شاعانتوعاي اۋداندىق 12-كەزەكتى پارتكومنىڭ 7-رەتكى جالپى مۇشەلەر (كەڭەيتىلگەن) ءماجىلىسى بيىلعى دامۋ وي جەلىسى مەن نىسانا-مىندەتتەردى تۇراقتاندىردى
ۇسىنىس ەتىلگەن ءتىلشى لي ميڭشىڭ حابارلايدى. ءۇش ءىرى قامال الۋ شايقاسىنىڭ جەڭىسىنە باتىل قول جەتكىزۋ،ونەركاسىپتەندىرۋ اياق الىسىن كۇش سالا ىلگەرىلەتۋ، ەكولوگيالىق ەگىن،مال شارۋاشىلىعىن بار كۇشپەن دامىتۋ......ساياساتى تابىستى دا ەلى بەرەكەلى،حاۋىپسىز دە ىرىستى،ەكولوگياسى كوركەم دە قونىستانۋعا جايلى،وركەنيەتتى دە باقىتتى شاعانتوعايدى قۇلشىنا قۇرۋ بيىلعى شاعانتوعاي اۋداندىق 12-كەزەكتى پارتكومنىڭ 7-رەتكى جالپى مۇشەلەر (كەڭەيتىلگەن) ءماجىلىسى تۇراقتاندىرعان دامۋ وي جەلىسى مەن نىسانا-مىندەتتەر.
ءۇش ءىرى قامال الۋ شايقاسىنىڭ جەڭىسىنە باتىل قول جەتكىزۋدە كاسىپ ارقىلى كەدەيلەردى سۇيەمەلدەۋ تەبىنىن ارتتىرىپ،جەرگىلىكتى جاعدايعا قاراي شارا قولدانا وتىرىپ ەرەكشەلىككە يە كاسىپتەردى دامىتۋعا تاباندى بولادى؛ 20 ميلليون يۋان قارجى قوسىپ،لاس سۋدى ءبىر جاقتىلى ەتۋ زاۆودىنىڭ دارەجەسىن جوعارىلاتىپ،سيىمدىلىعىن ارتتىرۋ ينجەنەرياسىن اتقارىپ، ەكولوگيالىق ورتانى قورعاۋ قۇرىلىسىن ورىستەتەدى؛شىعىس قۇرىلىمىن بارىنشا ساپالىلاندىرىپ، قازىنانى باياندى دامىتۋدىڭ تومەنگى شەگىن باتىل ساقتاۋعا كۇش سالىنادى.
ەكولوگيالىق ەگىن،مال شارۋاشىلىعىن كۇش سالا دامىتۋدا «استىقتى ورنىقتىرۋ،مال شارۋاشىلىعىن جەبەۋ،جەمىس-جيدەك شارۋاشىلىعىن نىعايتۋ،ەرەكشەلىككە يە ونىمدەردى دامىتۋ» وي جەلىسىندە تاباندى بولادى. مۇندا،ءبيدايدىڭ، جۇگەرىنىڭ ەگىلۋ كولەمى 280 مىڭ مۋعا،ماقسارىنىڭ ەگىلۋ كولەمى 150 مىڭ مۋعا ورنىقتىرىلادى؛مال جانە ءۇي قۇستارى ولشەمدەنگەن باعىمشىلىق كولەمىن كەڭەيتىپ،مال جانە قۇس ونىمدەرىنىڭ جالپىلىق ءوندىرىس قۋاتىن جوعارىلاتىپ،شاعانتوعاي اۋدانىن تۇتاس رايونىمىزداعى ەت ونىمدەرىن ءوندىرۋ،مانەرلەۋ بازاسىنا اينالدىرۋعا كۇش سالىنادى؛ەرەكشەلىككە يە ورمان جەمىس-جيدەك كاسىبىن زورايتىپ جانە كۇشەيتىپ،«كاسىپورىن + بازا + شارۋا وتباسى» ۇلگىسى ورناتىلادى؛«قىزىل،جاسىل،قارا ءتۇستى» كاسىپتى ءتۇيىندى دامىتىپ،جۇڭگوشا ءدارى ءشوپ،شەكىلدەۋىكتى وجاۋقاباق،قانت قىزىلشاسى سياقتى ەرەكشەلىككە يە داقىلداردىڭ ەگىلۋ كولەمى 100 مىڭ مۋعا ارتتىرىلادى.
ونەركاسىپتەندىرۋ اياق الىسىن كۇش سالا ىلگەرىلەتۋدە توقىماشىلىق، كيىم-كەشەكتى ءتۇيىن ەتكەن ەڭبەككۇشتى كوپ قاجەت ەتەتىن كاسىپتەر پارمەندى دامىتىلىپ،كيىم-كەشەك شەكارا ساۋدا سەلبەستىك رايونىن قۇرۋعا كۇش سالىنادى؛ماقسارى،باسباي قويى،كۇلگىن قابىقتى ۋسارىمساق سياقتى اۋىل شارۋاشىلىق قوسىمشا ونىمدەرىن مانەرلەۋ كاسىبىنىڭ دارەجەسى جوعارىلاتىلادى.
تۇتاس وڭىرلىك ساياحاتتى پارمەندى دامىتۋدى كۇش سالا ىلگەرىلەتۋدە «كوكتەمگى گۇل،جازعى ساحارا،كۇزگى جاپىراق،قىسقى قار» ساياحات بايلىق قاينارىن ساۋلەلەندىرىپ،150 ميلليون يۋان قارجى قوسىپ،ساياحات نەگىزدىك قۇرىلعى قۇرىلىسىن كۇشەيتىپ، «ساياحات + كاسىپ سالاسى»،«ساياحات + تىنىعۋ-كۇتىنۋ» دامۋ ۇلگىسىن پارمەندى ىلگەرىلەتىپ،ساياحاتتىق سالت-سانانى ءتۇيىندى تۇردە دامىتىپ،سارا ساياحات لەنياسىن اشىپ،بيىل ءبىر ميلليون 50 مىڭ ادام رەت ساياحاتشى قابىلداپ،ساياحات كىرىسىن 700 ميلليون يۋانعا جەتكىزۋگە كۇش سالىنادى.
قالا-اۋىل قۇرىلىسىنىڭ جاڭا ۇلگىسىن جاراتۋدى جەدەلدەتۋدە 130 ميلليون يۋان قارجى قوسىپ،قالانىڭ كورىنىس تۇيىندەرىن مولايتىپ،قالا يقۋاتىن كەمەلدەندىرىپ،قالا مەن اۋىلدى ءبىر تۇلعالاندىرىپ دامىتۋدى ىلگەرىلەتەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى