ەەڭ جاڭا مازمۇندار
ايماقتىڭ شارلاپ تەكسەرۋ قىزمەتى ءماجىلىسى جانە ايماقتىق پارتكومنىڭ 2022 ـ جىلدان 2026 ـ جىلعا دەيىنگى 2 ـ رەتكى شارلاپ تەكسەرۋگە اتتانىسقا كەلتىرۋ، ورنالاستىرۋ ءماجىلىسى اشىلدى
2022-جىلى 5-ايدىڭ 20 -كۇنى 111 ـ سان
ۇلتتار ىنتىماعى سۇيىسپەنشىلىگىن اسقاقتاتىپ، پارتيا 20 -قۇرىلتايىن ءبىر نيەتپەن قۋانا قارسى الدى
جاڭا داۋىردەگى پارتيانىڭ شينجياڭدى جونگە سالۋ جالپى جوباسىمەن قىزمەتتەردى ولشەۋ كەرەك
جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 10 - كەزەكتى كوميتەتى ءۇشىنشى جالپى ءماجىلىسىنىڭ شي جينپيڭنىڭ زاڭمەن باسقارۋ يدەياسىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالم
شي جينپيڭ جۇڭگو حالىقارالىق ساۋدانى جەبەۋ كوميتەتى قۇرىلعاندىعىنىڭ 70 جىلدىعىن قۇتتىقتاۋ جينالىسىندا جانە الەمدىك ساۋدانى، قارجى قوسۋدى جەبەۋ جونىندەگى باسشىلار ماجىلىسىندە بەينە ەكراندا ارناۋ ءسوز سويلەدى
بالشىقشىنىڭ ءتۇر -تۇرىمەن تارباعاتايدا ”ديدارلاسا“ الاسىز
شيحۋ قالاسىنىڭ تۇراقتى مۇلىككە قارجى قوسۋ نىساندارى قۇرىلىسى ءساتتى جۇرگىزىلۋدە
ايماقتىق پارتكوم مۇشەلەر (كەڭەيتىلگەن) ءماجىلىسىن اشتى
2022-جىلى 5-ايدىڭ 19-سان 110-سان
شينجياڭنىڭ 2022 - جىلعى مىندەتتى وقۋ - اعارتۋ ساتىسىنداعى مەكتەپتەرگە وقۋشى قابىلداۋ، وقۋعا ءتۇسۋ قىزمەتىنىڭ تالابى جاريالاندى
شينجياڭ قىزمەتتەرىنىڭ زاڭمەن باسقارۋ ارناسىندا جۇرگىزىلۋىنە شىنايى كەپىلدىك ەتەيىك
جۇڭگو كوممۋنيستىك پارتياسى ورتالىق كوميتەتى ساياسي بيۋروسى ءماجىلىسىنىڭ رۋحىن جەتكىزدى، دايەكتىلەندىردى شينجياڭنىڭ ەكونوميكالىق جاعدايى مەن ەكونوميكالىق قىزمەتىنە تالداۋ جاسادى جانە ونى اقىلداستى
شي جينپيڭ اراب بىرىككەن امىرلىگىنىڭ جاڭادان تاعايىندالعان زۇڭتۇڭى مۇحاممەدكە قۇتتىقتاۋ تەلەگرامماسىن جولدادى
”دارەتحانا توڭكەرىسى“ شارۋالاردىڭ تۇرمىس ساپاسىن جوعارىلاتتى
الۋان گۇلدىڭ ءيىسى تاراپ الاپقا، جاسىل جايلاۋ قۇشاق جايدى تاراپقا
شيحۋ قالاسى: كاسىپورىنداردى جۇمىسشىمەن قامداۋ ارقىلى قيىنشىلىعىن شەشىمدەپ، دالمە -ءدال قىزمەت وتەدى
46 مىڭ 500 مۋلىق ”جاسىل قالتقى“ بۇقارانىڭ حاۋىپسىز جولاۋشىلاۋىن قامتاماسىزداندىردى
شينجياڭنىڭ قوعام ورنىقتىلىعى مەن باياندى تىنىشتىعىن قۇلشىنا ىلگەرىلەتۋدە، اناعۇرلىم نىق قادام تاستايىق
اۆتونوميالى رايوندىق 10 - كەزەكتى پارتكومنىڭ ءۇشىنشى جالپى ءماجىلىسى اشىلدى
2022-جىلى 5-ايدىڭ 18-سان 109-سان
ۇگىت لەكسيا ساناعا ءسىڭىپ، جۇرەككە ۇيالادى
كورىكتى اۋلا قۇردى
جاستىق كوكتەمنىڭ اقىل - پاراساتىمەن جانە ماڭداي تەرىمەن اناعۇرلىم كوركەم جۇڭگو قۇرۋعا ۇمتىلۋ كەرەك
حالىقتىق اۋە قورعانىسى بىلىمدەرى جۇرت كوڭىلىنە ۇيالادى
16-كەزەكتى شينجياڭ تارباعاتاي شاعانتوعاي تاۋ گۇلى مەرەكەسى باستالدى
اپاتتان ساقتانۋ، اپات زيانىن ازايتۋ، اپاتتان قۇتقارۋ تانىمىن جوعارىلاتىپ، شۇعىل جاعدايعا توتەپ بەرۋ، قۇتقارۋ ورەسىن ءوسىردى
ءدوربىلجىن: نىسان قۇرىلىستارى قاۋىرت جۇرىلۋدە
جاڭ يۇيلۇڭ: باقىت گۇلىن قۇلپىرتا ءتۇستى
شيحۋ: ءتۇرلى فورمالارمەن اپاتتان ساقتانۋ، اپات زيانىن ازايتۋ بىلىمدەرىن ۇگىتتەدى

امەريكانىڭ شينجياڭعا ساياتىن «زاڭ جوباسىن» ماقۇلداعاندىعىنا قاتتى كەكتەنەتىندىگىن جانە باتىل قارسى تۇراتىندىعىن ءبىلدىردى

جولدانعان ۋاقىتى : 2019/12/6 19:01:21

مەملەكەتتىك حالىق قۇرىلتايى سىرتقى ىستەر كوميتەتى،مەملەكەتتىك ساياسي كەڭەس سىرتقى ىستەر كوميتەتى،سىرتقى ىستەر مينيسترلىگىنىڭ مالىمدەمەشىسى،مەملەكەتتىك ۇلت ىستەرى كوميتەتى مالىمدەمە جانە ءسوز جاريالادى
 
مەملەكەتتىك حالىق قۇرىلتايى سىرتقى ىستەر كوميتەتى
  مەملەكەتتىك حالىق قۇرىلتايى سىرتقى ىستەر كوميتەتى 12-ايدىڭ 4-كۇنى امەريكا پارلامەنتى قاۋىم پالاتاسى ماقۇلداعان «2019-جىل ۇيعۇر ادامدىق ۇقىقتارى ساياسات زاڭ جوباسىن» ماقۇلداعاندىعى جونىندە مالىمدەمە جاريالادى،مالىمدەمە   تومەندەگىدەي:

  جەرگىلىكتى ۋاقىت 12-ايدىڭ 3-كۇنى امەريكا پارلامەنتى قاۋىم پالاتاسى «2019-جىل ۇيعۇر ادامدىق ۇقىقتارى ساياسات زاڭ جوباسىن» ماقۇلداپ، جۇڭگونىڭ شينجياڭىنىڭ ادامدىق ۇقىق جاعدايىنا ۋىتتانا شابۋىل جاساپ، جۇڭگونىڭ ۇشقارىلىقتى الاستاۋ جانە لاڭكەستىككە سوققى بەرۋ قۇلشىنىسىن بۇرمالاپ جانە قارالاپ، جۇڭگو    ۇكىمەتىنىڭ شينجياڭدى جونگە سالۋ ساياساتىن قيسىنسىز جازعىرىپ، جۇڭگونىڭ ىشكى ىستەرىنە دورەكىلىكپەن كيلىكتى. ءبىز بۇعان قاتتى كەكتەنەمىز جانە باتىل قارسى تۇرامىز.

  شينجياڭ ۇيعۇر اۆتونوميالى    رايونىندا كاسىپتىك شەبەرلىككە   تاربيەلەۋ-باۋلۋ ورتالىعىن قۇرىپ، كاسىپتىك شەبەرلىككە تاربيەلەۋ-باۋلۋ قىزمەتىن ورىستەتۋ — جۇڭحۋا حالىق رەسپۋبليكاسىنىڭ مەملەكەت      حاۋىپسىزدىگى زاڭى، قىلمىستىق ىستەر زاڭى، قىلمىستىق ىستەر ارىز-شاعىم زاڭى، لاڭكەستىككە قارسى تۇرۋ زاڭى جانە ءدىن ىستەرى ەرەجەسى،  سونداي-اق «شينجياڭ ۇيعۇر     اۆتونوميالى رايونىنىڭ ‹جۇڭحۋا حالىق رەسپۋبليكاسىنىڭ لاڭكەستىككە قارسى تۇرۋ زاڭىن› اتقارۋ ءادىسى»، «شينجياڭ ۇيعۇر اۆتونوميالى رايونىنىڭ     ۇشقارىلىقتى الاستاۋ ەرەجەسى» سياقتى زاڭدار مەن زاڭ ەرەجەلەر بويىنشا قۇرىلعان جانە اتقارىلعان. شينجياڭنىڭ تاربيەلەۋ-باۋلۋ ورتالىعىنىڭ      قۇرىلۋىنىڭ جانە اتقارىلۋىنىڭ    ماقساتى — لاڭكەستىك،ءدىني  ۇشقارىلىق ءوسىپ-ونەتىن جانە ءورشيتىن توپىراق پەن شارت-  جاعدايدى جويۋ، لاڭكەستىك      ارەكەتتەردىڭ كوپ، ءجيى تۋىلۋ   اۋقىمىن ءونىمدى تەجەپ، ءار ۇلت حالقىنىڭ ءومىر ءسۇرۋ ۇقىعىن،  سالاماتتىق ۇقىعىن، دامۋ ۇقىعىن ەڭ جوعارى شەكتە قامتاماسىز ەتۋ. بۇل قالىڭ حالىقتىڭ ادامدىق ۇقىعىن ەڭ جاقسى قورعاۋ ءارى حالىقارالىق  لاڭكەستىككە قارسى تۇرۋ ىستەرىنە قوسىلعان ماڭىزدى ۇلەس.

  لاڭكەستىك،ۇشقارىلىق — ادامزات قوعامىنىڭ قاس جاۋى. لاڭكەستىككە قارسى تۇرۋ،ۇشقارىلىقتى الاستاۋ — حالىقارالىق قوعامنىڭ ورتاق      جاۋاپكەرشىلىگى. شىندىق جۇڭگونىڭ قاتىستى شارالارىنىڭ ءونىمدى     ەكەندىگىن، شينجياڭنىڭ قوعام اماندىعى جاعدايىنىڭ كورنەكتى جاقسارعاندىعىن، ءۇرتىس 3 جىل بويى زورلىقتى كۇش، لاڭكەستىك دەلوسى تۋىلماعاندىعىن دالەلدەپ وتىر. الايدا،وكىنىشكە   وراي،امەريكا پارلامەنتى شينجياڭنىڭ زاڭ-بەلگىلەمە بويىنشا لاڭكەستىككە سوققى بەرۋ،ادامدىق ۇقىقتى قورعاۋ جولىنداعى قۇلشىنىستارىن كورسە دە كورمەسكە سالىنىپ،شينجياڭنىڭ   قازىرگى ەكونوميكاسى دامىعان، قوعامى ورنىقتى، ۇلتتارى ىنتىماقتى، ءدىن  جاراسىمدى بولعان اسا تاماشا جاعدايىن كورسە دە كورمەسكە سالىنىپ،   ويجوتا فاكت قيىستىرىپ، جۇڭگونىڭ لاڭكەستىككە قارسى تۇرۋ جانە   ۇشقارىلىقتى الاستاۋ سىندى ادىلەتتى شاراسىن داتتادى جانە ونى قارالادى. بۇل لاڭكەستىككە قارسى تۇرۋ    ماسەلەسىندە تيپتىك قوس ولشەم  قولدانعاندىق، ونىڭ ادامدىق ۇقىق ماسەلەسىندەگى جالعان كەسپىرى   ايپاراداي اشىلدى.

  ءبىز ءارقانداي سىرتقى كۇشتىڭ  ادامدىق ۇقىق ماسەلەسىنەن پايدالانىپ جۇڭگونىڭ ىشكى ىسىنە كيلىگۋىنە باتىل قارسى تۇرامىز. ءبىز امەريكا پارلامەنتىن ساياسي سىڭار جاقتى كوزقاراستان ارىلۋعا،جۇڭگو جاققا قىسىم تۇسىرۋدەي قاتە قىلىقتارىن تاستاۋعا،جۇڭگونى جازىقسىز    جازعىرۋىن توقتاتۋعا،جۇڭگونىڭ ىشكى ىسىنە كيلىگۋدى دوعارۋعا،جۇڭگو مەن امەريكا قاتىناسىنىڭ دامۋىنا جانە ەكى جاقتىڭ لاڭكەستىككە قارسى تۇرۋ ماسەلەسىندەگى سەلبەستىگىنە توسقاۋىل قويۋدى توقتاتۋعا قاتاڭ قۋزايمىز.

مەملەكەتتىك ساياسي كەڭەس سىرتقى ىستەر كوميتەتى

  مەملەكەتتىك ساياسي كەڭەس سىرتقى ىستەر كوميتەتى 12-ايدىڭ 4-كۇنى امەريكا پارلامەنتى قاۋىم پالاتاسىنىڭ  «2019-جىل ۇيعۇر   ادامدىق ۇقىقتارى ساياسات زاڭ   جوباسىن» ماقۇلداعاندىعى جونىندە مالىمدەمە جاريالادى. مالىمدەمە   تومەندەگىدەي:

  جەرگىلىكتى ۋاقىت 12-ايدىڭ 3-كۇنى امەريكا پارلامەنتى قاۋىم    پالاتاسى جۇڭگو جاقتىڭ باتىل قارسى تۇرعاندىعىنا قاراماي، «2019-جىل ۇيعۇر ادامدىق ۇقىقتارى ساياسات زاڭ جوباسىن» قاسارىسا قاراپ ماقۇلداپ، جۇڭگونىڭ ىشكى ىسىنە دورەكىلىكپەن كيلىگىپ، حالىقارالىق قاتىناستىڭ   نەگىزگى ولشەمىنە اۋىر قايشىلىق  جاسادى. جۇڭگو مەملەكەتتىك ساياسي كەڭەسى سىرتقى ىستەر كوميتەتى مۇنى قاتاڭ ايىپتايدى، قاتتى كەكتەنەدى جانە باتىل قارسى تۇرادى.

  شينجياڭ جۇڭگونىڭ لاڭكەستىككە قارسى تۇرۋ،ۇشقارىلىقتى الاستاۋ  كۇرەسىنىڭ نەگىزگى شايقاس مايدانى. ءبىر مەزگىل شينجياڭ لاڭكەستىكتىڭ، ءدىني ۇشقارىلىقتىڭ زالالىنا مەيلىنشە ۇشىراپ، حالىقتىڭ باس اماندىعىنا اۋىر قاتەر ءتوندى. شينجياڭدا قۇرىلعان تاربيەلەۋ-باۋلۋ ورتالىعى كاسىپتىك شەبەرلىككە تاربيەلەۋ-باۋلۋ مەكتەبى، ول زورلىقتى كۇش،لاڭكەستىك  ۇشقارى يدەيامەن «ميى جۋىلعان»  ادامداردىڭ ۇشقارى يدەيانىڭ    بۇعاۋىنان قۇتىلىپ، زاڭ تانىمىن  كۇشەيتىپ، ءوندىرىس پەن تۇرمىس قابىلەتىن يگەرۋىنە كومەكتەسۋ ءۇشىن قۇرىلعان. شينجياڭ زاڭ بويىنشا ءبىر قىدىرۋ ساقتانۋ سيپاتتى لاڭكەستىككە قارسى تۇرۋ جانە ۇشقارىلىقتى الاستاۋ شارالارىن قولدانعاننان بەرى، ءۇرتىس 3 جىل بىردە-ءبىر زورلىقتى كۇش،لاڭكەستىك دەلوسى تۋىلمادى،  گۇلدەنىپ-كوركەيگەن، ورنىقتى، ۇلتتارى ىنتىماقتى، قوعامى جاراسىمدى بولعان تاماشا جاعداي جارىققا شىقتى. بۇل جۇڭگونىڭ حالىقارالىق     لاڭكەستىككە قارسى تۇرۋ ىستەرىنە قوسقان ماڭىزدى ۇلەسى. امەريكانىڭ وسى زاڭ جوباسىن ماقۇلداۋى   لاڭكەستىككە دەم بەرگەندىك،   جاۋىزدىققا جاقتاس بولعاندىق، شينجياڭنىڭ لاڭكەستىككە قارسى تۇرۋ جەتىستىكتەرىن تەرىسكە جانە جوققا شىعارعاندىق، لاڭكەستىككە قارسى تۇرۋ حالىقارالىق سەلبەستىگىن اۋىر دارەجەدە بۇلدىرگەندىك بولىپ    تابىلادى.

  جۇڭگو ۇكىمەتى شينجياڭداعى ءار ۇلت حالقىنىڭ ادامدىق ۇقىعى مەن نەگىزگى ەركىندىگىن زاڭ بويىنشا قورعاۋعا وسكەلەڭ ءمان بەرىپ، شينجياڭداعى 25 ميلليون ءار ۇلت حالقىنىڭ ءومىر ءسۇرۋ ۇقىعىن،دامۋ ۇقىعىن ەڭ زور دارەجەدە قامتاماسىز ەتتى. شينجياڭ ۇيعۇر اۆتونوميالى  رايونى قۇرىلعان 64 جىلدان بەرى، ەكونوميكالىق جالپى مولشەرى 80 ەسە ارتتى، تەك 2014-جىلدان بەرى 3 ميلليونعا جۋىق كەدەي جان سانى كەدەيلىكتەن ارىلدى. شينجياڭدا قازىر 28 مىڭنان استام ءدىني ورىن بار، مۇنىڭ ىشىندە 24 مىڭنان استام  مەشىت بار،ورتا ەسەپپەن 530   مۇسىلمان بۇقاراسىنا ءبىر مەشىت تۋرا كەلەدى. شينجياڭنىڭ زاڭ بويىنشا ءبىر قىدىرۋ تەكسەرۋ سيپاتتى لاڭكەستىككە قارسى تۇرۋ جانە ۇشقارىلىقتى الاستاۋ شارالارىن قولدانۋى ءدال شينجياڭداعى ءار ۇلت حالقىنىڭ حاۋىپسىزدىگى مەن ادامدىق ۇقىعىن قورعاۋ ءۇشىن بولىپ تابىلادى. امەريكا مۇنى كورسە دە كورمەسكە سالىنىپ، كەرىسىنشە، جۇڭگوعا ايعۇلاقتاندى،وسىمەن ءبىر ۋاقىتتا،دۇنيە جۇزىندەگى ءبىرتالاي مەملەكەتتەردە قاقتىعىس قوزعاپ، جاي بۇقارانىڭ ءولىم-ءجىتىمىن تۋدىردى،ەل ىشىندە زور ناسىلدىك كەمسىتۋمەن بارىنشا اينالىستى. امەريكانىڭ بۇل زاڭ جوباسى شىندىقپەن ساناسپاي،اق پەن قارانى شاتاستىرىپ،قوس ولشەم  قولدانعان،ادامدىق ۇقىقتى قورعاۋدى جەلەۋ ەتكەن،شينجياڭنىڭ ورنىقتىلىعىن بۇلدىرگەن، جۇڭگونىڭ دامۋىن تەجەۋ ناقتى ارەكەتى ەسەپتەلەدى.

  ءبىز شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ پارمەندى   باسشىلىعى تۇرعاندا،شينجياڭداعى ءار ۇلت حالقىن قامتىعان بۇكىل جۇڭگو حالقىنىڭ تىعىز ىنتىماعى تۇرعاندا،شينجياڭنىڭ گۇلدەنىپ-كوركەيۋىن، ورنىقتىلىعىن بۇلدىرەتىن، جۇڭگونىڭ دامۋىن تەجەيتىن ءارقانداي     قاسكۇنەمدىكتىڭ استە ىسكە     اسپايتىندىعىنا سەنەمىز. امەريكا جاق دۇرىس پەن بۇرىستى ايقىن اجىراتىپ،شىندىقتى جىعا تانىپ،شينجياڭعا   ساياتىن ماسەلەلەردى جەلەۋ ەتىپ،جۇڭگونىڭ ىشكى ىسىنە كيلىگەتىن  ارەكەتتەرىن دەرەۋ توقتاتىپ، جۇڭگو-امەريكا قارىم-قاتىناسىنىڭ جالپى جاعدايىن قورعاۋدى ماڭىزدى ورىنعا قويىپ،جۇڭگو مەن امەريكانىڭ ءوزارا سەنىمدىلىگىنە جانە سەلبەستىگىنە   ءتيىمدى ىستەردى كوبىرەك ىستەپ،لاڭكەستىككە قارسى تۇرۋ حالىقارالىق سەلبەستىگىن ورتاق كۇشەيتىپ،دۇنيە ءجۇزىنىڭ جانە رايوننىڭ بەيبىتشىلىگى مەن ورنىقتىلىعىن قورعاۋى كەرەك.

 سىرتقى ىستەر مينيسترلىگىنىڭ مالىمدەمەشىسى

   سىرتقى ىستەر مينيسترلىگىنىڭ  مالىمدەمەشىسى حۋا چۇنيىڭ 12- ايدىڭ 4-كۇنى امەريكا پارلامەنتى قاۋىم پالاتاسىنىڭ «2019-جىل ۇيعۇر ادامدىق ۇقىقتارى ساياسات زاڭ  جوباسىن» ماقۇلداعاندىعى جونىندە ءسوز جاريالادى. تولىعى تومەندەگىدەي:   امەريكا پارلامەنتىنىڭ قاۋىم     پالاتاسى ايتىلمىس «2019-جىل  ۇيعۇر ادامدىق ۇقىقتارى ساياسات زاڭ جوباسىن» ماقۇلدادى. بۇل جوبا جۇڭگونىڭ شينجياڭىنىڭ ادامدىق ۇقىق جاعدايىن قاساقانا قارالاپ،جۇڭگونىڭ ۇشقارىلىقتى الاستاۋ جانە لاڭكەستىككە سوققى بەرۋ قۇلشىنىسىنا ورشەلەنە كۇيە جاعىپ،جۇڭگو ۇكىمەتىنىڭ شينجياڭدى جونگە سالۋ ساياساتىنا پاسىق نيەتپەن سوقتىعىپ،حالىقارالىق زاڭعا جانە حالىقارالىق قاتىناستىڭ  نەگىزگى ولشەمىنە اۋىر قايشىلىق  جاساپ،جۇڭگونىڭ ىشكى ىستەرىنە دورەكىلىكپەن كيلىككەندىك بولىپ تابىلادى. جۇڭگو جاق بۇعان قاتتى كەكتەنەدى جانە باتىل قارسى تۇرادى.

   شينجياڭعا ساياتىن ماسەلە  تۇپتەپ كەلگەندە ادامدىق ۇقىق،ۇلت،ءدىن ماسەلەسى ەمەس،قايتا زورلىقتى كۇشكە،لاڭكەستىككە،بولشەكتەۋشىلىككە قارسى تۇرۋ ماسەلەسى. شينجياڭ كەزىندە ۇشقارىلىقتىڭ،زورلىقتى كۇش،لاڭكەستىك ارەكەتتەرىنىڭ زالالىنا مەيلىنشە ۇشىراعان. اۋىر جاعداي الدىندا،شينجياڭ ۇيعۇر اۆتونوميالى رايوندىق ۇكىمەت زورلىقتى كۇش،لاڭكەستىك ارەكەتتەرگە زاڭ بويىنشا سوققى بەردى،سونىمەن بىرگە ۇشقارىلىقتى الاستاۋ قىزمەتىن بەلسەنە ىلگەرىلەتۋدى قامتىعان تۋ باستان جونگە سالۋعا باسا ءمان بەرىپ،  ەكونوميكالىق دامۋدى،ۇلتتار ىنتىماعىن،قوعامنىڭ جاراسىمدىلىعىن،ورنىقتىلىعىن ۇزدىكسىز جەبەدى. وسى شارالار شينجياڭدا 3 جىلدان بەرى ءبىر رەت تە لاڭكەستىك شابۋىل وقيعاسىنىڭ تۋىلماۋىنا شىنايى كەپىلدىك   ەتىپ،شينجياڭداعى 25 ميلليون ءار ۇلت حالقىنىڭ جاپپاي قولداۋىنا يە بولدى ءارى بۇكىل جەر شارىنىڭ لاڭكەستىككە قارسى تۇرۋ ىستەرىنە بەلسەندى ۇلەس قوستى.

   حالىقارالىق قوعام جۇڭگو ۇكىمەتىنىڭ شينجياڭدى جونگە سالۋ ساياساتىنا جاپپاي بەلسەندى باعا بەردى. 2018-جىلدىڭ سوڭىنان بەرى،مەملەكەتتەر مەن رايونداردىڭ ءمانساپتىلارىنان،حالىقارالىق ۇيىمداردان،اقپارات قۇرالدارىنان،ءدىني توپتاردان،مامان-وقىمىستىلاردان 70 نەشە توپتا 1000نان استام ادام شينجياڭعا ەكسكۋرسيالاي، ساپارلاي كەلدى،ولار شينجياڭنىڭ لاڭكەستىككە قارسى تۇرۋ،ۇشقارىلىقتى الاستاۋ قىزمەتى تاجىريبەلەرىنىڭ ۇيرەنۋگە،ۇلگى الۋعا تاتيتىندىعىن ايتىپ،جاپا-تارماعاي  القادى. بيىل 3-ايدا ءىسلام سەلبەستىك ۇيىمى سىرتقى ىستەر مينيسترلەرى القالار كەڭەسى قاۋلى ماقۇلداپ،جۇڭگونىڭ مۇسىلمان بۇقاراسىنا قامقورلىق جاساۋداعى قۇلشىنىستارىن  القادى. 7-ايدا 50دەن استام مەملەكەتتىڭ جەنەۆادا تۇراتىن تۇراقتى  ۋاكىلدەرى بىرلەسكەن مەملەكەتتەر  ۇيىمى ادامدىق ۇقىق القالار كەڭەسىنىڭ ءتوراعاسىنا جانە ادامدىق ۇقىق جوعارى دارەجەلى ارناۋلى ءمانساپتىسىنا بىرلەسىپ حات جولداپ،جۇڭگونىڭ لاڭكەستىككە قارسى تۇرۋ جانە ۇشقارىلىقتى الاستاۋ قىزمەتىندە ادامدىق ۇقىققا قۇرمەت ەتكەندىگىنە جانە  قامتاماسىز ەتكەندىگىنە بەلسەندى باعا بەردى. 10-ايدا 60تان استام مەملەكەت 74-كەزەكتى بىرلەسكەن مەملەكەتتەر ۇيىمى جينالىسىنىڭ 3-كوميتەت ءماجىلىسى كەزىندە جارىسا سوزگە شىعىپ،جۇڭگونىڭ شينجياڭنىڭ ادامدىق ۇقىق جاعىنداعى وراسان زور العا باسۋىن القادى. وسىلاردىڭ بارلىعى امەريكا جاقتىڭ شينجياڭعا ساياتىن ماسەلەنى كولدەنەڭ تارتىپ پالە ىزدەپ وتىرعاندىعىن،مۇنىڭ شىندىققا بۇكىلدەي قايشى ەكەندىگىن،حالىقارالىق قوعامنىڭ نەگىزگى اعىمدىق جۇرت رايىنا بۇكىلدەي قايشى ەكەنىن پارمەندى تۇردە دالەلدەدى.

   ءبىز امەريكا جاققا شينجياڭ  ىستەرىنىڭ بۇكىلدەي جۇڭگونىڭ ىشكى ىسىنە جاتاتىندىعىن،ءارقانداي شەتەلدىڭ كيلىگۋىنە جول بەرىلمەيتىندىگىن اشىق ەسكەرتەمىز. امەريكا جاقتىڭ جوعارىدا اتالعان زاڭدىق جوباسى جۇڭگونىڭ لاڭكەستىككە قارسى تۇرۋ جانە ۇشقارىلىقتى الاستاۋ شارالارىن قاساقانا قارالاعاندىق،بۇل تەك قانا ءوزىنىڭ لاڭكەستىككە قارسى تۇرۋ ماسەلەسىندەگى قوس ولشەمىن ونان ارى ايپاراداي اشىپ بەرەدى،تەك قانا جۇڭگو حالقىنا امەريكانىڭ سايقال كەسپىرى مەن سۇرقيا ارام نيەتىن  ونان ارى ايقىن كورسەتىپ بەرەدى.
   جۇڭگو ۇكىمەتى مەن حالقىنىڭ مەملەكەتتىڭ يەلىك ۇقىعىن،حاۋىپسىزدىگىن،دامۋ مۇددەسىن قورعاۋ بەكىمى مىزعىمايدى. امەريكا جاقتىڭ شينجياڭعا ساياتىن ماسەلەلەردەن پايدالانىپ،جۇڭگونىڭ ۇلتتار قاتىناسىنا ىرتكى سالۋ،شينجياڭنىڭ گۇلدەنۋى مەن ورنىقتىلىعىن ءبۇلدىرۋ،جۇڭگونىڭ  دامىپ زورايۋىن تەجەۋ قاسكۇنەمدىگىنىڭ ىسكە اسۋى مۇلدە مۇمكىن ەمەس. ءبىز امەريكا جاقتى قاتەلىگىن تاباندا تۇزەتىپ،جوعارىدا ايتىلعان شينجياڭعا ساياتىن زاڭ جوبانىڭ زاڭعا اينالۋىن توسىپ،شينجياڭعا ساياتىن ماسەلەلەردەن پايدالانىپ جۇڭگونىڭ ىشكى ىسىنە كيلىگۋىن توقتاتۋعا   ءناسيحاتتايمىز. جۇڭگو جاق جاعدايدىڭ دامۋىنا قاراي ىشكەرىلەي اڭىس قايتارادى.

   مەملەكەتتىك ۇلت ىستەرى كوميتەتى

   جەرگىلىكتى ۋاقىت 12-ايدىڭ 3-كۇنى امەريكا پارلامەنتى قاۋىم پالاتاسى جۇڭگونىڭ كۇشتى قارسىلىعىنا جانە قاتاڭ تىلدەسۋىنە قاراماي،    «2019-جىل ۇيعۇر ادامدىق ۇقىقتارى ساياسات زاڭ جوباسىن» قاسارىسا ماقۇلدادى. بۇل جۇڭگونىڭ ىشكى  ىسىنە دورەكىلىكپەن كيلىككەندىك،حالىقارالىق قاتىناستىڭ نەگىزگى ولشەمىن كوپە-كورنەۋ اياق استى ەتكەندىك بولىپ تابىلادى. وسى «زاڭ جوبا» شىندىقپەن ساناسپاي،اق پەن قارانى شاتاستىرىپ،جۇڭگونىڭ شينجياڭدى جونگە سالۋ ساياساتى جونىندە سىڭار جاقتى كوزقاراسقا بوي ۇرىپ،شينجياڭنىڭ دامۋ تابىستارىن جوققا شىعارىپ،ۇيعۇر ۇلتىن قامتىعان شينجياڭداعى ءار ۇلت بۇقاراسىنىڭ شىنايى سەزىمىن ەلەڭ قۇرلى كورمەي،امەريكا پارلامەنتىنىڭ تيتتەي دە تومەنگى شەگى جوق قوس ولشەمى مەن  جالعاندىق،پاسىق زورەكەرلىك لوگيكاسىن تاعى ءبىر رەت اشىپ    كورسەتتى. مەملەكەتتىك ۇلت ىستەرى كوميتەتى بۇعان باتىل قارسى تۇرادى جانە ونى قاتاڭ ايىپتايدى.

   شينجياڭ ەجەلدەن بەرى جۇڭگو تەرريتورياسىنىڭ ايرىلماس ءبىر   بولىگى،شينجياڭ ىستەرى مۇلدە ەلىمىزدىڭ ىشكى ءىسى،ءارقانداي سىرتقى كۇشتىڭ كيلىگۋىنە استە جول بەرىلمەيدى. ۇزاق ۋاقىتتان بەرى، امەريكانىڭ كەيبىر ساياساتپازدارى    «ءۇش ءتۇرلى كۇش»تىڭ شينجياڭدا تۋدىرعان زورلىقتى ارەكەتتەرىن كورسە دە كورمەسكە سالىنىپ،لاڭكەستىكتىڭ قاتەرىنە ۇشىراعان شينجياڭداعى ءار ۇلت حالقىنىڭ باس اماندىعىمەن مۇلدە ساناسپادى،قازىر ءتىپتى «ادامدىق  ۇقىق ساياسات زاڭ جوباسىن» ماقۇلداۋ ارقىلى «ءۇش ءتۇرلى كۇش»كە بولىسۋعا،دەم بەرۋگە ۇرىندى،بۇل امەريكانىڭ كەيبىر ساياساتپازدارى مەن جۇڭگوعا قارسى كۇشتەردىڭ اتالمىس «شينجياڭ ماسەلەسىن» جەلەۋ ەتىپ،ەلىمىزدى شاۋجايلاۋعا،بولشەكتەۋگە ۇرىنعان سۇرقيا نيەتىن تولىق اشكەرە ەتتى.

   شينجياڭ جۇڭگونىڭ شينجياڭى،ۇيعۇر ۇلتى جۇڭحۋا ۇلتى ۇلى   شاڭىراعىنىڭ ءبىر مۇشەسى،ەلىمىزدىڭ ۇلتتار قاتىناسىنا ارازدىق سالۋعا،ەلىمىزدىڭ دامۋىن شاۋجايلاۋعا ۇرىنعان ءارقانداي قاسكۇنەمدىكتىڭ ءبارى، ءسوزسىز،جەڭىلىسپەن تىنۋ تاعدىرىنان قاشىپ قۇتىلا المايدى،اقىرىندا تاريحتىڭ سايقى-مازاعىنا ۇشىرايدى. ءبىز پالە شىعارمايمىز، الايدا پالەدەن دە قورىقپايمىز، جۇڭگوداعى ءار ۇلت حالقىنىڭ مەملەكەت تۇتاستىعىن،ۇلتتار ىنتىماعىن قورعاۋ ەرىك-جىگەرى قۇرىشتاي بەرىك،جۇڭحۋا ۇلتىنىڭ ۇلى   گۇلدەنۋىن جۇزەگە اسىرۋ قادامى بوگەۋ بەرمەيدى. ءبىز امەريكانى جۇڭگونىڭ ىشكى ىسىنە كيلىگۋىن دەرەۋ دوعارۋعا،شينجياڭنىڭ ىستەرىنە كيلىگۋىن دوعارۋعا ءناسيحاتتايمىز،ويتپەگەندە،ءسوزسىز،زاردابىن ءوزى تارتادى.

«شينجياڭ گازەتىنەن»


~رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى
powered by IlgharCMS 3.2 www.ilghar.cn