ءتىلشىمىز پان يانچين حابارلايدى. 9-ايدىڭ 24-كۇنى ايماقتىق حالىق قۇرىلتايى قىزمەت كوميتەتى 2019-جىلعى 3-رەتكى ءماجىلىسىن اشتى.
ايماقتىق حالىق قۇرىلتايى قىزمەت كوميتەتى پارتيا باسشىلىق گرۋپپاسىنىڭ شۋجيى، ورىنباسار مەڭگەرۋشىسى حوۋ شيڭحۇي، ورىنباسار مەڭگەرۋشىسى ماينۇر جاقان جانە حالىق قۇرىلتايى قىزمەت كوميتەتىنىڭ مۇشەلەرى بولىپ جيىنى 11 ادام ماجىلىسكە قاتىناستى.
ايماقتىق حالىق قۇرىلتايى قىزمەت كوميتەتىنىڭ مەڭگەرۋشىسى سالتانات عينايات ءماجىلىستى باسقاردى.
ءماجىلىس ايماقتىڭ 2018-جىلعى اكىمشىلىك -ءىس سيپاتىندىق مەملەكەت مەنشىگىندەگى مال-مۇلىكتى باسقارۋ جاعدايى جونىندەگى دوكلاتتى، ايماقتىڭ اۋىل-قىستاق كاسىبىنىڭ دامۋ جاعدايى جونىندەگى دوكلاتتى، ايماقتىڭ ساياحات كاسىبىنىڭ دامۋ جاعدايى جونىندەگى دوكلاتتى، ايماقتىڭ «جۇڭحۋا حالىق رەسپۋبليكاسىنىڭ كاسىپتىك وقۋ-اعارتۋ زاڭى»ن دايەكتىلەندىرۋ، اتقارۋ جاعدايى جونىندەگى دوكلاتتى، ايماقتىڭ 2018 -جىلعى ءوز دارەجەسىندەگى قازىنا مەجە ەسەبىنىڭ اتقارىلۋى جانە باسقا قازىنالىق كىرىس-شىعىستى قازىنالىق باقىلاۋدا بايقالعان ماسەلەلەردى رەتتەۋ-تۇزەتۋ جاعدايى جونىندەگى دوكلاتتى تىڭدادى جانە قارادى.
ءماجىلىس ايماقتىڭ حالىق قۇرىلتايى جۇيەسىنىڭ «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» نەگىزگى تاقىرىپتىق تاربيەنى ورىستەتۋى جونىندە تالاپتاردى ورتاعا قويدى، نەگىزگى تاقىرىپتىق تاربيەنى ورىستەتۋدىڭ كەلەلى ءمانىن جەتە تانىپ، نەگىزگى تاقىرىپتىق تاربيەنى مىقتى ۇستاۋ ساياسي جاۋاپكەرشىلىك تانىمىن كۇشەيتۋ؛ نەگىزگى تاقىرىپتىق تاربيەنىڭ ءتۇرلى قىزمەتىن ەگجەي-تەگجەيلى، شىنايى جاقسى يگەرىپ، ناقتى ونىمدىلىككە قول جەتكىزۋگە كەپىلدىك ەتۋ كەرەك.
ءماجىلىس مىنالاردى باسا دارىپتەدى: ءار دارەجەلى حالىق قۇرىلتايى ورىستەتىلۋ ۇستىندەگى «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» نەگىزگى تاقىرىپتىق تاربيەمەن ۇشتاستىرا وتىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋدى ماڭداي الدى ساياسي مىندەت جانە قىزمەتتىڭ نەگىزگى تاقىرىبى ەتۋگە تاباندى بولىپ، حالىق قۇرىلتايى قىزمەتىنىڭ ءتۇرلى جاقتارىمەن، تۇتاس بارىسىمەن ساباقتاستىرۋ؛ جاڭا داۋىردەگى حالىق قۇرىلتايى قىزمەتىن ويداعىداي ىستەۋدە قوعام ورنىقتىلىعى مەن باياندى تىنىشتىق باس نساناسىن ءبىر تۇتاس باسشىلىققا الۋعا تاباندى بولىپ، باقىلاۋ قىزمەتى مەن ۋاكىلدەر قىزمەتىن كۇشەيتۋ جانە جاقسارتۋ كەرەك.
ءماجىلىس مىنالاردى تالاپ ەتتى: ءار دارەجەلى حالىق قۇرىلتايى ءوز قۇرىلىسىن، اۋىل-قالاشىق حالىق قۇرىلتايى قىزمەتىن كۇشەيتۋگە كۇش سالىپ، ايماقتاعى ءار دارەجەلى حالىق قۇرىلتايىن نەگىزگى زاڭدا جانە زاڭداردا جۇكتەلگەن ءتۇرلى بورىشىن جاپپاي ارقالايتىن قىزمەت ورگانى جانە حالىق بۇقاراسىمەن تىعىز بايلانىسىن ساقتاعان ۋاكىلدىك ورگان ەتىپ قۇرىپ شىعۋعا قۇلشىنىپ، ايماقتاعى ءار دارەجەلى حالىق قۇرىلتايى قىزمەتىنىڭ تۇتاس تۇلعالىق ورەسىن ۇزدىكسىز بەكەمدەۋ جانە جوعارىلاتۋ كەرەك.
اكىمشىلىك مەكەمەسىنىڭ ورىنباسار ۋاليى نيڭ دۇڭشىڭ، ايماقتىق ورتا دارەجەلى حالىق سوتى مەكەمەسىنىڭ، ايماقتىق بولىمشە پروكۋراتۋرانىڭ جاۋاپتى جولداستارى، ايماقتىق ءتارتىپ تەكسەرۋ كوميتەتى، باقىلاۋ-تەكسەرۋ كوميتەتىنىڭ جاۋاپتى جولداستارى، ايماقتىق حالىق قۇرىلتايى قىزمەت كوميتەتىنىڭ ءارقايسى باسقارما، كەڭسەلەرىنىڭ جاۋاپتى جولداستارى، ءارقايسى اۋدان، قالالىق حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ شۋجيلەرى نەمەسە مەڭگەرۋشىلەرى، ورىنباسار مەڭگەرۋشىلەرى، ايماقتاعى قاتىستى ورىنداردىڭ نەگىزگى جاۋاپتى جولداستارى، سونداي-اق مەملەكەتتىك، اۆتونوميالى رايوندىق حالىق قۇرىلتايىنىڭ ءبىر ءبولىم ۋاكىلدەرى ماجىلىسكە سىرتتاي قاتىناستى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى