2001-جىلى 11-ايدىڭ 10-كۇنى كاتاردىڭ دوحاسىندا وتكىزىلگەن الەمدىك ساۋدا ۇيىمىنىڭ 4 (WTO)-كەزەكتى مينيستر دارەجەلىلەر ءماجىلىسى جۇڭگونىڭ الەمدىك ساۋدا ۇيىمىنا كىرۋى جونىندەگى زاڭ حۇجاتىن ماقۇلدادى، بۇل ەلىمىزدىڭ اقىرى الەمدىك ساۋدا ۇيىمىنىڭ جاڭا مۇشەسى بولعاندىعىن، ەلىمىزدىڭ سىرتقا ەسىك اشۋ ىستەرىنىڭ جاڭا كەزەڭگە وتكەندىگىن كورسەتەدى.
1986 -جىلى 7-ايدىڭ 10-كۇنى جۇڭگو سالىق جانە ساۋدا باس بىتىمىنە شارت جاساسۋشى ەلدىك ورنىن قالپىنا كەلتىرۋ ءوتىنىشىن رەسمي العا قويدى. 1995-جىلى الەمدىك ساۋدا ۇيىمى سالىق جانە ساۋدا باس ءبىتىمىنىڭ ورنىن باسىپ، جۇڭگونىڭ سالىق جانە ساۋدا باس بىتىمىنە شارت جاساسۋشى ەلدىك ورنىن قالپىنا كەلتىرۋ كەلىسسوزى دە الەمدىك ساۋدا ۇيىمىنا كىرۋ كەلىسسوزىنە اينالدى. 1997-جىلى 8-ايدا جۇڭگو مەن جاڭا زەلانديا الەمدىك ساۋدا ۇيىمىنىڭ بازارعا كىرۋگە رۇقسات ەتۋ كەلىسسوزىنىڭ ەكى جاقتى كەلىسىمىن جاساسىپ، جاڭا زەلانديا ءبىرىنشى بولىپ جۇڭگومەن ەكى جاقتى كەلىسسوزدى اياقتاتقان باتىس ەلى بولدى. 1999-جىلى 11-ايدا جۇڭگو مەن ا ق ش جۇڭگونىڭ الەمدىك ساۋدا ۇيىمىنا كىرۋ ماسەلەسى جونىندە ەكى جاقتى كەلىسىم جاساستى، بۇل جۇڭگونىڭ WTOعا كىرۋىندەگى شەشۋشى قادام. 2000-جىلى 5-ايدا جۇڭگو مەن ەۆروپا وداعى جۇڭگونىڭ الەمدىك ساۋدا ۇيىمىنا كىرۋ ماسەلەسى جونىندە ەكى جاقتى كەلىسىم جاساستى. 2001-جىلى 9-ايدا جۇڭگو مەن مەكسيكا جۇڭگونىڭ الەمدىك ساۋدا ۇيىمىنا كىرۋ ماسەلەسى جونىندەگى ەكى جاقتى كەلىسسوزىن اياقتاتتى، سونىمەن الەمدىك ساۋدا ۇيىمىنا مۇشە ەلدەرمەن بازارعا كىرۋگە رۇقسات ەتۋ جونىندەگى ەكى جاقتى كەلىسسوزدى تۇگەلدەي اياقتاتتى.
2001 -جىلى 11-ايدىڭ 10-كۇنى كاتاردىڭ دوحاسىندا وتكىزىلگەن الەمدىك ساۋدا ۇيىمىنىڭ 4-كەزەكتى مينيستر دارەجەلىلەر ءماجىلىسى جۇڭگونىڭ الەمدىك ساۋدا ۇيىمىنا كىرۋى جونىندەگى زاڭ حۇجاتىن ماقۇلدادى، بۇل 15 جىلدىق جاپالى قۇلشىنىس ارقىلى جۇڭگونىڭ اقىرى الەمدىك ساۋدا ۇيىمىنىڭ جاڭا مۇشەسى بولعاندىعىن كورسەتەدى. سول جىلى 12-ايدىڭ 11-كۇنى ەلىمىز الەمدىك ساۋدا ۇيىمىنا رەسمي كىرىپ، ونىڭ 143- مۇشەسى بولدى.
الەمدىك ساۋدا ۇيىمىنا كىرۋ ەلىمىزدىڭ ەكونوميكانىڭ جاھاندانۋ اعىمىنا سايكەسىىپ، حالىقارالىق باسەكەگە جانە سەلبەستىككە ىرىقتى تۇردە ات سالىسقان بەلسەندى بەينەسىن تولىق ايگىلەدى. الەمدىك ساۋدا ۇيىمىنا كىرۋ ەلىمىزدىڭ اناعۇرلىم تاماشا حالىقارالىق ورتاعا يە بولۋىنا وراي ازىرلەپ، سىرتقا ەسىك اشۋدى پارمەندى جەبەپ، ەكونوميكالىق ءتۇزىلىس رەفورماسىن جانە ەكونوميكالىق قۇرىلىمدى ستراتەگيالىق رەتتەۋدى جەبەدى، بۇل ەلىمىزدىڭ ەكونوميكالىق دامۋ ومىرشەڭدىك كۇشى مەن حالىقاراداعى باسەكەلىك قۋاتىن كۇشەيتۋگە ءتيىمدى، جالپى تۇلعالىق جاقتان ەلىمىزدىڭ مۇددە قاجەتىنە ۇيلەسەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى