ساۋان اۋدانى شاڭحۋدي اۋىلى رۇيشياڭ اۋىل شارۋاشىلىق سەلبەستىك كووپەراتيۆىنىڭ مۇشەلەرى «قولدارىن قيمىلداتپايتىن قوجايىن» بولدى
ءتىلشىمىز سۇڭ جيانلياڭ،ەرىكتى ءتىلشى جوۋ نا حابارلايدى. كوكتەم مەرەكەسى قارساڭىندا،ساۋان اۋدانى شاڭحۋدي اۋىلى رۇيشياڭ اۋىل شارۋاشىلىق سەلبەستىك كووپەراتيۆى ەرەكشە دۋمانعا بولەنىپ،28 مۇشە سەلبەستىك كووپەراتيۆىنىڭ تابىس ءبولىسىن ۇلەستىرەتىن قۋانىشتى ساتىنەن بىرگە يگىلىكتەندى. وسى كۇنى كووپەراتيۆتىڭ مۇشەلەرى مۋ باسىنا 800 يۋاننان بەرىلگەن تابىس ۇلەسىن الدى.
2014-جىلى شاڭشي قىستاعىنىڭ تۇرعىنى سۇن چيڭجۇڭ ءوزىنىڭ 126 مۋ جەرىن سەلبەستىك كووپەراتيۆىنە جارناعا قوسادى دا، ەگىستىك جەردەن «ازات بولعان» ول باعىمشىلىق كاسىبىن دامىتۋعا كىرىسەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى
سۇن چيڭجۇڭ بىلاي دەدى: «ۇيىمدە 70، 80 قوي،5،6 سيىرىم بار،سونىمەن بىرگە، ەلەكترمەن دانەكەرلەۋ جۇمىسىمەن شۇعىلدانامىن،ەگىستىك جەردەن تۇسكەن اقشا تازا كىرىس ەسەپتەلىنەدى. وسى قوسىمشا كاسىپتەرىمنەن ءبىر جىلدا 80 دە 90 مىڭ يۋان كىرىس كىرگىزە الامىن،وعان جەردەن كەلگەن كىرىستى قوسقاندا جىلىنا 200 مىڭ يۋان اينالاسىندا كىرىس كىرەدى».
سۇن چيڭجۇڭعا ۇقساس،قىستاق تۇرعىنى شۇي حۇڭيان دا جەرىن سەلبەستىك كووپەراتيۆىنە جارناعا قوسقان ەدى. جەردى جارناعا بەرگەننەن كەيىن كۇيەۋى ەكەۋى اۋىل شارۋاشىلىق ماتەريالدارى دۇكەنىنىڭ ساۋداسىن ىستەۋگە ءتىپتى دە كوپ ۋاقىت شىعارا الاتىن بولعان.
شۇي حۇڭيان: «جەردى سەلبەستىك كووپەراتيۆىنە جارناعا قوسقاننان كەيىن،ساۋدا جۇمىسىنا بار زەيىنىممەن كىرىسە الاتىن بولدىم. كووپەراتيۆتى باسقارىپ تۇرعان ادام بار،ۇيدە وتىرىپ اقشامدى الا بەرەمىن،قولىم بوساپ جەڭىلدەپ قالعانداي بولدىم» دەدى.
2020-جىلى رۇيشياڭ اۋىل شارۋاشىلىق سەلبەستىك كووپەراتيۆى جاڭادان 7 مۇشە قابىلداپ،جارناعا قوسىلعان جەر كولەمى 3400 مۋعا ارتقان.
سەلبەستىك كووپەراتيۆىنىڭ القا باستىعى جاڭ چيحى: «بۇرىن ءبىز نەگىزىنەن ءشيتتى ماقتا ساتاتىنبىز. بيىل ينتەرنەت،ۇلكەن ساندى مالىمەت سياقتىلاردان پايدالانىپ،ماقتا كاسىبىن زورايتىپ،جانداندىرىپ،ماقتا مەرزىمدەمەلى ساۋداسىن جوسپارعا الىپ،ماقتامەن قامداۋ جاعىنداعى قۇرىلىمدىق رەفورمانىڭ، شارۋالاردىڭ كىرىسىن ارتتىرۋدىڭ جاڭا جولىن قاراستىرامىز. وسىلاي بولعاندا ماقتا ەگۋدەن كىرىستى ارتتىرۋمەن بىرگە،ماقتانى ساتۋ جاعىندا دا ماقتا ەگەتىن ديقانداردى زور تيىمدىلىكتەن يگىلىكتەندىرۋگە بولادى. بيىل ءبىز جوعارى ولشەمدى ەگىنجاي قۇرىلىس نىسانىنا دا بەلسەنە ءوتىنىش بەرىپ وتىرمىز، ءتىپتى دە كوپ شارۋا وتباسىلارىن كووپەراتيۆكە قابىلداپ،سەلبەستىك كووپەراتيۆىن زورايتا تۇسەمىز» دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى