ءتىلشىمىز لي چۇنلاي حابارلايدى. بۇرىن ارحيۆ تۇرعىزىپ،كارتچكا بەرىلگەن تاقىر كەدەي وتباسى بولسا،قازىر جان باسىندىق ورتاشا كىرىستەرى 32 مىڭ يۋانعا جەتتى. ونىڭ وتباسىنداعىلار جاڭا ۇيگە كوشىپ كىرۋمەن قاتار،شاعىن اۆتوكولىك ساتىپ الىپ،تۇرمىستارى جىل سايىن شالقي ءتۇستى. كەدەيلىك قالپاعىن الىپ تاستاعانىنا ەكى جىل بولعان ما ليدىڭ بويىن شاتتىق پەن ماقتانىش كەرنەۋدە.
ما لي شاعانتوعاي اۋدانى جانكىسى اۋىلى جۇنجۇرەك قىستاعىنىڭ تۇرعىنى. 5 جىلدىڭ الدىندا ما ليدىڭ وتباسىنداعى 4 جان وتكەن عاسىردىڭ 80-جىلدارىندا سالىنعان كونە تام ۇيدە تۇراتىن،وتباسىنىڭ بىردەن-ءبىر كىرىسى 28 مۋ جەردەن عانا كەلەتىن. 2014-جىلى ولاردىڭ وتباسى ارحيۆ تۇرعىزىپ،كارتچكا بەرىلگەن كەدەي وتباسى بولىپ تۇراقتانادى.
2015-جىلى كوكتەمنەن باستاپ ما لي اۋلا شارۋاشىلىعىن دامىتىپ،1.5 مۋ جەرگە كۇلگىن قابىقتى ۋسارىمساق جانە قىزىل كارتوپ ەگىپ،كۇزدە مول ءونىم الادى.
2016-جىلى ما لي 50 تۇياق انالىق باسباي قويىن ساتىپ الىپ،باعىمشىلىق كاسىبىن دامىتپاقشى بولادى،الايدا قارجىسى جەتپەي قينالادى. ولار ءورلى-قىرلى شاپقىلاپ 12 مىڭ يۋان قارىز الادى،كەدەيلەردى سۇيەمدەلدەۋ شاعىن كولەمدى قارىز ساياساتىنىڭ كومەگىندە 50 مىڭ يۋان قارىز الىپ،قارجى قيىنشىلىعى شەشىمدەلەدى.
قازىر ما لي قويىن 170 تۇياققا جەتكىزدى،4 جىلدان بەرى 200 تۇياققا جۋىق قوي ساتىپ،180 مىڭ يۋان كىرىس كىرگىزگەن.
2016-جىلدىڭ سوڭعى جارىم جىلىندا، ما لي بەيقۇت ءۇي سالىپ،حالىقتى اۋقاتتاندىرۋ قوسىمشا قاراجاتىنان يگىلىكتەنىپ،80 شارشى مەترلىك جاڭا ۇيگە كوشىپ كىرەدى. 2017-جىلى ما ليدىڭ وتباسىنىڭ جان باسىندىق تازا كىرىسى 10 مىڭ يۋانعا جەتىپ، ارحيۆ تۇرعىزىپ،كارتچكا بەرىلگەن كەدەي وتباسى قالپاعىن الىپ تاستادى.
بىلتىر ما لي وتباسى ءبىر مۋ جەرگە كۇلگىن قابىقتى ۋسارىمساق ەگىپ، قىستاقتاعى كووپەراتيۆكە ساتىپ بەرىپ،5 مىڭ يۋاننان ارتىق تازا كىرىس كىرگىزسە؛ كووپەراتيۆكە جارناعا قوسقان جەرىنەن ەكىنشى رەت پايدا ۇلەسىن الۋ ارقىلى مۋ باسىنان 750 يۋان تازا كىرىس كىرگىزىپ،كىرىسى 21 مىڭ يۋانعا جەتتى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى