ءتىلشىمىز داي جياۋمەي، ەرىكتى ءتىلشى ليۋ شينلي حابارلايدى. 10-ايدىڭ 10-كۇنى ءدوربىلجىن اۋدانى ءدوربىلجىن قالاشىعى باتىس قالاماڭى الەۋمەتتىك اۋماعىنىڭ تۇرعىنى شۇي يۇيلان: «قىزمەت اترەتىنە، الەۋمەتتىك اۋماقتىڭ كادرلارىنا، سونداي-اق تۇرعىنداردىڭ ماعان جاساعان قامقورلىعى مەن كورسەتكەن كومەگىنە العىس ايتامىن. وسىنشاما كوپ جاقسى ادامدار ماعان قارايلاسىپ وتىر، مەملەكەتتىڭ جاقسى ساياساتىنىڭ ارقاسىندا، تۇرمىسىمنىڭ، ءسوزسىز، جاقسارىپ كەتەتىنىنە سەنەمىن» دەدى.
جاقىنعى بىرنەشە كۇندە شۇي يۇيلان مەرەكە وتكىزۋدەن دە ارتىق كوڭىلدى ەدى. اسىلىندە، قىزمەت اترەتى الەۋمەتتىك اۋماقتىڭ كادرلارى مەن كومەكتەسۋگە پەيىل تۇرعىنداردى باستاپ، ونىڭ اۋلاسىنا قورعان سالىپ، قاقپا ورناتىپ بەرىپ، ونى قۋانتتى.
«اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» نەگىزگى تاقىرىپتىق تاربيە ورىستەتىلگەننەن بەرى، قىزمەت اترەتى نەگىزگى ساتىعا تامىر تارتىپ، بۇقارامەن ەتەنە بولىپ، ءىس جۇزىندىك ارەكەتتەرى ارقىلى قىزمەت اترەتىنىڭ جاڭا داۋىردە جاڭا جاۋاپكەرشىلىك ارقالايتىن، تىڭ ىسكەرلىك كورسەتەتىن تاماشا كەلبەتىن ايگىلەدى.
شۇي يۇيلان الەۋمەتتىك اۋماقتاعى تومەنگى تۇرمىسى قامتاماسىز ەتىلەتىن وتباسى، ۇزاق جىلدان بەرى سالدانىپ، توسەك تارتىپ جاتقان. ۇزاق ۋاقىت اۋرۋ ەمدەتكەندىكتەن بار جيعان-تەرگەنىن سارقا تاۋىسقان ەدى، ۇلى وعان قارايلاسۋ ءۇشىن، سىرتقا شىعىپ جۇمىس ىستەي الماي، ءبىر ءۇيلى جاننىڭ تۇرمىسى مۇشكىل حالگە تۇسەدى، ۇيلەرى ەسكىرىپ توزىپ، قىلاياعى قورعانى مەن قاقپاسى دا جوق ەدى.
قىزمەت اترەتىنىڭ مۇشەلەرى شۇي يۇيلان وتباسىنىڭ جاعدايىن كوڭىلدەرىنە ءتۇيىپ، پارتيا مۇشەلەرى مەن كادرلاردى اقشالاي، زاتتاي جىلۋ اتاۋعا ۇيىمداستىردى، كوپتىڭ كومەگىندە قۇم، سەمەنت، تاس كەرپىش، قاقپا سياقتىلاردىڭ بارلىعى دايارلاندى.
قىزمەت اترەتىنىڭ مۇشەلەرى مەن الەۋمەتتىك اۋماقتىڭ كادرلارى، پارتيا مۇشەلەرى جانە وزدىكتەرىنەن ۇيىمداسقان تۇرعىندار جالعاستى ەكى كۇن قاربالاس جۇمىس ىستەپ، قورعاندى تۇرعىزىپ، قاقپانى ورناتىپ، كونەرگەن ءۇيىن شت جاڭا ەتىپ جاڭالاپ بەردى.
شاعىن اۋلا ءۇي سانىنە كەلىپ، ۇزاق جىلدان بەرى اۋرۋدىڭ ازابى مەن تۇرمىستىڭ تاقسىرەتىن تارتقان شۇي يۇيلاننىڭ دا قاباعى اشىلىپ، جۇزىنە كۇلكى ءۇيىرىلدى.
الەۋمەتتىك اۋماقتىڭ تۇرعىنى ما جاۋرۇڭ وتباسىنىڭ اۋىز سۋ تۇتىنۋى قيىن بولۋ ماسەلەسى دە قىزمەت اترەتى مۇشەلەرىنىڭ كوڭىل ءبولىپ كەلگەن ءىسى بولاتىن. ما جاۋرۇڭ مەن ايەلى ەكەۋىنىڭ جاستارى ۇلعايعاندىقتان ەڭبەك قۋاتى جوق ەدى،ونىڭ ۇستىنە ما جاۋرۇڭنىڭ جۇبايى وكپە راگىنا شالدىققاندىقتان نەگىزىنەن ەڭ تومەنگى تۇرمىستى قامتاماسىزداندىرۋ قاراجاتى مەن الەۋمەتتىك اۋماقتىڭ كومەگىنە سۇيەنىپ تۇرمىس كەشىرىپ كەلگەن، قۇبىر سۋىن ورناتۋ قاراجاتىن تولەۋگە كۇيلەرى مۇلدەم كەلمەۋشى ەدى.
قىزمەت اترەتىنىڭ باستىعى مارحابات پارتيا مۇشەلەرى جيىنىن ۇيىمداستىرىپ اشىپ، كوپشىلىكتى امال قاراستىرىپ، ەكى قارتتىڭ اۋىز سۋ تۇتىنۋ ماسەلەسىن شەشىمدەۋگە ۇندەدى. مارحاباتتىڭ ۇندەۋىندە پارتيا مۇشەسى ياڭ شياۋچىڭ ءبىرىنشى بولىپ: «ما جاۋرۇڭ وتباسىنىڭ قۇبىر سۋ ورناتۋ جۇمىسىنىڭ قۇبىر جولىن جالعاۋ، دانەكەرلەۋ جۇمىسى جانە ماتەريالىن مەن موينىما الدىم» دەدى.
«سول كەزدە ءبىز بارلىعىمىز كومەككە بارامىز» دەپ كوپشىلىك بىرىنەن سوڭ ءبىرى پوزيتسيا ءبىلدىردى.
«قۇبىر سۋىن ورناتۋعا كەتەتىن قارجىنىڭ امالىن ءبىز قاراستىرامىز» دەپ مارحابات تا ءوز ويىن ورتاعا قويدى.
ما جاۋرۇڭ سۋ قۇبىرىنان سارىلداپ اعىپ شىققان سۋدى كورگەندە، كوز شاناعىنا ىركىلگەن جاسىن توقتاتا المادى. ماسەلە شەشىمدەلىپ، قىزمەت اترەتىندەگى مۇشەلەردىڭ جۇزىنە كۇلكى ءۇيىرىلدى.
الەۋمەتتىك اۋماقتىڭ ءبىرىنشى شۋجيى جاڭ ۋانيىڭ: «الداعى جەردە الەۋمەتتىك اۋماق جۇرت تىلەگىن توعىستىرۋدى باستان-اياق قىزمەتتىڭ شىعار ءتۇيىنى مەن تابان تىرەر تياناعى ەتىپ، ءتىپتى دە جوعارى ولشەممەن، ءتىپتى دە قاتاڭ تالاپپەن، ءتىپتى دە ناقتى شارالارمەن حالىقتىڭ مۇڭ-مۇقتاجىن شەشىمدەيدى» دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى