ءتىلشىمىز يان ۋىنحۋا حابارلايدى. 5-ايدىڭ 10-كۇنى التاي ايماعىنىڭ 9-تانىستىرۋ گرۋپپاسى «ءجۇز ميلليون يۋاندىق ۇلكەن سالەمدەمەنى» الىپ ساۋان اۋدانىنا كەلىپ «التايعا ساياحاتتاۋعا شاقىرۋ» ءتيىمدى ساياساتتارىن جاريالاۋ جانە ۇگىتتەۋ،تانىستىرۋ جينالىسىن وتكىزدى.
«ءجۇز ميلليون يۋاندىق ەرەكشە ۇلكەن سالەمدەمە» — بيىل التاي ايماعىنىڭ «التايعا ساياحاتتاۋعا شاقىرۋدا» العا قويعان 10 ءتۇرلى ءتيىمدى ساياساتى بولىپ،A دارەجەلى كورىنىس رايوندارىنىڭ ەسىك بەلەتىن الماۋ،10 ميلليون يۋاندىق ساياحات تۇتىنۋ بەلەتىن،10 ميلليون يۋاندىق ماي بەلەتىن تارتۋ ەتۋ،10 ميلليون يۋاندىق اۆياتسيا ۇلكەن سالەمدەمەسى سياقتىلاردى قامتيدى ەكەن.
تانىستىرۋ جينالىسىندا التاي ايماعىنىڭ ۇگىت كەسكىنى قويىلىپ،ساياحات ۇگىت قولدانباسى تاراتىلىپ،التايدىڭ مول ساياحات بايلىعى،ساياحات نىسانى جانە 10 ءتۇرلى ءتيىمدى ساياساتى سياقتى مازمۇندار جان- جاقتىلى تانىستىرىلدى.
ساۋان اۋدانىنداعى 3 ساياحات سەرىكتەستىگى التاي ايماعىنىڭ چيانلي حۋالاڭ ساياحات سەرىكتەستىگىمەن ەكى ورىنداعى ساياحاتشىلاردى ءوزارا تانىستىرىپ، بايلىق قاينارىن ءوزارا سەپتەۋدى، ونىمدەردى ءوزارا تانىستىرۋدى جانە بازاردان ءوزارا يگىلىكتەنۋدى جەبەپ،ورتاق قۇراتىن،ورتاق توعىساتىن،ورتاق يگىلىكتەنەتىن ساياحاتتى دامىتۋدىڭ جاڭا جاعدايىن قالىپتاستىرۋ ماقساتىندا كەلىسىم جاساستى.
«ەكى جاقتىڭ قارىم-قاتىناسى مەن اۋىس-كۇيىسىن ونان ارى كۇشەيتىپ، وزىق تاجىريبەلەردى قابىلداپ، ساياحاتتى جەبەپ،ساياحاتشىلاردى ءوزارا تانىستىرىپ،بايلىقتان ورتاق يگىلىكتەنىپ،ەكى جەردىڭ ارالاسۋىن، ىشتەسۋىن،توعىسۋىن بىرلىكتە جەبەپ،ساياحات كاسىبىنەن تەڭ پايداعا كەنەلۋدى جۇزەگە اسىرۋىن ءۇمىت ەتەمىن» دەدى اۋداندىق پارتكومنىڭ تۇراقتى مۇشەسى،ۇگىت ءبولىمىنىڭ باستىعى مىڭ حۇڭ.
ۇعىسۋعا قاراعاندا،التاي ايماعى اۆتونوميالى رايوننىڭ «شينجياڭدىقتار شينجياڭعا ساياحاتتاۋ» ۇندەۋىنە بەلسەنە ءۇن قوسىپ،15 تانىستىرۋ گرۋپپاسىن ءارقايسى ايماق، وبلىستارعا ساياحات ونىمدەرىن، ساياحاتشى باۋراۋ ساياساتتارىن ۇگىتتەۋ،تانىستىرۋعا جىبەرىپ، «كىرشىكسىز قاناس،قارلى مەكەن التايدىڭ» وزگەشە تارتىمدىلىعىن ايگىلەپ،قالىڭ بۇقارانىڭ ساياحاتقا شىعۋ قاجەتىن ۇزدىكسىز قاناعاتتاندىرعان.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى