ءشوپ تە جاسىل،جاسىل مايسا،ورمان دا، جاسىل تۇسكە كەتتى اينالىپ قورعان دا

□ قۇت ۇيىعان قۇلىستاي جايىلىمى كورگەن جاننىڭ ىرقىن بيلەپ اكەتەدى.



   □ قالا تۇرعىندارى شاۋەشەك قالاسىنىڭ قوس مۇنارا الاڭىندا سەيىل-سەرۋەن قۇرىپ،گۇلدەردى  تاماشالاپ،سۋرەتكە ءتۇسىپ،ەستەلىك قالدىرۋدا.

□ شيحۋ قالالىق شينجياڭ رۇڭشين شىڭجين قالاعا قىزمەت وتەۋ شەكتى سەرىكتەستىگىنىڭ جۇمىسشىلارى حۋاڭحى جولى مەن چاڭجياڭ جولىنىڭ جاسىلداندىرۋ بەلدەۋىنە 5 تۇردەگى 87 مىڭ ءتۇپ شەگىرشىن اعاشىنىڭ قالامشاسىن ەكتى.

   □ شاۋەشەك قالاسى قاراقاباق اۋىلى باسبوزداق قىستاعىندا،جۇمىسشىلار 1600 ءتۇپ ەرەن اعاشىن جۇك اۆتوموبيلىنەن تۇسىرۋدە.

   □ 5-اي كىرگەننەن بەرى،ساۋان اۋداندىق باۋ-باقشا جاسىلداندىرۋ ورتالىعىنىڭ جۇمىسشىلارى 48 جولدىڭ ەكى جاعالاۋىنداعى جاسىل قورشاۋلىق تال،گۇل-شوپتەردى بۇتاپ،رەتتەپ كۇزەپ،   كورىنىس بەلدەۋىن جۇيەگە ءتۇسىردى.


   جادىراپ جاز كەلگەننەن بەرى،تارباعاتايدىڭ بايتاق دالاسى جاسىل جەلەك جامىلىپ،تاماشا تىرشىلىك تىنىسىنا شومدى. قۇلىستاي جايىلىسىنىڭ   سازدىعىندا الۋان وسىمدىك جايقالىپ،سانسىز قۇستار سىمپىلداي كوتەرىلىپ ۇشىپ-قونىپ،انگە باسىپ،ساحارا قۇشاعىندا ءتورت تۇلىگى مىڭعىرىپ، كوركەم كورىنىس كوز ءسۇرىندىردى. قالاداعى باقشالار ىشىندە كوگوراي شالعىن تەربەلىپ،قۇلپىرعان گۇلدەر شوقتاي جايناپ،قالا تۇرعىندارى مەن ساياحاتشىلار سۋرەتكە ءتۇسىپ،ەستەلىك قالدىردى. 

   وسى ءبىر ومىرشەڭدىككە تولى ماۋسىمدا،ايماعىمىزداعى ءارقايسى جەرلەر ۋاقىتتى مىقتى ۇستاپ،ارت-ارتىنان اعاش ەگىپ،ورمان وتىرعىزۋ قيمىلىن ورىستەتىپ،بايتاق دالانى جاسىل القاپقا اينالدىرىپ،قالا كوركىن اجارلاندىرا  ءتۇستى. قالىڭ ەگىنشى-مالشىلار قونىستانعان وڭىرلەردەگى قاز-قاتار بوي كوتەرگەن قالامشالار جەلمەن ىرعالا بيگە باسىپ،كوز جاۋىن الار كوركەم كورىنىس قالىپتاستىرسا؛قالانىڭ كوشە-جولدارىنداعى جاسىلداندىرۋ بەلدەۋى مەن قورشاۋلىق گۇل-شوپتەر جانە اعاشتار جاقسى رەتتەلىپ،شەگىرشىن قالامشالارى رەتتى وتىرعىزىلدى.

   سۋرەتىن تارتىپ،حابارلاعان تىلشىلەرىمىز ۋاڭ چۇنلين،ياۋ ميڭ،   ليۋ ۋي،جاڭ گوحۇي،ۇسىنىس ەتىلگەن ءتىلشى ياڭ حۋاگۋاڭ



رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى