ءتىلشىمىز يان ۋىنحۋا،ەرىكتى ءتىلشى لياڭ حۇيشيان حابارلايدى. 3-ايدىڭ 8-كۇنى تۇنىمەن جاۋعان قاردان كەيىن،ساۋان اۋدانىنىڭ اسپانى شايداي اشىلعان. اۋدانداعى ءارقايسى جول تۇيلىسىندە مىندەت وتەپ جاتقان قاتىناس ساقشىلارى مەيىربان جاندار جەتكىزىپ بەرگەن ىستىق پالاۋىن جەپ، كوڭىلى جادىرادى.
ىندەتتەن ساقتانۋ-تىزگىندەۋ ورىستەتىلگەننەن بەرى، ساۋان اۋداندىق قوعام حاۋىپسىزدىگى مەكەمەسى قاتىناس ساقشى ۇلكەن اترەتىندەگى 140 تان استام قاتىناس ساقشىسى قىزمەت ورىندارىنان تاپجىلماي،ءار كۇنى قالا رايونىنداعى ءارقايسى جول بولەگى مەن جول تۇيىلىسىندە مىندەت وتەدى.
مىندەت وتەۋ تۇيىنىندەگى قاتىناس ساقشىلارىنىڭ باسىم كوپ ساندىسى 80-جىلدار مەن 90-جىلداردىڭ تولدەرى بولىپ 1- ايدىڭ 23-كۇننەن باستاپ بارلىعى ۇلكەن اترەتتە مىندەت وتەدى. كەيبىر قىز بالالار قاقاعان سۋىقتا بىرنەشە ساعات بويى تىكەسىنەن تىك تۇرىپ مىندەت اتقارىپ توڭىپ جىلادى.
مىندەت وتەۋ ءتۇيىنى كوپ بولعاندىقتان، تاماق جەتكىزۋ بارىسىندا كەي كەزدەرى سۋىپ قالسا،كەي كەزدەرى جابىسىپ قالاتىن ەدى. ءبىر ايدان ارتىق ۋاقىت ۇيگە قايتپاعان قاتىناس ساقشىلارى ءبىر ۋاق بۋى بۇرقىراعان پالاۋ جەگىلەرى كەلەتىن.
قوعامداعى مەيىربان جاندار ءبىرىنشى شەپتە كۇرەس جۇرگىزىپ جاتقان قاتىناس ساقشىلارىنىڭ بۇل تىلەگىن بىلگەننەن كەيىن، شينجياڭ حاۋشياڭ شۇنيە جول-كوپىر شەكتى سەرىكتەستىگىنىڭ باس ديرەكتورى ۋي شياڭفي 20 كيلوگرام كۇرىش،10 كيلوگرام سيىر ەتى،10 كيلوگرام ءسابىز،5 كيلوگرام ازىقتىق ماي جىلۋعا اتاپ؛ساۋان اۋدانى سانداۋحىزى قالاشىعى پارتكومىنىڭ مۇشەسى بي فىڭدۇڭ وتباسىلىق قوناقجايدىڭ قوجايىنى لي ۋانحايمەن تاماق ىستەپ بەرۋ جونىندە كەلىسەدى؛ال،شاۋەشەك جولى الەۋمەتتىك اۋماعى تۇرعىندار كوميتەتىنىڭ مەڭگەرۋشىسى لي يان مەن تومەنگە تۇسكەن كادر لي چۇنميڭ اسپازعا كومەكشى بولادى.
سول كۇنى ءدامى ءتىل ۇيرەتىن 30 كىسىلىك پالاۋ اۋدانداعى ءارقايسى مىندەت وتەۋ تۇيىنىنە جەتكىزىلدى.
24 جاستاعى قاتىناس ساقشىسى حالمۇرات قاھار: «مىنا پالاۋ شەشەمنىڭ ىستەگەنىندەي وتە ءدامدى بولىپتى،ءيىسى مۇرىن جارادى ەكەن» دەدى قۋانا.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى