دىر-دۋمانعا بولەنگەن كەشكى بازار

__ شاۋەشەك قالاسىنىڭ باتىس ءوڭىر ءدامدى تاعامدار كوشەسى سىزگە قول بۇلعايدى



□ 5-ايدىڭ 9-كۇنى كەشتە قاريدارلار تولىپ،دىر-دۋمانعا بولەنگەن باتىس ءوڭىر ءدامدى تاعامدار كوشەسى.



□ قاريدارلار تاماق ارەدىگىندە قۋىرشاق ۇستاۋ ماشيناسىنىڭ قىزىعىنا باتۋدا.



□ ساۋلەلى تولقىن شارى قاريدارلاردى باۋرادى.



□ وت جالىنىندا ءيىسى اڭقىعان ءدامدى-قۇجىرلار قاريدارلاردى تامساندىرادى.

 

   «سام جامىراپ نە ءتۇرلى،سامال جەل وپكەن بەتىڭدى» دەگەندەيىن،ىمىرت ۇيىرىلگەن شاقتا،شاۋەشەك قالاسى نۇرلانعان جولىنداعى باتىس ءوڭىر ءدامدى تاعامدار كوشەسىن شاتتىق ءۇنى كەرنەپ،الۋان تاعامنىڭ حوش ءيىسى اينالانى كەزەدى.

   «بۇل ارا كۇن باتقاننان جارىم تۇنگە دەيىن دىر-دۋمانعا بولەنىپ جاتادى،ءار كۇنى 3 مىڭ يۋان اينالاسىندا تازا كىرىس كىرگىزەم» دەدى شياۋ ما     كاۋاپحاناسىنىڭ جاۋاپتىسى ما تيانجۇن.

   ۇعىسۋعا قاراعاندا،باتىس ءوڭىر ءدامدى تاعامدار كوشەسىندەگى كەشكى بازاردا جالپى 80 گە تارتا ساۋدا دۇكەنى بار،500 ۇستەل سياتىن،ءاربىر  ۇستەلگە ەڭ كوپ بولعاندا 4 ادام وتىراتىن بولىپ،ءار كۇنگى تيجارات   جۇرگىزەتىن ۋاقىتى كەشكى ساعات 19 دان تاڭعى ساعات 1 گە دەيىن ەكەن. ءيىسى اڭقىعان كاۋاپ،اشتى-تۇشتى تەڭىز شايانى،ءدامى ءتىل ۇيىرەتىن سالقىن سىرا... وسى ءبىر ءدامدى-قۇجىرلار مەن سۋسىندىقتاردان تىس،ءدامدى تاعامدار كوشەسىندەگى قۋىرشاق ۇستاۋ ماشيناسى،ساۋلەلى تولقىن شارى، بالالاردىڭ ءار ءتۇرلى ويىنشىقتارى دا قاريدارلاردى وزىنە توتەنشە باۋرايدى.

   باتىس ءوڭىر ءدامدى تاعامدار كوشەسىندە ءار كۇنى شارلاۋ اترەتى ۋاق-ۋاق شارلاۋ جۇرگىزىپ تۇرسا،كەشكى بازاردى اشاردان بۇرىن جانە جاپقاننان كەيىن ساۋداگەرلەر جايما ورنى مەن ۇستەل-ورىندىقتاردان تارتىپ تۇگەل   زارارسىزداندىرادى ەكەن.

   تاياۋ جىلداردان بەرى،شاۋەشەك قالاسىنىڭ ەكونوميكالىق قۇرىلىسىنىڭ  ۇزدىكسىز جان-جاقتىلى دامۋىنا ىلەسە،قالا كوز جاۋىن الار كەشكى      كورىنىسىمەن سالتاناتىن اسىرىپ،ومىرشەڭدىك كۇشى تاسقىنداي تۇسكەن. بۇل كۇندە كەشكى تۇتىنۋ،كەشكى سەيىل-سەرۋەن،كەشكى مادەنيەت قالا    تۇرعىندارىنىڭ تۇرمىسىندا كەم بولسا بولمايتىن تۇيىنگە اينالعان.

سۋرەتىن تارتىپ،حابارلاعان تىلشىلەرىمىز ۋاڭ تيڭ،جاڭ پەيچي


رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى