ءتىلشىمىز ۋاڭ گاۋشىڭ حابارلايدى. «حۇڭبين، قايداسىڭ؟» «شاشادا جەرگىلىكتى تاۋىق ساتىپ الىپ ءجۇرمىن». «ءوزىڭنىڭ شارۋالار ساياجايىڭدا بار ەدى عوي؟» «كوكتەم مەرەكەسىنە قاراعان تۇنگى باس قوسۋ داستارقانىنا الدىن الا 6 ۇستەل زاكاز قابىلدادىم، باققان تاۋىعىم جەتپەي قالدى،سونىمەن اۋىلعا ءتۇسىپ تاۋىق ساتىپ الىپ ءجۇرمىن». مىنە بۇل شاۋەشەك قالاسى ارگۇڭ قالاشىعى ساز قىستاعىنداعى شيانحىرىنجيا تاعام جايىنىڭ جاۋاپتىسى ما حۇڭبينمەن سويلەسكەن ديالوگىمىز.
قازىر كوكتەم مەرەكەسىنە قاراعان تۇنگى باس قوسۋدى اسحانادا وتكىزەتىندەردىڭ قاتارى كۇننەن-كۇنگە كوبەيىپ كەلەدى، شاۋەشەك قالاسىندا تىلشىلىك ىستەۋ بارىسىندا ءارقايسى ءىرى اسحانالارعا كوكتەم مەرەكەسىنە قاراعان تۇنگى باس قوسۋ داستارقانىنا زاكاز وتە كوپ بولىپ،بوس ورىن قالماعانىن بايقادىم.
شاۋەشەك قالاسى شياڭحى شاعىن رايونىنىڭ تۇرعىنى ۋ لينبو كوكتەم مەرەكەسىنە قاراعان تۇنگى قوناقاسىنى نيڭچىڭ قوناق سارايىنا ورنالاستىرىپتى. ول: «ۇلكەندەر كوكتەم مەرەكەسىنە قاراعان تۇنگى باس قوسۋ داستارقانىن ۇيگە جايۋدى ۇناتادى، الايدا جاستارى ۇلعايىپ،اس ازىرلەۋگە شاماسى جەتپەي قالدى،ءبىز قىزمەتپەن قاربالاسپىز،اس ازىرلەيتىن ۋاقىتىمىز جوق» دەدى.
ۋ لينبو: «كوكتەم مەرەكەسىنە قاراعان تۇنگى استى قوناقجايدا جەۋىمىزدىڭ ءوزى بارلىعىمىزعا قولايلى بولۋ ءۇشىن،تاماقتانىپ بولعاننان كەيىن ۇيگە قايتىپ،قارتتارمەن بىرگە كوكتەم مەرەكەسىنە ارنالعان ساۋىق كەشتى كورىپ، مارە-سارە بولىپ جىرعاپ قالامىز» دەدى.
ۇعىسۋعا قاراعاندا،نيڭچىڭ قوناق سارايىندا كوكتەم مەرەكەسىنە قاراعان تۇنگى اسقا 22 ۇستەلگە زاكاز بەرىلىپ،11 ى تۇسكە،11 ى كەشكە ورنالاستىرىلعان،ءار ۇستەلى 1380 يۋاننان 3580 يۋان ارالىعىندا بولىپ،بولەك بولمەلەردە ارناۋلى كۇتۋشى قىزمەت وتەپ،ءارقايسى ۇستەلگە ءبىر ۇلەس ءتۇشپارا مەن جەمىس-جيدەك ۇسىنىلادى ەكەن.
نيڭچىڭ قوناق سارايىمەن ۇقساس، جۇنحاۋيۇن اسحاناسىنىڭ كوكتەم مەرەكەسىنە قاراعان تۇنگى داستارقانعا زاكاز قابىلداۋى دا مول بولىپ،11-ايدىڭ اياعىندا شىرەت تولىپ بولعان،جيىنى 30 ۇستەلگە زاكاز قابىلداعان، بارلىعى تۇسكى قوناقاسى ەكەن.
جۇنحاۋيۇن اسحاناسىنىڭ ديرەكتورى جيا شيۋمەيدىڭ تانىستىرۋىنشا،ولاردىڭ دايىنداعان كوكتەم مەرەكەسىنە قاراعان تۇنگى اس-سۋى سىچۋان قۋىرماشىن،حۋنان قۋىرماشىن جانە گۋاڭدۇڭ قۋىرماشىن نەگىز ەتىپ،حاريدارلاردىڭ تالابىنا ساي ارالاستىرىپ شىعارىپ بەرەدى ەكەن.
جيا شيۋمەي: «ءبىز قارتتار مەن بالالاردىڭ تابەتىنە دە ەرەكشە ءمان بەرەمىز» دەدى.
شاۋەشەك قالاسى دۋبەك شاعىن رايونىنىڭ تۇرعىنى شيا دۇڭحۋا 7 اعايىندى ەدى. ءبىر ايدىڭ الدىندا شيا دۇڭحۋا جۇنحاۋيۇن اسحاناسىنا زاكاز بەرىپ قويىپتى.
شيا دۇڭحۋا: «وتباسىمىزدىڭ جان سانى كوپ بولعاندىقتان،اس ازىرلەۋ وڭايعا تۇسپەيدى، سوندىقتان سىرتتان تاماقتانۋعا بەكىدىك. قالاي بولماسىن،كوكتەم مەرەكەسىن وتكىزۋ ءبىر ءۇيلى جاننىڭ باس قوساتىن ورايى، مەرەكەگە قاراعان تۇنگى استان اۋىز تيىپ، مەرەكەنىڭ مەرەيىن اسىرۋ كەشپەس سالت قوي» دەدى.
وسىدان سوڭ چۇنتيانجيايان اسحاناسى مەن ايماقتىق قوناقجاي اسحاناسىنىڭ جاۋاپتىسىمەن تەلەفون ارقىلى تىلدەسىپ، وسى ەكى اسحانانىڭ كوكتەم مەرەكەسىنە قاراعان تۇنگى اسقا زاكاز بەرۋ جۇمىسىنىڭ جالعاستى جۇرگىزىلىپ جاتقانىن،الايدا سانى شەكتى ەكەنىن ءبىلدىم.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى