەرى جابال اتتانىسقا كەلدى
اناعۇرلىم بەرىك سەنىممەن، اناعۇرلىم قايسار جىگەرمەن، اناعۇرلىم باتىل شارالارمەن ىندەتتەن ساقتانۋ - تىزگىندەۋ حالىقتىق شايقاسىنىڭ، جالپى تۇلعالىق شايقاسىنىڭ، توسقاۋىل شايقاسىنىڭ جەڭىسىنە باتىل قول جەتكىزۋ كەرەك
قاراستى جەر جاۋاپكەرشىلىگىن مىقتاپ نىعايتايىق
رايونىمىزداعى ورتا، باستاۋىش مەكتەپتەر جەلىدە وقىتۋ تاسىلىمەن ساباق باستايدى
كاسىپورىنداردىڭ جۇمىستى قايتا باستاۋ كەزىندەگى جۇمىستاندىرۋ قىزمەت وتەۋىن ويداعىداي ىستەۋ كەرەك
ىندەت راقىمسىز بولعانىمەن، الەۋمەتتىك اۋماق سۇيىسپەنشىلىككە تولدى
كەدەيلىك «قالپاعىن الىپ تاستاعان» كەدەي وتباسى پارتيانىڭ قامقورلىعىن ۇمىتپاي، ىرىقتىلىقپەن جىلۋ اتاپ، ىندەتكە قارسى تۇردى
سەنىمدى بەكەمدەپ، دالمە - ءدال شارا اتقارىپ، زاڭ بويىنشا ساقتانىپ - تىزگىندەپ، بىرلەسىپ ساقتانىپ، بىرلەسىپ تىزگىندەپ ءبىر نيەتپەن جۇمىلا ىندەتتەن ساقتانۋ - تىزگىندەۋدىڭ حالىقتىق شايقاسىنىڭ جەڭىسىنە باتىل قول جەتكىزەيىك
سەنىمدى بەكەمدەپ، ىندەتتەن ساقتانۋ-تىزگىندەۋ توسقاۋىل شايقاسىنىڭ جەڭىسىنە باتىل قول جەتكىزەيىك
«مەن پارتيا مۇشەسىمىن،مەن الدىمەن بارايىن»
ىندەتتەن ساقتانۋ - تىزگىندەۋ قىزمەتىندەگى فورماشىلدىق، تورەشىلدىك ماسەلەلەرىن قاتاڭ ءتارتىپ ارقىلى باتىل جونگە سالۋ كەرەك

قابىر كۇزەتۋشى جاڭ چيۋلياڭ قۇرباننىڭ تۋىستارىن ىستىق ىقىلاسپەن قارسى الدى

جولدانعان ۋاقىتى : 2019/9/12 13:35:38

)9(كوڭىلىندەگى قاھارماندار ءۇشىن قابىرلارىن 36 جىل كۇزەتتى» اتىنداعى جەلىلەس حابار»★

  تىلشىلەرىمىز چيۋ گۋاڭشين،   يان ۋىنحۋا، لي ۋىنحۇڭ

  9-ايدىڭ 8-كۇنى ساۋان اۋدانى پويەز بەكەتىندە قولىنا «گۋ كىراڭ قۇرباننىڭ تۋىستارى مەن جاڭ چيۋلياڭمىن» دەگەن جازۋ جازىلعان تاقتايشا ۇستاعان جاڭ چيۋلياڭ مەن ونىڭ  وتباسىنداعىلار الدىڭعى جاققا قادالا  قاراپ، شالعايدان ازا بىلدىرۋگە كەلگەن گۋ كىراڭنىڭ  تۋىستارىن تاقاتسىزدانا كۇتىپ تۇردى.

  ساعات 10نان 10 مينۋت وتكەندە جولاۋشىلار پويەزى ساۋان بەكەتىنە باياۋ جىلجىپ توقتاي بەرە جاڭ چيۋلياڭ پويەزدىڭ تەرەزەلەرىن بىردەن شولىپ، قۇرباننىڭ الىستان كەلگەن تۋىستارىن ىزدەي باستادى. گۋ كىراڭنىڭ 89 جاستاعى قارت اناسى ساۋ شۋجىن بالالارىنىڭ سۇيەۋىندە پويەزدەن تۇسكەندە، جاڭ چيۋلياڭ دەرەۋ الدىعا ۇمتىلىپ، ونىڭ قولىن ۇستاپ: «شەشەي، مەن جاڭ چيۋلياڭمىن، جەتتىڭىز بە ايتەۋ» دەدى.

  جاڭ چيۋلياڭ قارت انامەن امانداسا ءجۇرىپ، ونى الدىن الا دايىنداپ قويعان دوڭگەلەكتى ورىندىققا   وتىرعىزدى، ونان سوڭ گۋ كىراڭ قۇرباننىڭ 7 تۋىسىمەن بىرگە   اۆتوموبيلگە وتىرىپ، دۇڭۋان قالاشىعى كازۋان قىستاعىنىڭ بەيياڭ تاۋىنىڭ  ەتەگىندەگى گۋ كىراڭنىڭ قابىرىنا   اتتاندى.

  جول كۇدىر بولعاندىقتان،اۆتوموبيل گۋ كىراڭنىڭ قابىرىنىڭ باسىنا جەتە المادى، بىرنەشە جاۋىنگەر قارت انانى كوتەرىپ قابىرعا قاراي باياۋ بەتتەدى.  بەيياڭ تاۋىنداعى قۇلپىتاس قۇرباننىڭ تۋىستارىنىڭ كوزدەرىنە تۇسكەندە  مانادان ءۇنسىز كەلە جاتقان قارت انا ەگىلىپ قويا بەردى،كۇڭىرەنگەن ءۇن بارشانىڭ جانارىن جاسقا مالدى. سوڭعى ءسات ۇلار-شۋ قاسىرەتتى جىلاۋعا  اۋىستى.

«كىراڭ، شەشەڭ سەنى كورگەلى كەلدى»
«ءىنىم، كەش كەلىپ قالدىق»
«اعا، سەن كەتكەلى 43 جىل   بولدى»

  قارت انا ۇلىنىڭ قۇلپىتاسىن ايالاي سيپاپ ەگىلە ءتۇستى. قۇرباننىڭ 6  اعا-ءىنى، اپەكە-قارىنداسى قۇلپىتاستىڭ الدىنا جۇگىنە وتىرىپ تالاي جىلدىق ساعىنىش شەرلەرىن توكتى.

  ازىناعان جەلگە ەگىلگەن ءۇن  قوسىلىپ، بەيياڭ تاۋىن جاڭعىرتتى.

  قارت انانىڭ قاسىرەتتى حالىن  كورگەن جەرلىك ورىندا تۇراتىن  اسكەري ءبولىمنىڭ كوماندير-جاۋىنگەرلەرى قاتارعا ءتىزىلىپ، وعان  اسكەري قۇرمەت ءبىلدىردى.

  «مەملەكەتىمىز سەنى ۇمىتقان جوق، اسكەري قوسىن سەنى ۇمىتقان جوق، جاقىندارىڭ سەنى ۇمىتقان جوق، ولار ءوزىڭدى كورگەلى كەلدى، الاڭسىز بول» دەدى جاڭ چيۋلياڭ گۋ كىراڭ قۇرباننىڭ قۇلپىتاسىنا قاراپ كوز جاسىن كولدەتىپ.

   گۋ كىراڭ قۇرباننىڭ تۋىستارى كوز جاستارىن كولدەتە ءجۇرىپ قۇلپىتاستىڭ الدىنا گۇل قويدى، قۇلپىتاستى سيپاپ، قابىردىڭ توپىراعىنان ۋىستاپ الدى، قۇلپىتاسقا قاراپ ءبىر-بىرلەپ باس ءيىپ، تاعزىم ەتىپ، كوز  جاستارىن كولدەتىپ، ءالسىن-ءالى  ارتتارىنا بۇرىلا قاراپ، قابىر باسىنان قيماستىقپەن باياۋ اتتاندى.

  جاڭ چيۋلياڭ گۋ كىراڭنىڭ تۋىستارىن ۇيىنە ەرتىپ اپارىپ، اۋىلداستارى الدىن الا كومەكتەسىپ دايىنداعان داستارقانعا وتىرعىزدى. اسىلعان قوي ەتى، تورە تاباق تاۋىق ەتى، قۋىرىلعان بالىق سياقتى 20 نەشە ءتۇرلى شينجياڭنىڭ ءدامدى قۋىرماشتارى مەن شانشيدىڭ ءدامدى قۋىرماشتارى ارت-ارتىنان داستارقانعا شىعىپ، گۋ كىراڭنىڭ تۋىستارىنا جاڭ چيۋلياڭ وتباسىنداعىلاردىڭ شىنايى پەيىلى مەن دارقان كوڭىلىن سەزىندىردى.

  داستارقان ۇستىندە جاڭ چيۋلياڭ ساۋ شۋجىن قارتتىڭ قاسىندا وتىرىپ، ونىڭ كوڭىلىن اۋلاپ، قۋىرماشتاردان ءالسىن-ءالى الىپ بەرىپ، گۋ كىراڭ قۇرباننىڭ تۋىستارىن ىقىلاسپەن كۇتتى.

  ساۋ شۋجىن قارت وتباسىنداعىلارعا: «ول وتە جاقسى ادام ەكەن، شىنىندا جاقسى ادام ەكەن» دەپ قايتا-قايتا ايتىپ وتىردى.

  گۋ كىراڭ قۇرباننىڭ تۋىستارى ارت-ارتىنان ورىندارىنان تۇرىپ، اراق ستاكاندارىن نەمەسە شاي شىنىلارىن كوتەرىپ جاڭ چيۋلياڭعا  ريزاشىلىقتارى مەن العىستارىن جاۋدىردى. توست  قاعىستىرۋ بارىسىندا ءبىر ءۇيلى   جاندارداي جاقىنداستى، تاعى وتباسىلىق سۋرەتكە ءتۇسىپ ەستەلىك قالدىردى.

  جاڭ چيۋلياڭ شەشەيدىڭ قاتتى شارشاۋىنان الاڭداپ، تاماقتان كەيىن  ايەلى حى فۋرۇڭ ەكەۋى قاريانى   سۇيەپ، دايىنداپ قويعان جاتىن ۇيدە دەمالدىردى. شانشي تىلىمەن شەشەسىمەن شۇيىركەلەسكەندە، قاريا بىرتىندەپ مۇڭنان ايىعىپ، جۇزىنە كۇلكى ۇيىرىلەدى.

  گۋ كىراڭنىڭ تۋىس-تۋعاندارى  ونىڭ اسكەردە تۇرعانداعى اسكەري  ءبولىمىن كورۋدى ارماندايتىن، تۇستەن كەيىن جاڭ چيۋلياڭ جانە «ۇعىسۋ، تيىمدىلىك جاساۋ، توعىستىرۋ» قىزمەت اترەتى، دۇڭۋان قالاشىعىنىڭ باسشىلارى، سونداي-اق قىستاق كادرلارىنىڭ  سەرىك بولۋىندا، سول ورىنداعى   اسكەري بولىمگە كەلەدى.

   اسكەري بولىمدە ولار كازارما، جاتتىعۋ الاڭى، اسكەري ءبولىم تاريح سارايىن ەكسكۋرسيالاپ، اسكەري   ءبولىم جاساعان كەسكىندەردى كوردى ءارى «گۋ كىراڭنىڭ تۋىستارىنىڭ  امانداسا كەلگەندىگىن قارسى الۋ»  اڭگىمە جيىنىنا قاتىناستى.

  اڭگىمە جيىنىندا گۋ كىراڭ قۇرباننىڭ تۋىس ـ تۋعاندارى ءبىر-بىرلەپ   العىستارىن بىلدىرەدى.

    «جاڭ چيۋلياڭنىڭ وسىنشاما كوپ جىلدان بەرى اعامنىڭ قابىرىن كۇزەتىپ كەلگەنىنە، امالىن تاۋىپ مەنى ىزدەپ، مەنىمەن بايلانىس جاساپ كەلگەنىنە، سونداي ـ اق كوڭىلدەگىدەي ورنالاستىرعانىنا راقىمەت ايتامىن،وتە اسەرلەندىم» دەيدى گۋ كىراڭ قۇرباننىڭ  ءىنىسى گۋ چىڭراڭ.

  تۋىس–تۋعاندارى سول ورىنداعى اسكەري ءبولىمنىڭ كوماندير-جاۋىنگەرلەردى جىبەرىپ وزدەرىن قارسى الىپ، شەشەيدى جەتكىزىپ سالىپ، گۋ كىراڭنىڭ قابىرىن سىپىرعاندارىنا؛ ساۋان اۋدانىنداعى باسشىلار مەن   قوسىننان شەگىنگەن اسكەريلەر مەكەمەسىنىڭ مۇقيات ورنالاستىرعانىنا؛ دۇڭۋان قالاشىعىنداعى باسشىلاردىڭ ويداعىداي قىزمەت وتەگەنىنە؛ قىزمەت اترەتى مەن قىستاق كادرلارىنىڭ جول بويى سەرىك بولعانىنا؛ اقپارات   قۇرالدارىنىڭ ۇگىتتەگەنىنە، ساۋانعا  كەلىپ تۋىستارىنا ازا ءبىلدىرۋ تىلەگىن ىسكە اسىرۋلارىنا جاعداي جاراتقانىنا العىس ايتتى.

  اسكەري بولىمنەن جاڭ چيۋلياڭنىڭ ۇيىنە دەيىن ەكى وتباسى شاتتانا   اڭگىمەلەسىپ، ايرىلماس تۋىسقا اينالدى.

  ەرتەسى تاڭەرتەڭ جاڭ چيۋلياڭ  وسى تۋىستارىن باستاپ قىستاق   تۇرعىندار كوميتەتىنە بارىپ، مەملەكەت تۋىن شىعارۋ سالتىنا قاتىناستىرىپ،  ولارعا مەملەكەت ءانى ىشىندە ءبىر رەت وتانشىلدىق تاربيە الدىرىپ، شاعىن قىستاقتىڭ وتانشىلدىق سۇيىسپەنشىلىگىن سەزىندىردى.

  قوشتاسار ساتتە كەلىپ جەتتى،تۋىس -تۋعاندارى قيماستىقپەن قوشتاستى. 89 جاستاعى شەشەي جاڭ چيۋلياڭنىڭ  قولىن قىسىپ جانارى جاسقا تولىپ، اۋزىنا ءسوز تۇسپەي قالدى. كولىك جۇرىسىمەن گۋ كىراڭنىڭ تۋىس - تۋعاندارى جاڭ چيۋلياڭ جانە ۇزاتا كەلگەن قىستاق تۇرعىندارىمەن كوز جاستارىن كولدەتە قوشتاسادى.

  جاڭ چيۋلياڭ كولىك تەرەزەسىنىڭ سىرتىنان قولىن بۇلعاپ قوشتاسا: «مەن سەندەردىڭ تۋىستارىڭمىن، قۇربانداردىڭ قابىرىن، ءسوزسىز، جاقسى قورعايمىن» دەدى.


رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى
powered by IlgharCMS 3.2 www.ilghar.cn