ءتىلشىمىز زىڭ جاۋمەي حابارلايدى. بىرنەشە كۇننەن بەرى،ساۋان اۋدانىنىڭ ءارقايسى اۋىل-قالاشىقتارى «ىندەتتەن ساقتانۋدا قاسىڭدامىن، وتانشىلدىق تازالىقتا بىرگەمىز» تاقىرىبىندا جاسىل جامىلعى ەگۋ،اعاش اكتەۋ سياقتى قيمىلداردى ورىستەتىپ، مونتازداي تازا،قونىستانۋعا جايلى اۋىل-قىستاق تۇرمىس ورتاسىن جاراتتى.
تاياۋدا بورتىنكو اۋىلى ارالتوبە قىستاعىنىڭ تۇرعىنى ما حايجىننىڭ ۇيىنە بارعانىمىزدا،اۋلانىڭ سول جاعىنداعى باعىمشىلىق اۋماعىنىڭ تازا دا رەتتى ەكەنىن،وڭ جاعى كوكونىس اتىزى مەن شاعىن اۋلاعا بولىنگەنىن كوردىك،كوكونىس اتىزى مەن شاعىن اۋلانى ءبولىپ تۇراتىن داۋالدىڭ ۇستىنە كوكونىس كوشەتىن جەتىلدىرگەن ءار ءتۇرلى تاشتەكتەر قويىلىپتى،اۋلاداعى ەكى ءتۇپ الما اعاشىنىڭ حوش ءيىسى اڭقيدى.
مونتازداي تازا،كەڭ دە جارىق ءۇي ىشىندە الۋان ءتۇرلى گۇلدەر قۇلپىرا جايناپ تۇر،ءۇي ءىشى تاپ -تۇيناقتاي رەتتى جينالىپتى.
«قىزمەت اترەتىندەگىلەر مەن قىستاق كادرلارى ۋاقىتىن بەلگىلەمەي كەلىپ تازالىق تەكسەرەدى جانە ءۇنحات توبىندا،ءۇيىنىڭ ءىشىن تازا ۇستاعان،ءۇيىنىڭ الدى-ارتىنىڭ تازالىعىن جاقسى ساقتاعان وتباسىلارىن ماداقتايدى» دەدى ما حايجىن.
انجىحاي قالاشىعى گۋشۋ قىستاعى پارتيا ياچەيكاسى قىستاقتاعى بارلىق پارتيا مۇشەلەرى مەن پارتياعا كىرەتىن بەلسەندىلەردى ۇيىمداستىرىپ، «مەكەنىمىزدى كوركەيتىپ،اعاش اكتەيىك» نەگىزگى تاقىرىبىندا پارتيا كۇنى قيمىلىن ورىستەتىپ،كوپشىلىك قىستاقتىڭ 600 مەتر ۇزىندىقتاعى كورىنىس بەلدەۋىندەگى 300 ءتۇپ اعاشتى اكتەدى. گۋشۋ قىستاعى قىستاقتىڭ كورىنىس بەلدەۋىندەگى جاياۋلار جولىن اسفالتتاندىرىپ،قىستاق تۇرعىندارىنا سەيىل-سەرۋەن،كوڭىل اشۋ ورنىن ازىرلەپ بەرۋدى جوسپارلاپ وتىر ەكەن.
شاڭحۋدي اۋىلى قىستاق تۇرعىندارىنىڭ ورتا تازالىعى تانىمىن ۇزدىكسىز كۇشەيتىپ،تۇرعىنداردىڭ قونىستانۋ ورتاسىن رەتتەۋ-وڭاۋعا سانالى،بەلسەندى،ىرىقتى ات سالىسۋ تانىمىن جوعارىلاتقان. قازىرگە دەيىن شاڭحۋدي اۋىلى بۇكىل اۋىلداعى 12 قىستاقتىڭ كوشە بويىنا 5600 تۇپتەن استام اعاشتى جاڭادان تولىقتاپ ەگىپ،17 كيلومەتر ۇزىندىقتاعى جاسىلداندىرۋ بەلدەۋىندەگى اعاشتاردى اكتەپ،611.3 مۋ جەرگە اعاش ەگىپ،ورمان وتىرعىزىپ،30 دان استام حاۋىپتى،ەسكى ءۇيدى شاعىپ،2300 مەتردەن استام قۇلاعان داۋال جانە قيراعان تامدى رەتتەپ جونگە سالعان.
شاڭحۋدي اۋىلدىق پارتكومنىڭ مۇشەسى،ۇگىت كادرى جوۋ نا: «قازىر بۇكىل اۋىل بويىنشا 25 قوقسىق ساندىعى،1 قوقىر-قوقسىق تاسۋ ماشيناسى بار،ءاربىر قىستاق ارناۋلى قوقىر-قوقسىق توگەتىن ورىن بەلگىلەپ،تۇرمىستىق قوقىر- قوقسىقتاردى دەر كەزىندە تازالاپ،قىستاق تازالىعىن ويداعىداي ساقتاۋدى،قوقسىقتى تازالاپ تۇرۋدى ۇدايىلاندىرۋدى جۇزەگە اسىرىپ، مەكەنىمىزدى ونان ارى كوركەيتە تۇسۋدە» دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى