ءتىلشىمىز جاڭ گوحۇي،ەرىكتى ءتىلشى شاقابەرىك حابارلايدى. 3-ايدىڭ 17-كۇنى شيحۋ قالاسى بايچۋان قالاشىعى چىڭساۋ قىستاعىنىڭ تۇرعىنى لو رۇيشياڭ 25 مۋ اتىزداعى الاقاتتى بۇتاقتادى.
لو رۇيشياڭ: «الاقات ەككەنىمە 5 جىلدان استى،العاشىندا الاقات ەگۋ جونىندە بىلەرىم شامالى بولدى، ايتسەدە،اۋىل شارۋاشىلىق تەحنيكتەرىنىڭ كومەگىندە،قازىر كوپتەگەن ەگىمشىلىك تەحنيكاسىن يگەردىم» دەدى.
قازىر الاقاتتى بۇتاقتاۋدىڭ ماڭىزدى مەزگىلى،شيحۋ قالالىق سۋمەن قامداۋ،لاس سۋ ىعىستىرۋ سەرىكتەستىگىنىڭ بايچۋان قالاشىعى چىڭساۋ قىستاعىندا تۇراتىن «ۇعىسۋ،تيىمدىلىك جاساۋ،توعىستىرۋ» قىزمەت اترەتى قىستاقتاعى ەگىمشىلىكپەن شۇعىلداناتىن ءىرى وتباسىنا كومەكتەسىپ الاقات بۇتاقتادى.
چىڭساۋ قىستاعىندا ەگىلگەن الاقاتتىڭ كولەمى 450 مۋعا جەتەدى، قىزمەت اترەتى بارعاننان كەيىن، الاقاتتىڭ ساپاسى مەن ءونىم مولشەرىن جوعارىلاتۋعا كۇش سالىپ،اۋىل شارۋاشىلىق تەحنيكتەرىن باعىپ-باسقارۋعا جەتەكشىلىك ەتۋگە ۇسىنىس ەتىپ،مۋ باسىندىق ءونىم مولشەرىن بۇرىنعى 200 كيلوگرامنان بىلتىر 250 كيلوگرامعا جەتكىزدى. ونىمدىلىگىن بارىنشا جوعارىلاتۋ ءۇشىن،قىزمەت اترەتى قىستاقتان الاقات كەپتىرۋ زاۆودىن سالىپ،ءار وتباسىنىڭ كىرىسىن ورتا ەسەپپەن 13 مىڭ يۋان ارتتىردى.
كەزەكتە بايچۋان قالاشىعى پارتكومى ىندەتتەن ساقتانۋ-تىزگىندەۋ قىزمەتىن كۇشەيتۋمەن بىرگە، كوكتەمگى ەگىس دايىندىعىن مىقتى يگەرۋدە.
بۇكىل قالاشىقتاعى شارۋالاردىڭ ىندەتتەن ساقتانۋ-تىزگىندەۋ بىلىمدەرى مەن كوكتەمگى ەگىس وندىرىسىنە قاتىستى بىلىمدەردى يگەرۋ سالىستىرماسىن جوعارىلاتۋ ءۇشىن،بايچۋان قالاشىعى راديو،ءۇنحات توبى سياقتىلاردان پايدالانىپ،شارۋالارعا كوكتەمگى ءوندىرىس دايىندىعى مەن ەگىندى باعىپ-باسقارۋ تەحنيكاسىن ۇگىتتەپ،عىلىم- تەحنيكانى ۇيرەنۋ،عىلىم-تەحنيكانى قولدانۋ سىندى ەگىس دايىندىعى قىزۋ ورلەۋىن بەلسەندى قالىپتاستىردى.
سونىمەن بىرگە،اۋىل شارۋاشىلىق ماشينالارى تەحنيكتەرى مەن اگرونومداردى اتىز باسىنا بارىپ،شارۋالارعا عىلمي جەتەكشىلىك ەتۋگە ۇيىمداستىرىپ،بۇقارانىڭ ەڭبەك ىستەۋ بارىسىندا قورعانۋ تانىمىن كۇشەيتۋىنە باستاماشىلدىق ىستەدى. قازىرگە دەيىن،تەحنيكتەردى ۇيىمداستىرىپ،20 رەتتەن ارتىق ءتۇرلى فورمادا تاربيەلەۋ جۇرگىزىپ،800 نۇسقادان ارتىق ۇگىت ماتەريالىن تاراتتى.
سونىمەن بىرگە،بايچۋان قالاشىعى اۋىل شارۋاشىلىق ماتەريالدارى دۇكەندەرىن حيميالىق تىڭايتقىش،تۇقىم،ەگىس ءدارىسى سياقتى اۋىل شارۋاشىلىق ماتەريالدارىن دايىنداۋعا، جوتكەۋگە ۇيىمداستىردى. كەزەكتە تۇتاس قالاشىق بويىنشا 14 مىڭ 365 توننا ءتۇرلى تىڭايتقىش،550 توننا جارعاق،254 توننا تۇقىم دايىندالعان.
شارۋالاردىڭ سەنىمدى اۋىل شارۋاشىلىق ماتەريالدارىنان پايدالانۋىنا كەپىلدىك ەتۋ ءۇشىن،اۋىل شارۋاشىلىق ماتەريالدارىن ساتۋ بازارىن جۇيەگە ءتۇسىردى،بايچۋان قالاشىعى شيحۋ قالاسىنداعى قاتىستى تاراۋلارمەن سەلبەسىپ،قاراستى وڭىردەگى اۋىل شارۋاشىلىق ماتەريالدارىن ساتۋ دۇكەندەرىنە تەكسەرۋ جۇرگىزىپ،جالعان-جارامسىز اۋىل شارۋاشىلىق ماتەريالدارىن ساتۋ ارەكەتىن قاتاڭ تەكسەرىپ ءبىر جاقتىلى ەتتى.
بايچۋان قالاشىعى پارتكومىنىڭ شۋجيى سۇڭ جيە: «قازىر كوكتەمگى ەگىس وندىرىسىنە دايىندالۋ مەن جىلىجايدا كوشەت جەتىلدىرۋدىڭ شەشۋشى كەزەڭى،ءبىز كوكتەمگى ەگىس وندىرىسىندە ساقتالعان قيىنشىلىقتاردى دەر كەزىندە شەشىپ،ىندەتتەن ساقتانۋ-تىزگىندەۋدى بوساڭسىتپاۋعا،كوكتەمگى ەگىس ءوندىرىسى دايىندىعىن اقساتپاۋعا كەپىلدىك ەتەمىز» دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى