ءتىلشىمىز پان يانچين حابارلايدى. 11-ايدىڭ 6-كۇنى اكىمشىلىك مەكەمەسى القاسىنىڭ مۇشەلەرى قاراپايىم پارتيا مۇشەسى سالاۋاتىمەن اكىمشىلىك مەكەمەسى كەڭسەسى ءبىرىنشى پارتيا ياچەيكاسىنىڭ ۇيىمدىق قيمىلىنا جانە «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» نەگىزگى تاقىرىپتىق تاربيەنىڭ توپتىق ۇيرەنۋ ماجىلىسىنە قاتىناستى.
ءماجىلىس باس شۋجي شي جينپيڭنىڭ ورتالىق پەن مەملەكەت ورگاندارىنىڭ پارتيا قۇرىلىسى قىزمەتى ماجىلىسىندەگى ماڭىزدى ءسوزىنىڭ رۋحىن توپتىق ۇيرەندى،ءبىر ءبولىم پارتيا مۇشەلەرى ورگان پارتيا قۇرىلىسىن كۇشەيتۋ جانە جاقسارتۋعا قاتىستى بەلگىلەمەلەردى ارناۋلى ۇيرەنۋ، زەرتتەۋ-تالقىلاۋدى توڭىرەكتەي وتىرىپ پىكىر اۋىستىرىپ، ءسوز سويلەدى.
لەبىزدى تىڭداعاننان كەيىن، كوپشىلىك ءبىر اۋىزدان بىلاي دەپ قارادى: مۇقيات ۇيرەنىپ، تەرەڭ ءتۇسىنىپ، رۋحاني ءمانىن تولىق ۇعىنىپ، باي مازمۇنىن يگەرۋ؛ ساياسي ءتارتىپ پەن ساياسي قاعيداعا قاتاڭ بويسۇنۋدى ءبىرىنشى ورىنعا قويىپ، پارتياعا شارتسىز ادال بولۋعا تاباندى بولۋىمىز؛ ماسەلەنى باعدار ەتۋدى كۇشەيتىپ، نەگىزگى تاقىرىپتىق تاربيەمەن ۇشتاستىرىپ، ولشەمگە،ۇلگىگە تۋرالانىپ،اكىمشىلىك مەكەمەسى كەڭسەسى ورگانىنىڭ پارتيا قۇرىلىسىندا ساقتالعان ماسەلەلەردى تاۋىپ، «نىسانالى ەمدەۋ»گە تاباندى بولىپ، رەتتەۋ-تۇزەتۋدى تياناقتاندىرۋدى مىقتى يگەرۋ؛ قىزمەت ورنىن قاستەرلەپ، تانىم مەن ارەكەتتى بىرلىككە كەلتىرىپ، نىق قاداممەن الىسقا جول اشىپ، قىزمەتتى تىڭعىلىقتى ىستەپ، قۇنتتى ادام بولىپ، ءارقاشان ادال، كىرشىكسىز بولۋدى، جاۋاپكەرشىلىك ارقالاۋدى ورىنداپ، ۇلەس قوسۋ بارىسىندا وزىندىك قۇندى ارلەي ءتۇسۋ كەرەك.
ايماق باسشىلارىنان شۋە گۇيچياڭ، ياڭ ليۋ،نۇرمامەت نۇردۇن ۇيىمدىق قيمىلعا جانە نەگىزگى تاقىرىپتىق تاربيەنىڭ توپتىق ۇيرەنۋ ماجىلىسىنە قاتىناستى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى