ءتىلشىمىز لي يانرۇڭ،ەرىكتى ءتىلشى ليۋ جيانپيڭ حابارلايدى. 3-ايدىڭ 11-كۇنى شيحۋ قالاسى باسىحۋ اۋىلى باسىحۋ قىستاعىنىڭ تۇرعىنى ما جينحاۋ اۋلاسىندا قاز-قاتار تىزىلگەن جانارماي كۇبىلەرىن كورىپ كوڭىلى ورنىقتى.
ول: «ەگىستىك قاربالاستىعى باستالعالى تۇر،جۇڭگو مۇناي توبىنىڭ قىزمەتكەرلەرى تراكتوردىڭ جانارمايىن ۇيىمە جەتكىزىپ بەردى،ەندى شاپقىلاپ اۋرە بولمايتىن بولدىم» دەدى.
شيحۋ قالاسىنىڭ كوكتەمگى ەگىس ءوندىرىسى دايىندىعى جابال باستالدى،جۇڭگو مۇناي توبى شينجياڭ تيجارات شەكتى جاۋاپكەرشىلىك سەرىكتەستىگى قارامايلى بولىمشە سەرىكتەستىگىنىڭ شيحۋ ءوڭىرى تيجارات تورابى شارۋالاردىڭ كوكتەمگى ەگىس وندىرىسىنە قاجەتتى جانارمايعا بولعان قاجەتىن شەشىم ەتۋ ءۇشىن،«اۋىل-قىستاققا جانارماي جەتكىزۋ» قيمىلىن ورىستەتىپ،كوكتەمگى ەگىس وندىرىسىنە دەم بەردى.
جۇڭگو مۇناي توبى شينجياڭ تيجارات شەكتى جاۋاپكەرشىلىك سەرىكتەستىگى قارامايلى بولىمشە سەرىكتەستىگى شيحۋ ءوڭىرى تيجارات تورابىنىڭ ديرەكتورى جي ايمين: «ورتالىققا قاراستى كاسىپورىن رەتىندە،بۇقارانىڭ قامىن ويلاۋىمىز كەرەك. الداعى جەردە، شيحۋ وڭىرىنە 2000 توننا جانارماي جەتكىزىپ بەرىپ،شارۋالاردىڭ كوكتەمگى ءوندىرىس قاجەتىن قاناعاتتاندىرماقشىمىز» دەدى.
بىرنەشە كۇننەن بەرى،شيحۋ قالاسى كونە شيحۋ قالاشىعى پارتكومى ەرتە جوسپارلاپ،ەرتە ورنالاستىرىپ،حيميالىق تىڭايتقىش، ەگىس دارىلەرى،تۇقىم سياقتىلاردى نەگىز ەتكەن اۋىل شارۋاشىلىق ماتەريالدارى بازارىن قامداۋ قىزمەتىن مۇقيات مىقتى يگەرىپ،كوكتەمگى ەگىس ءوندىرىسىن اۋىل شارۋاشىلىق ماتەريالدارىمەن قامداۋدى بار كۇشپەن جاقسى ىستەدى.
تانىستىرۋعا قاراعاندا،شيحۋ قالاسى كونە شيحۋ قالاشىعىنداعى اۋىل شارۋاشىلىق ماتەريالى دۇكەندەرى 250 توننا تۇقىم،360 توننا حيميالىق تىڭايتقىش، 28 توننا ەگىس ءدارىسىن،127 توننا جارعاق،230 توننا تامشىلاتىپ سۋارۋ كامەرىن دايىنداپ،كونە شيحۋ قالاشىعىنىڭ باستاپقى مەزگىلدەگى كوكتەمگى ەگىس ءوندىرىسىن قاناعاتتاندىرۋ نەگىزىن قالاعان.
شيحۋ قالاسى جيۋجاندىر اۋىلى چيحۋدي قىستاعىنىڭ تۇرعىندارى كووپەراتيۆ ارقىلى اۋىل شارۋاشىلىق ماتەريالدارىن ءبىر تۇتاس ساتىپ الىپ،كوڭىلدەرى ورنىقتى.
چيحۋدي قىستاعى ەگىمشىلىكپەن شۇعىلداناتىن قىستاق،بۇكىل قىستاقتا 43 مىڭ مۋ ەگىستىك جەر بار. قىستاقتاعى ياڭفىڭ شارۋالار ەگىمشىلىك سەلبەستىك كووپەراتيۆى ءۇنحاتتا،تەلەفوندا ۇعىسۋ ارقىلى قىستاقتاعى 165 وتباسىنا قاجەتتى جارعاق،حيميالىق تىڭايتقىش،تۇقىم سياقتى اۋىل شارۋاشىلىق ماتەريالدارىن جەلىدە قاربالاس تىزىمگە الدى.
چيحۋدي قىستاعىنىڭ تۇرعىنى جوۋ چي 150 مۋ جەرگە ەگىن ەكپەكشى ەدى،باستابىندا دايىنداعان حيميالىق تىڭايتقىش،جارعاق سياقتى اۋىل شارۋاشىلىق ماتەريالدارى جەتكىلىكتى بولماعاندىقتان،الاڭداپ جۇرگەن ەدى.
ول: «بىرنەشە كۇننىڭ الدىندا كووپەراتيۆ شارۋا وتباسىلارىنىڭ قاجەت ەتەتىن اۋىل شارۋاشىلىق ماتەريالدارىن تىزىمگە العان كەزدە،مەن ءبىرىنشى بولىپ مالىمدەدىم» دەدى.
چيحۋدي قىستاعى پارتيا ياچەيكاسىنىڭ ورىنباسار شۋجيى،ياڭفىڭ شارۋالار ەگىمشىلىك سەلبەستىك كووپەراتيۆىنىڭ القا باستىعى ياڭ جىڭفىڭ: «تاياۋدان بەرى،اۋىل شارۋاشىلىق ماتەريالدارى قىستاققا،وتباسىلارىنا ءۇرتىس جەتكىزىلدى،3-ايدىڭ 20-كۇنىنەن بۇرىن 460 توننا اۋىل شارۋاشىلىق ماتەريالدارىن قىستاققا تولىق جەتكىزىپ،كوكتەمگى ەگىس ءوندىرىسىنىڭ ءساتتى جۇرىلۋىنە كەپىلدىك ەتەمىز» دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى