«ۇيرەنۋ مايتالماندارى»نىڭ جاڭا جىلدا پىكىر اۋستىرۋ ءماجىلىسىن اشىپ، «ۇيرەنۋدە قۋاتتى ەل» نەگىزگى تاقىرىپتىق الەۋمەتتىك كوشە اۆتوبۋزىن جۇرگىزىپ، «ۇيرەنۋدە قۋاتتى ەل» ۇيرەنۋ ءمۇيىسىن قۇردى
ءتىلشىلەرىمىز دۋمان يڭۋا ،سۇڭ جيانلياڭ حابارلايدى. پىكىر اۋىستىرۋ ءماجىلىسىن اشىپ،«ۇيرەنۋدە قۋاتتى ەل» «ۇيرەنۋ مايتالماندارىن» ماداقتاپ-سيلادى؛ الەۋمەتتىك كوشە اۆتوبۋزداردىڭ ورىندىقتارىنا «ۇيرەنۋدە قۋاتتى ەل» ەكى ولشەمدى كودىن جاپسىرىپ، ءارقايسى الەۋمەتتىك اۋماقتىڭ حالىققا قولايلى قىزمەت وتەۋ زالىندا «ۇيرەنۋدە قۋاتتى ەل» ۇيرەنۋ ءمۇيىسىن قۇردى.... ساۋان اۋدانى «ۇيرەنۋدە قۋاتتى ەل» ۇيرەنۋ شارالارىن جاسامپازدىقپەن جالپىلاستىرىپ، پارتيا مۇشەلەرى مەن كادرلار جۇرتشىلىعىنىڭ قالاعان ۋاقىتتا،جاقىن جەردەن ۇيرەنۋىنە قولايلىلىق جاراتتى.
1-ايدىڭ 4-كۇنى ساۋان اۋداندىق شينحۋا كىتاپ دۇكەنىنىڭ «جەلىدەن سىرت ۇيرەنۋ تاجىريبەلەرىن تانىستىرۋ سارايى»ندا «ۇيرەنۋ مايتالماندارى»نىڭ جاڭا جىل پىكىر اۋىستىرۋ ءماجىلىسى اشىلدى. تۇتاس اۋدانداعى «ۇيرەنۋدە قۋاتتى ەل» جەلىسىنە تىركەلگەن 11 مىڭ 590 ۇيرەنۋشىنىڭ ىشىندەگى جيناق ءنومىرى الدىڭعى 10 ورىندى يەلەگەن «ۇيرەنۋ مايتالماندارىن» ماداقتاپ-سيلادى. قيمىلعا قاتىناسقان «ۇيرەنۋ مايتالماندارى» ۇيرەنۋ تاجىريبەلەرى مەن اسەرلەرىن ورتاقتاستى.
2019-جىلعى ۇيرەنۋدە جيناق ءنومىرى ءبىرىنشى بولعان دىڭ شيا: «ماداقتالىپ-سيلانعانىما توتەنشە قۋانىشتامىن. مۇنان بىلاي جالعاستى ۇيرەنىپ،ۇيرەنۋدەگى جاقسى تاجىريبەلەرىمدى كوپشىلىكپەن ورتاقتاسىپ،ماڭايىمداعى ءتىپتى دە كوپ ادامدى ۇيرەنۋ قوسىنىمىزعا كىرۋگە جەتەكتەپ،‹ۇيرەنۋدە قۋاتتى ەل› تۇعىرىن كوپشىلىكتىڭ قولىنداعى بايلىعىنا، ءبىلىم قازىناسىنا اينالدىرامىن» دەدى.
2019-جىلدىڭ باس شەنىنەن بەرى،ساۋان اۋدانىنداعى ءارقايسى ورىن «ۇيرەنۋدە قۋاتتى ەل» تۇعىرىن ءتۇسىرۋدى جانە ودان پايدالانۋدى جاپپاي ىلگەرىلەتىپ، ۇيرەنۋدىڭ قىزۋ ورلەۋىن جەدەل كوتەردى.
تاڭەرتەڭ تۇرا سالىسىمەن «ۇيرەنۋدە قۋاتتى ەل» تۇعىرىن اشىپ، حابار تىڭداپ،نازاريا وقۋ،تۇسكى دەمالىس كەزىندە باسەكەلەسە جاۋاپ قايتارۋ، قىزمەتتەن ءتۇسىپ ۇيگە قايتقان سوڭ،«تارتىمدى ساباق»،«ميكرو كەسكىن» كورۋ ساۋان اۋدانىنداعى باسىم كوپ ساندى پارتيا مۇشەلەرى مەن كادرلاردىڭ ادەتىنە جانە قالا-اۋىلداعى ءار ۇلت بۇقاراسى ۇناتا قابىلدايتىن ۇيرەنۋ تاسىلىنە اينالدى.
جاڭا جىل كىرىسىمەن، ساۋان اۋداندىق پارتكوم ۇگىت ءبولىمى شارالاردى جاسامپازدىقپەن جالپىلاستىرىپ، بەكەت تۇيىندەرى كوپ،ادام كوپ وتىراتىن، نەگىزگى قالا رايونىن باسىپ وتەتىن الەۋمەتتىك كوشە اۆتوبۋز لەنيالارىندا «ۇيرەنۋدە قۋاتتى ەل» نەگىزگى تاقىرىپتىق الەۋمەتتىك كوشە اۆتوبۋزىن جۇرگىزدى. الەۋمەتتىك كوشە اۆتوبۋزىنىڭ ىشىندەگى ەلەكتروندى ەكرانعا،ورىندىق ارقالىعىنىڭ ارتىنا جانە اۆتوبۋزدىڭ ىشكى قابىرعاسىنا كوزگە ايقىن تۇسەتىن «ۇيرەنۋدە قۋاتتى ەل» جازۋى مەن ۇگىت جارناماسىن شىعاردى.
1-جول الەۋمەتتىك كوشە اۆتوبۋزىنداعى «ۇيرەنۋدە قۋاتتى ەل» جازۋى مەن جارناماسى جولاۋشىلاردى وزىنە باۋرادى.
«كوشە اۆتوبۋزىنا وتىرعاندا،ەكى ولشەمدى كودتى جايمالاپ، ‹ۇيرەنۋدە قۋاتتى ەل› تۇعىرىنا تىركەلۋدىڭ ءوزى تاڭسىق ءىس. ۇيرەنۋ تۇعىرىمەن حابار كورىپ، مۋزىكا، لەكسيا تىڭداۋمەن قاتار، كينو كورىپ، اڭگىمە تىڭداپ، ادەبيەت-كوركەمونەر نومىرلەرىن كورۋگە بولادى. يكەمدى، مازمۇنى باي، وتە جاقسى» دەدى جولاۋشى ليۋ ميڭ.
ساۋان اۋدانىنداعى ءارقايسى الەۋمەتتىك اۋماقتاردىڭ حالىققا قولايلى قىزمەت وتەۋ زالى جانە شينحۋا كىتاپ دۇكەنى، كىتاپحانا،عىلىم-تەحنيكا سارايى،پوچتا مەكەمەسى، تەلەگراف سەرىكتەستىگى، بانكە تيجارات زالى سياقتى الەۋمەتتىك ورىنداردىڭ بارلىعىنان «ۇيرەنۋدە قۋاتتى ەل» ۇيرەنۋ ءمۇيىسىن كەزىكتىرە الاسىز،پارتيا مۇشەلەرى مەن كادرلار قالاعان ۋاقىتتا،جاقىن جەردەن ۇيرەنە الاتىن بولىپ، قىزعىن ۇيرەنۋ سالتىن قالىپتاستىردى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى