ءتىلشىمىز ۋاڭ تيڭ حابارلايدى. 5 –ايدىڭ 6-كۇنى «توردا تاربيەلەۋگە قاتىناسۋ ارقىلى ىندەتتەن ساقتانۋ-تىزگىندەۋ كەزىندەگى جىلۋعا اتاعان قورعانۋ بۇيىمدارىنان الىناتىن سالىقتىڭ بۇكىلدەي شەگەرىپ قالۋ ساياساتىنا ۇيلەسەتىندىگىن،سەرىكتەستىك قاتىستى كۋالىكتەر نەگىزىندە جىلدىق سالىق تولەۋگە ءتيىستى كىرىس مولشەرىن ەسەپتەگەندە تۇگەلدەي سالىقتان شەگەرتۋىنە بولاتىندىعىن ءبىلدىم» دەدى تارباعاتاي ايماقتىق شينزى تاسىمال شەكتى جاۋاپكەرلىك سەرىكتەستىگىنىڭ قازىنا ديرەكتورى ما شياۋلي.
ۇعىسۋعا قاراعاندا،شاۋەشەك قالالىق سالىق مەكەمەسى ۇيىمداستىرعان «سالىق تيىمدىلىك ساياساتى توراپ ساباقحاناسى» جەلىدە ساباق باستاعاننان بەرى،سالىق ىستەرى كادرلارى مەن قاراستى اۋماقتاعى سالىق تاپسىرۋشىلاردان 600 دەن استام ادام جەلىدەگى كۋرسقا قاتىناسقان ەكەن.
قازىر «جەلىدە» ۇيرەنۋدەن تىس،«بۇلت ءۇستى» زات ساتىپ الۋ، «توراپتا» ساتۋ سياقتىلار دا بۇقارانىڭ جاڭاشا تۇرمىس تاسىلىنە اينالعان. ەلەكتروندىق ساۋدا دامىپ،جىلجىمالى تولەۋدىڭ جالپىلاسۋىنان،قاشىقتان وقىتۋ بايلىعىنان ورتاق يگىلىكتەنۋگە دەيىن ينتەرنەتتىك ينفورماتسيالاندىرۋ بۇقارانىڭ تۇرمىسىنا بىرتىندەپ جالپىلاسا باستادى.
شاۋەشەك قالاسىنىڭ تۇرعىنى لي سۇيپيڭ «بۇلتتا كوكونىس ساتىپ الۋعا» ابدەن يەك سۇيەپ قالعانداردىڭ ءبىرى. «وتباسىمىزداعىلار تۇگەل بالىق پەن سۋ شايانىن ۇناتىپ جەيدى،الايدا ىندەتتەن ساقتانۋ-تىزگىندەۋ كەزىندە ەرەن بازارعا بارىپ تاڭداپ ساتىپ الۋعا مۇمكىندىك بولماعاندىقتان، ينتەرنەتتە ساتىپ الدىم» دەدى.
ۋاڭ حۋ اۋىلعا قايتىپ شارۋاشىلىق قۇرعان جاس،2015-جىلى ول شاۋەشەك قالاسى بوزداق ەگىس الاڭىنا قايتىپ كەلىپ،شينجياڭ گۋنۇڭلى ورگانيكالى اۋىل شارۋاشىلىعى شەكتى سەرىكتەستىگىن قۇرىپ،ورگانيكالى داقىل ەگىمشىلىك سالاسىندا شارۋاشىلىق باستاپ،2017-جىلى 4-ايدا تاۋباۋ كاسىپورىن ساۋدا دۇكەنىن اشقان.
«ءبىز ينتەرنەت ارقىلى تاس تيرمەن ءبيداي ۇنىن،تاس تيرمەن قارا ءبيداي ۇنىن،شاۋەشەكتىڭ جەرگىلىكتى ءونىمى بولعان سۇرلەنگەن سيىر ەتى سياقتى بەس ءتۇرلى ءونىمدى ساتامىز،قازىر الارماندار بارعان سايىن مولايىپ،ءونىمنىڭ ساتىلىم مولشەرى دە ارتۋدا» دەدى ۋاڭ حۋ.
ءداستۇرلى زات ساتىپ الۋ «جەلىدە» زات ساتىپ الۋعا،ساباقحانادا وقىتۋ «جەلىدە» وقىتۋعا،دۇكەن ساۋداسى توراپ ساۋداسىنا وزگەردى... «بۇلت ءۇستى» تۇرمىسى جاڭاشا قوزعاۋشى ەنەرگيانى اكەلىپ،قالا تۇرعىندارىنىڭ تۇرمىس ءتاسىلى دە سوعان سايكەسە وزگەرۋدە.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى