__ ورتالىقتىڭ ەكونوميكالىق قىزمەت ءماجىلىسىنىڭ رۋحىن ۇيرەنۋ،دايەكتىلەندىرۋ جونىندە
□ حالىق گازەتىنىڭ شولۋشىسى
ۇستانىم — ارەكەتتىڭ جەتەكشىسى، بەلگىلى دامۋ امالياتىنا بەلگىلى دامۋ ۇستانىمى جەتەكشىلىك ەتەدى؛دامۋ ۇستانىمىنىڭ دۇرىس بولۋ-بولماۋى، تۇبىرىنەن العاندا،دامۋدىڭ ناتيجەسىن، ءتىپتى، ءساتتى نەمەسە ءساتسىز بولۋىن بەلگىلەيدى.
ورتالىقتىڭ ەكونوميكالىق قىزمەت ءماجىلىسى 2020-جىلى ويداعىداي يگەرۋگە ءتيىستى ءتۇيىندى قىزمەتتەردى ورنالاستىرعان كەزدە مىنالاردى باسا دارىپتەدى: جاڭا داۋىردە دامۋدى يگەرۋدە، ءسوز جوق، دامۋ ۇستانىمىن اناعۇرلىم كورنەكتىلەندىرىپ، جاڭالىق اشا دامۋ،سايكەستى دامۋ، جاسىل دامۋ،اشىق دامۋ،بىرگە يگىلىككە كەنەلەتىن دامۋ سىندى جاڭا دامۋ ۇستانىمىن تاباندىلىقپەن بۇلجىماي دايەكتىلەندىرىپ، جوعارى ساپالى دامۋدى ىلگەرىلەتۋ كەرەك. ءار دارەجەلى پارتكومدار مەن ۇكىمەتتەر، ءسوز جوق، جەتە ءتۇسىنىپ،باتىل دايەكتىلەندىرۋ كەرەك.
«وبيەكتيۆ زاڭدىلىق — زاتتاردىڭ ماندىك ەرەكشەلىگى ءارى زاتتاردىڭ دامۋىن،وزگەرۋىن ىلگەرىلەتەتىن ىشكى قوزعاۋشى كۇش». جاڭا دامۋ ۇستانىمىن شي جينپيڭ جولداستى ۇيتقى ەتكەن پارتيا ورتالىق كوميتەتى ەل ءىشى-سىرتىنىڭ دامۋ تاجىريبە-ساباقتارىن تەرەڭ قورىتىندىلاۋ، ەل ءىشى-سىرتىنىڭ دامۋ ۇلكەن اۋقىمىنا تەرەڭ تالداۋ جاساۋ نەگىزىندە قالىپتاستىرعان، ول پارتيامىزدىڭ ەكونوميكالىق، قوعامدىق دامۋدىڭ زاڭدىلىعى تۋرالى تانىمىنىڭ تەرەڭدەگەندىگىن شوعىرلى بەينەلەدى. پارتيا 18-كەزەكتى ورتالىق كوميتەتىنىڭ بەسىنشى جالپى ماجىلىسىندە ورتاعا قويىلعاننان جانە اتقارىلعاننان بەرى، بۇكىل پارتيا، بۇكىل ەل جاڭا دامۋ ۇستانىمىن دايەكتىلەندىرۋگە تاباندى بولىپ،دامۋ تاسىلىنە بۇرىلىس جاساپ،دامۋدىڭ ساپاسى مەن ونىمدىلىگىنىڭ ۇزدىكسىز جوعارىلاۋىن جۇزەگە اسىردى. ءبىز جاڭالىق اشۋ ارقىلى دامۋعا دەم بەرۋ ستراتەگياسىن زور كۇشپەن اتقاردىق،جاسامپاز مەملەكەت قۇرىلىسى مول ناتيجە بەردى؛ وڭىرلەردىڭ دامۋىنىڭ سايكەسىمدىلىگى كۇشەيىپ، «ءبىر بەلدەۋ،ءبىر جول» قۇرىلىسى، بەيجيڭدى، تيانجيندى، حىبەيدى سايكەستىرە دامىتۋ، چاڭجياڭ ەكونوميكالىق بەلدەۋىن دامىتۋ ايتارلىقتاي ناتيجە بەردى؛ كورىكتى جۇڭگو قۇرىلىسى ورنىقتى قاداممەن ىلگەرىلەپ، ەكولوگيالىق ورتا ساپاسى جالپى تۇلعالىق جاقتان جاقساردى؛ رەفورما جاساۋ،ەسىك اشۋ ماڭىزدى قادام تاستاپ، جاپپاي اشىق ۇستالعان جاڭا ارنا جەدەل قالىپتاستى؛ حالىق تۇرمىسىن قامتاماسىز ەتۋ جانە جاقسارتۋ جونىندەگى ساياسات-شارالار ءجيى شىعارىلىپ،حالىق بۇقاراسىنىڭ تابىس سەزىمى،باقىت سەزىمى، حاۋىپسىزدىك سەزىمى جوعارىلادى. اماليات مىنانى تولىق دالەلدەدى: جاڭالىق اشا دامۋعا،سايكەستى دامۋعا، جاسىل دامۋعا، اشىق دامۋعا،بىرگە يگىلىككە كەنەلەتىن دامۋعا تاباندى بولۋ — ەلىمىزدىڭ دامۋ جالپى جاعدايىنا قاتىستى تەرەڭ وزگەرىس. جاڭا داۋىردە ەكونوميكالىق،قوعامدىق دامۋدى ىلگەرىلەتۋدە،ءسوز جوق، جاڭا دامۋ ۇستانىمىن تاباندىلىقپەن دايەكتىلەندىرىپ،جوعارى ساپالى دامۋدى ىلگەرىلەتۋ كەرەك.
بۇكىل پارتيا،ءسوز جوق، جاڭا دامۋ ۇستانىمىن دايەكتىلەندىرۋدىڭ ماڭىزدىلىعى مەن كوكەي تەستىلىگىن تەرەڭ ءتۇسىنۋ كەرەك. ەلىمىز قوعامىنداعى باستى قايشىلىق حالىقتىڭ كۇن سايىن ارتقان تاماشا تۇرمىس قاجەتى مەن دامۋدىڭ بىركەلكى، تولىق بولماۋى اراسىنداعى قايشىلىققا وزگەردى، ەلىمىز قازىر دامۋ تاسىلىنە بۇرىلىس جاساۋدىڭ،ەكونوميكالىق قۇرىلىمدى ساپالىلاندىرۋدىڭ، ارتۋدىڭ قوزعاۋشى كۇشىن اۋىستىرۋدىڭ قامال الۋ كەزەڭىندە تۇر. جاڭا دامۋ ۇستانىمى ورتاعا قويعان تالاپ جان-جاقتى، كوپ ساتىلى، استە كىلەڭ ەكونوميكالىق كورسەتكىشكە عانا قاراۋ دەگەندى كورسەتپەيدى، بۇل ەلىمىز دامۋىنىڭ جاڭا كەزەڭگە ءوتۋىنىڭ، ەلىمىز قوعامىنداعى باستى قايشىلىقتاردا وزگەرىس تۋىلۋدىڭ تابيعي تالابى. ءار دارەجەلى پارتكومدار مەن ۇكىمەتتەر،ءسوز جوق، جاڭا دامۋ ۇستانىمىن مىقتاپ ۇستاي وتىرىپ دامۋدى ىلگەرىلەتىپ، نازاردى ءتۇرلى بىركەلكى، تولىق بولماۋ ماسەلەلەرىن شەشۋگە شوعىرلاندىرۋ كەرەك، جاي عانا ەل ءىشى ءوندىرىس جالپى ءونىم قۇنىنىڭ ارتۋ مولشەرىمەن باتىر اتاناتىن كونە سۇردەككە قايتا تۇسۋگە استە بولمايدى، قورشاعان ورتانى ءبۇلدىرۋدى بوداۋ ەتىپ ايتىلمىس دامۋعا ۇمتىلاتىن ادىسكە قايتا ورالۋعا استە بولمايدى،ۇتىمسىز دامۋ ۇلگىسىنە قايتا ورالۋعا تىپتەن بولمايدى.
جاڭا دامۋ ۇستانىمىن تاباندىلىقپەن دايەكتىلەندىرۋدە جاڭا دامۋ ۇستانىمىمەن ەكونوميكالىق،قوعامدىق دامۋعا ءبىر تۇتاس جەتەكشىلىك ەتۋ قابىلەتى مەن ورەسىن قۇلشىنا جوعارىلاتۋ كەرەك. جاڭا دامۋ ۇستانىمىنىڭ 5 ۇلكەن جاعىنىڭ ءاربىرىنىڭ وزىندىك ءمانى بار،ونان دا ماڭىزدىسى، ولار ءبىر تۇتاس تۇلعا، قايسى ءبىر دامۋ ۇستانىمى تىڭعىلىقتى دايەكتىلەندىرىلمەسە، دامۋ ۇدەرىسى ىقپالعا ۇشىرايدى. جان-جاقتى كوزقاراس ورناتۋ، جەكە دارا اينالىساتىن يدەيانى جويۋ كەرەك، ءبىر تۇيىنگە عانا ءمان بەرىپ، قالعانىن ەلەۋسىز قالدىرۋعا بولمايدى. ەكونوميكالىق، قوعامدىق دامۋدىڭ زاڭدىلىعىنا بويسۇنۋ، كەلەلى ساياساتتاردى شىعارۋ مەن رەتتەۋدە جالپىلىق ىقپالىنا ساراپتاۋ جۇرگىزۋ كەرەك،«تەز بىتىرەم دەپ اسىعۋ»عا، «ءبىر سىدىرعىلىق ىستەۋ»گە بولمايدى. ساياساتتاردى تەك تام قابىرعاسىنا ءىلىپ قويۋعا بولمايدى، ساياساتتاردى تياناقتاندىرۋدى شىنايى مىقتى يگەرىپ، ءتۇرلى-ءتۇستى فورماشىلدىقتاردى، تورەشىلدىكتەردى باتىل تيۋ كەرەك. جاڭا دامۋ ۇستانىمىن دايەكتىلەندىرۋگە تاباندى بولۋ-بولماۋدى ءار دارەجەلى باسشى كادرلاردىڭ «ءتورت تانىم»دى كۇشەيتكەن-كۇشەيتپەگەندىگىن، «ءتورت سەنىم»دى بەكەمدەگەن- بەكەمدەمەگەندىگىن،«ەكىنى قورعاۋ»دى ورىنداعان-ورىنداماعاندىعىن سىناۋدىڭ ءبىر ماڭىزدى ولشەمى ەتۋ كەرەك. ءار دارەجەلى باسشى كادرلار، اسىرەسە، نەگىزگى باسشى كادرلار، ءسوز جوق، جەتە ويلاپ،جەتە ءتۇسىنىپ،جەتكىزە ىستەۋ كەرەك.
تانىم مەن ارەكەتتىڭ بىرلىگىنىڭ قۇنى ارەكەتتە. ورتالىقتىڭ ەكونوميكالىق قىزمەت ءماجىلىسىنىڭ رۋحىن مۇقيات ۇيرەنىپ، دايەكتىلەندىرىپ،وسكەلەڭ ساياسي جاۋاپكەرشىلىك سەزىممەن، ءوز جاۋاپكەرشىلىگىن وتەيتىن كوكەي تەستىلىك سەزىممەن جاڭا دامۋ ۇستانىمىن ونان ارى تىڭعىلىقتى تياناقتاندىرساق، ءبىز،ءسوز جوق، جاپپاي دوڭگەلەك داۋلەتتى قوعام ورناتۋ نىساناسىن ۋاعىندا جۇزەگە اسىرىپ، جۇڭگو ەكونوميكاسىنىڭ جوعارى ساپالى دامۋىن جۇزەگە اسىرۋدى ىلگەرىلەتە الامىز.
«شينجياڭ گازەتىنەن»
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى