■ ايماعىمىزداعى ورمان-جايلىم تاراۋلارى تۇتاس جىلدىق نىسانانى ورىنداۋعا كۇش سالدى
ءتىلشىمىز سۇڭ جۇنفاڭ حابارلايدى. بيىل ايماقتىق ورمان-جايلىم مەكەمەسى ەرەكشە جاعدايعا قاراتا ەرتە جوسپارلاپ،ەرتە ورنالاستىرىپ،اعاش ەگىپ،ورمان وتىرعىزۋ مەن ورماندى،جايلىمدى ورتتەن ساقتاۋ قىزمەتىن ءبىر تۇتاس جوسپارلاپ ىلگەرىلەتىپ،ىندەت جاعدايى سەبەبىنەن كەشىككەن جۇمىستاردى ورىنداۋعا كەپىلدىك ەتتى.
قازىر اعاش ەگىپ،ورمان وتىرعىزۋدىڭ شەشۋشى كەزەڭى، ايماقتىق پارتكوم مەن اكىمشىلىك مەكەمەسىنىڭ ىندەتتەن ساقتانۋ- تىزگىندەۋ مەن كۇندەلىكتى قىزمەتتى ءبىر تۇتاس جوسپارلاپ ورنالاستىرۋىنا ساي،ايماقتىق ورمان-جايلىم مەكەمەسى مىندەتتى ايقىنداپ،الدىن الا ىسكە كىرىسىپ،تەكسەرۋ-ولشەۋ جۇرگىزىپ،ورمان وتىرعىزاتىن جەر بولەكتەرىن تياناقتاندىردى.
ايماقتىق ورمان-جايلىم مەكەمەسى قاتاڭ باقىلاۋ جۇرگىزىپ،دەرت-دەربەزگە شالدىققان قالامشالاردى ورمان وتىرعىزۋ ناق مايدانىنا اپارۋعا قاتاڭ تيىم سالدى. سونىمەن بىرگە،تەحنيكالىق قىزمەت وتەۋ اترەتىن قۇرىپ،ءارقايسى اۋدان،قالانىڭ اۋلا شارۋاشىلىعى جانە ءۇش تەرىستىك ىقتاسىن ورمانى ينجەنەريا نىسانى بويىنشا ورمان وتىرعىزىپ،جاسىلداندىرۋعا قاجەتتى كوشەتتەر مەن ەگۋ قىزمەتىنە ۋاق-ۋاق جەتەكشىلىك ەتىپ وتىردى.
ۇعىسۋعا قاراعاندا،بيىل ايماعىمىز ورمان وتىرعىزۋ كولەمىن 83 مىڭ 500 مۋعا جەتكىزىپ،جاڭادان 6000 مۋ جاساندى ورمان وتىرعىزۋ، 22 مىڭ 500 مۋ ورماندى قالپىنا كەلتىرۋ جانە 55 مىڭ مۋ ورماندى قورعاۋعا الۋدى جوسپارلاعان ەكەن.
4-ايدىڭ 1-كۇنىنە دەيىن، ءارقايسى اۋدان،قالا جەر بولەكتەرىن نەگىزىنەن تياناقتاندىرىپ،5427 مۋ جەردى تەگىستەپ،762 مۋ جەرگە ورمان وتىرعىزىپ بولعان.
بيىل كوكتەمدە بوراندى كۇندەرى ءبىرشاما كوپ بولۋ جانە ورمان مەن جايلىمعا ءورت كەتۋ حاۋپى جوعارى بولۋ سىندى ءىس جۇزىندىك جاعدايعا قاراتا،ايماقتىق ورمان-جايلىم مەكەمەسى ۋاقىتتى مىقتى ۇستاپ،كوكتەمگى ورماندى،جايلىمدى ورتتەن ساقتاۋ قىزمەتىنىڭ ماڭىزدى تۇيىندەرىنە سارالاۋ جۇرگىزىپ،ورماندى، جايلىمدى ورتتەن ساقتاۋ قىزمەتى جوباسىن جاساپ جانە كەمەلدەندىرىپ، قىزمەت ەسكەرتپەسىن ءتۇسىرۋ، بەينەجازبا ءماجىلىسىن اشىپ،قىزمەتكە ورنالاستىرۋ جاساۋ ارقىلى جۇمىستى قالپىنا كەلتىرگەننەن كەيىنگى ورتتەن ساقتانۋ قىزمەتىنە ويداعىداي نەگىز قالادى.
كوكتەمگى ەگىس ءوندىرىسى مەن مالشىلاردىڭ كوشى-قون جۇمىسى سياقتى ءىرى اۋىل شارۋاشىلىق جۇمىستارىنا قاراتا،ايماقتىق ورمان-جايلىم مەكەمەسى ءتۇرلى ادىستەردەن پايدالانىپ،ورماندى،جايلىمدى ورتتەن ساقتاۋ،ءورت ءوشىرۋ بىلىمدەرىن، وتتان حاۋىپسىز پايدالانۋ جانە حاۋىپ-قاتەردەن شۇعىل تاسالانۋ بىلىمدەرىن ۇگىتتەدى. سونىمەن بىرگە،جاراتىلىستىق قورىق،ەكولوگيالىق رايون،ەگىنجاي ىقتاسىن ورمانى، الەۋمەتتىك يگىلىك ورمانى،مەملەكەت مەنشىگىندەگى ورمان الاڭى،مال فەرماسى سياقتى ماڭىزدى وڭىرلەر مەن شەكارا وڭىرلەردىڭ وت كوزىن باسقارۋ جانە ءورت قاتەرىنىڭ كومەسكى حاۋپىن ءبىر-بىرلەپ تەكسەرۋدى كۇشەيتىپ، كوشى-قون مەن كوكتەمگى ەگىس ءوندىرىسى سياقتى ءىرى اۋىل شارۋاشىلىق قيمىلدارىن قاتاڭ باقىلادى.
3-ايدىڭ 5-كۇنىنەن باستاپ،ايماقتىق ورمان-جايلىم مەكەمەسى ءورت جاعدايى جونىندە كۇنىنە ءبىر رەت مالىمەت بەرۋ،ءورت اپاتى تۋىلسا اپات جاعدايىن،ءورت اپاتى تۋىلماسا اماندىق جاعدايىن مالىمدەۋ ءتۇزىمىن قاتاڭ تياناقتاندىرىپ،ءورت اپاتى تۋىلعاندا كەشىكتىرىپ مالىمدەۋ، مالىمدەمەي قويۋ،مالىمدەلمەي قالۋ سياقتى جاعدايلاردىڭ تۋىلۋىنان ساقتاندى. 3-ايدىڭ 23-كۇنىنەن باستاپ، ايماقتىق ورمان-جايلىم مەكەمەسى ەكى قىزمەت گرۋپپاسىن شىعارىپ، اشىق تەكسەرىپ،استىرتىن باقىلاۋ جۇرگىزۋ ادىستەرىنەن پايدالانىپ،ءارقايسى اۋدان،قالانىڭ كوكتەمگى ورتتەن ساقتانۋ قىزمەتىنە قۋزاۋ-جەتەكشىلىك ەتىپ،بايقالعان ماسەلەلەردى ەسكەرتتى ءارى بەلگىلى ۋاقىتتا رەتتەپ- تۇزەتۋدى تالاپ ەتتى.
ايماقتىق ورمان-جايلىم مەكەمەسى پارتيا باسشىلىق گرۋپپاسىنىڭ شۋجيى دۋ جياڭتاۋ: «ءبىز عىلمي جوسپارلاپ،ناقتى ىستەپ،جاۋاپكەرشىلىكتى ارقالاپ،ءارقايسى تاراۋدىڭ فۋنكتسياسىن تولىق ساۋلەلەندىرىپ،تۇتاس جىلدىق نىسانانى ورىنداۋعا كۇش سالىپ، ورمان-جايلىم كاسىبىنىڭ جوعارى ساپامەن دامۋىن ىلگەرىلەتىپ، جاراسىمدى،ەكولوگياسى كوركەم، قونىستانۋعا جايلى تارباعاتاي قۇرۋعا ۇلەس قوسامىز» دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى