جاڭا ءۇي سالىپ، جاڭا قونىسقا كوشىپ، كەدەي بۇقارانىڭ تۇرمىسى جاقسارا ءتۇستى

□ ەكى جۇمىسشى تۇيە جۇنىنەن جاسالعان كورپەلەردى رەتتەۋدە.
 

     ءتىلشىمىز لي ميڭشىڭ،ەرىكتى ءتىلشى جاڭ لان حابارلايدى. 9- ايدىڭ 2-كۇنى شاعانتوعاي اۋدانى قارابۋرا اۋىلى وڭتۇستىك قارابۋرا قىستاعىنىڭ تۇرعىنى ما ۋىنشىڭ:  «بىرنەشە جىلدان بەرى كورشى- قولاڭدارىمنىڭ جاڭا ءۇي سالعانىن  كورىپ، بيىل مەن دە جاڭا ءۇي سالدىم، جاڭا ءۇيىمنىڭ جوبالانۋى  قابات ۇيلەردىڭ قۇرىلىمىمەن  ۇقساس، ءبىز دە قالالىقتار سياقتى  تۇرمىس كەشىرمەكشىمىز» دەدى.

   بيىل شاعانتوعاي اۋدانى 24 ميلليون 730 مىڭ يۋان قارجى شىعارىپ، جاڭادان 297 حالىقتى اۋقاتتاندىرۋ بەيقۇت ءۇيىن سالعان، مەجەمەن 10- ايدا قۇرىلىس جۇمىسى تولىق اياقتالادى ەكەن.

   ما ۋىنشىڭ: «پارتيا مەن ۇكىمەتتىڭ كومەگىنە راقىمەت، كەڭ دە  جارىق جاڭا ۇيگە كوشىپ كىردىم، قونىستانعان ورتامىز بارعان سايىن جاقساردى» دەدى.

   ما ۋىنشىڭنىڭ 20 جىلدان ارتىق ۋاقىت وتىرعان كونە جەر ءۇيىنىڭ كولەمى 60 شارشى مەتر ەدى. ۇزاق جىلدار بويى جوندەلمەگەندىكتەن، قۇلاپ كەتۋ حاۋپى ساقتالعان، ونىڭ ۇستىنە، ءبىر ءۇيلى جانعا تار كەلدى. بيىل 4-ايدا ما  ۋىنشىڭنىڭ حالىقتى اۋقاتتاندىرۋ بەيقۇت ءۇيىن سالۋ  ءوتىنىشى بەكىتىلگەننەن كەيىن، ۇكىمەت جاعىنان بەيقۇت ءۇي سالعاندارعا  بەرىلەتىن 28 مىڭ 500 يۋان  قوسىمشا قاراجاتقا يە بولادى دا، ءوزى ءبىر ءبولىم قاراجات شىعارىپ، 200 شارشى مەترلىك حالىقتى اۋقاتتاندىرۋ بەيقۇت ءۇيىن سالدى.

   ءۇيدىڭ تۇلعالىق قۇرىلىسى نەگىزىنەن اياقتالعان سوڭ، ما ۋىنشىڭ  وسى بىرنەشە كۇننەن بەرى ۋاقىتتى مىقتى ۇستاپ، تازالىق ىستەپ، ءىشىن اشەكەيلەۋگە   قامدانۋدا. ما ۋىنشىڭ وتباسىنداعىلار كوپ وتپەي جاڭا ۇيگە كوشىپ كىرەتىندىكتەرىن ويلاعاندا قاتتى تەبىرەنۋدە.

    ما ۋىنشىڭ: «وسىنداي ساۋلەتتى ۇيدە وتىرامىن دەپ ويلاماعان ەكەنمىن، تالاي جىلدان بەرگى جاڭا ۇيگە كوشىپ كىرۋ ارمانىم اقىرى ورىندالىپ، الداعى باقىتتى تۇرمىسقا دەگەن سەنىمىم بەكەمدەلە ءتۇستى» دەدى.

   بىرنەشە كۇننەن بەرى كۇن   سۋىتقانىمەن، جانكىسى اۋىلى  سولتۇستىك قىستاعىنىڭ تۇرعىنى سۇڭ شياڭليننىڭ كوڭىلى قۋانىشتىڭ شۋاعىنا شۋمىلۋدا. ول بىرنەشە كۇننەن بەرى جاڭا ءۇيىنىڭ سىرتىنا جىلۋلىق ساقتاۋ قاباتىن ورناتۋمەن ابىگەر، جاڭا ءۇيىنىڭ تۇلعالىق  قۇرىلىسى اياقتالعاننان كەيىن ەدەن كەرپىشىن توسەپ، قابىرعاسىنىڭ  اشەكەي كەرپىشىن شاپتاپ بولعان، قازىر ءۇيىنىڭ ءىشىن اشەكەيلەۋ جۇمىسى عانا قالعان.

   بيىل كەدەيلىكتەن ارىلتۋدان قامال الۋدىڭ كەدەيلىكتەن دالمە-ءدال ارىلتۋداعى ماڭىزدى جىلى، شاعانتوعاي اۋدانى بەيقۇت ءۇي سالىپ، حالىقتى اۋقاتتاندىرۋ ينجەنەرياسىن ماڭىزدى حالىق تۇرمىسى نىسانى رەتىندە قاراپ، اۋىل-قىستاقتاردا بەيقۇت ءۇي سالىپ، حالىقتى اۋقاتتاندىرۋ ينجەنەرياسىن اتقارۋدى تىڭعىلىقتى جۇرگىزىپ، قوسىمشا  قاراجات بەرۋ ساياساتىن اتقارىپ، ءار ۇلت كەدەي ەگىنشى-مالشىلارىنىڭ تۇرعىن ءۇي شارت-جاعدايىن كۇش سالا جاقسارتىپ، تۇرمىس ساپاسىن   جوعارىلاتىپ، كەدەيلىكتەن ارىلتۋ   قادامىن جەدەلدەتىپ، كەدەي ەگىنشى-مالشىلاردى «حاۋىپسىز ۇيگە»، «الاڭسىز ۇيگە» وتىرعىزۋعا قۇلشىنىپ، كەدەي بۇقارانىڭ كەدەيلىكتەن ارىلىپ، اۋقاتتانۋ جولىنا ءتۇسۋ سەنىمىن بارىنشا ارتتىردى.

   جاڭا ءۇي سالىپ، جاڭا قونىسقا كوشىپ كىرىپ، اۋىل-قىستاقتاردا جاڭا بەينە جارىققا شىقتى. كەدەي ەگىنشى-مالشىلار ەسكى جەر ۇيلەرىنە حوش ايتىپ، كەڭ دە جارىق جاڭا ۇيگە كوشىپ كىرىپ، بەيقۇت ءۇي سالىپ، حالىقتى اۋقاتتاندىرۋ ينجەنەرياسى ەگىن-مال شارۋاشىلىق رايونىنىڭ حالىق تۇرمىسى كوركەم كارتيناسىنا اينالىپ، اۋىل-قىستاقتى كوركەيتە ءتۇستى.


رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى