ۇسىنىس ەتىلگەن ءتىلشى حى چىڭچياڭ،ەرىكتى ءتىلشى گى شينلەي حابارلايدى. 5 -ايدىڭ 15-كۇنى تۇستەن كەيىن ساعات 6 مولشەرى، تولتىرا شوجە تيەگەن جۇك اۆتوموبيلى قوبىقسارى موڭعۇل اۆتونوميالى اۋدانى شاحتى اۋىلى ساۋىر الەۋمەتتىك اۋماعىنا اقىرىن كەلىپ توقتادى. اۋلانى شارباق-شارباققا سالىنعان شوجەلەردىڭ شيق-شيق ەتكەن داۋىسى كەرنەدى. ءدال وسى كەزدە الەۋمەتتىك اۋماقتاعى تۇرعىندار دا شوجەلەردىڭ كەلۋىن اسىعا كۇتىپ تۇرعان ەدى.
بۇل قوبىقسارى اۋداندىق ساياسي-زاڭ كوميتەتىنىڭ ساۋىر الەۋمەتتىك اۋماعىندا تۇراتىن قىزمەت اترەتىنىڭ الەۋمەتتىك اۋماقتىڭ شارۋاشىلىعىن دامىتۋ ءۇشىن تۇرعىندارعا تاراتقان «اۋقاتتانۋ شوجەلەرى» ەدى.
ۇعىسۋعا قاراعاندا،بۇل رەتكى تاراتقان شوجەلەرگە تاۋىق ۆاكسيناسى تۇتاس قويىلعان. شوجەلەردىڭ قاتارعا قوسىلۋ سالىستىرماسىن جوعارىلاتۋ ءۇشىن،قىزمەت اترەتى شوجە تاراتىپ بەرۋمەن بىرگە،كاسىپتىك تەحنيكتەردى شاقىرىپ،ناق مايداندا تۇرعىندارعا تاۋىق باعۋدا كوڭىل بولەتىن ىستەر،جەمدى سۇرىپتاۋ ءادىسى،جەم بەرۋ ءتاسىلى جانە ىندەتتەن ساقتانۋ سياقتى ماسەلەلەر جونىندە ەگجەي-تەگجەيلى تۇسىنىكتەر جاسادى.
باعىمشىلىق الاڭىنىڭ كاسىپتىك تەحنيگى تۇرعىندارعا قاداعالاي: «شوجەلەردى ۇيلەرىڭىزگە اپارعاننان كەيىن،ەڭ الدىمەن سۋ بەرىڭىزدەر، باعۋ بارىسىندا،ىستىق ءوتىپ كەتۋدەن،بولماسا سۋىق تيۋدەن ساقتانىڭىزدار،جاڭبىرلى كۇندەرى شوجەلەردى جاڭبىر وتپەيتىن جىلى جەرگە قاماڭىزدار» دەپ تاپسىرىپ جاتتى.
جىل باسىنان بەرى ساۋىر الەۋمەتتىك اۋماعىنداعى تۇرعىنداردىڭ اۋقاتتانۋ ارناسىن كەڭەيتۋ ءۇشىن، قىزمەت اترەتى بەلسەندىلىكپەن جوسپارلاپ،دالمە-ءدال كۇش سالىپ،ءار ۇلت تۇرعىندارىنىڭ ەگىمشىلىك،باعىمشىلىق قۇرىلىمىن رەتتەۋىنە جەتەكشىلىك ەتىپ،ولاردى ەكولوگيالىق ەگىمشىلىك پەن باعىمشىلىقتى دامىتۋعا ىنتالاندىردى.
«قىزمەت اترەتى ءاردايىم ءبىزدىڭ قيىنشىلىعىمىزدى شەشۋگە كومەكتەسىپ تۇرادى،مىنە بىزگە شوجە تاراتىپ وتىر. بۇدان كەيىن ءوز كۇشىمە سۇيەنىپ اۋقاتتانامىن،پارتيانىڭ ابزال ساياساتىنا،قىزمەت اترەتىندەگىلەرگە راقىمەت» دەدى كوڭىلدى سەزىممەن 30 شوجە العان الەۋمەتتىك اۋماق تۇرعىنى داۋ. ادۋىش.
«اۋقاتتانۋدىڭ جولدارى كوپ،ءبىز تۇرعىنداردىڭ ءىس جۇزىندىك جاعدايىنا قاراي اۋقاتتانۋ ارناسىن كەڭەيتىپ،اۋقاتتانۋ جولىنا تۇسۋىنە كومەكتەسۋگە ءتيىسپىز. قازىر بازاردا جەرلىك تاۋىق پەن جەرلىك تاۋىق جۇمىرتقاسىنا قاجەتسىنۋ ءبىرشاما جوعارى،اۋلادا جەرلىك تاۋىق باقسا، بىرەۋىن 100 يۋاننان ساتۋعا بولادى،شوجەلەرى جەتىلگەننەن كەيىن ءبىز ساتۋىنا كومەكتەسەمىز» دەدى ساۋىر الەۋمەتتىك اۋماعىنىڭ ءبىرىنشى شۋجيى،قىزمەت اترەتىنىڭ باستىعى ەرشىن.
ۇعىسۋعا قاراعاندا،وسى رەت 28 وتباسىنا 454 شوجە،تاۋىق باعىمشىلىعىندا ۇدايى ىستەتەتىن 45 قۇمىرا ءدارى–دارمەك،32 داعار جەم تاراتىلعان. ءاربىر وتباسىنىڭ كىرىسى شوجە باعۋدان 1500 يۋان ارتادى دەپ مەجەلەنىپ وتىر ەكەن.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى