دەنساۋلىق ساقتاۋ-سالاماتتىق جۇيەسى بۇقاراعا 91 ءتۇرلى ناقتى،يگى ءىس ىستەپ بەردى
ءتىلشىمىز جاڭ گوحۇي حابارلايدى. «قازىر قىستاق تۇرعىندارىنىڭ اۋرۋ كورسەتۋى قولايلى بولدى، قىستاق ەمحانالارى داۋالاۋ جۇرگىزىپ قالماستان، جۇڭگوشا شيپاگەرلىك جولمەن فيزيكالىق ەمدەۋ جۇرگىزەدى، توقتام جاساسقان وتباسىلىق شيپاگەرلەر دە وتباسىلارىن ارالاپ دەنساۋلىق جاعدايىن ۇعىسىپ تۇرادى، سالاماتتىق تانىمىمىز ارتا ءتۇستى» دەدى 11-ايدىڭ 16-كۇنى ءدوربىلجىن اۋدانى جەلاعاش قالاشىعى ساڭدۇن باتىس قىستاعىنىڭ تۇرعىنى ديڭ جيانفاڭ.
«اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» نەگىزگى تاقىرىپتىق تاربيەسى ورىستەتىلگەننەن بەرى، ايماعىمىزداعى ءارقايسى اۋدان-قالالىق دەنساۋلىق ساقتاۋ-سالاماتتىق كوميتەتتەرى سالاماتتىق جاعىنان حالىققا تيىمدىلىك جەتكىزۋ قىزمەتىن بار كۇشپەن جاقسى ىستەدى. ءدوربىلجىن اۋداندىق دەنساۋلىق ساقتاۋ-سالاماتتىق كوميتەتى تەكسەرۋ-زەرتتەۋ جۇرگىزۋ ارقىلى قىستاق دارەجەلى ەمحانالار قۇرىلىسىنداعى ولقىلىقتاردى تەكسەرىپ انىقتاپ،ءار جاقتاعى كۇشتەردى جۇمىلدىرىپ، بىرىكتىرىپ،قىستاق دارەجەلى ەمحانالار قۇرىلىسىنداعى «بوستىق»تى تولىقتادى، كەمەلدەندىردى ءارى تاربيەلەۋدى كۇشەيتىپ، قىستاق دارەجەلى ەمدەۋدەن قىزمەت وتەۋدىڭ ورەسىن جوعارىلاتىپ،ءدوربىلجىن اۋدانىنىڭ ەگىن-مال شارۋاشىلىق رايوندارىنداعى بۇقارانىڭ كىشى-گىرىم اۋرۋلاردى قىستاقتىڭ وزىنەن ەمدەتۋىن قامتاماسىز ەتتى.
شەتكەرى، شالعاي تاۋلى وڭىردەگى ەگىنشى-مالشىلاردىڭ دەنساۋلىق تەكسەرتۋى قولايسىز بولۋ ماسەلەسىنە قاراتا، ءدوربىلجىن اۋداندىق دەنساۋلىق ساقتاۋ-سالاماتتىق كوميتەتى دەنساۋلىق تەكسەرۋ اۆتوموبيلىن ساتىپ الىپ، وتباسىلارىن ارالاپ، دەنساۋلىق تەكسەرۋ قىزمەت وتەۋىمەن قامدادى. مۇنان سىرت، وتباسى شيپاگەرلەرىنىڭ توقتامدى قىزمەت وتەۋىن جولعا قويىپ، شيپاگەرلەردىڭ تۇراقتى ۋاقىتتا ەگىنشى-مالشىلاردىڭ وتباسىلارىنا بارىپ،سالاماتتىق جاعدايىن تەكسەرۋدى ورىستەتتى.
ءدوربىلجىن اۋداندىق دەنساۋلىق ساقتاۋ-سالاماتتىق كوميتەتى پارتيا باسشىلىق گرۋپپاسىنىڭ شۋجيى جاڭ فىڭشۋە: «بيىل تۇتاس اۋدانعا قاراستى 55 قىستاق-دۇي ەمحانالارىنىڭ قۇرىلعىلارىن كەمەلدەندىرۋ ءارقايسى اۋىل-قالاشىقتىڭ بار كۇشپەن قولداۋىنا يە بولدى. جەلاعاش قالاشىعىندا، قالاشىق پارتكومى مەن ۇكىمەت 50 مىڭ يۋاننان استام قارجى توپتاپ، 10 نان ارتىق قىستاق دارەجەلى ەمدەۋ ورنىنا قاجەتتى جابدىقتاردى ساتىپ اپەرىپ، قىستاق دارەجەلى ەمدەۋ ورىندارىنىڭ قىزمەت وتەۋ ورەسىن جوعارىلاتۋعا كۇش قوستى» دەدى.
تولى اۋدانى جالپى حالىقتىڭ دەنساۋلىعىن تەگىن تەكسەرۋ قىزمەتىن ورىستەتكەننەن بەرى، دەنساۋلىق تەكسەرتۋدىڭ تولىق قامتۋىنان، سالاماتتىق دەنساۋلىق تەكسەرۋىن ۇدايىلاندىرۋعا دەيىن، ونان بيىلعى بۇقارانىڭ سالاماتتىق جاعىنداعى ارمان-تىلەگىن دالمە-ءدال سايكەستىرۋ،دەنساۋلىق تەكسەرۋ تۇرلەرىن تاپسىرىس بويىنشا بەلگىلەۋگە دەيىن جاقسى ىستەگەندىكتەن، ناۋقاستار دەر كەزىندە ەمدەلىپ،سالاماتتىق تانىمدارى جوعارىلاپ، «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» نەگىزگى تاقىرىپتىق تاربيەنىڭ ناقتى ونىمدىلىگى كورىندى.
دولاتى اۋىلى جارباس قىستاعىنىڭ تۇرعىنى لي شيۋرۇڭ جالپى حالىقتىق تەگىن سالاماتتىق دەنساۋلىق تەكسەرۋىندە قانىتتى نەسەپ اۋرۋىنا شالدىققاندىعى انىقتالادى، دەنساۋلىق جاعدايىن ۇعىسقاننان كەيىن، ول تۇراقتى ۋاقىتتا شيپاحاناعا بارىپ تەكسەرىلىپ تۇردى.
شاعانتوعاي اۋداندىق دەنساۋلىق ساقتاۋ-سالاماتتىق كوميتەتى «قىزمەت وتەۋ ساپاسىن جوعارىلاتىپ، حالىقتىڭ كوڭىلىنەن شىعۋ»دى باستان-اياق ماڭداي الدى ورىنعا قويىپ، اۋدان كولەمىندەگى ءدارى-دارمەك ساتىپ الۋ بىرىككەن تۇلعالارىنىڭ رولىن تولىق ساۋلەلەندىردى. بيىل اۋداندىق حالىق شيپاحاناسى باس بولىپ اۋداننىڭ ءىس جۇزىندىك جاعدايىنا ۇيلەسەتىن ءدارى-دارمەك ساتىپ الۋ تىزىمدىگىن جاساپ، ءارقايسى قىستاق ەمدەۋ ورىندارىنا بەرىلگەن ءدارى-دارمەك 80 تۇردەن اسىپ، ەگىنشى-مالشىلاردىڭ ءدارى-دارمەك قاجەتىن قاناعاتتاندىردى.
مۇنان سىرت،شاعانتوعاي اۋدانى تاعى 670 مىڭ يۋان قارجى جۇمساپ، تۇتاس اۋدانداعى ارحيۆ تۇرعىزىلىپ،كارتچكالاندىرىلعان 3343 كەدەي وتباسىنداعى 9999 ادامعا ەمدەۋ تولىقتاما قامسىزداندىرۋىن ساتىپ الىپ بەرىپ،كەدەي حالىق سانىنىڭ سالماقتى ناۋقاس قامسىزداندىرۋىنداعى العاشقى اقى تولەۋ شەگىن تومەندەتىپ، ەسەپتەن تولىقتاما بەرۋ سالىستىرماسىن جوعارىلاتىپ، كەدەي حالىق سانىنىڭ اۋرۋ كورسەتۋ، ەمدەلۋ اۋىرتپالىعىن جەڭىلدەتتى.
بيىل 9-ايدان بەرى،ايماعىمىزدىڭ دەنساۋلىق ساقتاۋ-سالاماتتىق جۇيەسىندەگى 15 ورىن بۇقارا ءۇشىن جالپى 91 ءتۇرلى ناقتى،يگى ءىس ىستەپ بەردى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى