اۋەلگى ماقساتتى ۇمىتپاي، بورىشتى ەستە بەرىك ساقتاپ، نەگىزگى تاقىرىپتىق تاربيەنىڭ ناقتى ناتيجەلەرىن ايگىلەپ، ايماقتىڭ ورنىقتىلىق، دامۋ قىزمەتتەرىنىڭ تاعى دا تىڭ ساتىعا كوتەرىلۋىن جەبەيىك

ايماقتىق پارتكوم القاسى «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» نەگىزگى تاقىرىپتىق تاربيەنىڭ پىكىر الۋ اڭگىمە ءماجىلىسىن اشتى

  ءتىلشىمىز ۋىن بو حابارلايدى.  جۋىقتا ايماقتىق پارتكومنىڭ شۋجيى، ايماقتىڭ «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» نەگىزگى تاقىرىپتىق تاربيەگە باسشىلىق ەتۋ گرۋپپاسىنىڭ باستىعى شۋە بين ايماقتىق پارتكوم القاسىنىڭ نەگىزگى تاقىرىپتىق تاربيەنىڭ پىكىر الۋ اڭگىمە ءماجىلىسىن باسقارىپ اشىپ، ايماقتاعى ءار كاسىپ، ءار سالا ۋاكىلدەرىنە ايماقتىڭ بيىلعى ورنىقتىلىق، دامۋ قىزمەتتەرىنىڭ  ورىستەتىلۋ جاعدايى مەن ايماقتىق پارتكوم القاسىنىڭ نەگىزگى تاقىرىپتىق تاربيە قىزمەتىنىڭ ورىستەتىلۋ جاعدايىن حابارلاندىرىپ، ولاردىڭ ايماقتىق پارتكوم القاسى مەن القا مۇشەلەرىنىڭ ساياسي قۇرىلىس، يدەيالىق قۇرىلىس، ستيل قۇرىلىسى، سونداي-اق مۇرات-سەنىم، ماقسات تانىم، قابىلەت-دەڭگەي، شىندىققا جۇگىنۋ ستيلى، ءادىس-امال، قىزمەت ناتيجەسى، پاك، تارتىپشەڭ بولۋ سياقتى جاقتارى جونىندەگى  پىكىر-ۇسىنىستارىن بەتپە-بەت   تىڭدادى. 

  اڭگىمە ماجىلىسكە ايماقتاعى پەنسياعا، دەمالىسقا شىققان ساقا كادرلاردىڭ ۋاكىلى، ءبىر ءبولىم پارتيا قۇرىلتايى ۋاكىلى، حالىق قۇرىلتايى ۋاكىلى، ساياسي  كەڭەس مۇشەسى، نەگىزگى ساتىداعى پارتيا مۇشەلەرى مەن بۇقارانىڭ ۋاكىلى، پارتيا سىرتىنداعى قايراتكەرلەردىڭ ۋاكىلى، كاسىپورىن ۋاكىلى جانە ايماققا توتە قاراستى تاراۋلاردىڭ ۋاكىلى ۇسىنىس بويىنشا قاتىناستى. اڭگىمە ماجىلىستە كوپشىلىك ءوز قىزمەتىنىڭ ءىس  جۇزىندىك جاعدايىمەن ۇشتاستىرىپ، بەلسەنە ءسوز سويلەپ، ايماقتىڭ ورنىقتىلىق، دامۋ، حالىق تۇرمىسى، رەفورما، پارتيا قۇرىلىسى سياقتى ءتۇرلى قىزمەتتەرى جونىندە توتەنشە سىندارلى، باعىتتامالى پىكىر-ۇسىنىستاردى ورتاعا قويدى. 

   اڭگىمە بارىسىندا شۋە بين تىڭداي وتىرىپ ەستەلىك الدى ءارى قاتىستى قىزمەتتەر جونىندە كوپشىلىكپەن ءالسىن-ءالى ىشكەرىلەي اڭگىمەلەسىپ، قاتىستى جاعدايلاردى ەگجەي-تەگجەيلى ۇعىسىپ وتىردى. پىكىر-ۇسىنىستى مۇقيات تىڭداعاننان كەيىن، شۋە بين مىنانى ءبىلدىردى: ۋاكىلدەردىڭ ۇسىنىس-پىكىرلەرىن مۇقيات رەتتەپ، جيناقتاپ، دەن قويا زەرتتەپ، رەتتەۋ-تۇزەتۋ  اشىق ەسەبىن ءبىر-بىرلەپ ورناتىپ، ماسەلە ءتىزىمىن جاساپ، رەتتەۋ- تۇزەتۋدى تياناقتاندىرۋدى ءبىر-بىرلەپ مىقتى يگەرەمىز.

  شۋە بين مىنالاردى اتاپ كورسەتتى: «ايماقتىڭ ءتۇرلى ناتيجەلەرگە قول جەتكىزۋى وڭاي-وسپاق قولعا   كەلمەگەن، ونى، ءسوز جوق، بارىنشا قاستەرلەپ، ۇزدىكسىز بەكەمدەۋ كەرەك. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن   ۇزدىكسىز ىشكەرىلەي ۇيرەنىپ،  دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن بۇلجىماستان جاپپاي دايەكتىلەندىرىپ، تياناقتاندىرىپ، ‹اۋەلگى ماقساتتى ۇمىتپاۋ، بورىشتى ەستە بەرىك ساقتاۋ› نەگىزگى تاقىرىپتىق تاربيەنىڭ جەتىستىكتەرىن قوعام   ورنىقتىلىعى مەن باياندى تىنىشتىقتىڭ ءىس جۇزىندىك ونىمدىلىگىندە، جوعارى ساپالى دامۋدا، حالىق تۇرمىسىنا    تيىمدىلىك جاساۋدا ايگىلەۋ كەرەك.  اۆتونوميالى رايوندىق پارتكومنىڭ ءبىر تۇتاس ورنالاستىرۋى بويىنشا، اۆتونوميالى رايوننىڭ 2-شارلاپ  جەتەكشىلىك ەتۋ گرۋپپاسىنىڭ دەن قويا جەتەكشىلىك ەتۋىندە، نەگىزگى تاقىرىپتىق تاربيەنى  ورىستەتۋدى ورنىقتىلىق، دامۋ، رەفورما، حالىق تۇرمىسى، پارتيا قۇرىلىسىنىڭ ءتۇرلى مىندەتتەرىن ورىنداۋمەن ۇشتاستىرىپ، ارتۋدى ورنىقتىرۋ، رەفورمانى جەبەۋ، قۇرىلىمدى رەتتەۋ،حالىق تۇرمىسىنا تيىمدىلىك جاساۋ، حاۋىپ-قاتەردەن ساقتانۋ، ورنىقتىلىقتى ساقتاۋ سياقتى ءتۇرلى قىزمەتتەردى جاقسى ىستەۋمەن ۇشتاستىرىپ، ۇيرەنۋ مەن ىستەۋدى ۇشتاستىرۋعا، تەكسەرۋ مەن تۇزەتۋدى ساباقتاستىرۋعا تاباندى بولىپ وزەكتى ارقاۋ ەتۋگە، جالپى جاعدايعا قىزمەت ەتۋگە تاباندى بولىپ، ايماقتىڭ ورنىقتىلىق، دامۋ قىزمەتتەرىنىڭ تاعى دا تىڭ ساتىعا كوتەرىلۋىن تىڭعىلىقتى ىلگەرىلەتىپ، جاراسىمدى، ەكولوگياسى كوركەم، قونىستانۋعا جايلى تارباعاتاي قۇرۋ ءۇشىن قاجىماي-تالماي كۇرەس جۇرگىزۋ كەرەك». 

  ايماق باسشىلارىنان ليۋ لي،  نيڭ شۋەسۇڭ، شۋە گۇيچياڭ،  ماينۇر جاقان، ما شۋە-ۋ، ايماققا توتە قاراستى قاتىستى تاراۋلاردىڭ جاۋاپتى جولداستارى ماجىلىسكە قاتىناستى.


رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى