ءتىلشىمىز داي جياۋمەي حابارلايدى. تاياۋدا مەملەكەتتىك اۋىل شارۋاشىلىعى،اۋىل-قىستاق مينيسترلىگى مەملەكەتتىك اۋىل-قىستاقتى جونگە سالۋدان ۇلگى كورسەتەتىن قىستاق،قالاشىقتاردىڭ كانديدات تىزىمدىگىن جاريالاۋ ۇقتىرۋىن شىعاردى،مۇنىڭ ىشىندە شاۋەشەك قالاسى اشىلى داعۇر ۇلتتىق اۋىلىنىڭ قۇرتوبە قىستاعى مەملەكەتتىك اۋىل-قىستاقتى جونگە سالۋدان ۇلگى كورسەتەتىن قىستاق قاتارىنا كىرگەن.
ۇعىسۋعا قاراعاندا،وسى رەتكى مەملەكەتتىك اۋىل-قىستاقتى جونگە سالۋدان ۇلگى كورسەتەتىن قىستاق،قالاشىقتاردى قۇرۋ قىزمەتىن ورىستەتۋدە ءارقايسى ولكەلەردىڭ (اۆتونوميالى رايون،توتە قاراستى قالالار) كورسەتۋى مەن مامانداردىڭ باعالاۋ-تەكسەرۋى نەگىزىندە،ورتالىق اۋىل شارۋاشىلىق كەڭسەسى،اۋىل شارۋاشىلىعى،اۋىل-قىستاق مينيسترلىگى، ورتالىق كوميتەت ۇگىت ءبولىمى،حالىق ىستەرى مينيسترلىگى،ءادىليا مينيسترلىگى سياقتى 5 تاراۋ تەكسەرىپ بەكىتۋ ارقىلى جيىنى 100 اۋىلدى (قالاشىق) مەملەكەتتىك اۋىل-قىستاقتى جونگە سالۋدان ۇلگى كورسەتەتىن اۋىل-قالاشىق،1000 قىستاقتى مەملەكەتتىك اۋىل-قىستاقتى جونگە سالۋدان ۇلگى كورسەتەتىن قىستاق ەتىپ تۇراقتاندىرعان.
قۇرتوبە قىستاعى شاۋەشەك قالا رايونىنىڭ شىعىس سولتۇستىگىنەن 15 كيلومەتر قاشىقتىقتا،اشىلى اۋىلدىق ۇكىمەت تۇرعان جەردەن 5 كيلومەتر قاشىقتىققا ورنالاسقان،تۇتاس قىستاقتا 111 وتباسى،353 ادام بولىپ،حانزۋ،داعۇر،ۇيعۇر،قازاق سياقتى 8 ۇلتتان قۇرالعان.
ۇزاق جىلدان بەرى،قىستاق «ەكى كوميتەتى»،قىستاقتا تۇراتىن قىزمەت اترەتى اۋىل-قىستاقتىڭ قورشاعان ورتا تازالىعىن جونگە سالۋ قىزمەتىن قىستاق قىزمەتىنىڭ ماڭىزدى كۇن تارتىبىنە ەنگىزىپ،قىستاقتىڭ قورشاعان ورتا تازالىعىن جان-جاقتى جونگە سالۋ قىزمەتىنە باسشىلىق ەتۋ گرۋپپاسىن قۇرىپ،قىستاقتىڭ قونىس ورتاسىن رەتتەۋ-جونگە سالۋعا قاتىستى تالاپتاردى قىستاق ەرەجەسىنە،حالىق شارتىنا ەنگىزىپ،قىستاق ىشىندەگى نەگىزگى جولداردى،كوشە جولدارىن،قىستاق تۇرعىندار ۇيلەرىنىڭ ىشكى-سىرتقى ورتا تازالىعىن اۋىق-اۋىق شوعىرلى تەكسەرىپ وتىرعان. سونىمەن بىرگە،دۇيسەنبى كۇنگى مەملەكەت تۋىن شىعارۋ سالتى،ەگىنشى-مالشىلار مەكتەبى سياقتى فورمالارمەن كەڭ كولەمدە ۇگىت جۇرگىزىپ،قىستاق تۇرعىندارىنا «قىستاق ءبىزدىڭ جانۇيامىز،تازالىعى كوپشىلىككە ورتاق» دەيتىن قوجايىندىق تانىم ورناتقان.
قىستاق كوركەيىپ،قىستاق تۇرعىندارىنىڭ مادەنيەت كوزقاراسى ارتىپ،كورىكتى اۋىل-قىستاق قۇرۋ ىنتاسى كۇشەيدى. قازىر قىستاق كادرلارىنىڭ وتباسىلاردى ارالاپ ۇگىتتەۋ سالىستىرماسى،قىستاق تۇرعىندارىنىڭ حاباردار بولۋ سالىستىرماسى جانە ات سالىسۋ سالىستىرماسى تۇگەلدەي %100 كە جەتتى. قىستاق جانە تازارتۋدى،جاسىلداندىرۋدى،جارىقتاندىرۋدى،كورىكتەندىرۋدى ءبىر-بىرىمەن ۇشتاستىرىپ،ءتۇرلى كورىنىس اعاشتار،گۇل-ءشوپ سياقتى اسەمدىك وسىمدىكتەر ەگىپ، تاماشا ونىمدىلىككە قول جەتكىزگەن.
قىستاق پارتيا ياچەيكاسىنىڭ شۋجيى،قىستاق تۇرعىندار كوميتەتىنىڭ مەڭگەرۋشىسى جۇڭ پيڭ: «بۇگىنگى تاڭدا قىستاق تۇرعىندارىنىڭ بارلىعى مەكەندى ءسۇيۋ،بارلىق ادام كورىكتى مەكەن قۇرۋعا ات سالىسۋ ىنتاسى جوعارىلاعاندىقتان عانا،مەملەكەتتىك اۋىل-قىستاقتى جونگە سالۋدان ۇلگى كورسەتەتىن قىستاق،قالاشىق قاتارىنا كىرە الدىق» دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى