■ شەگىشور كۇرىش اراعى،ياڭ حۇڭجاڭ بالى، حۇڭمانيۋان الاقاتى سىندى 6 كاسىپورىنعا ۇقىق بەرىلدى
ءتىلشىمىز جاڭ گوحۇي حابارلايدى. جۋىقتا تۇڭعىش كەزەكتى شيحۋ قالالىق ەلەكتروندى ساۋدادان الەۋمەتتىك قىزمەت وتەۋ ورتالىعىنىڭ مەرەكەلىك بۇيىم مەرەكەسى جانە شيحۋ قالاسىنىڭ وڭىرلىك الەۋمەتتىك ماركالارىنا ۇقىق بەرۋ قول قويۋ سالتىندا،شەگىشور كۇرىش اراعى، ياڭ حۇڭجاڭ بالى،حۇڭمانيۋان الاقاتى،ليۋ-يلۇڭ الاقات جۇمىرتقاسى، چىنچينيۋان ساقتامالى سىركە سۋى،شۋەياۋ ءلالا گۇلى سىندى 6 كاسىپورىنعا ۇقىق بەرىلدى ءارى ۇقىق بەرۋ حاتىنا قول قويىستى.
كەلىسىمگە قول قويعان كاسىپورىنشىلار ايگىلى ماركا كاسىبىنە قاتىستى ءبىلىم، تەحنيكالاردى ىشكەرىلەي ءتۇسىنىپ، ايگىلى ماركا كەلىسىم مازمۇنىنىڭ ەرەجەسىنە بويسۇنىپ،كاسىپتىك تاراۋلاردىڭ باقىلاۋ-باسقارۋىن جانە قوعامداعى ءار سالانىڭ باقىلاۋىن قابىلداپ،شيحۋدىڭ «تەرىستىكتەگى شيحۋ» سىندى تاماشا ماركاسىن شىن مانىندە قورعاپ، شيحۋ قالاسى ەكونوميكاسىنىڭ دامۋىنا كۇش-قۋاتتارىن ارنايتىندىقتارى جونىندە ۋادە بەردى.
ۇعىسۋعا قاراعاندا،قول قويۋ سالتى شيحۋ قالاسى ميڭتاي قوناق ۇيىندە وتكىزىلگەن. ەلەكتروندى ساۋدامەن اينالىساتىن 200 دەن استام كاسىپورىن مەن كاسىپ سالاسى، قوعامنىڭ جاۋاپتىلارىنىڭ ۋاكىلى جانە شيحۋ قالاسىنداعى اۋىل شارۋاشىلىق ونىمدەرىن وندىرۋگە جانە ساتۋعا قاتىستى كاسىپورىنداردىڭ جاۋاپتىلارى ماجىلىسكە قاتىناسقان. ون نەشە كاسىپورىن مەرەكەلىك بۇيىمدار مەرەكەسى ارقىلى اۋىل شارۋاشىلىق ەرەكشە ونىمدەرىن ايگىلەدى،تانىستىردى.
قيمىلدا بايانداما جاساۋ،ايگىلى ماركا تانىستىرۋ،ۇقىق بەرىپ قول قويۋ، لەكتورلار ساباق سويلەۋ،دوڭگەلەك ۇستەل تالقى مىنبەرى سياقتى فورمالارمەن شيحۋ قالاسىنىڭ اۋىل شارۋاشىلىق ەرەكشە ونىمدەرىنىڭ ايگىلى ماركاسىن دامىتۋ ستراتەگياسى،ايگىلى ماركانىڭ ورنىن تۇراقتاندىرىپ تالداۋ جاساۋ،ايگىلى ماركانى جوبالاۋ جانە باسقارۋ سياقتى مازمۇنداردا ىشكەرىلەي تالقى ورىستەتىلدى.
شينجياڭ بۇداۋ-ۋىڭ ينفورماتسيا عىلىم-تەحنيكا شەكتى سەرىكتەستىگى شيحۋ بولىمشە سەرىكتەستىگىنىڭ باس ديرەكتورى جاڭ حۇڭ ناق مايداندا ماركا تانىستىردى. ول ءارقايسى كاسىپورىنداردى ينفورماتسيا تەحنيكاسى سالاسىمەن بەلسەنە سەلبەسىپ، اۋىل-قىستاق ەلەكتروندى ساۋداسىن دامىتۋدى وزدەرىنىڭ كاسىپتەنۋ، شارۋاشىلىق قۇرۋداعى ماڭىزدى جولى ەتۋگە اناعۇرلىم كوپ جىگەرلى جاستاردى، اۋىل شارۋاشىلىق كاسىپتىك سەلبەستىك كووپەراتيۆتەرىن، ەگىمشىلىك، باعىمشىلىق ءىرى وتباسىلارى سياقتىلاردى ەلەكتروندى ساۋدا سالاسىنا ات سالىسۋعا جەتەكتەپ، ەرەكشەلىگى ايقىن ءبىر توپ ينتەرنەت دۇكەندەرىن قۇرىپ، شارۋاشىلىق قۇرۋ بارىسىندا ءوز قۇنىن جۇزەگە اسىرىپ، ونىمدىلىكتى بارىنشا ارتتىرۋعا شىنايى كەپىلدىك ەتۋگە شابىتتاندىردى.
سوڭعى جىلداردان بەرى شيحۋ قالاسى كاسىپ سالاسى مەن ينفورماتسيالانۋدىڭ توعىسۋىن ۇزدىكسىز كۇشەيتىپ، ەلەكتروندى ساۋدانى اۋىل-قىستاققا جەتكىزۋدى جەرگىلىكتى ماركا قۇرىلىسى مەن اۋىل-قىستاقتى كوركەيتۋدەگى ماڭىزدى قىزمەت رەتىندە اتقاردى. اۋىل-قىستاق ەلەكتروندى ساۋداسىن دامىتۋ ارقىلى اۋىل شارۋاشىلىق ونىمدەرىمەن ولشەمدەندىرىپ قامداۋ تىزبەگى،اۋىل شارۋاشىلىق ونىمدەرىن توراپقا شىعارۋ سياقتى كاسىپ سالاسى قۇرىلىسى قىزمەتىن ورىستەتىپ، شيحۋ قالاسىنىڭ اۋىل شارۋاشىلىق ەرەكشە ونىمدەرىنىڭ بازارعا بەت الۋىنا ۇزدىكسىز دەم بەرۋ ارقىلى اۋىل-قىستاق ەكونوميكاسىن دامىتىپ، شارۋالاردىڭ كىرىسىن ارتتىردى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى