ءتىلشىمىز لي چۇنلاي حابارلايدى. 3- ايدىڭ 19-كۇنى ايماقتىڭ اشىق-اشكەرە قاداعالاۋ كۋرسى تارباعاتاي ايماقتىق پارتكوم پارتيا مەكتەبىندە باستالدى. بۇل رەتكى كۋرس بەينەجازبا ارقىلى تاربيەلەۋ فورماسىندا ءۇش مايدانعا ءبولىنىپ جۇرگىزىلىپ،نەگىزگى جينالىس زالىندا ءار رەتىندە 30 ادام تاربيەلەۋگە قاتىناسىپ،ءارقايسى اۋدان،قالادا بولىمشە جينالىس زالى ورنالاستىرىلىپ،جيىنى 707 ادام كۋرسكە قاتىناستى.
ۇعىسۋعا قاراعاندا،تاربيەلەۋ كۋرسىن ايماقتىق كەدەيلەردى سۇيەمەلدەۋ-وركەندەتۋ باسشىلىق گرۋپپاسى كەڭسەسى ۇيىمداستىرعان. بۇل رەتكى اشىق-اشكەرە قاداعالاۋ كۋرسىنىڭ نەگىزگى مىندەتى باس شۋجي شي جينپيڭنىڭ كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزۋ اڭگىمە ماجىلىسىندە سويلەگەن ماڭىزدى ءسوزىنىڭ رۋحىن دايەكتىلەندىرىپ،تياناقتاندىرىپ،ىندەتتەن ساقتانۋ-تىزگىندەۋ مەن كەدەيلىكتەن ارىلتۋدان قامال الۋ سىندى ەكى قيان-كەسكى شايقاستىڭ جەڭىسىنە باتىل قول جەتكىزۋمەن بىرگە،نازاردى كەدەيلىكتەن ارىلتۋدان قامال الۋعا شوعىرلاندىرىپ،اۋدانداردى قاداعالاۋ،اۋىلدارمەن بايلانىس جاساۋ، قىستاقتاردى،وتباسىلاردى كوتەرمەگە الۋ قىزمەتىن جاپپاي ورىستەتۋگە اشىق-اشكەرە قاداعالاۋ جۇرگىزۋ.
ايماق 30 ايماق،مەڭگەرمە دارەجەلى باسشىنى اۋدان،قالانى قاداعالاۋعا،358 اۋدان دارەجەلى باسشىنى 358 كەدەيلەردى سۇيەمەلدەۋ مىندەتى بار قىستاق-دۇيلەردى اشىق-اشكەرە قاداعالاۋعا،708 اۋدان دارەجەلى باسشىنى 708 وتباسىنداعى «ءتورت ءتۇرلى ادامدى» (كەدەيلىكتەن ارىلۋى ورنىقتى بولماعاندار،قارتايعان،ءالسىز،اۋرۋ،مۇگەدەك، جەتىم-جەسىرلەر،ادەتتەگى شارۋا ورتباسىنداعى تۇرمىسىندا قيىنشىلىعى بارلار،جۇمىستانۋى ورنىقتى بولماعاندار) كوتەرمەگە الۋ قىزمەتىن مۇقيات ورنالاستىرىپ،تياناقتاندىرىپ،اي سايىن اۋداندى قاداعالاۋ،اۋىلمەن بايلانىس جاساۋ،قىستاقتى،وتباسىلارىن كوتەرمەگە الۋ سىندى كەدەيلىكتەن ارىلتۋدان قامال الۋدىڭ ءتۇرلى نىسانا-مىندەتىن ورىنداۋعا كەپىلدىك ەتتى.
ايماقتىق كەدەيلەردى سۇيەمەلدەۋ كەڭسەسى سىرتقى قارجى ورتالىعىنىڭ مەڭگەرۋشىسى ي بياۋ: «بۇگىن ءار دارەجەلى كادرلاردى كۋرسقا قاتىناستىرۋداعى ماقساتىمىز _ كەدەيلەردى سۇيەمەلدەۋگە جاۋاپتى كادرلاردى كەدەيلەردى سۇيەمەلدەۋدى ءتۇسىنىپ،كەدەيلەردى سۇيەمەلدەۋدى قولداپ،كەدەيلەردى سۇيەمەلدەۋگە ات سالىسىپ،ءبىر جاعادان باس،ءبىر جەڭنەن قول شىعارا وتىرىپ قامال الۋعا ۇيىمداستىرۋ. 2020-جىل كەدەيلىكتەن ارىلتۋدان قامال الۋ جىلى،شەشۋشى شايقاستىڭ شەشۋشى جەڭىسىنە قول جەتكىزۋگە نە بارى 287 كۇن قالدى،ۋاقىتتى مقتى ۇستاپ، ورايدى مىقتى يگەرىپ،قامال الىپ،قيىندىقتى جەڭىپ،جاپپاي دوڭگەلەك داۋلەتتى قوعام ورناتۋعا ۇلەس قوسۋىمىز كەرەك» دەدى.
تارباعاتاي اۋىل شارۋاشىلىق ساۋدا بانكەسى سەنىمدى امانات-قارىز باسقارۋ ءبولىمى باس ديرەكتورىنىڭ كومەكشىسى ليۋ جيڭيۇي: «ۇيرەنۋ ارقىلى مۇشە ورىن رەتىندە ءبىز يدەيالىق تانىمىمىزدى جوعارىلاتىپ،نىسانا-مىندەتىمىزدى ايقىندادىق. 3-ايدىڭ 18-كۇنىنە دەيىن تارباعاتاي اۋىل شارۋاشىلىق ساۋدا بانكەسى 236 وتباسىنا 9 ميلليون 210 مىڭ يۋان كەدەيلەردى سۇيەمەلدەۋ شاعىن سەنىمدى امانات-قارىزىن تاراتتى. بيىل ءبىز كەدەيلەردى سۇيەمەلدەۋ شاعىن سەنىمدى امانات-قارىزىن تاراتۋ تەبىنىن جالعاستى ارتتىرىپ،كەدەيلىكتەن ارىلتۋدان قامال الۋدى بار كۇشپەن قولدايمىز» دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى