ءتىلشىمىز جاڭ پەيچي حابارلايدى. 4-ايدىڭ 3-كۇنى ايماق ءوندىرىس حاۋىپسىزدىگى جانە اپاتتان ساقتانۋ،اپات شىعىنىن ازايتۋ،اپاتتان قۇتقارۋ قىزمەتى تەلەۆيزور-تەلەفون ءماجىلىسىن اشتى. ايماقتىق پارتكومنىڭ ورىنباسار شۋجيى،اكىمشىلىك مەكەمەسىنىڭ ۋاليى مۇقيات جارمۇحامبەت ءماجىلىستى باسقاردى.
ءماجىلىس باس شۋجي شي جينپيڭنىڭ سىچۋاننىڭ لياڭشان وبلىسى شيچاڭ قالاسىنىڭ جيڭجيۋ اۋىلىندا تۋىلعان ورمان ءورت اپاتى جونىندەگى ماڭىزدى نۇسقاۋىن،اۆتونوميالى رايوندىق حالىق ۇكىمەتى كەڭسەسىنىڭ « 2020-جىلعى چيڭميڭ كۇنگى ازا ءبىلدىرۋ قىزمەتىن اناعۇرلىم جاقسى ىستەۋ جونىندەگى ۇقتىرۋىنىڭ» رۋحىن،ايماقتىق پارتكومنىڭ 16-رەتكى مۇشەلەر (كەڭەيتىلگەن) ءماجىلىسىنىڭ قاتىستى قىزمەت تالاپتارىن جەتكىزدى،ۇيرەندى.
ءماجىلىس مىنالاردى باسا دارىپتەدى: ءارقايسى اۋدان،قالا،تاراۋلار شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ،نازاردى قوعام ورنىقتىلىعى مەن باياندى تىنىشتىق باس نىساناسىنا مىقتاپ شوعىرلاندىرىپ،ءوندىرىس حاۋىپسىزدىگى مەن اپاتتان ساقتانۋ،اپات زيانىن ازايتۋ،اپاتتان قۇتقارۋ قىزمەتتەرىن بار كۇشپەن ويداعىداي ىستەپ،ايماقتىڭ ءوندىرىس حاۋىپسىزدىگى جاعدايىنىڭ ۇزدىكسىز ورنىقتى جاقسارۋىن تىڭعىلىقتى ىلگەرىلەتىپ، كەدەيلىكتەن ارىلتۋدان قامال الۋ شەشۋشى شايقاسىنا،جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋگە،قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا،جاراسىمدى، ورنىقتى حاۋىپسىز ورتا ازىرلەۋ كەرەك.
ءماجىلىس مىنالاردى تالاپ ەتتى: سىچۋاننىڭ لياڭشان وبلىسى شيچاڭ قالاسى جيڭجيۋ اۋىلىندا تۋىلعان ورمان ءورت اپاتى سياقتى شىرعالاڭداردان تەرەڭ ساباق الىپ،بىرەۋى ارقىلى وزگەسىن تۇسپالداپ، ۇستىنەن وڭاۋ مەن تۇبىرىنەن وڭاۋعا بىردەي ءمان بەرىپ،ءوندىرىس حاۋىپسىزدىگىن ءبىر-بىرلەپ تەكسەرۋ،جونگە سالۋ قىزمەتىن جاپپاي ورىستەتۋ؛ورمان قورعاۋ قوسىنىنىڭ رولىن تولىق ساۋلەلەندىرىپ،ەرتە باستان قامدانىپ،ىرىقتىلىقپەن ءىس تىندىرىپ،ءتۇرلى ساقتانۋ شارالارىن ويداعىداي تياناقتاندىرىپ،ورتتەن ساقتانۋ شارلاۋ-قورعاۋىن كۇشەيتۋ؛ شۇعىل جاعدايعا توتەپ بەرۋدى باسقارۋ جۇيەسى قۇرىلىسىن ۇزدىكسىز كۇشەيتىپ،«شۇعىل توتەپ بەرۋ» ۇستانىمىن بەرىك ورناتىپ،«الدىن الۋدى نەگىز ەتۋ،ساقتانۋدى،قارسى اتتانۋدى،قۇتقارۋدى ءوزارا ۇشتاستىرۋعا» تاباندى بولىپ،جەر سىلكىنىسىنەن ساقتانىپ،اپات زيانىن ازايتۋ قىزمەتىن مىقتى يگەرىپ،جەر سىلكىنىسى جاعدايىن باقىلاۋ-ولشەۋ،قاداعالاۋ، عيماراتتاردىڭ سىلكىنىسكە قارسى تۇرۋ-ساقتانۋ قۇرىلعىلارىن باقىلاۋ-باسقارۋ جانە جالپى حالىقتىق جەر سىلكىنىسىنەن ساقتانۋ، اپاتتى ازايتۋ ۇگىت -تاربيە قىزمەتىن قاتاڭ تياناقتاندىرۋ؛ۇيىمدىق باسشىلىقتى كۇشەيتۋ، ءار دارەجەلى پارتيا،ۇكىمەت ورىندارىنىڭ «ءبىرىنشى باسشىلارى» حاۋىپسىز ءوندىرىس جۇرگىزۋدەگى ءبىرىنشى جاۋاپكەرشىلىكتى شىنايى ارقالاپ،ءوندىرىس حاۋىپسىزدىگى جاعدايىنا مەرزىم بويىنشا تۇجىرىم جاساپ،قىزمەت بارىسىندا ورىن تەپكەن ماسەلەلەردى دەر كەزىندە شەشۋ كەرەك.
ماجىلىستە تاعى باسقا قىزمەتتەر ورنالاستىرىلدى.
ءماجىلىس بەينەجازبا ءماجىلىسى فورماسىندا ءارقايسى اۋدان،قالالارعا دەيىن اشىلدى. ايماق باسشىلارىنان ۋاڭ گۋاڭچياڭ،ايدىن تولەۋقان، شۋە گۇيچياڭ ماجىلىسكە قاتىناستى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى