قىزمەت اترەتى كەدەي وتباسىلارىنا قامقورلىق جاساپ،مەيىر جەتكىزدى

   ءتىلشىمىز جاڭ گوحۇي،ەرىكتى ءتىلشى چيان لي حابارلايدى. «بۇگىن مەن قىزمەت اترەتى مەن الەۋمەتتىك اۋماق قىزمەتكەرلەرىنىڭ حال سۇراۋ بۇيىمدارىن تاپسىرىپ الىپ قاتتى   اسەرلەندىم» دەدى 5-ايدىڭ 7-كۇنى شيحۋ قالاسى نانيۋان ءمالى باسقارماسى حۋاڭحى جولى الەۋمەتتىك اۋماعىنىڭ تۇرعىنى حى يۇيگۇي.

   سول كۇنى شيحۋ قالالىق پارتكوم پارتيا مەكتەبىنىڭ نانيۋان ءمالى  باسقارماسى حۋاڭحى جولى الەۋمەتتىك اۋماعىندا تۇراتىن قىزمەت اترەتى   الەۋمەتتىك اۋماق قىزمەتكەرلەرىمەن بىرلىكتە،كەدەي وتباسىلارىنا قامقورلىق جاساپ،مەيىر جەتكىزۋ قيمىلىن    ورىستەتىپ،قاراستى رايونداعى كەدەي تۇرعىندارعا كۇرىش،ازىقتىق ماي   اپارىپ بەردى. الەۋمەتتىك اۋماق  شيپاحاناسىنداعى ەمدەۋ قىزمەتكەرلەرى كەدەي وتباسىلارىنداعى تۇرعىنداردى اقىسىز تەكسەرىپ،اقاۋسىزدىق    بىلىمدەرىن ۇگىتتەدى. سوڭىندا تاعى كوپشىلىكتى شيحۋ قالاسىنىڭ قالا گۇل تەڭىزى باقشاسىن ەكسكۋرسيالاۋعا  ۇيىمداستىردى.

   51 جاستاعى حى يۇيگۇيدىڭ جەل-قۇز سيپاتىندىق بۋىن قابىنۋ اۋرۋى مەن سىرەسپەلى بەل-ومىرتقا قابىنۋ اۋرۋىنا شالدىققانىنا تالاي  جىلدىڭ ءجۇزى بولعان،جالعىز ۇلى سىرتتا جۇمىس ىستەيتىندىكتەن،ۇيىنە سيرەك قايتاتىن. قىزمەت اترەتىنىڭ مۇشەلەرى مەن الەۋمەتتىك اۋماق قىزمەتكەرلەرىنىڭ كەلۋى قۇلازىعان قارتتىڭ تۇرمىسىن دۋمانعا بولەدى.
  حى يۇيگۇي: «بىرنەشە جىلدان  بەرى الەۋمەتتىك اۋماق ماعان   قامقورلىق كورسەتىپ،قارايلاسىپ كەلۋى مەنى قاتتى تەبىرەنىسكە   بولەدى. مەن ەمدەۋ قىزمەتكەرلەرىنىڭ ايتۋى بويىنشا ءوزىمدى قورعاۋ مەن فيزيكالىق جولمەن ەمدەلۋدى    كۇشەيتىپ،بالالارىم مەن الەۋمەتتىك اۋماققا اۋىرتپالىق تۇسىرمەيمىن،الداعى كۇندەردە ءتىپتى دە تاسقىنداعان  جىگەرمەن كۇن كەشىرەمىن» دەدى.

   الەۋمەتتىك اۋماق تۇرعىنى شۇي جينفىن بيىل 71 جاستا،وسىدان ءبىراز بۇرىن جولداسى قازا بولىپ،قارتتى جاقىنىنان ايرىلعان قايعى-مۇڭ   شۇڭەتىنە باتىرعان ەدى. قاريا    كوپشىلىكپەن بىرگە باقشاعا بارىپ سەيىلدەپ،گۇلدەردى تاماشالاپ،  ارقا-جارقا اڭگىمەلەسكەننەن كەيىن كوپتەن بەرى قاسىرەت تورلاعان  جۇزىنەن كوڭىلدى كۇلكى ەستى. ول: «ۇيدەن شىعىپ سەيىلدەگەننەن كەيىن كوڭىلىم كوتەرىلىپ قالدى» دەدى.

   شيحۋ قالالىق پارتكوم پارتيا مەكتەبىنەن نانيۋان ءمالى باسقارماسى حۋاڭحى جولى الەۋمەتتىك اۋماعىندا تۇراتىن الەۋمەتتىك اۋماقتىڭ ءبىرىنشى شۋجيى،قىزمەت اترەتىنىڭ باستىعى حان جىڭيۇڭ: «الداعى جەردە قىزمەت اترەتى پارتيا مۇشەلەرىن    ۇيىمداستىرىپ،مەيىر-شاپاعاتتىڭ  قۇدىرەتىن ايگىلەپ،قيىنشىلىعى بار تۇرعىنداردىڭ جان الەمىن شۋاقتى نۇرعا بولەيدى» دەدى.



رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى