تاۋى،سۋى،گۇلى،ادامى، ءبارى كوركەم،ادەمى

□ شاۋەشەك قالاسىنىڭ تاۋى كوركەم،سۋى ءمولدىر تارباعاتاي تاۋى كورىنىس رايونى.



□ شيحۋ قالاسىنىڭ قالا گۇل تەڭىزى باقشاسىنداعى قىزعالداق گۇلى قۇلپىرا اشىلدى.





   □ 5-ايدىڭ 2-كۇنى سىرتتان كەلگەن ساياحاتشى قوبىقسارى اۋدانى قاراعايتى سايى كورىنىس رايونىنا جول الۋدا.



□ ساۋان اۋدانى ۇلۋجان ساياحات رايونى قىرۋار ساياحاتشىلاردى وزىنە باۋرادى.
 

   «1-مامىر» دمالىسىندا،شۇعىلالى نۇرعا بولەنگەن جانعا جايلى شۋاقتى كوكتەمدە ايماعىمىزدىڭ جەر-جەرىندەگى كورىنىس رايوندارى كوكتەمنىڭ كوز ايىم ساتىندە سەيىل-سەرۋەنگە شىققان ساياحاتشىلاردى قارسى الدى. 

   كورىكتى تارباعاتاي تاۋى كورىنىس رايونىندا،يرەلەڭدەپ ۇزىننان-  ۇزاققا سوزىلعان تاس جول،جاپ-جاسىل جايلاۋ سونىسى ساياحاتشىلاردى بىردەن جەكە كولىكپەن ساياحاتتاۋ بەكىمىنە كەلتىرەدى؛ شاعانتوعاي اۋدانى بارلىق تاۋى كورىنىس رايونىنداعى كەڭ بايتاق دالا ماساتىداي  قۇلپىرىپ جاتقان شەتسىز-شەكسىز تابيعي كىلەم سياقتى،جايناپ،جايقالا تەربەلگەن  الۋان ءتۇستى گۇلدەردىڭ كوركى كوز سۇرىندىرەدى؛5-ايداعى قوبىقسارى موڭعۇل اۆتونوميالى اۋدانىنىڭ اسپانى كوكپەڭبەك،سۋى ءموپ-ءمولدىر تۇنىق،قاراعايلى نۋى سىڭسىپ،شىپىرلاعان سازدىقتارى،جاقپار-جاقپار  جارتاستارى جان ەلىتەدى؛ شيحۋ قالاسىنىڭ قالا گۇل تەڭىزى باقشاسىنداعى 400 مىڭ ءتۇپ 14 ءتۇرلى قىزعالداق گۇلى جارىسا شەشەك اتىپ،   ساياحاتشىلاردى ءتانتى ەتىپ،ەس تاندىرار كوركەمدىگىمەن ەرەكشە    باۋرادى؛ساۋان اۋدانى ۇلۋجان كورىنىس رايونىنداعى قاز-قاتار تىزىلگەن اق شاعالاداي كيىز ۇيلەردى،شۇباتىلا كوتەرىلگەن بۋداق-بۋداق ءتۇتىندى،مىڭعىرىپ جاتقان قورا-قورا قويدى،قۇيىنداي قۇيعىعان سايگۇلىكتەردى كورگەن ادامنىڭ اينالىپ ءۇيىرىلىپ،قايتقىسى كەلمەي قالادى. 

   سۋرەتىن تارتىپ،حابارلاعان تىلشىلەرىمىز ۋىن بو،لي يانرۇڭ،       زىڭ جاۋمەي،ۇسىنىس ەتىلگەن ءتىلشى لي ميڭشىڭ،ەرىكتى ءتىلشى   الشىن باقىتگۇل



رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى