پارتيا ورتالىق كوميتەتىنىڭ شەشىمدەرىن،اۆتونوميالى رايوندىق پارتكومنىڭ ورنالاستىرۋلارىن باتىل،تاباندىلىقپەن تياناقتاندىرىپ، ءتۇرلى قىزمەتتى ءبىر تۇتاس جوسپارلاپ ويداعىداي يگەرىپ،تۇتاس جىلدىق نىسانا-مىندەتتەردى جاپپاي ورىنداۋعا كەپىلدىك ەتۋ كەرەك

ايماقتىق پارتكوم مۇشەلەر(كەڭەيتىلگەن) ءماجىلىسىن اشتى
 

ءتىلشىمىز ۋىن بو حابارلايدى. 3-ايدىڭ 21-كۇنى ايماقتىق پارتكومنىڭ شۋجيى شۋە بين ايماقتىق پارتكوم مۇشەلەر (كەڭەيتىلگەن) ءماجىلىسىن باسقارىپ اشتى.

ءماجىلىس جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتىنىڭ ءماجىلىسى رۋحىن،باس شۋجي شي جينپيڭنىڭ بەيجيڭ داشۋەسىنەن حۋبەيعا كومەككە بارعان ەمدەۋ اترەتىندەگى بارلىق    «90-جىلدارىڭ تۇلەكتەرى» پارتيا  مۇشەلەرىنە جازعان جاۋاپ حاتىنىڭ، باس شۋجي شي جينپيڭنىڭ ولكە، مينيسترلىك دارەجەلى نەگىزگى   باسشىلاردىڭ تومەنگى شەكتە ويلاۋعا تاباندى بولىپ،ەلەۋلى حاۋىپ-   قاتەردەن كۇش سالا ساقتانۋ جانە ونى جويۋ جونىندەگى ارناۋلى تاقىرىپتىق زەرتتەۋ-تالقى كۋرسىنىڭ ساباق باستاۋ سالتىندا سويلەگەن ماڭىزدى ءسوزىنىڭ رۋحىن جەتكىزدى،ۇيرەندى،اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ءماجىلىسىنىڭ رۋحىن جەتكىزدى،ۇيرەندى،ايماعىمىزدىڭ دايەكتىلەندىرۋ،تياناقتاندىرۋ پىكىرىن اقىلداستى. 

ءماجىلىس مىنالاردى اتاپ كورسەتتى: ايماقتاعى ءار دارەجەلى پارتيا،ۇكىمەت ورىندارى ساياسي دەڭگەيدى جوعارىلاتىپ،  «ءتورت تانىمدى» اناعۇرلىم كۇشەيتىپ،«ءتورت سەنىمدى» بەكەمدەپ،«ەكىنى قورعاۋدى» ورىنداپ،يدەيا مەن ارەكەتتى باس شۋجي شي جينپيڭنىڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتىنىڭ ماجىلىسىندەگى ماڭىزدى ءسوزىنىڭ رۋحىمەن باتىل بىرلىككە كەلتىرىپ،شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن بىرلىككە كەلتىرىپ، اۆتونوميالى رايوندىق  پارتكومنىڭ ءبىر تۇتاس ورنالاستىرۋى بويىنشا، ىندەتتەن ساقتانۋ-تىزگىندەۋ،ورنىقتىلىقتى قورعاۋ،كەدەيلىكتەن ارىلتۋدان قامال الۋ جانە ەكونوميكانى دامىتۋ سياقتى ءتۇرلى قىزمەتتى بار كۇشپەن ءبىر تۇتاس جوسپارلاپ ويداعىداي يگەرۋ كەرەك. ەل ءىشى-سىرتىنىڭ ىندەتتەن   ساقتانۋ-تىزگىندەۋ جاعدايى مەن   ەكونوميكالىق جاعدايىنداعى كەزەڭدىك وزگەرىستەردى دۇرىس يگەرىپ،  ۋاقىتقا،اۋقىمعا قاراي قىزمەتتىڭ كۇش سالۋ ءتۇيىنى مەن توتەپ بەرۋ    شارالارىن رەتتەۋ؛تاباندىلىقتى ساقتاپ، جىگەر-قايراتتى قاۋلاتىپ،سوڭىنا  دەيىن ەرلىكپەن كۇرەس جۇرگىزىپ، ىندەتتەن ساقتانۋ-تىزگىندەۋدىڭ   ءتۇرلى قىزمەتتەرىن بوساڭسىتپاي مىقتى، ناقتى،ەگجەي-تەگجەيلى يگەرۋ؛  ەكونوميكالىق،قوعامدىق دامۋدىڭ تۇتاس جىلدىق نىسانا-مىندەتتەرىن جاپپاي ورىنداۋدان اۋىتقىماۋعا تاباندى بولىپ،ناقتى،ەگجەي-تەگجەيلى  قىزمەت وتەپ، اۋىل شارۋاشىلىعىنىڭ،اۋىل-قىستاقتىڭ دامۋىن بار كۇشپەن ىلگەرىلەتىپ،ورتالىقتىڭ ساياساتتارىنان تولىق،يكەمدى،ويداعىداي پايدالانىپ،بىرلەسىپ تەكسەرىپ،بىرلەسىپ   بەكىتۋدىڭ ونىمدىلىگىن جوعارىلاتۋ، ساياحات كاسىبىنە بۇكىل ءوڭىر كۇش سالۋعا تاباندى بولىپ،تۇتىنۋدىڭ جاڭا كۇيىن،جاڭا ءتۇيىنىن،جاڭا ءتاسىلىن جەتىلدىرىپ،ەكونوميكالىق،قوعامدىق دامۋدىڭ تۇتاس جىلدىق نىسانا- مىندەتتەرىن تولىق ورىنداۋعا كەپىلدىك ەتۋ؛كەدەيلىكتەن ارىلتۋدان قامال الۋ شايقاسىنىڭ جاپپاي جەڭىسىنە قول جەتكىزۋدەن،جاپپاي دوڭگەلەك  داۋلەتتى قوعام ورناتۋدىڭ شەشۋشى جەڭىسىنە قول جەتكىزۋدەن اۋىتقىماۋعا تاباندى بولىپ،كەدەيلىكتەن ارىلتۋدان قامال الۋ مىندەتىن جوعارى ساپامەن ورىنداۋعا،جاپپاي دوڭگەلەك داۋلەتتى قوعامدى ۋاعىندا ورناتۋعا كەپىلدىك ەتۋ؛قوعامدىق كەلەلى جاعدايدىڭ جاراسىمدىلىعىن،ورنىقتىلىعىن ساقتاۋدان اۋىتقىماۋعا تاباندى بولىپ، ءارقاشان ساقتىق دابىلىن دامىلسىز قاعىپ،   قىراعىلىقتى ساقتاپ،تۇتاس ايماقتىڭ   قوعامدىق كەلەلى جاعدايىنىڭ     جاراسىمدىلىعىنا،ورنىقتىلىعىنا كەپىلدىك ەتۋ كەرەك.

كوممۋنيستەردىڭ كۇرەس بەتالىسىنا، تۇرعىسىنا،پرينسيبىنە تاباندى     بولىپ،قاتەرگە باسىن ءباي تىگۋگە باتىل بولۋ؛جاستار قىزمەتىنە وسكەلەڭ ءمان بەرىپ،جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا پارمەندى زاپاس قوسىن ازىرلەۋ؛ جاستاردى باۋلۋدى،تاربيەلەۋدى كۇشەيتىپ،ولاردى     باتىلدىقپەن ءداۋىردىڭ الدىڭعى لەگىندە جۇرەتىن كۇرەس جاساۋشىلار،   ەكپىندىلەر،ۇلەس قوسۋشىلار بولۋعا  جەتەكتەۋ كەرەك.

ءماجىلىس مىنالاردى باسا دارىپتەدى: باس شۋجي شي جينپيڭنىڭ ولكە،مينيسترلىك دارەجەلى نەگىزگى باسشىلاردىڭ تومەنگى شەكتە ويلاۋعا تاباندى   بولىپ،ەلەۋلى حاۋىپ-قاتەرلەردەن پارمەندى ساقتانۋ جانە ونى جويۋ ارناۋلى تاقىرىپتىق زەرتتەۋ-تالقى كۋرسىنىڭ باستالۋ سالتىندا سويلەگەن ماڭىزدى ءسوزىنىڭ رۋحىن شىنايى  ءتۇسىنىپ،تولىق تياناقتاندىرىپ،   يدەيالىق تانىمدى جوعارىلاتىپ،ەلەۋلى حاۋىپ-قاتەرلەردەن ساقتانۋ جانە ونى جويۋدىڭ ساياسي مىندەتىن سانالىلىقپەن ارقالاۋ؛تومەنگى شەكتە ويلاۋعا   تاباندى بولىپ،ەلەۋلى حاۋىپ-   قاتەرلەردەن ساقتانۋ جانە ونى جويۋدىڭ ىرىقتى شايقاسىن شىنايى ويداعىداي جۇرگىزۋ؛ساياسي جاۋاپكەرشىلىك  ارقالاۋدى كۇشەيتىپ،قايشىلىقتى الدىن الا شەشۋگە،حاۋىپ-قاتەردى كومەسكى كۇيىندە جويۋعا قۇلشىنۋ؛كۇرەسشەڭدىك رۋحتى ماڭگى قاۋلاتىپ،اسقاق جىگەردى ساقتاپ،كۇرەس جۇرگىزۋگە باتىل، كۇرەس جۇرگىزۋگە شەبەر بولىپ، ءتۇرلى حاۋىپ-قاتەرلەردەن بەلسەنە ساقتانىپ،ءتۇرلى سىن-سايىستارعا  ىرىقتىلىقپەن توتەپ بەرۋ كەرەك. 

ءماجىلىس مىنالاردى تالاپ ەتتى: كەدەيلىكتەن ارىلتۋدان قامال الۋدىڭ نىسانا-مىندەتتەرىن باتىل،تاباندىلىقپەن جوعارى ساپامەن ورىنداپ،كەدەيلىكتەن ارىلتۋدان قامال الۋ شايقاسىنىڭ   جەڭىسىنە قول جەتكىزۋدەگى كوكەي تەستىلىك سەزىمدى شىنايى      كۇشەيتىپ،قامال الۋ جاۋاپكەرشىلىگىن نىعايتىپ،ءتىپتى دە زور تەبىنمەن كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى   جەڭىسىنە قول جەتكىزۋ؛ كەدەيلىكتەن ارىلتۋدان قامال الۋدىڭ جەتىستىكتەرىن جالعاستى بەكەمدەپ جانە جوعارىلاتىپ،قازىر اتقارىلىپ وتىرعان كەدەيلىكتەن ارىلتۋ ولشەمىنە تاباندى بولىپ،   نەگىزگى ساتىنىڭ ءبىرىنشى شەبىندەگى كەدەيلەردى سۇيەمەلدەۋ كۇشتەرىنىڭ ورنىقتىلىعىن ساقتاپ،كەدەيلەردى  سۇيەمەلدەۋ نىسانى قۇرىلىسىن    مالىمدەۋدى،جۇرگىزۋدى بەلسەنە تىڭعىلىقتى ىلگەرىلەتىپ،شينجياڭعا كومەكتەسۋ ارقىلى كەدەيلەردى   سۇيەمەلدەۋدى،ءتۇيىن بەلگىلەپ  كەدەيلەردى سۇيەمەلدەۋدى،سەلبەسە وتىرىپ كەدەيلەردى سۇيەمەلدەۋدى،ارناۋلى تۇردە كەدەيلەردى سۇيەمەلدەۋدى،تۇتىنۋ ارقىلى كەدەيلەردى سۇيەمەلدەۋدى تەرەڭدەتىپ،ۇزاق ونىمدىلىككە يە مەحانيزم ورناتىپ،كەدەيلىكتەن    ارىلتۋدان قامال الۋعا جاپپاي تەكسەرۋ جۇرگىزۋدى تىڭعىلىقتى ورىستەتىپ،كەدەيلىكتەن ارىلتۋدان قامال الۋ مەن اۋىل-قىستاقتى گۇلدەندىرۋدىڭ   ءونىمدى ۇشتاسۋىن ىلگەرىلەتۋ؛   اۋداندى قاداعالاپ،اۋىلمەن بايلانىس جاساپ،قىستاقتى،وتباسىن كوتەرمەگە الىپ شايقاستى اشىق-اشكەرە     قاداعالاۋدى ىشكەرىلەي ءونىمدى  ورىستەتىپ،اشىق-اشكەرە قاداعالاۋ، كوتەرمەگە الىپ بايالانىس جاساۋ،  كومەكتەسىپ سۇيەمەلدەۋ سىندى ءۇشتى ءبىر تۇلعالاندىرۋعا تاباندى بولىپ،ءارى شىنداپ كىرىسىپ،قاتاڭ  قاداعالاۋ،ءارى شايقاسقا زەيىن-  زەردەنى،كۇش-قۋاتتى ۇيىستىرۋ؛ ماسەلەنى باعدار ەتۋگە باستان-اياق تاباندى بولىپ،كەدەيلىكتەن ارىلتۋ قىزمەتىنىڭ شىنايى،كەدەيلىكتەن ارىلتۋ بارىسىنىڭ تىڭعىلىقتى،كەدەيلىكتەن  ارىلتۋ ناتيجەسىنىڭ شىن بولۋىنا   كەپىلدىك ەتۋ كەرەك. 

ءماجىلىس تاعى باسقا دا ىستەردى اقىلداستى. 

ءماجىلىس بەينەجازبا ءماجىلىسى فورماسىندا اشىلدى،مۇقيات     جارمۇحامبەت،الميرا ءۋالقان،سالتانات عينايات،چىن جيانگو،ۋاڭ گۋاڭچياڭ، جۋ گاڭ،شۇي جاۋبيڭ،مايسان   زاعىپار،جاڭ ياۋحۋا،نيڭ شۋەسۇڭ،ايدىن تولەۋقان،شۋە گۇيچياڭ،ياڭ ليۋ قاتارلى ايماقتىق پارتكومنىڭ،  ايماقتىق حالىق قۇرىلتايى قىزمەت كوميتەتىنىڭ،اكىمشىلىك مەكەمەسىنىڭ، ايماقتىق ساياسي كەڭەس قىزمەت كوميتەتىنىڭ باسشىلارى،ايماقتىق ورتا دارەجەلى حالىق سوتى مەكەمەسى مەن بولىمشە پروكۋراتۋرانىڭ باسشىلارى، ايماققا توتە قاراستى قاتىستى     تاراۋلاردىڭ جاۋاپتى جولداستارى  ماجىلىسكە قاتىناستى.  



رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى