ءتىلشىمىز ۋاڭ چۇنلين،ليۋ ۋي حابارلايدى. 5-ايدىڭ 11-كۇنى ايماقتىق شۇعىل جاعدايعا توتەپ بەرۋدى باسقارۋ مەكەمەسىنەن ۇعىسۋعا قاراعاندا،جۋىقتا تۇتاس شينجياڭنان 23 الەۋمەتتىك اۋماق «2019-جىلعى مەملەكەتتىك اپات زيانىن جان-جاقتىلى ازايتۋدان ۇلگى كورسەتەتىن الەۋمەتتىك اۋماق» اتاعىنا يە بولعان،وسىنىڭ ىشىندە ايماعىمىزدان ساۋان اۋدانى سانداۋحىزى قالاشىعىنىڭ شاۋەشەك جولى الەۋمەتتىك اۋماعى مەن تولى اۋدانى تولى قالاشىعىنىڭ ايناباستاۋ الەۋمەتتىك اۋماعى دا بار.
2019-جىلى ايماقتىق شۇعىل جاعدايعا توتەپ بەرۋدى باسقارۋ مەكەمەسى «مەملەكەتتىك اپات زيانىن جان-جاقتىلى ازايتۋدان ۇلگى كورسەتەتىن الەۋمەتتىك اۋماق قۇرۋدى باسقارۋ ۋاقىتتىق ءادىسىنىڭ» قاتىستى تالابى بويىنشا،ايماقتىق جەر سىلكىنىسىن باقىلاۋ مەكەمەسى جانە ايماقتىق اۋا رايى ستانسياسىمەن بىرلىكتە مەملەكەتتىك اپات زيانىن جان-جاقتىلى ازايتۋدان ۇلگى كورسەتەتىن الەۋمەتتىك اۋماق قۇرۋ قىزمەتىن ورىستەتكەن. قۇرۋ بارىسىندا، ساۋان اۋدانى سانداۋحىزى قالاشىعىنىڭ شاۋەشەك جولى الەۋمەتتىك اۋماعى مەن تولى اۋدانى تولى قالاشىعىنىڭ ايناباستاۋ الەۋمەتتىك اۋماعىنىڭ قىزمەتى كورنەكتى بولعان.
ۇعىسۋعا قاراعاندا،شاۋەشەك جولى الەۋمەتتىك اۋماعى كوپ تاراۋمەن بىرلەسىپ قيمىلدايتىن اپات حاۋىپ-قاتەرىن باعالاۋ مەحانيزمىن قۇرىپ،دەر كەزىندە قاتىستى شۇعىل جاعدايعا توتەپ بەرۋ جاتتىعۋىن وتكىزىپ،كۇندەلىكتى اپاتتان ساقتانۋ،اپات زيانىن ازايتۋ ۇگىت-تاربيەسىن كۇشەيتىپ،وزىندىك شۇعىل جاعدايعا توتەپ بەرۋ ماتەريالدارى مەن جابدىقتارىن دايىنداۋدى ءبىر تۇتاس جوسپارلاپ جانە كەمەلدەندىرىپ،قاراستى رايوننىڭ سەنترى بولعان جاراسىمدىلىق باقشاسىن نەگىز ەتكەن شۇعىل جاعدايعا توتەپ بەرۋدە جان ساۋعالايتىن 3 ورىندى بەلگىلەپ،پارتيالى كادرلاردى تىرەك كادر،حالىق ساقشىسى، كاسىپورىن جۇمىسشى-قىزمەتشىلەرى جانە تۇرعىنداردى قوسىمشا كۇش ەتكەن ەرىكتىلەر قوسىنىنان 10 ىن قۇرىپ،قاراستىلىعىنداعى تۇرعىنداردىڭ شۇعىل جاعدايعا توتەپ بەرۋ قابىلەتىن جوعارىلاتۋىنا جەتەكشىلىك ەتىپ، اپاتتان جان-جاقتىلى ساقتانۋ،اپات زيانىن ازايتۋ تاماشا مەحانيزمىن قالىپتاستىرىپ،6 جىلدان بەرى اپات،شىرعالاڭ تۋىلماعان ەكەن.
ايناباستاۋ الەۋمەتتىك اۋماعىندا اۋدان كولەمىندەگى ەڭ اۋىر جاۋىن-شاشىن مولشەرى ەستەلىگى الىنعان،سوندىقتان تاسقىننان ساقتانۋ ايناباستاۋ الەۋمەتتىك اۋماعىنىڭ ەڭ ماڭىزدى قىزمەتى سانالادى. جايشىلىقتاعى جاتتىعۋدا ءسوزبۇيدالىققا سالىنباي،اپات جاعدايى تۋىلعاندا اتويلاپ العا شىعۋعا كەپىلدىك ەتۋ ءۇشىن، ايناباستاۋ الەۋمەتتىك اۋماعى ءبىر ۋاقىتتا 800 دە 1000 ادامدى ورنالاستىرۋعا بولاتىن 1000 شارشى مەترلىك ورنالاستىرۋ ءتۇيىنىن بەلگىلەپ،شۇعىل جاعدايعا توتەپ بەرۋگە قاجەتتى ماتەريال دايىنداپ ءارى قاتىستى قوسىندار قۇرىپ،جاۋاپكەرشىلىكتى ادامعا دەيىن تياناقتاندىرىپ،شۇعىل جاعداي تۋىلعاندا ەڭ اۋەلى ءوزىن قۇتقارا الاتىن ەتىپ،حاۋىپ-قاتەردى ەڭ تومەنگى شەككە ءتۇسىردى. ءار جىلى 3 تە 4 رەت ءورت ءسوندىرۋ،ورتتەن ساقتانۋ جاتتىعۋىن،2 دە 3 رەت شۇعىل قۇتقارۋ جاتتىعۋىن جۇرگىزىپ وتىرعان.
كەلەسى قادامدا ايماقتىق شۇعىل جاعدايعا توتەپ بەرۋدى باسقارۋ مەكەمەسى مەملەكەتتىك اپات زيانىن جان-جاقتىلى ازايتۋدان ۇلگى كورسەتەتىن الەۋمەتتىك اۋماقتىڭ تيپتىك ۇلگىلىك جانە باستاماشىلدىق رولىن تولىق ساۋلەلەندىرىپ،الەۋمەتتىك اۋماق تۇرعىندارىنىڭ اپاتتان ساقتانۋ،اپات زيانىن ازايتۋ تانىمى مەن ءوزىن قۇتقارۋ،ءوزارا قۇتقارۋ قابىلەتىن ۇزدىكسىز جوعارىلاتىپ،اپاتتان ساقتانۋ،اپات زيانىن ازايتۋ،اپاتتان قۇتقارۋدىڭ حالىقتىق قورعانىس شەبىن بەكەمدەي تۇسەدى ەكەن.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى