اۆتوكولىككە جارىق شاعىلىستىرعىش جاپسىرىپ، بۇقارانىڭ تۇنگى حاۋىپسىزدىگىنە كەپىلدىك ەتتى

  ءتىلشىمىز يان ۋىنحۋا، ەرىكتى   ءتىلشى ۋاڭ سۋيان حابارلايدى. بۇقارانىڭ اۆتوكولىكتەرىنە جاپسىرىلعان كىپ-كىشكەنتاي جارىق شاعىلىستىرعىش بۇقارانىڭ تۇنگى اماندىعىنا  كەپىلدىك ەتىپ، جۇرت جۇرەگىن  جىلىتتى.

    «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» نەگىزگى  تاقىرىپتىق تاربيەسى بارىسىندا، ساۋان اۋداندىق ءتارتىپ تەكسەرۋ كوميتەتى، باقىلاۋ-تەكسەرۋ كوميتەتىنىڭ دۇڭۋان قالاشىعى كازۋان قىستاعىندا تۇراتىن قىزمەت اترەتى تاياۋدا قىستاق   تۇرعىندارىنىڭ تۇنگى ءجۇرىس-تۇرىس حاۋىپسىزدىگى ماسەلەسىن كوزدەي  وتىرىپ، وتباسىلارىن ارالاپ، قىستاق تۇرعىندارىنىڭ ەلەكتروسيكلدەرىنە جانە اۋىل شارۋاشىلىق ماشينالارىنا جارىق شاعىلىستىرعىش جاپسىرماسىن جاپسىرىپ، قىستاق تۇرعىندارىنىڭ كولىك  جۇرگىزۋ اماندىعىنا كەپىلدىك ەتتى.

  قىستاق تۇرعىنى جۋ جيانشان:  «قىزمەت اترەتى كولىگىمىزگە جارىق شاعىلىستىرعىش جاپسىرىپ بەردى، بۇل وتە جاقسى بولدى. مۇنان بىلاي تۇندە ۇيگە قايتقاندا الاڭدامايتىن  بولدىق، كوڭىلىمىز ورنىعىپ قالدى» دەدى قۋانىشپەن.

  قىزمەت اترەتىنىڭ مۇشەسى ۋاڭ جيانشين: «ەلەكتروسيكل زاۆودتان شىققاندا الدى-ارتىندا جارىق ءتۇسىرۋ جابدىعى بار بولعانىمەن، كەي ورتادا جارىق كۇشى جەتپەيدى، ونىڭ ۇستىنە ەلەكتروسيكلدىڭ جانىندا جارىقتاندىرۋ جابدىعى بولماعاندىقتان ءبىر بۇيىرىنەن كەلگەن اۆتوكولىكتەردى بايقاماي قالادى، كازۋان قىستاعى شىحىزى قالاسىنا  قاتىنايتىن تاس جولدىڭ جاعاسىنا   ورنالاسقان، ارلى-بەرلى وتەتىن كولىك كوپ، قاراڭعىدا كورۋ اۋماعى ناشار بولعاندىقتان ەلەكتروسيكل سوعىلۋ شىرعالاڭى وڭاي تۋىلادى» دەدى.

  قازىر كۇن قىسقارىپ،ءتۇن ۇزارعان شاق، سىرتقا شىعىپ جۇمىس ىستەيتىن قىستاق تۇرعىندارى ەرتە كەتىپ، جاي ورالاتىندىقتان حاۋىپسىزدىك كومەسكى قاتەرى زور بولۋ ءىس جۇزىندىك جاعدايىنا قاراي وتىرىپ، قىزمەت   اترەتى قىستاق تۇرعىندارىنىڭ  جاڭادان ساتىپ العان ەلەكتروسيكلدەرىنە، اۋىل شارۋاشىلىق ماشينالارىنا،  سونداي-اق جارىق شاعىلىستىرۋ جاپسىرماسى كونەرگەندەرىنە، ۇيىنە بارىپ اقىسىز جاپسىرىپ بەردى.

  جارىق شاعىلىستىرعىش جاپسىرۋ بارىسىندا،قىزمەت اترەتى قىستاق تۇرعىندارىنا ەلەكتروسيكل حاۋىپسىزدىك بىلىمدەرىن، اۋىل شارۋاشىلىق ماشينالارىن پايدالانعاندا جانە جولعا شىققاندا كوڭىل بولەتىن ىستەردى  ۇگىتتەپ، قىستاق تۇرعىندارىنا قاتىناس شىرعالاڭىنىڭ تۋىلۋىنان قالاي  ساقتانۋدى قۇلاق قاعىس ەتىپ، قىستاق تۇرعىندارىنىڭ كولىك جۇرگىزۋ    حاۋىپسىزدىك تانىمىن ونان ارى  جوعارىلاتتى.

  قىزمەت اترەتى قىستاقتاعى 67  وتباسىنىڭ ەلەكتروسيكلىنە، اۋىل  شارۋاشىلىق ماشيناسىنا جارىق  شاعىلىستىرعىش جاپسىرماسىن جاپسىردى. قازىر بارلىق قىستاق تۇرعىندارىنىڭ وتباسىنداعى ەلەكتروسيكل، اۋىل  شارۋاشىلىق ماشيناسىنا جارىق  شاعىلىستىرعىش جاپسىرماسىن جاپسىرىپ بولعان.


رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى