باس شۋجي شي جينپيڭنىڭ نەگىزگى تاقىرىپتىق تاربيەنى قورىتىندىلاۋ جينالىسىنداعى ماڭىزدى ءسوزى ايماعىمىزدا قىزۋ اڭىس قوزعادى __
تىلشىلەرىمىز داي جياۋمەي، جاڭ گوحۇي، ۇسىنىس ەتىلگەن ءتىلشى حى چىڭچياڭ حابارلايدى. جاقىننان بەرى باس شۋجي شي جينپيڭنىڭ نەگىزگى تاقىرىپتىق تاربيەنى قورىتىندىلاۋ جينالىسىنداعى ماڭىزدى ءسوزى ايماعىمىزدا جالعاستى قىزۋ اڭىس قوزعادى. كوپشىلىك جابال اۋەلگى ماقساتتى ۇمىتپاي، بورىشتى ەستە بەرىك ساقتاپ،تاريحي بورىشتى باتىلدىقپەن ارقالاپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا ءتىپتى دە زور كۇش-قۋاتتارىن ارنايتىندىقتارىن ءبىلدىردى.
«جالعاستى تۇردە جاۋاپكەرشىلىكتى، ماسەلەنى كوكەيدە ساقتاي وتىرىپ،ءتۇپ نۇسقانى وقىپ، اۋەلگى ءماتىندى ۇيرەنىپ، قاعيدانى ۇعىنىپ، يدەيالىق تانىمنىڭ تەرەڭ قاتپارىنان مۇرات ـ سەنىم جونىندەگى تانىمىمدى تەرەڭدەتىپ، جاۋاپكەرشىلىك ارقالاۋدى كۇشەيتىپ، قىستاق دارەجەلى پارتيا ۇيىمى مەن پارتيا مۇشەلەرىنىڭ جاۋىنگەرلىك قۋاتىن، ۇيىسۋ قۋاتىن، وزەككە تارتۋ قۋاتىن جوعارىلاتىپ، ەكونوميكا مەن قوعام دامۋىن پارمەندى ساياسي، يدەيالىق، ۇيىمدىق، ستيل جانە تارتىپتىك كەپىلمەن قامدايمىن» دەدى ساۋان اۋدانى قورقىس قالاشىعى ليۋشۋگۋ قىستاعى پارتيا ياچەيكاسىنىڭ شۋجيى ما ۋىنبيڭ.
قوبىقسارى موڭعۇل اۆتونوميالى اۋدانى قوستولاعاي قالاشىعى پارتكومىنىڭ شۋجيى يە شياڭجياڭ: «نەگىزگى تاقىرىپتىق تاربيە ورىستەتىلگەننەن بەرى،ءبىز نەگىزگى تاقىرىپتىق تاربيەنى كەدەيلىكتەن ارىلتۋدان قامال الۋ،اۋىل ـ قىستاقتى گۇلدەندىرۋ سياقتى ءتۇرلى قىزمەتتەرمەن تىعىز بايلانىستىرىپ، ۇيرەنۋ مەن قولدانۋدى ۇشتاستىرۋعا، تەكسەرۋ مەن تۇزەتۋدى ساباقتاستىرۋعا تاباندى بولىپ، بۇكىل قالاشىقتاعى كادرلار قوسىنىنىڭ جىگەرىن ۇزدىكسىز سەرپىلتىپ،حالىق تۇرمىسىنا قاتىستى ءبىر توپ ناقتى ماسەلەلەردى شەشتى. الداعى جەردە ءبىز باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ،ءتۇسىنىپ، پارتيا مۇشەلەرى مەن كادرلاردى يدەيالىق، ساياسي جاقتان ۇنەمى دەنساۋلىق تەكسەرتۋ جۇرگىزۋگە تاربيەلەپ، جەتەكتەپ، اۋەلگى ماقساتتى،بورىشتى ەستە بەرىك ساقتاپ، قول جەتكەن تابىستاردى بەكەمدەپ، نەگىزگى تاقىرىپتىق تاربيەنىڭ وسىناۋ توپىراقتا مول جەمىس بەرۋىنە مۇمكىندىك جاسايمىز» دەدى.
شيحۋ قالالىق دەنساۋلىق ساقتاۋ-سالاماتتىق كوميتەتى پارتيا مۇشەلەرى مەن كادرلاردى باس شۋجي شي جينپيڭنىڭ نەگىزگى تاقىرىپتىق تاربيەنى قورىتىندىلاۋ جينالىسىندا سويلەگەن ماڭىزدى ءسوزىن مۇقيات ۇيرەنۋگە ۇيىمداستىردى.
«الداعى جەردە نەگىزگى تاقىرىپتىق تاربيەنى دەنساۋلىق ساقتاۋ-سالاماتتىق قىزمەتىمەن تىعىز ۇشتاستىرىپ،ساپالى ەمدەۋ بايلىق قاينارى جەتىسپەۋ،قالا مەن اۋىلداعى ورنالاسۋى بىركەلكى بولماۋ سياقتى كورنەكتى ماسەلەلەردى ءتۇيىندى تۇردە شەشەمىز. نەگىزگى تاقىرىپتىق تاربيەنى تىڭعىلىقتى ورىستەتۋمەن بىرگە، ەمدەۋ، دەنساۋلىق ساقتاۋ قىزمەتىنىڭ ءتۇرلى مىندەتتەرىن مۇقيات ورىنداپ، ءتۇيىندى قىزمەتتەردىڭ تياناقتانۋىن ىلگەرىلەتەمىز. ‹الدىمەن ەمدەلىپ،سوڭىنان اقىسىن تولەۋ› جانە ‹ءبىر ورىندا ەسەپ جابۋ› ءتۇزىمىن ويداعىداي تياناقتاندىرىپ، جالپى بەتتىك دەنساۋلىق تەكسەرۋ قىزمەتىن ويداعىداي جوسپارلاپ، تۋبەركۋلەز اۋرۋىنان ساقتانۋ جانە ونى ەمدەۋدىڭ جاڭا شارالارىن بەلگىلەپ، الىس ارالىقتان ەمدەۋگە قىزمەت وتەۋ قىزمەتىن جاپپاي اتقارىپ، بۇقاراعا جوعارى ءونىمدى، رازى بولارلىقتاي قىزمەت وتەيمىز» دەدى شيحۋ قالالىق دەنساۋلىق ساقتاۋ-سالاماتتىق كوميتەتى پارتيا باسشىلىق گرۋپپاسىنىڭ شۋجيى لەي جيانحۋا.
شاۋەشەك قالاسى دۋبەك ءمالى باسقارماسى دۋبەك الەۋمەتتىك اۋماعىنىڭ مەڭگەرۋشىسى گاۋ ايجۇي بىلاي دەدى: «باس شۋجي شي جينپيڭنىڭ ءسوزىن ەستىپ توتەنشە اسەرلەندىم، سوڭعى جىلدارى تۇرعىنداردىڭ تۇرمىسى بارعان سايىن جاقساردى، مۇنىڭ بارلىعى پارتيانىڭ ابزال ساياساتىنىڭ ارقاسى. الەۋمەتتىك اۋماقتىڭ قىزمەتكەرى رەتىندە، پارتيا مۇشەلەرىنىڭ ۇلگىلىك، باستاماشىلدىق رولىن ساۋلەلەندىرىپ، نەگىزگى تاقىرىپتىق تاربيەنى حالىق ءۇشىن ناقتى، يگى ءىس ىستەۋمەن ۇشتاستىرىپ، ۇيرەنۋ بارىسىندا وي جۇگىرتىپ، ۇيرەنۋ بارىسىندا قىزمەت وتەپ، بۇقارانىڭ جاناشىرى بولىپ، تۇرعىنداردى بارعان سايىن باقىتتى تۇرمىسقا كەنەلتەمىز» دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى