ءتىلشىمىز ليۋ پىڭ حابارلايدى. 4-ايدىڭ 5-كۇنى تۇستەن كەيىن ءدوربىلجىن اۋداندىق قوعام حاۋىپسىزدىگى مەكەمەسى زوۋ ۋي جولداسقا «مەملەكەتتىك قوعام حاۋىپسىزدىگى جۇيەسىندەگى 2-دارەجەلى قاھارمان ۇلگى» اتاعىن تولىقتاپ بەرۋ سالتىن سالتاناتپەن وتكىزدى.
اۆتونوميالى رايوندىق قوعام حاۋىپسىزدىگى مەڭگەرمەسى ساياسي ءبولىمى ۇگىت باسقارماسىنىڭ باستىعى ليۋ يۇڭجۇن قوعام حاۋىپسىزدىگى مينيسترلىگىنىڭ «زوۋ ۋي جولداسقا مەملەكەتتىك قوعام حاۋىپسىزدىگى جۇيەسىندەگى 2-دارەجەلى قاھارمان ۇلگى اتاعىن تولىقتاپ بەرۋ جونىندەگى بۇيرىعىن» وقىدى، اۆتونوميالى رايوندىق قوعام حاۋىپسىزدىگى مەڭگەرمەسى ساياسي ءبولىمىنىڭ ورىنباسار مەڭگەرۋشىسى،كادرلار باسقارماسىنىڭ باستىعى تان شياڭ مەن ءدوربىلجىن اۋداندىق پارتكومنىڭ ورىنباسار شۋجيى،ساياسي-زاڭ كوميتەتىنىڭ شۋجيى دۇڭ دىچۋان زوۋ ۋي جولداستىڭ وتباسىنداعىلارعا «2-دارەجەلى قاھارمان ۇلگى» داڭق كۋالىگى مەن مەدالىن تاراتتى.
زوۋ ۋي جولداس 1988-جىلى 3-ايدا دۇنيەگە كەلگەن،2011-جىلى شينجياڭ كۇچار اۋدانىندا اسكەرگە قاتىناسىپ،2014-جىلى 11-ايدا داڭقتى حالىق ساقشىسى بولادى.
ساقشى بولعان 5 جىلدان بەرى،زوۋ ۋي جولداس اۋىل-قىستاقتارعا ءتۇسىپ،الەۋمەتتىك اۋماقتارعا بارىپ،14 مىڭنان استام وتباسىن ارالادى،حالىقتى ۋايىمنان ارىلتىپ،حالىقتىڭ قيىنشىلىعىن شەشىپ،7 ميلليوننان استام داۋ-شاردى شەشتى،قىلمىس توبىن تالقانداپ، ماڭىزدى دەلولاردى اشىپ،400 دەن استام قىلمىستىق ىستەر دەلوسىن ءبىر جاقتى ەتتى،اۋىر جۇك ارقالاپ،ۇلگى كورسەتىپ،300 رەتتەن استام تاربيە قيمىلىن ورىستەتتى،حالىققا ۇلەس قوسۋدى دارىپتەپ،100 نەشە ادام-رەتتەن استام بۇقاراعا قول ۇشىن بەردى،كوپ رەت مەڭگەرمە،ايماقتىق،اۋداندىق قوعام حاۋىپسىزدىگى ورگاندارى جاعىنان تالاي رەت ماداقتالىپ-سيلانادى.
2019-جىلى 4-ايدىڭ 5-كۇنى ءدوربىلجىن اۋداندىق قوعام حاۋىپسىزدىگى مەكەمەسى چاي x تىڭ ءبىر بۇقارانىڭ لاس سۋ قۇدىعىنا ءتۇسىپ كەتكەندىگىن مالىمدەگەن تەلەفونىن قابىلدايدى. چياۋنان ساقشى بولىمشەسىنىڭ ورىنباسار باستىعى زوۋ ۋي دەرەۋ ساقشى كۇشىن باستاپ،ناق مايدانعا بارعاندا،قۇدىقتا قىرۋار لاس سۋ بار ەكەنىن،ونىڭ ۇستىنە لاس سۋ بۇقارانىڭ باسىنان اسىپ كەتكەندىگىن،جاعدايدىڭ توتەنشە حاۋىپتى ەكەنىن بايقايدى.
بۇقارانىڭ باس اماندىعىنا كەپىلدىك ەتۋ ءۇشىن،زوۋ ۋي بىرگە شىققان كومەكشى ساقشىلاردى توقتاتىپ،«مەن تۇسەيىن» دەگەن سوڭعى ءبىر اۋىز ءسوزىن قالدىرىپ،قاراپايىم قورعانۋ جابدىعىن تاعىپ،دەرەۋ لاس سۋ قۇدىعىنا ءتۇسىپ،بۇقارانى قۇتقارادى،قۇدىق ءىشىنىڭ جاعدايى كۇردەلى بولعاندىقتان، زوۋ ۋي سۋعا ءتۇسىپ،بۇقارانى جوعارى كوتەرىپ جاتقاندا،تۇيىقسىزدان سۋعا كومىلىپ كەتىپ،سوڭىنان قۇتقارۋ ءونىم بەرمەي ۇكىمەت جۇمىسىمەن قۇربان بولادى.
2019-جىلى 6-ايدا زوۋ ۋي جولداس اۆتونوميالى رايوندىق 6-كەزەكتى «مورالىمەن تيانشاندى نۇرلاندىرعان» «ادىلەت جولىندا ايانباعان» ءمورال ۇلگىسى بولىپ باعالانسا؛سول جىلى 10-ايدا قوعام حاۋىپسىزدىگى مينيسترلىگى جاعىنان «مەملەكەتتىك قوعام حاۋىپسىزدىگى جۇيەسىندەگى 2-دارەجەلى قاھارمان ۇلگى» اتاعى تولىقتاپ بەرىلدى.
وسى بارىستا تان شياڭ مەن ليۋ يۇڭجۇن زوۋ ۋي جولداستىڭ وتباسىنداعىلارعا امانداسا بارىپ،قوعام حاۋىپسىزدىگى مينيسترلىگىنىڭ،اۆتونوميالى رايوندىق قوعام حاۋىپسىزدىگى مەڭگەرمەسى پارتكومىنىڭ ىقىلاستى قامقورلىعى مەن شىنايى حال سۇراۋىن جەتكىزىپ،ەرەكشە حال سۇراۋ قاراجاتىن جانە حال سۇراۋ بۇيىمدارىن ۇسىندى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى