ءتىلشىمىز لي ميڭشىڭ، ەرىكتى ءتىلشى جاينار حابارلايدى. «قىزمەت اترەتىنىڭ بىزگە سۋدان پايدالانۋ دا جولىققان ماسەلەنى شەشىپ بەرگەنىنە العىس ايتامىن، بۇدان كەيىن اۋىز سۋ ماسەلەسىنە ۋايىم جەمەيتىن بولدىق» دەدى 11-ايدىڭ 13-كۇنى شاعانتوعاي اۋدانى سۋ يگىلىگى 2-كوشەسىنىڭ تۇرعىنى جاڭ حاييىن تەبىرەنە.
سۋ يگىلىگى 2-كوشەسى شاعانتوعاي اۋدانى قارابۋرا قالاشىعى ىنتىماق كوشەسى الەۋمەتتىك اۋماعىنىڭ جاتاعان ۇيلەر رايونى. كوپ جىلدان بەرى، بۇل ارانىڭ سۋمەن قامداۋ قۇبىرى اۋدانداعى قۇبىر جولىمەن تۇتاستىرىلماعان بولاتىن. كونەرگەن سۋمەن قامداۋ قۇبىرى ۇزاق ۋاقىتتان بەرى رەمونت كورمەگەندىكتەن كلتيپان شىعىپ، سۋ يگىلىگى 2-كوشەسىندەگى 6 وتباسىنىڭ سۋى توقتاپ قالعالى جارىم ايداي ۋاقىت بولعان.
شاعانتوعاي اۋداندىق قوسىننان قايتقان اسكەريلەر ىستەرىن باسقارۋ مەكەمەسىنىڭ ىنتىماق جولى الەۋمەتتىك اۋماعىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ مۇشەلەرى وتباسىلارىنا بارىپ جاعدايدى انىقتاعاننان كەيىن، قۇبىر سۋ سەرىكتەستىگىمەن بەلسەنە سايكەسىپ، سۋمەن قامداۋ قۇبىرىن الماستىرۋ مەجە ەسەبىن جاسايدى. تۇرعىندار ۋاكىلىمەن كەڭەسكەننەن كەيىن، سوڭىندا قىزمەت اترەتى 2000 يۋان قارجى شىعارۋ، قالعان 3200 يۋاندى تۇرعىنداردىڭ وزدەرى ءبولىپ شىعارۋ تاسىلىمەن قاراجات ماسەلەسىن شەشىپ، سۋمەن قامداۋ قۇبىرىن تۇتاستىرىپ بەرەدى.
11-ايدىڭ 12-كۇنى سۋ يگىلىگى 2-كوشەسىنىڭ سۋمەن قامداۋ قۇبىرىن اۋىستىرۋ جۇمىسى اياقتالىپ، 6 وتباسىنىڭ سۋدان پايدالانۋ ماسەلەسى شەشىلەدى.
الەۋمەتتىك اۋماقتىڭ ءبىرىنشى شۋجيى، قىزمەت اترەتىنىڭ باستىعى جاڭ حايياڭ: « ‹اۋەلگى ماقساتتى ۇمىتپاۋ، بورىشتى ەستە بەرىك ساقتاۋ› نەگىزگى تاقىرىپتىق تاربيەسىنە ۇشتاستىرا وتىرىپ، بۇقارانىڭ ءىس جۇزىندىك قيىنشىلىعىن شەشتىك، ولاردىڭ رازى بولعان بەينەسىن كورگەندە، كوڭىلىمىز قاتتى تولقىپ، بۇدان بىلايعى قىزمەتتى ويداعىداي ىستەۋگە سەنىمىمىز ارتا ءتۇستى» دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى