ۇسىنىس ەتىلگەن ءتىلشى لي ميڭشىڭ حابارلايدى. 1-ايدىڭ 16-كۇنىنەن 18-كۇنىنە دەيىن 6-كەزەكتى مەملەكەتتىك بۇقارالىق قار-مۇز ماۋسىمى . 14-كەزەكتى شينجياڭ تارباعاتاي . شاعانتوعاي تاۋ گۇلى مەرەكەسى «شاعانتوعايدىڭ تاۋ گۇلى اشىلدى» قار-مۇز مەرەكەسىندە،ەلىمىزدىڭ جەر-جەرىنەن كەلگەن 10 نەشە مىڭ ساياحاتشى قار-مۇز الەمى قيمىلىنىڭ شاتتىعىن سەزىندى.
قار-مۇز مەرەكەسىنىڭ وتكىزىلۋى شاعانتوعاي اۋدانىنىڭ 2020-جىلعى ساياحات ىستەرىنە جاقسى باستاما بولدى.
2019-جىلى شاعانتوعاي اۋدانى 751 مىڭ 200 ادام رەت ساياحاتشى قابىلداپ، ساياحات كىرىسى 511 ميلليون يۋانعا جەتىپ، ساياحات تانىمالىلىعى مەن ىقپالى اناعۇرلىم جوعارىلادى.
«گۇلگە ورانعان شاعانتوعاي، اسەم 9-شى»نى نەگىزگى تاقىرىپ ەتكەن 13-كەزەكتى «شينجياڭ تارباعاتاي شاعانتوعاي تاۋ گۇلى مەرەكەسى» ندە بىلتىر 4-ايدىڭ اياق شەنىنەن 10-ايدىڭ باس شەنىنە دەيىن، حالىقتىق قولونەر بۇيىمدارى كورگىزبەسى، شۇعىنىق سايى مىڭ ادامدىق جاياۋ ءجۇرۋ قيمىلى، ماقسارى سايى ءدامدى تاعامدار مەرەكەسى رەتىمەن وتكىزىلىپ، شينجياڭنىڭ ءىشى-سىرتىنداعى كوپتەگەن ساياحاتشىلاردى ساحاراعا كەلىپ، تاۋ گۇلىن تاماشالاۋعا باۋرادى.
2019-جىلى شاعانتوعاي اۋدانى 23 ميلليون 600 مىڭ يۋان قارجى قوسىپ، جانكىسى اۋىلى جۇنجۇرەك قىستاعى ساياحات شاعىن بازارى مەن تاستى وزەن اڭعارى شۇرات باقشاسى، كورىنىس رايونىنىڭ جولدارى سياقتىلاردى سالىپ، ساياحات نەگىزدىك قۇرىلعى ۇسىنىلىمىنىڭ تەبىنىن ارتتىرىپ، ساياحاتشىلاردىڭ كوپ نەگىزدى قاجەتتەرىن قاناعاتتاندىردى.
شاعانتوعاي اۋداندىق مادەنيەت-دەنە تاربيە،راديو-تەلەۆيزيا جانە ساياحات مەكەمەسىنىڭ باستىعى ليۋ كىچيڭنىڭ تانىستىرۋىنا قاراعاندا،2019-جىلى شاعانتوعاي اۋدانى ايماقتىق پارتكومنىڭ «شەكارا ءوڭىر سالت-ساناسى، مىڭ شاقىرىمدىق گۇل ءدالزى،بۇلت ۇستىندەگى ساحارا» قىزمەت نىساناسى بويىنشا، ساياحات نەگىزدىك قۇرىلعى قۇرىلىسى تەبىنىن ارتتىرىپ، تاڭداۋلى ساياحات جەلىسىن ازىرلەپ، «شينجياڭ تارباعاتاي شاعانتوعاي تاۋ گۇلى مەرەكەسى» ايگىلى ماركاسى اسەرىن مىقتاپ يگەرىپ،تانىمالىلىعى مەن داڭقىن ارتتىرعان ەكەن. سونىمەن بىرگە،جەرلىك ەگىنشى-مالشىلاردى كەدەيلىكتەن ارىلىپ، اۋقاتتانۋعا باستاپ،ساياحات كاسىبى جەرگىلىكتى ورىننىڭ تىرەكتى كاسىبىنە اينالىپ، مەرەكە-مەيرام ارقىلى ساياحاتتى جەبەۋ،ەسىك اشۋدى جەبەۋ،دامۋدى جەبەۋ ماقساتىنا جەتكەن.
2020-جىلى شاعانتوعاي اۋدانى تۇتاس وڭىرلىك ساياحاتتىڭ زور دامۋىن بار كۇشپەن ىلگەرىلەتپەكشى. بارلىق تاۋى 5A دارەجەلى كورىنىس رايونىن قۇرۋدى شىعار ءتۇيىن ەتىپ،«ماحاببات گۇل تەڭىزى،رومانتيكا مەكەنى»ن ساياحات تياناعى ەتىپ،«كوكتەمگى گۇل،جازعى ساحارا،كۇزگى جاپىراق،قىسقى قار» ساياحات بايلىق قاينارى ابزالدىلىعىن ساۋلەلەندىرمەكشى؛150 ميلليون يۋان قارجى قوسىپ،ساياحات قۇرىلعى قۇرىلىسىن كۇشەيتىپ،ساياحات نەگىزگى كاسىپ سالاسىن ۇزدىكسىز ۇلعايتىپ،ساياحات تولىق كاسىپ تىزبەگىن تۇلعالاماقشى؛ساياحات ونىمدەرىن زور كۇشپەن اشىپ،شاعانتوعايدى شينجياڭنىڭ،ءتىپتى ەلىمىزدىڭ ايگىلى ەكولوگيالىق سەرۋەندەۋ-ساياحاتتاۋ،تىنىعۋ ورتالىعى ەتىپ قۇرىپ شىعۋعا كۇش سالىپ،شاعانتوعاي ساياحات كاسىبىنىڭ تەز قارقىنمەن اقاۋسىز دامۋىن جۇزەگە اسىرماقشى.
~رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى