جاڭ جيەميڭ: بۇزاقىلارمەن جان قيارلىقپەن سايىسقان قوعام حاۋىپسىزدىگى قاھارمان ۇلگىسى

جاڭ جيەميڭنىڭ سۋرەتى
□ شينحۋا اگەنتتىگى تاراتقان
 

2019-جىلى 12-ايدىڭ باس شەنىندە،«رەسپۋبليكا ۇمىتپايدى-1949-جىلدان 2009-جىلعا دەيىن حۋنان ولكەسىنىڭ چاڭشا قالاسىندا قىزمەت ۇستىندە قۇربان بولعان، مۇگەدەك بولعان قوعام حاۋىپسىزدىگى حالىق ساقشىلارى دەرەكتى فوتو   تۋىندىلار كورمەسى» اشىلدى. مەملەكەتتىك قوعام حاۋىپسىزدىگى    جۇيەسىنىڭ 1-دارەجەلى قاھارمان ۇلگىسى،توڭكەرىستىك  قۇربان   جاڭ جيەميڭنىڭ ىزگى ىستەرى   كورەرمەندەردىڭ نازارىن اۋداردى.

جاڭ جيەميڭ،ەر،1972-جىلى 10-ايدا حۋنان ولكەسىنىڭ نيڭشياڭ اۋدانىندا (قازىرگى نيڭشياڭ قالاسى) دۇنيەگە كەلگەن،1992-جىلى 12-ايدا قوعام حاۋىپسىزدىگى قىزمەتىنە قاتىناسقان،2002-جىلى 6-ايدا جۇڭگو كوممۋنيستىك پارتياسىنا مۇشە بولعان،جوعارى تەحنيكۋم ماعلۇماتىنا يە،1-دارەجەلى اتقارۋشى ساقشى،قۇربان بولۋدان بۇرىن چاڭشا قالالىق قوعام حاۋىپسىزدىگى مەكەمەسى شارلاۋشى ساقشى تارماق اترەتى فۋرۇڭ ۇلكەن اترەتىنىڭ حالىق ساقشىسى.

2003-جىلى 8-ايدىڭ 31-كۇنى جاڭ جيەميڭ ماڭىزدى قورعاۋ مىندەتىن اتقارعاندا،جاعدايى ەڭ كۇردەلى شارلاۋ اۋماعىندا شارلاۋ،تۇتقيىل جاعدايدى ءبىر جايلى ەتۋ قىزمەتىنە جاۋاپتى بولۋدى ىرىقتىلىقپەن تالاپ ەتەدى. سول كۇنى تاڭعى  ساعات 4 تەن 11 مينۋت وتكەندە،جاڭ جيەميڭ،لو شيحاي،چىن ۋي سىندى 3 حالىق ساقشىسىنان قۇرالعان چاڭشا قالالىق قوعام حاۋىپسىزدىگى مەكەمەسى شارلاۋشى ساقشى تارماق اترەتى فۋرۇڭ ۇلكەن اترەتىنىڭ 12-ءنومىرلى شارلاۋشى كولىك گرۋپپاسى چاڭشا قالاسىنىڭ شاۋشان جولىندا شارلاۋ جۇرگىزگەندە،چاڭشا قالالىق قوعام حاۋىپسىزدىگى مەكەمەسى 110 ساقشىعا مالىمدەۋ ورتالىعىنىڭ 3  ۇرلىق قىلمىس كۇماندىسىنىڭ تامنان  اسىپ،فۋرۇڭ رايونى يۇييىڭ باستاۋىش مەكتەبىنە كىرگەندىگىن،12-ءنومىرلى كولىك گرۋپپاسىنىڭ جىلدام بارىپ ءبىر جايلى ەتۋىن تالاپ ەتكەن بۇيرىعىن تاپسىرىپ الادى.

بۇيرىقتى تاپسىرىپ الىسىمەن،12-ءنومىرلى كولىك گرۋپپاسى دەرەۋ يۇييىڭ باستاۋىش مەكتەبىنىڭ كەزەكشىلىك كەڭسەسىنە جەتەدى. دەلو  مالىمدەۋشىدەن ناقتى جاعدايدى   ۇعىسقاننان كەيىن،جاڭ جيەميڭ تاباندا قاتىستى ادامداردىڭ مىندەتىن ويداعىداي ورنالاستىرىپ،ءتىنتۋ جۇرگىزەدى. 5 مينۋتتان كەيىن،جاڭ جيەميڭ ەڭ الدىمەن قازىنا كەڭسەسىنە باراتىن زالدىڭ ەسىك جاپسارىنان ءالسىز  جارىق شىعىپ تۇرعانىن بايقايدى،ول دەرەۋ قىلمىس كۇماندىسىن شىعۋعا بۇيىرادى ءارى قىزمەتتەستەرىن زالدىڭ ەسىگىنە قاراي جينالۋعا شاقىرادى، سودان كەيىن ءوزى ەڭ الدىمەن   اتىلىپ كىرەدى.

3 قىلمىس كۇماندىسى ساقشى بار ەكەنىن بايقاعان سوڭ،ءۇش قىرلى قايقى پىشاقتارىن سەرمەي ءجۇرىپ،جان-جاققا قاشادى. سونىڭ ىشىندە ءبىر قىلمىسكەر سىرتقا قاشقاندا،جاڭ جيەميڭ ونى بوگەپ قالادى. قانقۇيلى قىلمىس كۇماندىسى «توسپا» دەپ  ايعايلاپ،جاڭ جيەميڭگە پىشاعىن  بەتالدى سىلتەيدى.

وتكىر پىشاق الدىندا،جاڭ جيەميڭ تيتتەي دە جاسقانبايدى. الايدا زالدىڭ جارىعى ءالسىز بولعاندىقتان،قىلمىس كۇماندىسىمەن الىسۋ بارىسىندا جاڭ جيەميڭگە پىشاق ءتيىپ،جاراقاتتانادى. قىلمىس كۇماندىسى جاڭ جيەميڭگە ىلگەرىندى-كەيىندى 18 جەرىنەن پىشاق سالادى،سونىڭ ىشىندە ءبىر پىشاق جۇرەگى مەن وكپەسىن زاقىمداپ،جارانىڭ تەرەڭدىگى 18 سانتيمەترگە جەتەدى. الايدا،وسىنداي جاعدايدا دا ءومىرىنىڭ ەڭ سوڭعى ساتىندە جاڭ جيەميڭ قىلمىس كۇماندىسىنىڭ ەكى اياعىنان تاس قىلىپ ۇستاپ الىپ،جىبەرمەي قويادى.

قانقۇيلى قىلمىس كۇماندىسى  باستان-اياق قاھارماننىڭ تىستەۋىكتەي قاتقان قوس قولىنان قۇتىلا المايدى،5 مينۋتتان كەيىن،ارپالىسقان داۋىستى ەستىگەن 2 جاۋىنگەر سەرىگى مەن اماندىق قورعاۋشى جەتىپ كەلىپ،قىلمىس كۇماندىسىن ۇستاپ العاننان كەيىن عانا جاڭ جيەميڭ قولىن      بوساتادى. «سەندەر مىنانى (بۇزاقىنى) الىپ قايتىڭدار،مەن ناشارلاپ    بارامىن»،وسى ءسوزىن ايتىپ بولعان سوڭ،جاڭ جيەميڭ ەسىنەن تانىپ،سول بەتى ويانبايدى.

نەبارى 30 جاستاعى جاڭ جيەميڭ قانى كوپ كەتىپ،جاراقاتى سالماقتى بولعاندىقتان،قۇتقارۋ ءونىم بەرمەي ەرلىكپەن قۇربان بولادى.

چاڭشا قالالىق قوعام حاۋىپسىزدىگى مەكەمەسى ساياسي ءبولىمى ۇگىت باسقارماسىنىڭ باستىعى كۇڭ ي بىلاي دەپ تانىستىردى: جاڭ جيەميڭ تاڭداۋلى نەگىزگى ساتى حالىق ساقشىسى. كوزى تىرىسىندە ول باستان-اياق بار ىنتا-پەيىلىمەن حالىق ءۇشىن قىزمەت ىستەۋ ءتۇبىرلى ماقساتىن ەسىندە  بەرىك ساقتاپ جانە ونى قۇلشىنا   امالياتتا ايگىلەپ،قىزمەت ورنىن تياناق ەتىپ،قالتقىسىز ۇلەس قوستى. ول كەزىندە 2 رەت تاڭداۋلى مەملەكەت قىزمەتكەرى بولدى،4 رەت تارماق اترەت جاعىنان تاڭداۋلى حالىق ساقشىسى بولىپ باعالاندى،1995-جىلى تاسقىنعا قارسى اتتانىپ،قاتەردەن اراشالاۋ ەڭبەگى كورنەكتى بولعاندىقتان،چاڭشا قالالىق قوعام حاۋىپسىزدىگى مەكەمەسىنىڭ ماراپاتتاۋىنا يە بولدى. 2002-جىلى 2003-جىلى        كوشەدەگى «توناۋشىلىق جانە تالان-تاراجىلاۋ» قىلمىسىنا سوققى بەرۋدەگى ەڭبەگى ۇزدىك بولعاندىقتان،تارماق اترەت جاعىنان 2 رەت «تۇتقىنداۋ  شەبەرى»،«بارلاپ اشۋ شەبەرى»  بولىپ باعالانادى.

2003-جىلى 9-ايدىڭ 25-كۇنى قوعام حاۋىپسىزدىگى مينيسترلىگى جاڭ جيەميڭگە «مەملەكەتتىك قوعام حاۋىپسىزدىگى جۇيەسىندەگى 1-دارەجەلى قاھارمان ۇلگى» اتاعىن تولىقتاپ بەردى؛ 2003-جىلى 12-ايدىڭ 18-كۇنى قوعام حاۋىپسىزدىگى مينيسترلىگى جاڭ جيەميڭگە     «توڭكەرىستىك قۇربان» اتاعىن   تولىقتاپ بەردى.

ماقالالار «شينجياڭ گازەتىنەن»


رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى