ەەڭ جاڭا مازمۇندار
باس شۋجي شي جينپيڭنىڭ ماڭىزدى سوزدەرىنىڭ رۋحىن ىشكەرىلەي ۇيرەنىپ،دايەكتىلەندىرىپ،شىنايى يگەرىپ،ناقتى ىستەپ،پارتيا قۇرىلعاندىعىنىڭ 100 جىلدىعىن ۇزدىك ناتيجەمەن قۇتتىقتايىق
شينجياڭ تارباعاتاي ءتۇيىندى دامىتۋ،ەسىك اشۋ سىناق رايونى قۇرىلىسى قىزمەتىن بار كۇشپەن ىلگەرىلەتىپ،ءتىپتى دە زور بەكىم،ءتىپتى دە كۇشتى تەبىن،ءتىپتى دە ناقتى شارالارمەن تاماشا باستاما اشۋعا شىنايى كەپىلدىك ەتۋ كەرەك
بيىل رايونىمىزدىڭ قاتىناس-تاسىمال تۇراقتى مۇلكىنە قوسىلاتىن قارجى 60 ميلليارد يۋانعا تايايدى
ۇگىت-لەكسيانى نەگىزگى ساتىعا جەتكىزدى
نازاردى كاسىپ سالالاندىرۋعا شوعىرلاندىرىپ،وسىزامانداندىرۋدى جەبەپ،جوعارى ساپالى دامۋدى ىلگەرىلەتتى
ءماجىلىس رۋحىن جاقسى ۇگىتتەپ،كورىكتى شينجياڭ قۇرايىق
2021-جىلى 1-ايدىڭ 15-كۇنى 12-سان
شاعانتوعاي اۋدانىنىڭ اۋىل شارۋاشىلىق قوسىمشا ونىمدەرى بۇكىل ەلگە تانىلدى
اۋىل شارۋاشىلىق ماشينالارىن ساتىپ الىپ،كوكتەمگى ەگىس جۇمىسىنا دايىندالدى
ىندەتتەن ساقتانۋ ۇگىتىن قىستاقتاعى وتباسىلارىنا جەتكىزدى
قىستاق بەت-بەينەسى وزگەرىپ، قىستاق تۇرعىندارىنىڭ قۋانىشى قوينىنا سيمادى
تاماشا تۇرمىس ەڭبەكتەن كەلەدى
ادەبيەت-كوركەمونەر ويىن نومىرلەرىن قويدى
قاتىناس حاۋىپسىزدىگى ۇگىتى مەكتەپكە جەتكىزىلدى
پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ىشكەرىلەي ۇيرەنىپ، باتىل دايەكتىلەندىرىپ، جاپپاي سوتسياليستىك وسىزاماندانعان مەملەكەت قۇرۋدا جاقسى باستاما اشۋعا شىنايى كەپىلدىك ەتۋ كەرەك
ءوندىرىس حاۋىپسىزدىگى قىزمەتتەرىن بار كۇشپەن ناقتى، ويداعىداي يگەرىپ، ءار ۇلت بۇقاراسىنىڭ ءومىرى مەن مال-مۇلكىنىڭ حاۋىپسىزدىگىن شىنايى قورعاۋ كەرەك
ۇزدىكسىز كۇرەس جۇرگىزىپ، ەرلىكپەن العا ىلگەرىلەيمىز
نىسان جەتەكشىلىگى الدىڭعىلاردى باسىپ وزۋعا كۇش ۇستەدى
قىسقى ارەدىكتە جەمىس اعاشىن بۇتاۋدى ۇيرەندى
ستەرەولدى جوعارى ءونىمدى اۋىل شارۋاشىلىق بازاسى قاربالاستىققا ءتۇستى
جاڭا ونەر ۇيرەنىپ، اۋقاتتانۋ ارناسىن كەڭەيتتى
شەبەرلىككە باۋلۋ كۋرسى ونەرلەرىن ءوسىردى
2021-جىلى 1-ايدىڭ 14-كۇنى 11-سان
ازاماتتىق زاڭناما ۇگىتى بۇقارانىڭ زاڭدىق كوز اياسىن ءتىپتى دە كەڭەيتتى
12 نومىرگە جەتپەسە،«زاڭ-تۇزىمدەردى ۇيرەنىپ، تارتىلاتىن ءنومىردى ازايتۋعا» بولاتىن بولدى
ازاماتتىق زاڭنامانى ۇگىتتەپ،جاڭاشا تۇرمىستى ءتىپتى دە نارلەندىردى
قار-مۇز سالتاناتى قىسقى ساياحاتتى جانداندىرا ءتۇستى
جابايى ۇيرەك پەن اققۋ قىزىلتوعاي قىستاعىن مەكەندەدى
رەفورمانىڭ قىزمەت كەلەلى جاعدايىنا اناعۇرلىم جاقسى قىزمەت ەتۋىن ىلگەرىلەتىپ،«14-بەسجىلدىقتىڭ» باستاماسىن جاقسى باستاۋعا،قادامىن جاقسى باسۋعا شىنايى كەپىلدىك ەتۋ كەرەك
ىلە وبلىستىق 14-كەزەكتى حالىق قۇرىلتايىنىڭ 5-ءماجىلىسى جابىلدى

كوركەم تارباعاتاي سىزدەردى قارسى الادى

جولدانعان ۋاقىتى : 2020/5/21 13:42:33

كوركەم تارباعاتاي سىزدەردى قارسى الادى
□ شاعانتوعاي اۋدانىنداعى بارلىق تاۋىنىڭ كوركەم كورىنىسى.

جۋ چاڭحۋا تارتقان
 
   5-ايداعى تارباعاتاي الۋان تۇسپەن بويالىپ تۋسىپ تۇرادى؛5-ايدا جادىراعان شۋاقتى تارباعاتايعا كەلگەن ادام باۋىر باسىپ،قيماس سەزىمگە بولەنەدى... ساياحاتقا قامدانىڭىز دا تارباعاتايعا ات باسىن  بۇرىپ،شەكارانى قورعاۋ سۇيىسپەنشىلىگىن سەزىنىپ،بالشىق جانارتاۋدىڭ جۇمباق سىرىنا ءۇڭىلىپ،ۇلى تابيعاتتىڭ كوركەمدىگىنەن كوز ايىم   بولىڭىز... تارباعاتايدىڭ كوركەم كەلبەتىنەن بىرلىكتە ەستەتيكالىق    ءلاززات الايىق!
                                 __ رەداكتوردان
شاۋەشەك
ەمەن باقشاسىنا،داعۇر ۇلتىنىڭ سالت-سانا باقشاسىنا بارىپ،
شەكارانى قورعاۋ سۇيىسپەنشىلىگىن سەزىنىڭىز

 
   ەمەن باقشاسى شاۋەشەك    قالاسىنان 19 كيلومەتر قاشىقتىقتا، قاراقاباق اۋىلىنىڭ چيڭگاڭ قىستاعىنا ورنالاسقان،باقشانىڭ جالپى جەر  اۋماعى 400 مۋ،باقشاداعى سىبە  ۇلتىنىڭ كونە تۇرعىندارى وتىرعىزعان 88 ءتۇپ،200 جاستان اسقان،  ءزاۋلىم دە وقتاي ءتۇزۋ ەمەن اعاشى اسپانمەن بوي تالاسىپ تۇرادى.

   تاريحي ماتەريالداردا جازىلۋىنشا،چيانلۇڭ جىلناماسىنىڭ 29-جىلى (1764) ەسكىشە كالەندىر بويىنشا 4-ايدىڭ 18-كۇنى چيڭ پاتشالىعى ۇكىمەتى شىڭجيڭ (قازىرگى شىنياڭ) سياقتى جەرلەردەن سىبە ۇلتىنىڭ ساردارلارى مەن ساربازدارىنان 1018 ادامدى،ولاردىڭ وتباسىنداعىلارمەن قوسقاندا 3275 ادامدى،باتىستاعى شينجياڭنىڭ ىلە وڭىرىنە كوشىرىپ  اكەلىپ،تىڭ يگەرىپ،شەكارانى  قورعاۋعا ورنالاستىرادى.

   شاۋەشەك قالاسىندا سىبە ۇلتىنان 500 وتباسى،2000 نان استام جان سانى بار،ولار ىلەدەگى تىڭ     يگەرىپ،شەكارانى قورعاۋشى سىبە قوسىنىنىڭ ساردار،ساربازدارىنىڭ ۇرپاقتارى. 200 جىلدان استام   ۋاقىتتان بەرى سىبە حالقى شەكارانى قورعاۋ،شەكارانى گۇلدەندىرۋ جولىندا وشپەس ۇلەس قوسىپ،وزگەشە   ەرەكشەلىككە يە باتىسقا قونىس اۋدارۋ مادەنيەتى مەن تىڭ يگەرىپ،شەكارانى قورعاۋ مادەنيەتىن قالىپتاستىرعان.

   شينجياڭداعى داعۇر ۇلتى 1763-جىلى شىعىس سولتۇستىكتەن باتىستاعى شينجياڭعا كوشىپ كەلىپ،تىڭ    يگەرىپ،شەكارانى قورعاعان داعۇر ۇلتىنىڭ ۇرپاقتارى. شاۋەشەك قالاسى اشىلى اۋىلىنداعى داعۇر ۇلتىنىڭ سالت-سانا باقشاسى 1988-جىلى سالىنعان،يەلەگەن جەر اۋماعى 3 مۋ،بۇرىنعى اتى «شارۋالار باقشاسى». باقشا ىشىنە داعۇرلاردىڭ شەكارانى قورعاۋ ەسكەرتكىشى ورناتىلعاندىقتان،كەيىن تۇتاس اۋىلداعى حالىق   قۇرىلتايى ۋاكىلدەرىنىڭ پىكىرى  بويىنشا،باقشانىڭ اتى «ەسكەرتكىش باقشاسى» دەپ وزگەرتىلگەن.    ساياحات كاسىبىن دامىتىپ،«ايگىلى ساياحات مەكەنىن» قۇرۋدى كوزدە ۇستاعان اشىلى داعۇر ۇلتتىق اۋىلى وسى باقشانى نەگىز ەتىپ،مامانداردى ۇسىنىس ەتىپ،قايتادان جوبا-جوسپار جاساپ،باقشا اتىن «داعۇر ۇلتىنىڭ سالت-سانا باقشاسى» دەپ     تۇراقتاندىرعان.
 
ءدوربىلجىن

جابايى جەمىس ورمانىنا بارىپ تىنىعىڭىز

 
   جابايى جەمىس ورمانى ورقاشار تاۋىنىڭ سولتۇستىك باۋرايىنىڭ باتىس جاعىنا ورنالاسقان،تەڭىز دەڭگەيىنەن بيىكتىگى 900 دە 1500 مەتر.   اۋدان قالاشىعىنىڭ شىعىس وڭتۇستىك جاعىندا 30 كيلومەتر قاشىقتىققا   ورنالاسقان،قۇجىرتى موڭعۇل ۇلتتىق اۋىلىنىڭ شىعىسىندا 13 كيلومەتر  قاشىقتىقتا،كورىنىس رايونىنىڭ جەر اۋماعى 50 شارشى كيلومەتر،اسفالت جول كورىنىس رايونىنا دەيىن    تۇتاستىرىلعان. 2012-جىلى 11-ايدا مەملەكەت جاعىنان 2A دارەجەلى كورىنىس رايونى بولىپ باعالانعان. دەمالۋ،تىنىعۋ،ساياحات،سەيىل-سەرۋەندى ءبىر تۇلعالاندىرعان   ۋنيۆەرسال ساياحات كورىنىس رايونى.

   جابايى جەمىس ورمانىنىڭ اۋەلگى تابيعي كورىنىسى ساقتالعان،وزگەشە، كورىنىسى كوركەم. ءار جىلى 4- ايدىڭ سوڭى مەن 5-ايدىڭ باسىندا ءيت تۇمسىعى وتپەس قالىڭ جابايى الما اعاشى،توپ-توپ،ىعى-جىعى، قاتار-قاتار گۇل اشىپ،70 مىڭ مۋدان استام جەردەگى جابايى الما گۇلى بۇل جەردى جايقالعان گۇل تەڭىزىنە،قۇلپىرعان گۇل الەمىنە   اينالدىرادى. ماساتىداي تۇرلەنگەن گۇل-بايشەشەك،بالاۋسا بالعىن   قۇراق،جاسىل پۇلىسپەن كومكەرىلگەن تاۋ اڭعارى كوكتەم تىنىسىنا تولى رومانتيكالى كارتينا قالىپتاستىرىپ، ساياحاتشىلاردى وزىنە ەرەكشە   باۋرايدى.
شيحۋ

بالشىق جانارتاۋدىڭ جۇمباق سىرىن بىلۋگە اسىعىڭىز

 
   كادىمگى قىپ-قىزىل بالقىما   ەمەس،تەك لاي بالقىماسى اتىلاتىن جانارتاۋدى كورگەن بە ەدىڭىز؟ بۇنداي تاۋ ءدال شيحۋدا بار.

   بالشىق جانارتاۋ اتى ايتىپ تۇرعانداي بالشىق اتقاقتاپ جاتاتىن جانارتاۋ،دۇنيەدە سيرەك كەزدەسەتىن تابيعي گەولوگيالىق كورىنىس. ەلىمىزدەگى بالشىق جانارتاۋ شوعىرى شيحۋ قالاسىنىڭ بايياڭگوۋ قالاشىعىنا قاراستى وڭىرگە ورنالاسقان.

   بالشىق جانارتاۋدا دا «جان    بولادى»،كەيبىر جانارتاۋ اۋىزدارى الدەقاشان اتىلۋدان توقتاپ،    بەتكەيدە ءبىر-ءبىر شۇڭقىر     قالىپتاستىرعان. وسى ءبىر سونگەن بالشىق جانارتاۋ اۋىزدارىنان كەزىندە اتىلىپ شىققان لاي بالقىماسىنان پايدا بولعان قىرتىستى قاتپارلاردى كورە الاسىز.

   بالشىق جانارتاۋدىڭ اتىلۋىنان پايدا بولعان وزگەشە كورىنىس بۇل اراعا كەلگەندەرگە ەرەكشە تەرەڭ  اسەر قالدىرىپ،ۇلى تابيعات ءوزى تۇلعالاعان عاجايىپ كورىنىسكە تامسانا تاڭداي قاعادى.
ساۋان

شيحۋ-ساۋان انجىحاي ۇلكەن اڭعارىنا بارىپ،
كوركەم كورىنىستى تاماشالاڭىز

 
   شيحۋ-ساۋان انجىحاي ۇلكەن اڭعارى تيانشاننىڭ سولتۇستىك   باۋرايىنداعى تارباعاتاي ايماعى ساۋان اۋدانىنىڭ انجىحاي قالاشىعىنىڭ   باتىسىنداعى شيحۋ-ساۋان انجىحاي ۇلكەن اڭعارىنا ورنالاسقان،تيانشان تاۋ سىلەمى اڭعارلارىنان باستاۋ   الادى،وزگەشە جاعراپيالىق ورتاسى كەڭ اۋماقتى تۇنبا قايىر بەينەسىندەگى كورىنىس اڭعارىن قالىپتاستىرعان.

   قىزىل تاۋ،ال قارا كوك جالاما قۇزدار،كوكپەڭبەك شىڭ،جاسىل  ارال،كوگىلجىم سۋ جۇڭگوشا    ەرەكشەلىگى ەرەكشە قويۋ الىپ اڭعار قالىپتاستىرعان.

   اڭعار ءىشىنىڭ كورىنىسى الۋان ءتۇستى،قىزىلدى-جاسىل،تابيعي  سۋرەت گالەرەياسىنا كىرگەندەي،ۆان گوگتىڭ سۋرەتىن تاماشالاعانداي  ءلاززاتقا بولەپ،ماستاندىرادى.

   شيحۋ-ساۋان انجىحاي ۇلكەن اڭعارى قىزىل رەڭمەن بويالعان  كەنەپكە ۇقسايتىندىقتان،قىزىل تاۋ ۇلكەن اڭعارى دەپ تە اتالادى.

   بيىك كەڭىستىكتەن كوز سالساڭىز،الىپ جەردى قاق ورتادان ءبولىپ اعىپ جاتقان وزەن اعىسى الۋان  ءتۇستى تاۋ جىنىستارىن سۇزگىلەي كەمىرىپ،كوز جاۋىن الار ابستراكت سۋرەت قالىپتاستىرعان. 

   اڭعارداعى يرەلەڭدەپ اققان وزەن اعىسى سىڭعىرلاي سىرعىپ،اڭعاردىڭ ءتىل جەتكىسىز كوركەمدىگىن تاعى ءبىر قىرىنان ايگىلەپ جاتادى.

شاعانتوعاي

بارلىق تاۋىنا بارىپ،اسەم گۇلدەردى تاماشالاڭىز
 
   بارلىق تاۋى شاعانتوعاي اۋدانى شەكاراسىنىڭ ىشىنە ورنالاسقان،الاتاۋ ساعاسىنىڭ سولتۇستىك بۇيىرىندەگى ءوز الدىنا دارا تاۋ سىلەمى. ءار جىلعى 4-ايدىڭ سوڭىنان 11 – ايدىڭ باسىنا دەيىن بارلىق تاۋىنىڭ ەڭ كوركەم مەزگىلى،اۋەل باستاعى بىرىنەن سوڭ ءبىرى جىمىڭداپ   جامىراي تۋعان جۇلدىزدارداي الۋان گۇلدەر گۇل اشا باستاعاننان تارتىپ، تۇتاس تاۋ قويناۋىن ماساتىداي  قۇلپىرعان تاۋ گۇلى جاۋىپ كەتكەنگە دەيىن،ماۋسىم سايىن تۇرلەنە قۇبىلىپ،الۋان ءتۇرلى كورىنىس قالىپتاسترادى.

   كورىنىس رايونىنداعى كوك  جاساڭ بەينە جايىلىپ جاتقان جاسىل كىلەمدەي،گۇلدىڭ حوش ءيىسى  اينالا توڭىرەكتى كەرنەيدى،جوتاعا كوتەرىلىپ،قيىر-شالعايعا كوز   سالساڭىز،قيالىڭىزعا قانات ءبىتىپ،كوڭىلىڭىز قياندى شارلايدى. شۇيگىن ءشوپ،تۇنىق سۋ ءتورت تۇلىكتىڭ جان قۇمارى،تىرلىك قۇنارى.   شۇعىنىق اڭعارىنداعى بوي تالاسا جايناعان شۇعىنىق گۇلى كوكجيەكپەن تۇتاسىپ كەتكەن،ەشكىشەكتەي    اشىلعان تاۋ گۇلدەرى ساحارانىڭ  اجارىن اشا تۇسكەن،ۇشى-قيىرسىز سايىن ساحارا،تۇنىق اۋا ۇلى   تابيعاتتىڭ اسىل تارتۋى.



رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى
powered by IlgharCMS 3.2 www.ilghar.cn