105 ميلليون 600 مىڭ يۋان اقى كەمەيتىپ الىنىپ،152 مىڭ 400 ادام يگىلىگىن كوردى
ءتىلشىمىز ۋاڭ چۇنلين حابارلايدى. 4-ايدىڭ 27-كۇنى ايماقتىق ەمدەۋدى قامتاماسىزداندىرۋ مەكەمەسىنەن ۇعىسۋعا قاراعاندا، بيىل 2-ايدان 4-ايدىڭ 26-كۇنىنە دەيىن، ايماعىمىز بويىنشا جۇمىسشى- قىزمەتكەرلەردىڭ نەگىزگى ەمدەۋ قامسىزداندىرۋ قاراجاتى جيىنى 105 ميلليون 600 مىڭ يۋان كەمەيتىپ جينالىپ،اۆتونوميالى رايون تۇسىرگەن مىندەتتىڭ %74.61 ى ورىندالىپ،152 مىڭ 400 ادام يگىلىگىن كوردى.
جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ-تىزگىندەۋ مەزگىلىندە،كاسىپورىنداردىڭ اۋىرتپالىعىن شىنايى جەڭىلدەتىپ، كاسىپورىنداردىڭ جۇمىستى،ءوندىرىستى قالپىنا كەلتىرۋىنە قولداۋ كورسەتۋ ءۇشىن، ايماقتىق ەمدەۋدى قامتاماسىزداندىرۋ مەكەمەسى ىرىقتىلىقپەن ىسكەرلىك كورسەتىپ،«تارباعاتاي ايماقتىق ەمدەۋدى قامتاماسىزداندىرۋ مەكەمەسىنىڭ جۇمىسشى-قىزمەتكەرلەردىڭ نەگىزگى ەمدەۋ قامسىزداندىرۋ اقىسىن كەزەڭدىك سيپاتتى كەمەيتىپ الۋ قىزمەتىن اتقارۋ جوباسىن» بەلگىلەپ، ايماقتىڭ سالىق، قازىنا تاراۋلارىمەن بەلسەنە سەلبەسىپ،جۇمىس ءبولىسىن ايقىنداپ،اقىنى كەمەيتىپ،كەشىكتىرىپ جيناۋ قىزمەتىن تىڭعىلىقتى ورىستەتتى.
ساياساتتى كەڭ كولەمدە ۇگىتتەۋ ءۇشىن،ايماقتىق ەمدەۋدى قامتاماسىزداندىرۋ مەكەمەسى جەكە-جەكە «تارباعاتاي گازەتىندە»، ايماقتىق راديو-تەلەۆيزيا ستانسياسىندا، تارباعاتاي «ءنول ارالىق» ءۇنحات تەكشەسىندە «تارباعاتاي ايماعىنىڭ جۇمىسشى-قىزمەتكەرلەردىڭ ەمدەۋ قامسىزداندىرۋ اقىسىن الۋدى كەزەڭدىك سيپاتتى كەمەيتۋ جونىندەگى حابارلاندىرۋىن» جاريالادى ءارى تارباعاتاي «ءنول ارالىق» ءۇنحات تەكشەسى،بازار باقىلاۋ-باسقارۋ مەكەمەسىنىڭ ءۇنحات تەكشەسى،سالىق جيناۋ تەكشەسى سياقتىلار ارقىلى «ەمدەۋ قامسىزداندىرۋ اقىسىن كەزەڭدىك سيپاتتى كەمەيتۋ جونىندەگى ۇقتىرۋدى» تاراتتى.
سونىمەن بىرگە،ورىندار مەن جەكەلەرگە ىرىقتى تۇردە قۇلاققاعىس ەتۋ ءتاسىلىن قولدانىپ،كاسىپتىك جۇمىس ءبىتىرۋ زالىنداعى كورنەۋ ورىنعا اقىنى كەمەيتۋ ساياساتى جونىندەگى حابارلاندىرۋدى جاپسىرىپ، ارناۋلى ادامدى كاسىپورىنداردىڭ قاتىستى قىزمەتكەرلەرىنە تەلەفون سوعىپ،جۇمىسشى-قىزمەتكەرلەردىڭ نەگىزگى ەمدەلۋدى قامسىزداندىرۋ اقىسىن كەزەڭدىك سيپاتتى كەشىكتىرىپ الۋ ساياساتىن ۇگىتتەۋگە جاۋاپتاندىرىپ،قىزمەت پوكايىندا اقىنى كەمەيتۋ ساياساتى جونىندەگى ۇگىت قاعازىن تاراتىپ،ۇگىت قىزمەتىنىڭ كاسىپورىندار مەن مەكەمە-ورىنداردى تولىق قامتۋىنا كەپىلدىك ەتتى.
وسى قۋانىشتى حاباردى ەستىگەننەن كەيىن،شينجياڭ جىڭتا قۇرىلىس- قۇراستىرۋ شەكتى سەرىكتەستىگىنىڭ قىزمەتكەرى سۇڭ پيڭ بىلاي دەدى: «بۇل ءبىز جونىنەن العاندا،راسىندا جاقسى حابار بولدى،كاسىپورىننىڭ اۋىرتپالىعىن جەڭىلدەتۋمەن بىرگە، ءبىزدىڭ كۇندەلىكتى ناۋقاس كورسەتۋىمىزگە،بالنيتسيادا جاتىپ ەمدەلگەندە دەر كەزىندە ەسەپتەن كوتەرۋىمىزگە كەپىلدىك ەتتى».
تولى اۋدانىنداعى پەنسياعا شىققان قىزمەتكەر چاڭ چيڭمەي بىلاي دەدى: «تاياۋدا جۇمىسشى-قىزمەتكەرلەردىڭ نەگىزگى ەمدەۋ قامسىزداندىرۋ اقىسىن كەمەيتۋ جونىندە ءۇرتىس ەكى رەت ءوتىنىش بەردىم. نەشە ءجۇز يۋان اقشام ۇنەمدەلۋمەن بىرگە، اۋرۋ كورسەتۋىمە،ەمدەلۋ اقىمدى ەسەپتەن كوتەرتۋىمە كەپىلدىك ەتىلدى».
ۇعىسۋعا قاراعاندا،تۇتاس ايماقتاعى 2310 كاسىپورىن،1596 ورگان،ءىسورىندارى،سونداي-اق يكەمدى جۇمىستانعان 17 مىڭ 15 جەكە تيجاراتشى وسى رەتكى جۇمىسشى-قىزمەتشىلەردىڭ ەمدەۋ قامسىزداندىرۋ اقىسىن كەمەيتۋ، كەشىكتىرىپ تاپسىرۋ ساياساتىنان يگىلىكتەنگەن.
ايماقتىق ەمدەۋدى قامتاماسىزداندىرۋ مەكەمەسىنىڭ ورىنباسار باستىعى مۇقتار بازاربەك بىلاي دەدى: «ءبىز اقىنى كەمەيتۋ ساياساتى جونىندەگى ۇگىتتى ۇزدىكسىز كۇشەيتىپ،ساياساتتىڭ ناقتى تياناقتانۋىنا كەپىلدىك ەتەمىز ءارى سالىق،قازىنا تاراۋلارىمەن قىزمەتتى سايكەستىرۋ،بايلانىس جاساۋ مەحانيزمىن ورناتىپ،اقشانىڭ قايتارىلۋىنا،ۋاعىندا اۋدارىلۋىنا كەپىلدىك ەتەمىز».
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى