ايماعىمىزداعى ءار ۇلت كادرلارى مەن بۇقارا ايماقتىق پارتكومنىڭ كەڭەيتىلگەن ءماجىلىسى رۋحىن ۇيرەنۋ،دايەكتىلەندىرۋدىڭ قىزۋ ورلەۋىن جەدەل كوتەردى
تىلشىلەرىمىز داي جياۋمەي،ياۋ ميڭ، جاڭ پەيچي،لي شيا،ەرىكتى ءتىلشى سۇڭ تيڭ،تاۋ جياڭحۋا حابارلايدى. 12-ايدىڭ 21-كۇنى تۇستەن بۇرىن ايماقتىق پارتكومنىڭ كەڭەيتىلگەن ءماجىلىسى سالتاناتپەن اشىلدى،ايماعىمىزداعى ءار ۇلت كادرلارى مەن بۇقارانىڭ جىگەرى تاسقىنداپ،ءماجىلىس رۋحىن ۇيرەنۋ، دايەكتىلەندىرۋدىڭ قىزۋ ورلەۋىن جەدەل كوتەردى.
ماجىلىستە ايماقتىق پارتكومنىڭ شۋجيى شۋە بيننىڭ جاساعان بايانداماسى تۇتاس ايماعىمىزدا قىزۋ اڭىس قوزعادى. ۇيرەنۋ ارقىلى كوپشىلىك مىنالاردى ءبىلدىردى: قاتاڭ تۇردە ايماقتىق پارتكومنىڭ قىزمەت ورنالاستىرۋى بويىنشا ءماجىلىس رۋحىن ويداعىداي تياناقتاندىرىپ،قىزمەتىمىزدى كۇش سالا جاقسى ىستەپ، بۇقاراعا ءتىپتى دە جاقسى قىزمەت وتەيمىز.
شيحۋ قالاسى جيۋجياندىر اۋىلى دەر كەزىندە ورگانداعى بارلىق كادرلاردى ايماقتىق پارتكومنىڭ كەڭەيتىلگەن ءماجىلىسى رۋحىن جەتكىزۋ، ۇيرەنۋگە ۇيىمداستىردى. جيۋجياندىر اۋىلدىق پارتكومنىڭ شۋجيى حاۋ شۋاي: «يدەيانى ايماقتىق پارتكومنىڭ كەڭەيتىلگەن ءماجىلىسى رۋحىمەن شىنايى بىرلىككە كەلتىرىپ،2020-جىلعى ءتۇرلى قىزمەتتى مۇقيات جوسپارلاپ، جيۋجياندىر اۋىلىنىڭ ءتۇرلى قىزمەتىنىڭ جاڭا جاعدايىن قۇلشىنا اشۋىمىز كەرەك» دەدى.
شاۋەشەك قالالىق 2-باستاۋىش مەكتەپتىڭ وقىتۋشىسى فۋ ناجيا: «ءماجىلىس بەتالىسىمىزدى ايقىندادى. الداعى جەردە قىزمەت ورنىمدى تياناق ەتىپ، ءبىلىم بەرىپ ادام تاربيەلەپ ، الدىمەن ونەگە كورسەتىپ،وقىتۋ ساپاسىندا تىڭ ناتيجە جاراتۋعا قۇلشىنىپ، جاڭا ءداۋىردىڭ ۇزدىك وقۋ-اعارتۋ قىزمەتكەرى بولۋعا كۇش سالامىن» دەدى.
ءدوربىلجىن اۋدانى ءدوربىلجىن قالاشىعى ارشاتى جولى الەۋمەتتىك اۋماعى بىرلەسكەن پارتيا قىزمەت كوميتەتىنىڭ شۋجيى پان شينليڭ قولفونىنداعى جازىلۋ تەكشەسىنەن پايدالانىپ،دەر كەزىندە ايماقتىق پارتكومنىڭ كەڭەيتىلگەن ءماجىلىسىنىڭ مازمۇندارىنان حاباردار بولدى. ول: «الەۋمەتتىك اۋماقتىڭ شۋجيى رەتىندە قىزمەت ورنىمدى تياناق ەتىپ،ءماجىلىس رۋحىن مۇقيات ۇيرەنىپ، ىشكەرىلەي تۇسىنەمىن. توپتىق ۇيرەنۋ، تالقى ورىستەتۋ سياقتى ادىستەردەن پايدالانىپ، الەۋمەتتىك اۋماقتاعى كادرلاردىڭ ورتاق تانىمىن ۇيىستىرىپ،قىزمەت وتەۋ تانىمىن جوعارىلاتىپ، مۇقيات تەكسەرۋ-زەرتتەۋ جۇرگىزىپ،الەۋمەتتىك اۋماقتاعى ءتۇرلى ماسەلەلەردى شەشىپ، الەۋمەتتىك اۋماقتاعى ءار ۇلت تۇرعىندارىن بارىنشا ىنتىماقتاستىرىپ،قوعامنىڭ ورنىقتىلىعى مەن تۇرعىنداردى باقىتقا كەنەلتۋگە كۇش-قۋاتىمدى ارنايمىن» دەدى.
ايماقتىق پارتكومنىڭ كەڭەيتىلگەن ءماجىلىسى ورنىقتىلىق بارىسىندا ىلگەرىلەۋ سىندى قىزمەت جالپى ارناسىنان جازباي، جوعارى ساپالى دامۋدى جالعاستى ىلگەرىلەتىپ، جاڭا دامۋ ۇستانىمىن بۇلجىماستان دايەكتىلەندىرىپ، پارتيا ورتالىق كوميتەتىنىڭ ەكونوميكالىق قىزمەت جونىندەگى ءتۇرلى ساياساتتارىن مۇقيات تياناقتاندىرۋدى ورتاعا قويدى.
تولى اۋداندىق كەدەيلەردى سۇيەمەلدەۋ كەڭسەسىنىڭ مەڭگەرۋشىسى جوۋ ۋيحۇڭ مىنانى ءبىلدىردى: كەدەيلىكتەن ارىلتۋدان قامال الۋدىڭ بەكەمدەۋ،دارەجەسىن جوعارىلاتۋ قىزمەتىن تىڭعىلىقتى ويداعىداي ىستەپ،سەنىمدى بەكەمدەي وتىرىپ،كەدەيلەردى سۇيەمەلدەۋ كاسىبىن دامىتىپ، قايتا كەدەيلەسۋدەن ساقتانامىز؛جاڭاشا تيجارات تۇلعالارىن بەلسەنە جەتىلدىرىپ، اۋىل شارۋاشىلىق سەلبەستىك كووپەراتيۆى، ەلەكتروندىق ساۋدا ىستەرى سياقتىلاردان پايدالانىپ،اۋىل شارۋاشىلىق ونىمدەرىن ءبىر تۇتاس ساتىپ،ەگىن،مال شارۋاشىلىق ونىمدەرىنىڭ بازارداعى باسەكەلىك قۋاتىن جوعارىلاتامىز؛ بۇقارانىڭ نەگىزگى تۇلعالىق رولىن تولىق ساۋلەلەندىرىپ، بۇقارانىڭ اۋقاتتانىپ، دوڭگەلەك داۋلەتتىلىككە ۇمتىلۋداعى ىشكى قوزعاۋشى كۇشىن جوعارىلاتامىز.
ايماقتىق پارتكومنىڭ كەڭەيتىلگەن ءماجىلىسى حالىقتى وزەك ەتۋگە تاباندى بولىپ،حالىق تۇرمىسىن جالعاستى قامتاماسىزداندىرىپ جانە جاقسارتىپ، جۇمىستانۋدى ورنىقتىرۋ جانە كەڭەيتۋدى ورتاعا قويدى.
ايماقتىق پارتكوم ۇيىمداستىرۋ ءبولىمىنىڭ ورىنباسار باستىعى، ايماقتىق ادام كۇشى بايلىعى جانە قوعامدىق قامتاماسىزداندىرۋ مەكەمەسى پارتيا باسشىلىق گرۋپپاسىنىڭ شۋجيى دوۋ شى-ۋي بىلاي دەدى: ايماقتىق ادام كۇشى بايلىعى جانە قوعامدىق قامتاماسىزداندىرۋ مەكەمەسى حالىق تۇرمىسىن قامتاماسىزداندىرۋ جانە جاقسارتۋ مىندەتىن ارقالاپ وتىر،ورنىقتىلىق بارىسىندا ىلگەرىلەۋ سىندى قىزمەت جالپى ارناسىن مىقتى يگەرىپ، جاڭا دامۋ ۇستانىمىن جاقسى دايەكتىلەندىرىپ، تياناقتاندىرىپ، جۇمىستاندىرۋ، شارۋاشىلىق قۇرۋ،قوعامدىق قامتاماسىزداندىرۋ،كادرلار-دارىندىلار،ەڭبەك قاتىناسى سياقتى 4 ءتۇرلى ءتۇيىندى قىزمەتتى كورنەكتى ويداعىداي مىقتى يگەرىپ، جەتەرسىز جاقتاردى تولىقتاۋ،ءالسىز بۋىنداردى كۇشەيتۋ، حاۋىپ-قاتەردەن ساقتانۋ، مەجەنى ورنىقتىرۋ جاقتارىنا كۇش سالىپ، ايماقتىڭ ادام كۇشى بايلىعى جانە قوعامدىق قامتاماسىزداندىرۋ ىستەرىنىڭ جوعارى ساپالى دامۋىن كۇش سالا ىلگەرىلەتەمىز.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى