ءتىلشىمىز جاڭ گوحۇي،ەرىكتى ءتىلشى چيان لي حابارلايدى. «پارتيانىڭ ابزال ساياساتىنا، پارتيا ۇيىمىنا،قىزمەت اترەتىنە العىس ايتامىن» دەدى 10-ايدىڭ 12-كۇنى شيحۋ قالاسى نانيۋان ءمالى باسقارماسى حۋاڭحى جولى الەۋمەتتىك اۋماعىنىڭ تومەنگى تۇرمىسى قامتاماسىزداندىرىلاتىن تۇرعىنى جيا گوتۇن شىت جاڭا ۇيىنە قاراپ قۋانىشى قوينىنا سيماي.
«اۋەلگى ماقساتتى ۇمىتپاۋ،بورىشتى ەستە بەرىك ساقتاۋ» نەگىزگى تاقىرىپتىق تاربيە ورىستەتىلگەننەن بەرى، شيحۋ قالاسى نانيۋان ءمالى باسقارماسى حۋاڭحى جولى الەۋمەتتىك اۋماعىنىڭ پارتيا باس ياچەيكاسى ءبىر جاعىنان ۇيرەنىپ، ءبىر جاعىنان تۇزەتىپ، وزىندەگى ولقىلىقتاردى تاۋىپ، بۇقارادان كەڭ كولەمدى ۇسىنىس-پىكىر جيناپ، جۇرتشىلىقتىڭ تالاپ-تىلەگىن قابىلداپ، جۇرتشىلىقتىڭ قيىن ماسەلەلەرىن شەشىمدەپ، ناقتى ىستەر ىستەپ بەرىپ،جۇرتشىلىقتىڭ مويىنداۋى مەن القاۋىنا يە بولدى.
جيا گوتۇن 3-دارەجەلى اقىل-وي كەمىستىگى بار، 4-دارەجەلى قول-اياق كەمىستىگى بار مۇگەدەك بولىپ، تۇرمىسىن ءوزى باسقارا الماي، الەۋمەتتىك اۋماق پەن قىزمەت اترەتىنىڭ كومەگىنە سۇيەنىپ كۇنەلتەدى. 2019-جىلى ۇلكەن قىزى ءبىر جاعىنان دوكتورلىق وقىپ، ءبىر جاعىنان جۇمىس ىستەپ، وتباسىنىڭ تۇرمىس قاراجاتىن ۇستىنە الادى.
تاياۋدا حۋاڭحى جولى الەۋمەتتىك اۋماعىنىڭ پارتيا باس ياچەيكاسى مەن شيحۋ قالالىق پارتكوم پارتيا مەكتەبىنىڭ الەۋمەتتىك اۋماقتا تۇراتىن قىزمەت اترەتى ارالاپ جاعداي ۇعىسۋ بارىسىندا جيا گوتۇننىڭ ءۇيىنىڭ ەلەكتر سىمدارىنىڭ كونەرگەندىگىن، ءۇي توبەسىندەگى شاتىردىڭ سىرعاۋىلى ءشىرىپ، توبەسى مايىسىپ، بەلگىلى حاۋىپسىزدىك كومەسكى قاتەرىنىڭ بارلىعىن بايقايدى.
قىزمەت اترەتى قاراستىلىعىنداعى رۇيفۋيۋان اسحاناسىنىڭ جاۋاپتىسىمەن سايكەسىپ، 1000 يۋان قارجى شىعارىپ، جيا گوتۇننىڭ ءۇيىنىڭ ەلەكتر سىمى، ايىرىپ-قوسقىش، ءۇي ءىشى-سىرتىنداعى شىراق سياقتىلاردى تۇگەلدەي جاڭالايدى. قىزمەت اترەتى 1800 يۋاننان استام قارجى شىعارىپ، ءۇيدىڭ ىشكى توبەسىن جاڭالاپ بەرەدى. كوپشىلىكتىڭ جەتەكشىلىگىندە جيا گوتۇننىڭ تۋىستارى دا ونىڭ ءۇيىن رەمونتتاۋىنا وزدىگىنەن كومەكتەسەدى.
حۋاڭحى جولى الەۋمەتتىك اۋماعىنداعى پاناسىز قارت لي شۋەمين بۇرىنعى شيحۋ قالالىق زيالى جاستار ەگىس الاڭىنان جۇمىستان بوساعان جۇمىسشى. جۇمىستان بوساعاننان كەيىنگى ءبىر رەتكى قاتىناس شىرعالاڭى ونىڭ تۇرمىسىن مۇشكىل كۇيگە تۇسىرەدى. ايەلى دە ونى تاستاپ كەتەدى. حۋاڭحى جولى الەۋمەتتىك اۋماعىنىڭ پارتيا ياچەيكاسى ونىڭ ەڭ تومەنگى تۇرمىستى قامتاماسىزداندىرۋىنا ءوتىنىش بەرۋىنە كومەكتەسەدى ءارى وعان ۇنەمى كۇرىش، ۇن، ازىقتىق ماي سياقتى تۇرمىستىق بۇيىمدارىن جەتكىزىپ بەرەدى. ونىڭ اۋىلداسى لي شينمين تالاي جىلدان بەرى وعان قارايلاسىپ، ونى ءوز ۇيىنە جاتقىزىپ، وتباسىنىڭ مەيىرىن سەزىندىرەدى.
شيحۋ قالالىق پارتكوم پارتيا مەكتەبىنىڭ قىزمەت اترەتى الەۋمەتتىك اۋماققا كەلگەننەن بەرى ۇنەمى حال سۇراۋ بۇيىمدارىن الىپ، لي شۋەمينەن حال سۇراپ، وعان قىستىق كومىر ءتۇسىرىپ بەرىپ، قىستىق كوكونىس، ءبىر جىلدىڭ ءتورت ماۋسىمىندا قاجەتتى كيىم-كەشەك، اياق كيىم اپارىپ بەرىپ،ونى شيپاحاناعا اپارىپ دەنساۋلىعىن تەكسەرتىپ، ءدارى-دارمەك الىپ بەرسە؛ مەرەكە-مەيرامداردا ونىمەن بىرلىكتە مەرەكە وتكىزەدى.
بيىل سوڭعى جارىم جىلدا لي شۋەميننىڭ دەنساۋلىعى بارعان سايىن ناشارلايدى. قىزمەت اترەتى شيحۋ قالالىق قوعامدىق يگىلىك ورنىنا ءوتىنىش بەرىپ، 8-ايدا ونى قوعامدىق يگىلىك ورنىنا جەتكىزەدى. 9-ايدىڭ 16-كۇنى قىزمەت اترەتى تاعى دا قوعامدىق يگىلىك ورنىنا بارىپ، ونىڭ جاعدايىن ۇعىسىپ، وعان كۇزدىك كيىم- كەشەك اپارىپ بەرەدى. شيحۋ قالالىق پارتكوم پارتيا مەكتەبىنىڭ نانيۋان ءمالى باسقارماسى حۋاڭحى جولى الەۋمەتتىك اۋماعىندا تۇراتىن ءبىرىنشى شۋجي، قىزمەت اترەتىنىڭ باستىعى حان جىڭيۇڭ ونىڭ ساقالىن الىپ بەرىپ، ونىمەن اڭگىمەلەستى.
حان جىڭيۇڭ: «نەگىزگى تاقىرىپتىق تاربيەنى ورىستەتۋ ارقىلى ىستەۋگە ءتيىستى ىستەردىڭ ءالى دە كوپ ەكەنىن بايقادىق، جەتەرسىزدىكتەردى ۇزدىكسىز تاۋىپ، حالىق ءۇشىن شىن نيەتپەن ناقتى، جاقسى ىستەر ىستەپ، جيا گوتۇن سياقتى قيىنشىلىعى بار جۇرتشىلىقتىڭ ابىرويلى ءومىر سۇرۋىنە، رەفورما مەن دامۋدىڭ جەتىستىكتەرىنەن بىرگە يگىلىكتەنۋىنە مۇمكىندىك جاراتامىز» دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى